咖哩葉

营业中

休息中

第一次食印度菜, 原來比預期中好好味, 亦有好多菜色選擇. 而且這間餐廳裝修優雅有格調, 絕對值得一試. ($55)🤤 ~ 賣相精緻, 共8粒炸薯仔球, 再配羅望子醬, 味道很夾 ($115) 🤤~ 因為怕辣所以叫白咖哩, 香而不辣既正宗印度咖哩, 雞肉很嫩易咬口 ($25)🤤 ~ 印度菜梗係要叫印度薄餅, 點了蒜蓉味, 再點埋咖哩汁食好好味 ($105) 🤤 ~ 上碟時仍熱辣辣, 好香口而且食落唔熱氣整體所有菜都好味而且有特色, 值得回頭再試😎 ❤店舖 : 💙地址 : 佐敦茂林街16-18號茂林商業大厦地下

我自已都有一排冇吃過印度餐啦，而我朋友話好似都未試過正式過吃印度嘢，咁就趁新年來試吓不同的味道。來到位於佐敦呢間『Curry Leaf』緣於另一朋友介紹，成間舖有濃厚的印度色彩，全一色道地的印度人，呢度有印度Video，印度音樂，一時間以為自己真的去咗印度吖。印度嘢除咗咖喱之外，仲有印度烤餅，烤魚，烤羊也出名，於是乎我哋嗌咗印式泥爐烤魚塊，印度薄餅，羊肉餡餅，椰青同埋印式甜品玫瑰奶球。烤魚好香口，唔會油淋淋，D配菜同烤魚好夾，吃到不停口；薄餅口感似平時吃開的薄脆，羊肉餡餅唔會有膻味，好吃。椰青係至愛，清新天然，甜品就普通啲，純粹係個人意見，可能唔太啱香港人口味

餐廳環境不俗，比一般印度餐廳更雅緻整潔，裝潢設計甚有特色，氣氛佳。點菜後免費送上一籃餐前小食胡椒薄脆烤餅，份量頗多，配以青咖喱汁和醃製欖菜，開一開口胃。羊肉咖喱角好有特色，炸成大大件三角酥，外層十分酥脆，但不會過於油膩，內裡餡料非常飽滿，含免治羊肉、青豆、堅果等，口感豐富又惹味。白咖喱雞相當出色，以古法白肉汁腰果煮雞，咖喱汁質感香滑，味道濃郁帶甜，岩哂不吃辣又想吃咖喱的朋友。雞肉大件嫩滑，沾滿咖喱汁非常惹味。牛油薄餅好有水準，發酵成千層軟烤餅，熱騰騰又超大塊，烤餅牛油味香濃，口感軟綿，不沾咖喱汁已夠好吃，沾沾咖喱汁更是極度美味！高度推介印式芒果酸奶，大大杯，稠度恰到好處，芒果味香甜濃厚，酸乳酪亦混合得出色，絕對是上佳飲品。

雖然餐廳起唔起眼嘅橫街內，但係招牌夠曬醒目，離遠都見到。充滿印度特色嘅裝修，餐廳仲播住印度嘅mv。啱啱點完菜，店員就送上胡椒薄餅，食落香脆又有陣陣胡椒香味，旁邊仲有薄荷醬同埋酸梅味嘅醬。Veg Samosa 素食咖喱角咖哩角內有薯仔、青豆同埋堅果打成嘅餡料 ，食落香脆又有淡淡嘅咖哩味。Mango Lassi一款印度傳統飲品， 飲落乳酪同芒果嘅比例啱啱好，芒果味十足又夠香滑。Lamb Seekh Kebab 燒烤羊肉卷係即叫即烤嘅羊肉卷，一上枱已經聞到好香嘅印度香料味。 雖然係烤熟，但羊肉捲仍然充滿肉汁，食落鮮嫩又唔會乾。Cheese Naan 芝士薄餅 食咖哩當然要配上印度薄餅，薄餅入面加入咗大量嘅芝士碎，食落好重芝士味Chicken Masala 瑪莎拉咖喱雞咖哩入面有好多雞肉，非常抵食。雞肉吸收咗咖哩嘅精華，食落外脆內軟，又夠鮮嫩。

好耐冇食咖哩，就同朋友去左佐敦一間食印度菜既店到食咖哩，呢間店既老闆係印度人，啲野食係非常正宗！未食野之前，會有一碟免費既小食，呢個薄脆係鹹鹹地既，仲有兩個醬既，有小小辣既，唔錯！我好鐘意食羊肉，羊肉都有好多選擇，我地點左南印度咖哩羊肉，呢道菜係用左椰奶去烹煮羊肉，醬汁好濃郁，有好香既椰子味，羊肉煮得好腍，肉質嫩滑，好味道！食咖哩當然要叫埋印度薄餅啦，我地叫左份乾果烤餅，烤餅熱辣辣，配埋咖哩同埋羊肉簡直一流啊！仲有清甜既椰青啊！

上次試過同舖嘅墨西哥菜，今次再黎試佢另一印度菜，估唔到都好好食，依家係OR訂枱仲有8折，再抵食啲。今次二人叫三樣，加一八折後每人大約$90。胡椒脆餅落完單就免費送上，附有薄荷醬同酸梅，正常。咖哩角 $38一客有三個，表皮係鬆脆唔硬口，而餡料滿滿，咖哩味道濃。奶滑烤雞 $128咖哩偏向甜味，比一般咖哩更香更滑口，而雞肉嫩滑，份量都唔少，配上烤餅食真係好好味。蒜蓉牛油烤餅 $28有四塊，兩塊蒜蓉烤餅，香味十足，底脆脆地，中間同面煙煙韌韌。而另兩塊似原味同薄身少少，所以相對會成塊都鬆脆。

今日返工諗夜晚食咩嘅時候，突然好想食正宗印度菜。我之前只係屋企煮過咖喱食，未試過出街食過印度菜，所以都好期待。去到餐廳，餐廳裝修都好modern, 職員全部都係印度人，好有禮貌。餐牌都有好多選擇，前菜、小食、素咖喱、羊/雞/牛咖喱、薄餅都有好多款👍🏻我地叫左咖喱角 - 熱辣辣，多料，好有誠意👍🏻椰奶咖喱牛肉 - 唔太辣好啱香港人食，多肉😋牛油薄餅 - 一份有4塊，好厚，好香，又熱又軟，配埋咖喱好好食😋羊肉薄餅 - 一份有4塊，同牛油薄餅唔同食法，可以一試😉（2個人食嘅話，建議叫一份薄餅就夠啦😊）最後，叫左一杯職員推介嘅Lime soda, not bad👍🏻

今日大食妹同朋友仔到咗位於佐敦嘅咖哩葉食正宗印度咖哩<Paani Poori>Paani Poori係香炸薯仔球, 喺脆卜卜嘅空心波裏面塞咗啲咖哩薯仔同雜菜蓉, 食落甜甜地 如果大家唔怕辣嘅話, 可以加埋佢嘅羅望子醬入去, 食落酸辣酸辣都幾開胃<Tandoori Chicken>咋一聲嘅鐵板雞, 食落超有feel<Prawn Masala>酸酸地嘅Masala, 裏面有好多隻蝦, 咖哩非常濃郁<Garlic Nann (Left) and Aloo Paratha (Right)>呢度嘅Garlic Naan好好食, 熱辣辣上枱之餘, 仲軟Q軟Q, 最重要係蒜香味十足Aloo Paratha係薯仔餡餅, 係一個麥餅裏面夾住啲薯仔同埋雜菜蓉, 食落都幾唔錯但有少少油

環境優美——印度人開的正宗印度菜👩‍❤️‍👨💕今晚我飛咗去印度了🇮🇳！😄 Curry Leaf 正宗印度廚師的咖喱🍵☕️🍹😜😋全鋪的員工，包括老闆都是印度人，昵度做既全部食物都是正宗印度菜，今晚就做一日正宗印度人，食正宗的印度人做的印度菜😂😂😂😂😂😂NaNa—-是我吃印度菜最喜歡配搭的食物，NaNa其實是一種印度的薄餅🧇，用來點咖喱就最正🍚——看似一碗普通白飯，但食落和平日的米不相同，呢個是印度米，全部飯不會像我們平日吃的鮎在一起，而是一粒粒都分開的，用咖喱🍛汁配埋一齊食，有口感之餘又覺得好㻎😋咖喱羊——咖喱味道帶一些辣，🐐羊肉不會過硬，肉質吃落不錯⋯⋯咖哩🐔雞——比平日吃的黃咖喱不同，這個味道帶點印度風味，雞🐔肉也做得嫩滑奶茶——是印度的著名印度茶☕️，不防一試.......咖啡☕️——👌呢個度既環境全是印度擺設，環境相當美麗確有一種置身在印度吃的印度菜😋😋

今日約左好友食飯佢帶左我來食咖喱葉，一入門口已經感受到印度菜的香味，侍應全是外國人點菜必須講英文，好彩菜單上都有中文字。我朋友點了杯芒果奶昔， 我試左一口太甜唔岩我，所以我自己叫左可樂。之後我地點了以下幾款美食羊肉咖喱角 - 原來印度的咖喱角唔係炸到乾哂身和脆口，而係粉粉地感覺冇咁熱氣，入面包滿滿羊肉碎。雞肉炒飯 - 好香濃的辣味雞肉炒飯，感覺辣左dd。番茄醬炒羊肉 - 用烤餅來點汁食一流， 羊肉夠淋入哂味。烤餅- 用來點番茄醬炒羊肉吸哂d汁和精華，幾好食。

2020年1月19日今日約咗朋友食晚飯，朋友話試過間好好食嘅印度菜要介紹我。起初我好擔心，會好得人驚。但嚟到之後發現，完全唔會！因為佢全部都係印度人。所以淨係用英文溝通。但佢地超級體貼！我哋最後叫咗個牛油雞。一個牛油薄餅。跟住叫咗兩杯野飲。一嚟到佢就送咗個胡椒煎餅比我地食。對我來講有啲辣！但食落又幾香口！！Mango lassi解辣一流！！青檸蘇打。lime soda好味😋牛油雞超好食Curry leaf murgh makhani was super yummy Must try! ！真係必食。佢係超出我想像既好食！朋友讚個陣我只覺得佢誇張。但原來真係超正！！！Naan。講到印度薄餅。又係冇得輸。印度薄餅又係必食。因為我同朋友都係勁晏先食野。所以叫得唔多野食！下次黎要試下蒜蓉薄餅先得！！個個都讚佢。

朋友介紹正宗印度咖喱，今日路經佐敦決定試一試。星期日既六點，一開門已經有兩枱外國客人，相當受外國人歡迎。木牆、沙發、 咕𠱸，加上員工態度友善、積極，坐得舒適之餘亦令整體感覺格外親切，無論兩個人定一班人都有氣氛又溫馨。點完餐之後員工就上左個胡椒餅做前菜開開胃，加上印度既辣汁特別野味！青檸梳打唔算特別，但係杯Mango Lassi味道濃郁、解辣一流不得不提既係佢既牛油雞同牛油薄餅！牛油雞除咗普通嘅咖喱同牛油之外嗰日加咗蕃茄味，整體感覺creamy、唔太辣、容易入口，加上鬆軟既牛油薄餅，配搭一絶！搞到就算食都飽飽地都仲想叫多碟下次一定要試下其他咖喱同薄餅嘅配搭！

🍃Curry Leaf 🍃放假之前，邀請同事一起過來咖喱葉，吃一餐正宗印度咖哩，放鬆一下心情。之前來過幾次了，每次都帶給我不同的驚喜！.Lamb Luknow kebab$128羊🐑肉Kabab，肉質鮮嫩多汁，而且在特質的香料調味下，肉質格外的鮮香。羊肉的製作特別考究廚師👨‍🍳的手藝，這也是考量一家餐廳水平的一個標準。咖喱葉在親自測評下，通過測試，滿分💯好評！.Lamb rogan josh$148羊肉紅咖喱🍛慢火燒燉之後的肉質鮮美細嫩，不塞牙🦷。肉汁的鮮美與咖喱的調味融合得天衣無縫，將鮮美的湯汁澆在薄餅上，然後捲起來一口咬下去，感覺滿滿的幸福～.Butter naan$28現烤出來的薄餅，鬆軟綿密細緻！這是我吃印度餐一定要點的食物之一。而且吃過這麼多印度菜，每一間的Naan都各有特色，好像每一個帥哥都是不一樣的帥🥰🥰😋需要你靜下心來，用心去體會。.Kuchumber Salad 🥗 $58沙律新鮮，很少吃到如此純樸的製作方式下的沙律了。番茄🍅黃瓜🥒沙律菜用上等橄欖油攪拌下，灑上簡單的辣椒粉以及其他調料，保留了蔬菜🥬最原始的狀態和營養。在希臘時候也是這樣吃，特別懷念以前～.Kulfi

話說小妹好鐘意食印度薄餅食印度薄餅當然配印度咖喱🤤今次就去試一間正宗印度菜🇮🇳.印度小脆球 $48外脆內軟🤤倒入秘制醬汁雖然顏色睇落以為係辣汁🔥原來係清新嘅酸甜味❄味道與口感配合特別又好味😋香滑牛油雞 $128唔辣嘅咖哩 啱哂怕辣嘅朋友們❤味道同口感唔會好油雞肉嫩滑之餘 醬汁入哂味😋配埋薄餅 / 白飯超正🤤芒果奶昔 $38芒果 同 奶味 完美平均味道香濃又滑 唔會起雪超好飲😋烤羊肉串 $128香噴噴嘅羊肉味🤤咬口煙韌 肉汁豐富最重要唔會油😋乾酪麵包 $39香滑嘅乾酪 配上 脆脆麵包香滑脆口 停唔到口🤤

今日去左尖沙咀食飯，一個人想食啲特別啲既晚餐。天氣涼涼地想食啲香口辣野，上網搵到食印度菜餐廳。餐廳主打印度咖哩，印度咖哩和泰式咖哩的確好唔同啊。見到好多人推介依間餐廳，因為印度咖哩夠哂正宗，我想試下。餐廳6:30人客都有幾個，環境好有印式味道。店員送上小食。薄薄脆片香口咸香，沾上醬汁都幾開胃。我叫左mango lassi，正宗印度式飲品，其實是印度酸奶。香濃芒果香，入口奶感重。我叫左主菜是蕃茄羊肉，羊肉好軟腍，咖哩香口帶微辣！