和順記 (路德圍) (已結業)

成日行過見到和順記個門口貼住勁多大大隻炸雞脾既相好吸引！ 今日就決定黎試試！揀左雞脾之後可以揀埋配飯或者麵，仲可以揀埋醬汁！我就揀左神級炸雞脾飯配芝士汁，同埋雞脾要孜然辣味！一黎到既時候真係嚇左一跳，隻雞髀真係超級大隻，有塊面咁大！而且即叫即炸，唔會炸到乾哂，都幾juicy!原來避風塘食品都係佢地招牌菜！所以朋友就叫左避風塘雞朳，估唔到份量都好足，炸蒜勁惹味，撈飯食一流！除左主食仲有司華加腸、魚蛋、薯條等等小食！飲品有紅豆冰呀！呢度一定滿足到食肉獸！