和牛燒肉一郎 (百誠大廈)

营业中

休息中

朋友請吃飯，居然是訂到一桌難求的和牛燒肉一郎。放題有不同價位的選擇，朋友點的是D Course（$598/位），沙律、飲品及甜點則另外加錢（$68），絕對建議要加，因為飲品盒沙律都很高質！我們幾個人都愛吃肉，先來的舟・盛合方便我們知道想吃什麼其他的肉，我比較喜歡澳洲和牛和日本產雞肉，不過其他的美國和牛、日本產豚肉、海鮮及野菜也不錯啦！知道這裡吃小田牛，我們單點了一個鹿兒島小田A4和牛特選盛合7 種類（$498），果然與眾不同，還有金箔點綴呢！叫D course是因為想吃生牛肉壽司，味道不錯！其他小吃、熟食也有水準，真的是抱著肚子離開的。

知道佐敦新開一間日式燒肉專門店，仲主打有得食日本鹿兒島既小田A4和牛，我當然要黎食😎。黎到見到環境裝潢闊落，而且窗外環境開揚，空間感好大👍🏻，另外仲有一個特色之處係每一枱側邊都有一條食物專用通道，就好似就一條新幹線甘，食物會直接送到客人既枱側邊，好特別😝。。食物方面，叫左 舟。盛合同 階梯。盛合，另外仲叫咗三款和牛壽司同一個冷麵。。舟。盛合，真係一條船咁樣😆，上面放滿咗好多唔同嘅肉類同蔬菜，除左有豬牛雞之外，仲有海鮮同蔬菜，打卡一流，口感方面不錯👍🏻，不過食落冇乜牛味。。而階梯。盛合外貌冇得頂，一級級既階梯，每級都有一款肉，而且肉既味道、口感一級比一級好，就好似天國的階梯🤩，食到最後既三筋，亦即係最終既一款肉，口感無與倫比，簡直入口即溶😋。。另外仲叫咗三款牛壽司，其中兩款係生牛肉，分別係牛大腹肉同生牛肉，食落既口感好似食吞拿魚咁，另外有少少筋，食落更加有口感，好特別🙈。布另外仲有一款炙燒壽喜燒，一大片生壽喜燒牛肉鋪起飯上面，再有店員用火槍起我面前將牛肉燒熟，即燒即食👍🏻。。最後即冷麵湯低味道幾好，不過麵即質感口感吾夠好。

呢間裝修好時尚，有別於傳統燒肉店，好新派整潔嘅感覺。有放題都有單點，今次我地試左單點。.鹿兒島黑毛牛特選盛盒 $498共有7種部位嘅小田牛，一見到雪花分佈已經知真材實料，每一塊都極之軟腍，燒至外邊香脆，油脂同肉汁喺口腔爆發，好似飲左一啖超濃郁嘅牛肉湯咁🤤.生牛肉壽司 $78 生牛大腹肉壽司 $118和牛都算間唔中食下，生牛肉壽司真係第一次食，建議點牛大腹肉壽司，口感好似大拖羅🤩但同時又食到牛肉香味，軟腍無筋，油香爆發，不得了壽喜燒壽司 $98兩大塊牛肉，店員用火槍即燒，再點壽喜燒汁加雞蛋，一啖過食到哂壽喜燒嘅精華😍半生熟嘅牛肉有生牛嘅鮮味又有熟牛嘅牛味，又係一個難忘嘅味道😭.舟盛盒 $248架船大到比佢嚇親，有多種食物，牛都好好食，即使唔係小田牛都好優質。帶子海蝦都好新鮮，幾抵食.真的有被驚豔到！呢度係我見過最靚嘅飲品沙律甜品吧，整齊到係強迫症天堂😍有多款自家制飲品，充滿天然果汁。連沙律都好精緻，仲有蛋糕、雪條❤️❤️❤️

呢間餐廳主打6款任食和牛放題套餐，價錢由$348到$1098🤩每日新鮮空運牛肉、豚肉、雞肉同海鮮。設有自助區無限量供應沙律🥗丶飲品🥤同甜點🍰💗泡菜盛合($58)包括有大盛辣白菜泡菜、青瓜泡菜、白蘿蔔泡菜，味道辛辣偏酸🇰🇷💗涼拌小食盛合($58)包括有大盛涼拌荳芽、涼拌菠菜、涼拌紅蘿蔔，味道清淡帶麻油香🥢💗舟·盛合($248)🐂4款美國和牛或澳洲和牛（牛肋條、牛外橫膈膜、牛里脊肉、牛肋肉）🐖2款日本產豚肉（豚里脊肉、豚肋肉）🐓日本產雞腿肉🌭蕯摩豚香腸🦐2款海鮮：海老、帆立貝🥬6款野菜：南瓜、茄子、意大利青瓜、杏鮑菇、冬菇、粟米芯💗鹿兒島黑毛和牛特選盛合：7種類($498）全港獨家供應「小田A4和牛」🇯🇵特別採用混合12種唔同材料嘅飼料餵飼，油花呈大理石狀，肉質柔軟鮮嫩，油脂豐腴細膩，包括有牛肋間肉、肩胛肉、牛霖、西冷、肉眼、牛肋肉、三筋🐃💗生牛肉壽司($78/ 2貫）生牛肉片筋位多較難嚼，勝在無血腥味🍣💗牛大腹肉壽司($118/ 2貫）牛大腹肉結實有嚼勁，越嚼牛味越出🐮💗博多豚骨拉麵($68)麵條幼身滑溜，但豚骨湯未算濃厚。配料方面有叉燒、糖心蛋、子薑漬、木耳絲、蔥🍜💗壽喜燒牛肉丼($7

見到有和牛燒肉放題就即刻book位，一行四人，兩大兩細，我哋揀咗D餐，$598一位，可以食和牛刺身壽司，但唔包嘢飲同甜品，如果要飲嘢，就要每位另外加$68，我地最後冇加，開頭送左隻拼盤船，咩都有d，但船上面嘅嘢其實全部都可以嗌，有quota當然留返黎食牛啦，但送左隻船俾你焗住你要食😅另外送咗一個寶箱，裏面係小田牛嘅西冷，不過我覺得冇咩牛味🤫我地食左3轉薄炙里脊肉，覺得最好味，每一次會跟一隻溫泉蛋比你，小田牛肋肉覺得好重油脂，我麻麻地，牛肋間肉肉質比較實，都唔係我杯茶，肩胛肉都係一般般，反而牛舌我覺得好味，因為夠晒薄，兩款牛肉壽司我哋都有試，不過我個人都唔係好接受個口感🤪整體黎講，唔係我預期中嘅味道，而且價錢都唔平，試一次就夠

食物質量不錯，服務也很好，但價錢太貴。選了一個B餐，未加一要$448。不包飲品，要另外加$68才能享用飲品，甜品和雪糕。奉勸大家，如果你不是食肉獸，就不如拿錢去試其他食店。相信用相同價錢，你會吃到更好！

朋友話帶我去佐敦食好嘢，莫非係去澳牛！？原來係同樣位於白加士街，近日人氣急升嘅日式燒肉店-和牛燒肉一郎。 升降機一打開，見到嘅就係一塊九呎長落地大玻璃，客人可以清晣睇到廚師準備食材嘅情況，仿如置身放hells kitchen嘅比赛現場。店舖裝修時尚、科幻感十足。喺門口收銀處就擺放咗一張張鹿兒島黑牛、鹿兒島小田牛嘅証書，證明貨真價實。先點一個"舟盛"，包括有美國牛肋肉&肩胛肉、澳洲牛肋條、豚肉、五花腩、雞肉、虎蝦、帶子、菇類、粟米&南瓜片，真係多到數都數唔哂😵而呢隻船先至係索價$248，呢個價錢你去超市都可能只買到一半份量食材。 雖然舟盛嘅定價唔貴，但用料絕對唔馬虎，樣樣都可以獨當一面，新鮮厚切，並無偷工減料。再點一個是日寶箱$218，意思係當日最新鮮到步嘅食材，今日嘅就係小田牛肩胛肉。 根據店員介紹，小田牛生產基地位於鹿兒島薩摩島南部，每日有專業獸醫為牛隻進行檢查，確保牛隻健康成長。店員先協助將油脂，以滾動式塗滿喺燒烤網上，目的係避免出現"黐底"情況，然後就可以依次序由白肉至紅肉燒烤。"小田牛肩胛肉"先要欣賞佢嘅油花然後再慢慢放入口😌Feel吓咩野叫入口即溶、嫩滑無比，完全係一份錢一份

以前有壽司新幹線，依家連燒肉都要坐🚅新幹線，黎到呢間新嘅和牛放題燒肉店。主打小田A4和牛，黎自日本鹿兒島縣薩摩半島南部。聽講小田和牛特別採用混合12種材料嘅飼料餵飼，所以和牛油花會呈大理石狀，肉味都較濃郁。放題分6個價錢，要食到🐄小田A4和牛需要揀D~F餐，小妹就試咗D餐。先黎一大盤舟・盛合，呢隻船係所以set都有嘅，一次過為客人奉上美國跟澳洲和牛、豚肉、雞肉、海鮮同野菜。另外配一個大桶盛（有小田牛牛肋肉、小田牛里脊肉、牛舌同牛外橫隔膜肉），同埋重頭戲🥩小田牛西冷（呢款無得任食）！以寶箱噴住煙咁上台氣勢十足，西冷大大片，油花紋理清淅可見，有牛肉味，肉質都算嫩滑。基本上叫得D餐以上嘅都係食小田和牛，所以小妹覺得隻船都係打卡為主，唔特別介紹。以下精選幾款小妹覺得必食嘅：🐂小田牛牛肋肉~ 個人覺得牛肋肉最有和牛入口溶嘅嫩滑感，比寶箱西冷好食。如果鍾意有口感嘅朋友，可以選擇牛肋間肉。🐃小田牛薄炙里脊肉~ 輕輕火炙表面，好經好香；再蘸蛋汁令肉質更加滑。🐄大判壽喜燒牛里脊肉~ 小妹仲對上環食個件壽喜燒牛肉念念不忘，呢度嘅質素雖然冇咁正，不過都唔差。大大片里脊肉配甜甜壽喜燒汁，味道唔錯，仲可以任食🤣

終於放肆一下，來個期待已久的燒肉放題！任食放題有六個餐可供選擇，平日從$348到$1048不等，豐儉由人。難得來慶祝，就選個最貴的餐！F餐包含了105款食物，不過要是想單點也可以的！沙律、飲品及甜點加上$68（週末 $78）就可以隨意添加。特別欣賞他們的飲料、沙律等等都是獨立包裝，衛生真的最重要！F Course $1048我們先點了一個泡菜盛合及涼拌小食盛合，作為前菜甚是不錯。鹿兒島小田A4和牛特選盛合7 種類只有F餐可以點，單點要$498，這個絕對包含了質素最高的鹿兒島A4和牛，從階梯最底下開始吃，油脂分佈平均，越吃上去越入口即溶。舟・盛合所有餐都可以點，美國和牛、澳洲和牛、日本產豚肉、日本產雞肉、海鮮及野菜，質素不錯。生牛肉壽司及牛大腹肉壽司味道都很不錯，不過最有驚喜的是炙燒壽喜燒壽司，店員會給我們即場用火槍燒，再蘸上蛋漿，真好吃。光吃肉總覺得欠了些什麼。辛辣牛肋肉拉麵味道不錯，喜歡有點辣湯。壽喜燒牛肉丼味道濃郁，配上溫泉蛋真好吃。

早前見到雜誌介紹，就諗住老公生日同佢過黎試下。點知已經預約到四月中，今日終於食到。其實黎之前都見到呢度有D食評話麻麻地，但係見老公係和牛痴，又一早訂左，就試下啦。全店有六款價錢的放題，因為限時120分鐘，建議先在家決定左邊個餐，跟著就唔駛浪費時間。咁一場黎到又慶祝生日冇理由食個最平既，就試左個最貴的F餐，可以食到全部的和牛。雖然有幾款只係可以叫一次，但係由於任食的種類都真係多，所以每一款叫一次都唔會覺得唔夠。最方便就係特選七種類可以一次過試晒精選嗰啲。至於牛味方面，個人覺得唔錯，相對冇咁肥。因為本人以前食完和牛會即刻肚痛，今次竟然係完全冇問題。另外值得一讚的是和牛壽司，出面好多餐廳或放題都冇和牛壽司，身為壽司控的我黎到呢度真係食得好暢快，雖然出得慢左少少，但係諗吓又真係人手即刻做嘅，勉強都可以接受。至於飲品同甜品吧都係足料既，甜品雪條全部都係日本牌子，不過嚟得呢度都只係會留返丁丁咁多quota比甜品。由於新店剛開業不久，店員可能未太熟手，但都算幾有禮。

最近佐敦百誠大廈，新開左日式燒肉店，我同朋友都好鍾意食日本和牛，所以一於試吓佢，呢度有提供小田和牛，真心吸引。放題有A-F嘅選擇，每一款都各有特色，加$68仲可以享用自助沙律吧、甜品吧同飲品，選擇種類多，真係好吸引！舟·盛合 木船上面擺滿左唔同嘅肉類，例如有油花細緻嘅牛助肉、肉質細嫩既牛里脊肉、豐腴肉嫩既牛肋條肉等，當然仲唔少得有入口鬆化既豬肉、肉質嫩滑既雞肉、鮮甜既帶子同埋新鮮又大隻嘅蝦，真係好豐富！鹿兒島黑毛牛特選盛盒呢個盛合總共有七款唔同部位既小田牛，包括牛霖、牛肋肉、里脊肉、三角腹肉、西冷、牛肋間肉和三筋，每款小田牛肉質柔軟，肉味濃，入口即化。牛大腹肉壽司、牛中腹肉壽司兩款壽司入口即溶完全無腥味，食到牛肉本身既質感和味道，意想不到嘅好味！炙燒壽喜燒壽司生牛肉灸燒後會逼出油香，再點上蛋汁，口感更嫰滑，味道香甜惹味，回味無窮。香蔥海苔溫泉蛋拌飯鋪滿大量香蔥，溫泉蛋拌入飯中，好味。店員會主動過黎幫手燒肉，真係好細心，環境乾淨企理，座位闊落舒適，食物質素幾好，性價比都幾高，一定會再encore！

本身book左位，但去到竟然話無book位，仲要一副質疑既嘴臉，話check電話號碼岩唔岩，之後入到去又狂sale你食貴餐，唔簡貴既就唔走咁，環境抽煙又差，呢個價錢真係唔需要選擇呢一間

佐敦又多了一間日式燒肉店! 店內裝修以白色瓦磚為主，令人有一種潔淨的感覺。佔地7000多呎的空間裏有一條電子路軌，負責運送由廚房即叫即切的高級和牛片，十分有趣，感覺也很高端。店舖選用鹿兒島小田A4和牛，是全港首間餐廳引入，和牛是用12種不同的材料混合餵飼生長，從而帶出口感軟滑的口感，和最吸睛的大理石油花。此外我還特別推介他們的炙燒壽喜燒壽司，炙燒後的雪花牛肉味更加濃郁，配上關西風的收起燒汁，風味更加極致。性價比高之選可選擇舟・盛合，內含美國和澳洲和牛，以及豬雞和海鮮等餸菜，能夠輕鬆滿足兩口子。店舖還提供各款特調飲品和甜品供客人選擇，整體來說服務十分全面，相信「和牛快車」必定會掀起一番熱潮。另我要注意店舖暫時只提供晚市服務，不要摸門釘啊！

不斷由說你食最貴個set 但係就算食到最貴 和牛都只可以叫一次 成600蚊食啲垃圾 要野飲要另加錢 水都冇杯 啲野飲冇曬就唔refill 淨係收現金 感覺都未ready做生意就開鋪

第二次再挑戰，食物質素同環境都繼續保持住高水準，但價錢同我第一次食有顯著差別。所以依家既性價比對我嚟講最多都只係合理，因為整體質素係仍然對得住個收費，但由於我比較鐘意光顧性價比高嘅食肆，所以都未必會再返食。（由於今次我食嘅套餐同上次一樣，所以今次無影相，有需要可以睇睇我上一個評價。🙈）PS: 寫食評其實我只係興之所至，想大家搵食嘅時候可以多一個留言參考，大家唔認同可以ignore 左我個評價☺️，始終口味既野，人人都唔一樣。