和拉麵

营业中

休息中

大埔墟原來好多美食，當中近馬會有一間拉麵店好似幾吸引，就入去試吓。店員安排我哋坐門口嘅四人枱位置，枱面有餐牌之外，更有拉麵紙可以比客人自己選擇自己喜好再落單。拉麵方面有三款選擇，我就揀咗味增拉麵，餐紙上更可以選擇麵條嘅軟硬度、湯底嘅濃度同埋追加嘅食物，一目了然、清晰可見，圈出之後比店員落單，非常方便。味增拉麵嘅味道遠處都已經聞到，試一啖湯底，味道非常濃郁，而且質感香滑，仲有我最鍾意嘅竹筍係入面，食落去好入味。除此之外，豚肉半肥瘦，肉質鮮嫩，非常滿足呀。小食方面，我就揀選左套餐中嘅章魚小丸子，另外再叫小食唐揚雞塊。章魚小丸子外皮香脆，薄薄的外皮配以入面一粒粒嘅章魚粒，食落去香脆之餘，更加非常滋味。係進食過程，客人不斷光臨，最後全場滿座了。食咗咁多野都只係＄200左右，每人平均消費＄100已經可以食到拉麵，非常超值，而且食物質素高，必定會再次光臨。

今日女朋友發脾氣，話成日同佢食茶記，好悶咁，叫我去搵下有咩好食，其實有時真喺是但見到一間就試架啦嘛，今次我就搵左一間喺食拉麵同一間食冰室，咁佢揀左拉麵，又話冰室可以留返下次先試去到入去佢見到環境裝修都幾開心，因為睇落都好正宗，咁我哋兩個就拿拿聲叫野食啦，叫左兩個拉麵同小食拉麵黎到真心我都開心嘅，見到日籍廚師整野食好用心，見到佢度醬汁都做到好仔細，加埋燒豬肉片香到成間舖都聞到跟住我女朋友見到都好開心終於有好嘢食，佢大讚小食至拉麵每一份餐廳都整得好味真係好好味，我就喺叫咗原味豚骨濃湯，揀咗香滑，個湯底真係冇得輸，唔油唔肥膩，我好奇問咗師傅原來喺冇味精，所以我就成碗湯底都飲晒，飲完一啲都唔口乾，好有驚喜好後悔冇叫濃湯，因為佢個湯底真係好好飲，如果喺濃湯一定好濃味好正，就連我女朋友平時唔飲湯飲咗大半碗都話正麵底我就鍾意食軟，同日本拉麵店一樣，可以隨自己鍾意揀麵底軟硬，要蔥走蒜等等，自由度極高厚燒芝士玉子，玉子唔會燒得好老，面頭撒咗木魚絲，好香口，而且咬落去仲係好嫩滑，少少蛋醬夾主芝士，好Juicy好暖中華海蜇，夠凍，加上好香芝麻同油香，海蜇好爽口，好食煎餃子，餃子好多餡，外皮唔會好厚，煎得好香

聽大埔區老友介紹 先知原來呢區開左間超地道日本拉麵 仲要真係零味精 完全真材實料真吾真呃 所以今日放工就去試下係大埔墟站出 行左7分鐘左右先到原來間舖係我平時只會行過既街入面 吾怪得之我住大埔都吾知啦就係呢條街入面行去最入 門面係十分地道既日本拉麵裝修最鍾意就係呢d有特色既小店 未食已經覺得朋友冇介紹錯平日既夜晚 都十分滿座 睇黎都好受街坊歡迎ar~師傅專心製作拉麵 真係超有日本既拉麵店feel ar店內貼滿小朋友畫作 一問之下 原來係周圍d街坊熟客送比呢間舖頭的超有人情味既餐廳呃餐牌Order紙 中英對照 超窩心我叫左䐁骨原味拉麵個湯真係超清兼真材實料！！！！！吾係講笑 係香港食拉麵 十居其9都係味精湯呢間小店既湯係好香但一d味精都冇!後來我對老細大讚 老細話係自己朝朝開檔前落足料去熬好欣賞老細開店既決心同對拉麵既熱誠香港地有幾多間呢d良心小店?!希望大家都支持下呢間有質素 兼有人情味既良心小舖

身住新界西嘅朦仔，對於大埔認識，基本為零🙈，今日突然數天有工作在大埔進行，當然唔可以放過這個機會好好地品嚐一下大埔的美食😍（自私食先最好味）😍😍一早已經上網搵定資料收集，😼今日係大埔美食第一炮—和拉麵，據聞係一個日本師傅開嘅拉麵店，朦仔對於拉麵有種情意結（唔知係咪睇得狐忍多🤦🏼‍♂️）每到一個新的地區都想試一下當區的拉麵！完成工作之後渣車前往和拉麵，到了附近見到接連幾個相當大的錶位停車場，等唔夠五分鐘就有位，十分幸運同方便，停低車行過去小巷都係數分鐘，一到達門口，見到好有日式麵店的感覺，一個簡單的名字和拉麵，相當優雅，入到內裏坐低，環境好舒服，好溫馨，店員安排送上一杯檸檬水之後並送上餐牌。主食分別有三款唔同湯底的拉麵（原味 辛辣 同味噌），數十款的小食，見到有個平時好少吃的味噌（$80），第一下感覺就像吃，一於試試佢，小食就點左：中華海蜇（$38）同金菇肥牛卷（$48）至於野飲方面檸檬水配拉麵湯底係最適合的搭配（個人感覺）！廚房就係後面，有兩個師傅現叫現煮，所以相當期待！特意試一試佢個配料—辣芽菜，自家製作，口味同出面好唔同，少少辣辣地，好爽口開胃！等左十分鐘左右，拉麵就上到，好好聞的味

食日本嘢，緊係食拉麵咖啦！🍜🍜今日落腳嘅地方就係和拉麵啦！講下間鋪嘅店面先啦門面呢就有一啲日本風格嘅燈籠🏮，我個人就幾鍾意嘅入到去呢就有幾張枱，廚房亦都係開放式即係客人係可以睇到師傅點煮麵嘅，幾有氣氛啦！咁個環境講下先，店面乾淨枱面上面仲有個辣芽菜幾好食！可以當開下胃咁🤤🤤🤤職員仲同我地講啲辣芽菜係新鮮每日整嘅，都幾有心思❤️而我哋今日就叫咗辛辣拉麵、口厚燒芝士玉子、金菇牛肉卷同埋中華海蜇。辛辣拉麵麵質同我平時食開嘅唔同，比起平時食嘅易入口好多！😋😋😋湯底亦都唔會好重口味，食落去舒舒服服，唔錯唔錯！特別提下就係佢嘅叉燒呢個價位嚟講，絕對係令我驚豔😍！食叉燒就好驚佢乾身難咬，而佢呢個呢就肥得嚟又唔會太肥，唔會膩❤️❤️！厚燒芝士玉子🥚好有蛋味，賣相都唔錯，芝士嘅份量都絕對唔會孤寒👍🏽👍🏽金菇牛肉卷比我想像中好食🤤🤤本身以為牛肉卷會冇乜牛味，但係呢個牛肉卷牛味十足，又唔會太油！食得開心之餘，仲絕對冇罪惡感呀😍😍！最後就係中華海蜇，食落又係舒舒服服嘅！醬唔會太多亦都唔會太少，比例啱啱好👍🏽👍🏽👍🏽總括嚟講呢間野啲嘢食落易入口又舒服，絕對唔會食到好辛苦，食得出係冇味精嘅。另外拉麵嘅湯底亦都值得一讚！

小弟最近去左一試呢間都頗多好評既和拉麵，我去個個鐘數就大概六點九個字度，間野入面就得我一臺客，一坐低就叫左個最basic既拉麵同埋餃子，特濃要加八蚊，小弟冇加，因為驚個味太重，到我食完之後發覺錯哂。碗野上到黎，當然要試下個湯啦，飲落就即刻已經覺得有點伏。首先好肯定一樣野，個湯底唔係味精野黎既，呢個值得讚賞既，但係佢個湯底質地又稀，個味又唔係好夠同埋唔夠香，飲落覺得有點難受，但係又唔係話難飲既。至於個麵，普普通通咁啦，OK既。隻溏心蛋就介乎普通同難食之間囉，唔知係咪有點太熟，好似有d硬膠質地，不過溏心蛋呢家野好難可以難食既又。個荀就幾好，食落個味都幾爽口同埋香。個叉燒都好有心機，特登燒左一燒，個人好欣賞呢個做法，會香好多，奈何師傅個刀功實在太好，塊叉燒有點太薄，同埋唔知係咪燒得唔係好夠，燒完都係有d凍……不過都OK既，都可以算係好食既……誠意搭救丫嘛。講埋個餃子，28蚊得四隻……食過好多間，好少有鋪頭咁孤寒……不過，個味道唔錯既，個餡料肉菜比例相當日式，唔似我地中式既餃子餡咁樣多肉少菜，別有一番風味。咁總括而言，對我黎講呢間野其實介乎唔合格同伏之間，但係比佢好食既拉麵店係香港大有鋪在，加

食評：今日約左fd去大埔，lunch唔知食咩好，見到有間拉麵鋪派傳單話有lunch set，所以就試下。間野係巷仔入面，門口有個大燈籠寫住豚骨，一入去就聽到播緊懷舊日本歌，好有feel，好似去左八十年代既日本食野咁。我叫左個日本博多豚骨拉麵，單點$75但lunch加多$5就可以轉set，會多個小食同埋汽水。小食可以揀小丸子或者餃子，我地揀左餃子，而汽水除左可以揀咩可樂七喜嗰啲之外，重可以揀罐裝定玻璃樽裝。大家都知玻璃樽裝好飲好多，所以見差唔多全場都係揀玻璃樽裝。另外重叫左個什錦天婦羅、和風雞軟骨同埋酥炸多春魚。係講野食之前，首先要讚下佢杯水，呢間餐廳係斟凍既檸檬水，係炎炎夏日一坐低就飲到凍檸檬水，真係好清涼！之後就逐一點評下啲野食。1.拉麵拉麵可以揀香滑或者特濃(+$8)，蔥、蒜、麵既硬度都可以自己揀，重可以追加配料，加麵底都係加$10，大食既可以加埋。今次我揀左香滑湯，但我覺得濃度ok，好香豬骨味，同埋我鍾意佢隻拉麵係幼麵，煮得啱啱好，一啖麵一啖湯咁食，食到乾乾淨淨。而配料方面隻溏心蛋同埋豬肉都好高質，溏心蛋蛋味好食，又唔會太熟，豬肉唔算好厚，因為佢有先烤過，所以好香口。唔知呢隻算唔

我不嬲都鍾意食日本嘢 聽講大埔都有一間日本嘢食拉麵嘅 非常之好食 所以我哋就入去試下 門口大大隻字寫住 和拉麵 亦都有燈籠仔 十足有日本風味 入到去裝修簡潔 開放式廚房 令到你有味覺享受之餘 亦都有視覺嘅享受我叫咗一個日本博多豚骨拉麵套餐 呢個餐有一碗豚骨拉麵 亦都有煎餃子或者章魚小丸子 仲有嘢飲添主角就當然就係豚骨喇 豚骨豬肉味濃郁 而且有好味溫泉蛋 有脆口嘅紫菜 而湯底係用豬骨經過長時間炮製而成 絕無味精 拉麵口感亦都非常之爽口彈牙 十分之正 我叫咗日式煎餃子 入面嘅豬肉餡口感十足餃子皮亦都非常之煙韌彈牙 唔錯唔錯總括而言 呢個套餐只係80蚊物超所值呀

呢間和拉麵位置比較偏僻，雖然我都經過過幾次，但一直冇試，就趁今日晏就得閒試食下啦！拉麵有三種，我唔太食得辣，就揀左豬骨湯，再加左$20叉燒。因為係晏就所以唔多人。所以叫左大約十分鐘就有得食啦！拉麵本身有2片叉燒，加$20有3片，厚度適中，燒得非常香，而且肥瘦均勻，食落唔肥膩，最外面個層皮仲有d Q彈咁，同平時食開嘅叉燒唔同，好正👍🏻 強烈建議大家加錢食多3塊丫～～！雖然個拉麵睇落平凡，但除咗叉燒之外個湯底都好好味好濃郁，食落真係幾有驚喜，比想像中仲更加好食呀！個流心蛋都好正！仲有好多小食揀！下次黎要試下！

成日覺得係日本是但行入一間拉麵舖都會好好食，估唔到喺大埔誤打誤撞發現一間價錢平民又好食嘅拉麵小店，拍得上日本拉麵舖。店內裝修唔算太過精緻，但勝在坐得舒服，環境都算舒適。呢度嘅午市套餐非常抵食，唔使加一之餘仲包埋嘢飲同埋小食。我叫咗個香滑豚骨原味拉麵，配日式煎餃子。枱面上亦有芝麻同埋辣芽菜俾大家調味，非常細心。值得一讚嘅係店內上菜速度非常之快，落完單唔使點等就有得食。湯底有濃厚嘅豬骨味道，鍾意食再濃啲嘅可以選擇佢嘅特濃湯底，而香滑湯底對我來講就啱啱好，唔會食完覺得好口渴。入面配有兩舊叉燒，肉質幾嫩滑，最緊要係肥厚適中，唔會好韌或好膩，好想食多幾舊博多拉麵通常都係用細麵，我選擇嘅硬度係普通，呢碗麵保持到細麵稍為有啲硬嘅口感。我對呢碗麵嘅叉燒，湯底同埋細麵都非常滿意。跟餐嘅餃子外皮煎得相當香脆。最後仲附上檸檬蜜糖作為飯後嘅小甜點

味噌拉麵湯底好香好濃，直頭可以當湯飲，飲完仲要唔口渴👍🏻拉麵比一般嘅有咬口，索晒個香濃湯底，簡直係無得彈😍 隻溏心蛋生熟掌握得好好，蛋白有蛋味，蛋黃就甜甜地，又有蛋黃本身嘅香味，正！叉燒可以話係呢碗麵嘅亮點，因為唔單止係肥瘦均暈，仲係師傳係上碟之前即刻用火槍燒嘅，好有日本街頭串燒嘅燒烤味。成碗麵真係做得好有心思，亦都係味道方面無可挑剔。炒芽菜餐廳話係師傳每日新鮮炒嘅，令到本身唔太食芽菜嘅我都試左d，點知一試就停唔到口。d芽菜炒得又香又辣，好有風味，拎嚟送麵係一流！必食!!!!!日式餃子餃子嘅菜肉比例好好，一咬開果下成個口都係豬肉嘅香味，但係有菜係度就令到佢唔會太濟，balance得好好！讚！Overall really tasty with reasonable price!

今日突然之間好掛住日本嘅拉麵 一於午餐就去食拉麵 呢到大埔嘅呢間和拉麵 店員哥哥話湯底每日用上十幾個鐘去淆製 完全係誠意之作舖頭完全係日本風 用上好多木嘅枱櫈加上拉麵包臺 非常忠於原著點餐係用拉麵紙 可以自由選擇面嘅軟硬度 蔥 蒜等嘅配料叫咗個叉燒拉麵豚骨湯 先講湯底 湯底真係好令人滿意 飲落係淡淡嘅豬骨香味 而且顏色係奶白色 質地好濃厚 落口飲得出係用心機去煲嘅 麵條方面 蛋味好香 無奇怪嘅味道 軟硬適中 放耐左都唔會好易冧叉燒炆得好入味 肥瘦相間唔算好多肥肉 面頭再火灼咗一下 更加香口溏心蛋外面漬得入味 而且仲係流心狀態 煮得非常好最後叫多個小食 一口炸芝士 吉列嘅外皮炸得好香脆 入面仲係可以拉絲嘅芝士 無奈芝士味唔太重總括黎講 呢個價錢買到日本既味道係超值

同傳統日本拉麵店一樣，餐廳可供客人選擇湯底濃度、蒜、蔥嘅份量同麵嘅硬度。餐廳大致上有三種拉麵選擇，包括豚骨原味、辛辣和味噌。追加配料嘅選擇亦頗多。我叫左味噌拉麵，加左$5紫菜。麵條幼身彈牙，湯底濃厚，不會太濃稠。溏心蛋當然係不可或缺，半流心既形態非常吸引，其他配料有竹筍，木耳等。呢塊豚肉有驚喜！雖然同一般拉麵店相比之下比較薄身，但經過炭燒下令其有脆口既口感，肥瘦亦適中一個拉麵當然唔夠我呢個大胃王食啦！我另外叫左蘆筍豚肉卷。薄薄豚肉片包住清新既盧荀，再淋上燒汁，賣相不俗。味道方面，蘆筍仍然保留脆嫩的口感，豚肉燒得香口，脂肪比豬肉少，更加健康。餐廳唔會將芽菜放喺拉麵上，而是獨立放喺枱上比客人自由選擇。最後埋單後更附送一粒檸檬蜜糖，清新一下口氣😂😂

喺沙田站附近工作， 放工就嚟咗大埔朋友介紹喺呢一度食拉麵。店內乾淨，舒適，光猛，服務員亦都非常之親切。店員為我地斟凍檸檬水，甚有地道拉麵店風範😎叫左豚肉拉麵，配料勁足，賣相一流。我叫左多蔥有蒜，夠哂customize~湯底叫左香滑，豬骨味濃，入口香滑又唔漏，口味比較淡既我覺得岩岩好，如果鐘意重口味就要試特濃湯底啦。值得一提既叉燒，open kitchen中見到廚師用火槍燒過佢既面，食落特別香。半肥瘦，岩岩好，盡見心思調味料有芝麻同七味粉，可以自由選擇原粒芝麻定磨成細粒芝麻。有心思值得加分😂麵底軟硬適中，溫泉蛋偏熟，但仍香甜🤓一碗麵都夠飽，但我另叫左鐵板燒帶子。48蚊有6粒，雖然唔厚肉唔係好鮮味，但真係炸得好香好脆😝😝好鐘意佢個炸漿，已經好唔錯😂整體味道好，環境舒適又有日文歌聽，細節處理得宜盡見心思。希望下次黎都可以咁好食！

今日入去大埔做義工，出發前有啲肚餓所以就睇下附近有冇嘢食醫下肚再出發因為見仲有好多時間所以就週圍慢慢行睇下有咩啱食啦！廣福道大街都係餐廳，想慢慢搵，唔熟大埔嘅我見到喺廣福道轉入運頭街有一條巷仔都係餐廳❨原來離火車站好近，過咗新達同熟食中心就算❩見到個餐牌真係好抵呀！午市套餐$80就有一碗拉麵+小食+汽水出面啲拉麵鋪$80都係得碗拉麵咋，一於試下咁平會唔會試我入去叫咗個set lunch再加芝士玉子燒，先嚟碟玉子燒，賣相都幾好，好甜嘅玉子燒+入面軟心芝士台上面有辣芽菜，好好味，同拉麵好夾，更開胃枝可樂係玻璃樽，私心覺得玻璃樽特別好飲小食我揀咗碟章魚燒，有3粗好大粒呀，外表好脆口，涵唔太夠，但都幾好食到碗拉麵係博多豚骨拉麵，有兩塊大叉燒，啲肥豬肉燒到好香口☺啲拉麵麵身都夠陣好味，湯底夠濃，溏心蛋唔錯。呢餐好抵食！咁多嘢加埋都係$128,埋單店員我一粒蜂蜜糖☺好sweet呀