和拉麵

营业中

休息中

大埔墟呢頭出名多好野食，同朋友黎到見到間拉麵店，於是入去試下新野。內面的裝潢真的很像到了日本，裝飾得很像日本本地餐廳。服務員也每次看見我個杯沒有水就很快添水。和拉麵主要有三種口味的拉麵選擇，分別是豚骨原味拉麵、辛辣拉麵及味噌拉麵呢！本人一向喜歡吃辛辣拉麵，辣是我必然的選擇呢，連濃度都可以選擇，特濃加$8 就可以，啱哂重口味既朋友。上了拉麵，一個拉麵包了半個蛋，蛋黃流心，十分岀色。辛辣拉麵叫咗小辣、硬身、多蔥。叉燒塊及辛辣湯底今次是值得一讚的。叉燒塊肥瘦均衡，厚度適中，加上香烘的脆邊，一咬即溶之餘口感不俗。中華海哲，加咗麻油、辣椒、芝蔴提味，味道好香甜，而且爽口新鮮，用嚟送拉麵解膩剛好。枱上有泡銀牙，可隨自己喜歡無限追加，呢個味道小辣，唔酸，我自己都加咗好多。

我同佢就各自叫左2碗拉麵。佢叫左個味噌拉麵，而我就叫左個辛辣拉麵。2碗最大分別係味噌個味會比較重，而配菜就冇乜分別。拉麵好大碗，賣相非常吸引，入面除咗有紫菜、蔥粒、荀同埋木耳條之外，仲有好大嘅豚肉，而且拉麵好入味，麵質煙煙靭靭，好有口感。我本身唔食得辣但係都完全接受到呢度小辣，而且仲話辣味幾香，湯底濃而唔會過咸，麵質硬身好夠口感同埋掛湯力夠。再叫咗個小菜中華海哲，食落好爽口，係麻油味，食落好香，而且仲有少量辣椒，辣得香口，食落好惹味。相較起其他日式拉麵店，和拉麵提供的拉麵種類不多，但都是大眾口味，絕對不怕不合口味；而且餐牌上提供了很多種類的小食，最適合相約三五知己，一份金錢，數份享受！另外，呢間拉麵特別既地方係，佢有個辣芽菜小食，係員工遞上，唔洗錢的，味道幾惹味。而且店舖有播黑色唱片的機，播著日本歌曲。

令人suprise的拉面小店中午同朋友係大埔行到餓想食拉面，揾嚟揾去都冇拉面店。咁啱見到呢間和拉面就入去試下，俾佢個紅色燈籠吸引住左。始終覺得香港嘅小店比起連鎖拉面店多左幾分人情味。睇落呢間舖頭吾算大，但都幾乾淨企理，有幾分溫暖嘅感覺。呢度主要提供3種湯底，味噌、豚骨同辛辣。本來想食辣但又喉嚨痛，見佢有個set就簡左，試下豚骨湯底！仲有吾同小食提供，我同我朋友就選擇左南瓜天婦羅，個set個有章魚小丸子送，好期待呀！加上呢度同其他拉面店一樣，呢度都可以選擇面嘅軟硬度、湯嘅濃度等等。我就選擇左普通嘅軟硬度。叫完好快就送到，好有效率！一啖入口，感覺到個口痴住，充滿住骨膠原嘅味道，好香豬骨味！舊叉燒肥瘦分明，放入口充滿肉香同油香，好食得嚟又吾會滯！店員都推介左佢地舖頭嘅辣芽菜，好惹味同特別！總結: 值得一提嘅係店員都好親切好好笑容!一間令人有驚喜，用心的小店，推介大家去！

今日同朋友去左大埔揾食，食左一間拉麵店，都值得向大家推介。由於時間尚早，所以客人唔多。店面乾淨企理，裝潢走日式簡約風，店員都好殷勤咁招呼我哋。我點左一碗豚骨原味拉麵 （$75），加叉燒 $20，湯底真係好香好滑，我幾乎飲咗大半碗，最重要係湯底夠熱，冇得彈！叉燒另上，燒得剛剛好，肉味香濃，肥瘦適中。有幸比我影到師傅認真製作嘅模樣，非常帥氣呢！整體都十分滿意，下次再嚟會試吓味噌拉麵，以及辛辣拉麵🍜食到咁美味嘅晚餐，真係冇白行呢一趟！

間唔中都會入大埔搵食，今日就試咗位於運頭街嘅和拉麵，估唔到相當有驚喜呀！第一次光顧，我多數會先試原味，因為最能夠測試到拉麵店嘅水準。豚骨原味拉麵 $75日本糖心蛋（半隻）+$6最鍾意就係「有得揀」，無論係麵質、湯底，抑或蔥、蒜，全部都可以根據自己嘅喜好選擇👍🏻拉麵屬於幼身，麵質非常爽口彈牙，叉燒有兩片，其他配料有木耳、筍、紫菜，仲有半隻糖心蛋（包埋），都幾豐富。厚燒芝士玉子 $28玉子都幾厚實，用芝士去燒，非常滋味！嗜辣嘅朋友，可以試埋醃製嘅芽菜，辣辣地，又夠腍，加落拉麵到非常好食！希望和拉麵開多啲分店，以後想食唔使專程入大埔！

走入大埔墟，因下雨關係，索性走到小巷找店子，突然想起拉麵，就出現於眼前。總共有三款口味，分別是豚骨原味拉麵、辛辣拉麵、味噌拉麵，貼心的點餐紙，可以選擇麵的硬度、蔥的份量，我選擇了適中，再加麵底，一於食到飽。我點了日本博多豚骨原味拉麵，原因是我不食辣，又不想食太濃味，點菜後稍一陣子就來了，兩塊肥瘦均勻的日式叉燒貼在碗旁、一塊大紫菜，中間有半隻流心蛋，先說流心蛋，流心蛋最難是半生熟的蛋黃，流出來之餘又不會太生，加上蛋黃獨有的香味，這裡的流心蛋實在一流。亦不得不提碗上的蔥，為整碗麵添上色香。麵的質地亦偏向滑身，特別是不同一般拉麵般粗，但幼身麵又不會影響麵的爽度，加上湯底濃郁而不會過咸，令整碗麵添分不少。小食方面，章魚小丸子內粉料充足，又不缺章魚，令我回想起小時候的章魚燒，特別多章魚，現時的章魚燒很多已不復再，只有粉而只得一兩粒章魚。總結來說，加麵底後90元的午餐，食得飽之餘，同時味道比其他拉麵店優勝，算是不俗之作。

放假與友人找好食物，心癢癢想起之前去日本的拉麵，就上網找推介，見這間在附近，一試無妨。.從店門望入面，大約得五張檯，是我最愛的小店，一來可以安靜與友人談天，二來食物來的速度亦會較快。門牌有大大個和字，加上門外掛住大紅燈籠，的確幾搶眼，可惜店子開在小巷中，不然一定有更加客人。入去後，店員給了我午餐餐牌，雖只有一款博多豚骨拉麵，但因為肚餓關係，亦不想太多，就試一試。小食就選了日式煎餃子，原本還想加半隻溏心蛋，問店員才知道麵本身已經有半隻 。.先說湯底，就我個人而言，我是食得辣的，覺得中辣的辣度都幾犀利，不吃得辣的人不要隨便挑戰，但湯底辣得來又很香，湯底是整碗麵的靈魂，正如打邊爐最緊要是個爐一樣，這裡的湯底亦是麵的精髓，陣陣的豬骨味令我食完麵都忍不住喝了數口。.拉麵讓我嘗到在日本的味道，麵質煙韌，入口就有種幸福的感覺，而且麵底份量亦不少，女生們一定食得飽，因為我們兩個女仔都食不完自己的。溏心蛋超好味，只是我一不小心讓蛋黃流出來，迫得急忙用口接住，相當狼狽，哈哈！至於餃子，味道還可以，不過小食可不是重點呢！.店內的布置亦令人如同置身居酒屋內，總結今日的拉麵之旅相當成功，以後去大埔又多個聚餐點。

大埔都係多小食店, 行下行下... 發現咗呢間餐廳咁岩又到食飯時間，一於食個麵啦。天氣咁熱，店員都好好，一入去就有杯檸檬水，個人覺得檸檬水好過一般凍水，立即一解口渴感覺。又怪怪嘅水喉水單味！同朋友叫咗兩個拉麵，都是豚骨拉麵麵的份量都幾大，我同朋友都食唔哂個麵，不過其實除咗麵之外我們仲叫咗兩款小食。哈哈，又一次眼闊肚窄了。吖，我們的拉麵本身已經有半隻蛋，我地仲另外加咗半隻！實在太為食了！！但值得一讚，蛋黃的質地好好，少少流心又唔太實，口感軟軟的！！湯底味道幾好，食完唔會有好咸好口渴嘅感覺，呢點得重要！蔬菜天婦羅有平時比較少見嘅秋葵，特別啲！ 所以款式都係兩件，同朋友share都可以好方便。

今日同朋友來到大埔打波，打完個肚有D餓，然後剛好看到旁邊有間拉麵店拉麵店外有個好顯眼的大燈籠，店鋪裝潢看起來不錯，所以就同朋友決定要食這間拉麵店。進去之後看到不少人揀這個午市套餐，只需要80蚊就有拉麵一個配菜和一個飲料。這裡的拉麵使用自選形式選擇拉麵，顧客可以按自己的喜好選擇辣味拉麵，豬骨拉麵和味噌拉麵。個人喜歡豬骨拉麵，豬骨湯很有豬骨的油香味，油而不膩，比起平常拉麵店的湯底清而又非常好飲。豚肉每一邊都有經過炭燒處理，你坐在店鋪裡面能看見師傅用火槍細心的把豚肉燒好，在一旁吃麵別有一番風味。小吃方面我們選擇了南瓜天婦羅，天婦羅落粉剛剛好，不會太厚食不到南瓜的香味，又不會太薄失去天婦羅應該有的味道。小丸子炸起香口好吃，值得叫套餐一試。最後總結這次拉麵之旅十分滿足，豚肉和豬骨湯底令我想一試再試，個人推薦這間拉麵店。

今日同朋友踏完單車係大埔還車後就搵個地方食啲野先。竟然比我地搵到間小店，呢間和拉麵。見佢價錢都公道，毛地就入咗去試試喇！ 間鋪頭的位置喺條小巷裡面，唔會太難搵。因為運動咗成日，都幾肚餓！ 所以都叫一人叫咗一碗拉麵，以及兩個小食。我和朋友都點了豚骨原味拉麵野食都唔會要等好耐，最先到的是小食 - 章魚小九子又有驚喜喎，外脆內軟，都幾好味。如果有埋蛋黃醬就更好。好快拉麵都到了又係幼身的麵, 簡值係我大愛呀！個麵嘅湯底不過不失，今次選了正常嘅湯底，不過下次應該會試下味濃的湯底。今次呢隻蛋都好好味！ 醬油的味道入到蛋黃中。另外朋友點了蔬菜天婦羅，粉唔會太厚！ 都可以試吓。

今日咁岩經過大埔 諗起前排朋友介紹嘅一間拉麵店 就決定去試試拉麵店位置非常易搵 好近大埔墟站行五分鐘左右就到去到門口已經見到大大個紅色燈籠好似日本傳統拉麵店咁 好有風味入到去坐位雖然唔多 大約四至五張枱 二十個坐位左右但小店採用咗開放式廚房令到成個環境感覺更闊落十分舒服 唔會感覺好迫小店除咗有主食拉麵之外 仲有多款小食揀我自己一個食 所以就冇叫到小食拉麵主打三款:豚骨原味拉麵/辛辣拉麵/味噌拉麵每款都配有兩片叉燒,半隻糖心蛋,竹筍,木耳,紫菜而蔥/蒜就自己揀要唔要另外湯底可以揀要香滑/特濃今次我揀咗 辛辣拉麵(中辣)一黎到就見到湯底顏色好深 仲閒到陣辛辣香味 即刻試咗啖湯 果然冇失望夠哂重口味 辣得黎又唔會灼喉嚨拉麵食落口感唔錯 唔會太軟又唔會太硬(如果鐘意食軟啲/硬啲口感嘅朋友可以Order時要求)配埋啲配菜一齊食 口感好豐富 好滿足叉燒雖然係薄身 但肥瘦均勻食落有啖啖豬油香 再加上少許炭燒味道 正!!另外 店員特別推薦加小店自己醃製嘅辣芽菜配埋拉麵一齊食 果然一絕!

今日又捉埋朋友黎大埔區食拉麵🍜今次係我哋第一次食呢間和拉麵，我哋分別嗌左原味豚骨湯同豚骨辛辣拉麵。落完單唔使10分鐘已經有得食啦👍🏻辛辣拉麵既辣度只係微辣，唔食得辣嘅人都可以放心嗌。今次嗌左硬麵，口感彈牙，掛湯力一般。湯底豚骨味道濃郁，温泉蛋呈流心狀態。叉燒係我既最愛👍🏻芽菜任食～成功食曬成碗麵。同朋友食野有個好處，就係可以嗌多啲嘢食Happy Share！汁燒雞骨腸上枱時熱辣辣，醬汁份量都唔少。拉麵加小食，食到好飽，今餐好滿足！

又一間隱世拉麵！近排拉麵店開到成行成市，有質素既實在係寥寥可數，但估唔到呢間位於大埔窄巷盡頭既和拉麵能夠為我帶黎驚喜，無論係麵質，湯底，同埋小食都令我非常滿意。鋪門口既大型紅色燈籠係窄巷入面尤其顯眼，再加上木躺門，未入去已經好有日本既感覺。口味自由度非常高，我就叫左個味噌拉麵配香滑湯底同硬麵，以及一份紫芋甘栗薯餅同朋友分享。等左大約十分鐘左右就有拉麵食，味噌湯底唔會太咸，平時出面食果啲味噌湯底通常都會咸到瘋狂飲水，呢間就冇。同埋通常出面拉麵店揀麵硬度係其實冇乜分別，但今次既麵質真係有硬到，好有嚼勁。最值得一讚既係豚肉，表面微微香煎過，十分香口。最後講下份小食，我地叫左紫芋甘栗薯餅，又係另一驚喜。薯餅好有紫芋味，外脆內軟。估唔到呢間拉麵店除左拉麵，小食都做得咁出色。員工既態度亦都值得一讚，好主動為我地斟水，笑容可掬，為呢次既用餐帶黎更完美既體驗。

今日係大埔墟收工，放工拉麵🍜癮發作，一於揀間拉麵店🍜食個拉麵tum下自己止下癮先得。地點不算太易找，但火車站🚉行過去也是7-8分路程，都算幾方便😉。小店在小巷最入位置，但遠處已看到在門外的紅色大燈籠🏮，更顯日式拉麵小店風格🇯🇵。小店有豚骨原味拉麵🍜、辛辣拉麵🔥及味噌拉麵 3款拉麵選擇，湯底有得揀香滑或都特濃，麵身亦都有得揀軟硬度，小店有多款小食🥟，炸物及天婦羅🍤。由於我喜歡吃辣，所以點了一碗辛辣拉麵🍜及一份餃子🥟。辛辣拉麵一上台便滲出濃濃的豬骨湯香，原來師傅話豬骨湯底係用左大火🔥熬製超過十小時製成，湯底先夠濃夠入味🍲，辛辣辣度亦剛好，不會蓋過豬骨湯底的味度，辣度跟湯底恰度好處。拉麵有2塊叉燒🍖配上溏心蛋🥚，無聽錯係溏心糖🍳，一口咬開蛋醬流了入拉麵，令拉麵充滿蛋香🤤🤤。麵身軟硬度能自由選擇🍜個人比較喜歡有質感的麵身，小店亦能讓客人自由選擇自己喜愛的麵身硬度，今次我選了硬身的拉麵，口感不錯😝！小食、炸物、天婦羅🍤任君選擇小店有很多款式的小食、炸物、天婦羅供客人選擇，由於我得一個人的關係，所以只叫了一客餃子🥟，一客5隻，都係$28，非常抵食。自家製炒芽菜🥗小店仲有自家製炒辣芽菜，辣芽菜辣度適

大埔出名美食多選擇多，今晚同朋友黎到大埔墟，食番餐日本拉麵先~和拉麵雖然唔係位於大街中，但係小巷入面一D都唔難搵, 門口仲有個好搶眼既大燈籠係到，非常搶眼同易搵。因為時間尚早，店內客人不多，店內座位都幾算寬敞，客人可以有一個寧靜舒服既空間去享用美食。因為友人跟我也想多點一兩碟小食吃，所以我們點了一碗拉麵再加兩碟小食。正宗日本博多系豚骨拉麵~自己在單上圈要香滑湯底還是特濃、要不要蒜、蔥要大盛、普通、少、還是不要，麵硬度要軟、普通還是硬，果然是日式的貼心服務啊~我們點了味噌味的香滑湯底~~原來湯底真的一點也不膩!去別的餐廳吃拉麵我超怕吃到超肥膩的湯底，食少少很快就膩了濟了，但這間的湯底真的是香濃而不膩，入口很滑!喝多幾口也沒有罪惡感! 還有，叉燒超好食!!! 入口即融! 話要KEEP FIT 的我也忍不住口多吃了一塊~平時在外吃的叉燒好多時都係又硬又乾, 有時仲有陣怪味，但這間的叉燒完全沒有這個問題!是會想令人一口氣吃光三塊的好味!!!炸物、天婦羅、小食的種類真的很多啊~眼闊肚窄的我們點了厚燒芝士玉子後就拿不定主義啦~請店員推介人氣小食~什錦天婦羅跟章魚小丸子也是大人氣的呢~最後我們決定食