和宴

营业中

休息中

前日同老公去尖沙咀行街，意外發現呢間好有日本風味嘅餐廳。因為我之前喺日本旅行，食嘅日本菜同呢度嘅味道差唔多，真係好懷念。我哋叫咗牛肉拼盤，入面有 5 款高級和牛。每一款都有濃郁嘅牛肉香味，雪花都好靚，食落鮮嫩多汁，味道令人難以忘記！我最鍾意就係有鹽汁嘅牛扒肉，肉質滑嫩，仲帶有鹹味，令人好開胃，食到停唔到口。老公就比較鍾意和牛刺身，處理得好乾淨，雪花分佈均勻，最緊要係好新鮮，唔需要配任何調味都好好食。加埋芥末一齊食，更加能夠凸顯出牛肉本身嘅甜味。除咗牛肉，我哋仲試咗清酒蠔。蠔肉好肥美，仲帶出淡淡嘅酒香，意外咁鮮甜可口。而且蠔肉本身都好新鮮，有清酒做配搭，整體嘅味道更加好！雜菇盛宴都好唔錯，食完牛肉嚟一碟，新鮮解膩，仲好彈牙，食落好清爽！仲有令人胃口大開嘅雞肉同和牛筋，都用咗酸汁做調味，酸酸甜甜，雖然係唔同嘅肉，但係味道都好正😊仲有日本名物，甲羅燒。呢度嘅甲羅燒放咗蟹肉同蟹膏，味道鮮美突出，加埋味噌做調味，蟹味更加濃郁，口感一流！呢餐晚餐令我覺得自己好似喺日本享用，鍾意日本菜嘅朋友千萬唔好錯過！

又又挖到好好食嘅日料啦！之前同姐妹試咗呢間餐廳，佢哋嘅tasting menu有十幾道菜品，食到我哋扶牆出去😆燒肉控真係會鍾意呢間，餐廳主打嘅宮崎和牛係和牛比賽中嘅冠軍紀錄保持者，可見宮崎和牛嘅肉質有幾高質！餐品套餐包括：🧡前菜 🧡燒肉 🧡海鮮 🧡野菜 🧡麵類 🧡甜點前菜一試我哋就即刻睜大對眼，佢哋嘅特製宮崎和牛他他配法包真係好好食，牛肉係生嘅，但係一點異味都冇，配埋脆脆嘅法包一齊入口，清爽又開胃🤤燒肉方面各種部位都好好食啊啊，不愧係冠軍宮崎和牛！薄切牛板腱、上牛排肉、牛脷芯、五花肉等等…最鍾意就係特上牛肩肉眼呢個部位，油脂分布均勻，肉質細嫩多汁，輕輕燒熟令表面變色就可以開食！入口即化嘅口感真係令人難以忘懷！海老同帆立貝都係十分新鮮，肉眼可見海老有幾巨型！肥美嘅蝦肉食住就滿足😌最後就用黑糖珍珠雪糕甜甜地結束我哋呢一餐～呢間日料質素同水準都喺線，非常推薦俾大家👏🏼

餐廳入面裝修簡樸典雅兼備，座位寬敞；好配合佢嘅高檔日式燒肉店路線。 最值得推介嘅晚餐係 Tasting Menu ($418/set)。每一道燒肉菜式都係自己燒烤，可以自己控制時間，燒出自己鍾意嘅燒肉口感！ 喺香港開高級日式燒肉店，少不免採用日本產嘅和牛，店內就有提供宮崎產和牛，另一款就係鹿兒島縣產；全部由日本直接進口。前菜係和牛他他配法包，和牛味道一啲都唔會俾醬汁蓋過咗，食落超開胃。海鮮煎餅我哋用咗2分鐘就清晒，真係好好食，冇諗過日式燒肉店做嘅韓式料理都咁好食😋迷你沙律入面嘅菜入口爽脆，連埋啲沙律醬一齊食好清甜。宮崎和牛嘅上牛排肉，油脂分佈算均勻，可以見到一條條幼細嘅脂肪紋。入口柔軟鬆化、肉味鮮美，肉汁豐富、帶有淡淡油脂香甜；比起其他燒肉店嘅和牛小排好食好多。之後再食薄切牛板腱，先知道一山還有一山高😮。先講賣相，油花分佈均勻，好靚。拌住壽司燒汁同日本生蛋黃，入口肉質更鬆化、肉味更鮮美、油脂更香。特上肩肉眼雖然歸類為瘦肉，但始終係宮崎和牛，仍然有油花。肉味香濃豐富；中間嘅一條幼筋完全唔韌，入口軟綿。肩肉眼入口即化，肉汁溢滿口腔。每一片呈完全嘅粉紅色；燒烤時，油脂受熱溶化而火花四濺。薄切

朋友鍾意喺啲環境非常優雅又舒服嘅地方用餐，同事推介呢度，就帶佢嚟食午餐試下。我地揀左呢個套餐，兩個人share。飲品幾清新--南高梅青檸梳打同海洋荔枝梳打，味道好特別，非常清爽，唔會太甜。前菜幾好味，有韓式煎餅，入面放滿海鮮，鮮甜之餘仲煎好脆口，加埋沙律，配合麵包同和牛，就非常好食！好期待接住嘅主菜燒肉。主菜上咗好多肉同海鮮，我哋一邊烤一邊飲嘢，氛圍真係好好relax。燒肉--有好多種類，和牛居多。我喜歡上牛排肉同特上肩肉眼，食到原汁原味嘅和牛香氣，散發牛油香，非常香濃，口感亦都非常好，另外仲有加咗料嘅牛板腱同牛舌，一個係壽喜燒風味，一個係鹽蔥汁味嘅，有獨特嘅風味。好鍾意食五花豚肉同海鮮海老加帆立貝，五花肉嘅肥瘦非常均勻，油汁充分被瘦肉吸收。海老好鮮甜，帆立貝亦都非常新鮮，食得出鮮香無比。食飽之後就享用甜品，黑糖珍珠雪糕好吸引，有台式奶茶嘅風味，解膩又冰爽。我哋都非常鍾意呢度嘅食物同氣圍，約咗下次再嚟。

想帶女朋友去體驗一次日本菜嘅奢華體驗，第一個諗到嘅就係呢間和宴，真係好多人都推薦。我哋今次試咗佢哋嘅tasting menu，成個晚餐套餐，感覺真係好抵。有分為前菜、主食同甜品，每樣都係非常奢華嘅菜品。前菜最有印象嘅就係佢哋嘅和牛特色法包，入面有他他醬同和牛，法包非常脆口，和牛同他他好夾，好好食。仲有非常開胃嘅前菜沙律，韓式煎餅亦都好香脆，前菜嘅口味就非常豐富，好開胃。主食就係烤肉，有牛肉、豬肉同海鮮。和牛肉個人覺得最有特色嘅就係壽喜燒風牛板腱，別有一番風味，好好味，特製嘅醬料好入味，烤起嚟好香。女朋友就非常鍾意食五花肉，豚肉嘅香氣十足，最緊要就係肉夠新鮮，每一口都係非常鮮美。當然仲有其他部位嘅和牛，有上牛排肉同肩肉眼，口感特殊之餘，和牛獨特嘅油香亦都食得到。仲有幾特別加咗鹽蔥汁嘅牛舌芯，口感好有彈性，味道調配得啱啱好。海鮮主要有海老同原隻帆立貝，真係好新鮮，肉質好實，一啲都唔會腥，主打一個鮮字，食得好爽。食完奢華嘅一餐，仲有黑糖珍珠雪糕做收尾，甜度適中，清涼冰爽，食完燒肉絕對要嚟上一份。我同女朋友都覺得呢個tasting menu真係好奢華，都有達到頂

頂級和牛拼盤🥩呢個拼盤入面有四款唔同部位嘅肉肉，西冷、肉眼、牛扒骨都係嚟自冠軍和牛—宮崎和牛；牛脷就係由澳洲和牛提供嘅🤤 每個部位燒完之後都好好食啊，但係我最鍾意就係肉眼呢個部位，雪花紋路特別特別靚，而且好新鮮！油脂豐富而且超級有牛味🤩厚切嘅牛脷都好正，好香韌彈牙，汁水豐富嘅同時仲越咬越香🤤日式燉宮崎和牛筋🥩我哋仲點咗日式小食嚟試吓，呢碟牛筋味道鹹淡啱啱好，而且牛筋已經燉得好軟腍入味，好食！燒日本走地雞頸肉🐔呢碟雞肉質素都好好新鮮，鮮嫩多汁嘅仲帶有筋嘅感覺，好有咬口🤩我哋仲點咗一份雜菌拼盤🍄‍🟫嚟解膩，各種菌類同蔬菜望落去就新鮮👍🏼蘑菇燒熟之後外焦裡嫩，燒烤味十足，仲帶住汁水，好鮮美最後梗係要嚟一份甜品結尾，迷你蕃薯真係好得意，軟糯嘅口感再配埋雲呢拿雪糕，冰冰涼涼嘅好清爽～🍦

尖沙咀呢度嘅和宴有好多頂級嘅日本菜，非常值得嚟嘗試，服務好，環境乾淨衛生又好有氣氛，食肉飲酒都幾唔錯。帶屋企人嚟呢度食午餐，叫咗佢哋嘅招牌Tasting menu嚟試下。叫咗幾款飲品，老婆叫嘅海洋荔枝梳打非常特別，清甜之餘仲帶咗一啲特別嘅香味，飲住都幾唔錯嘅，然後我同老竇就叫咗三得利啤酒嚟暢飲，諗住食肉飲酒肯定非常爽。沙律雖然係迷你款嘅，但係入面嘅蔬菜特別多樣，仲有韓式煎餅，味道很好，鮮香之餘仲隱約食得到海鮮。最特別莫過於特製和牛法包，味道真係非常獨特，喺外面從來冇食過呢種味道，然後先發現呢啲只係前菜，重頭戲仲喺後面。上嚟就係一堆上等和牛嘅肉，係畀我哋烤嚟食嘅。入面有和牛嘅肉排、肉眼、板腱、牛舌，仲有豚肉嘅五花，各種肉都品嚐得到。我自己最鍾意肉眼，肉質比較細膩，口感同味道上比較特別，仲食得到較多油脂，特別香濃。老公好鍾意牛舌芯，口感比較爽脆，仲帶有焦香，最特別係有鹽蔥汁，味道更加豐富。每一味食材都好豪華。除咗肉類，仲有海鮮，老竇最鍾意嘅蝦都有，烤起嚟，蝦嘅鮮甜好突出，配啤酒食住好爽，好下酒。帆立貝嘅肉亦都好大粒，大口食肉好爽。最後甜品有雪糕，我好鍾意，因為係黑糖珍珠口味，唔會太過甜，非

嚟咗尖沙咀逛一逛同fd食個午餐，佢話想食和牛烤肉，咁就揀咗和宴，基本上好容易搵到。大家都第一次嚟唔知要叫咩好，咁就叫咗個一人$498嘅tasting menu試吓。首先上嘅係特製宮崎和牛他他配法包，和牛他他亦即免治和牛刺身，撈埋酸甜醬汁，放喺香嘅多士上面一齊食，惹味香口。再嚟嘅迷你沙律同韓式海鮮煎餅，煎餅香脆😋入面有好多配料，包括有韭菜等等.點埋韓式醬汁,好惹味🤤。食完appetizer就上主角燒肉啦。一共有5種唔同嘅肉宮崎和牛薄切牛板腱、宮崎和牛特上肩肉眼、宮崎和牛上牛排肉、鹽蔥汁薄切牛舌芯同鹿兒島豚五花肉。每一款嘅肉畀嘅份量都係一大嚿，全嚿燒好快食得，牛板腱仲會提供日本蛋，一齊食可降溫同有壽喜燒風味。特別鍾意呢度啲牛舌，比較薄身，都算容易咬開，不過都要睇你燒到幾熟，生啲就軟身啲，熟啲就有燶燶哋嘅美味，總括嚟講點燒都好食🙈肩肉眼同樣薄薄地容易咬，嫩滑可口。鹿兒島豚五花肉油脂分佈較多，係肥油花嘅肉，嚼勁十足兼肉汁豐富。最重要嘅仲會提供生菜配肉食海鮮嘅部分有海老拼原隻帆立貝，海老估唔到會咁多汁juicy，仲好大一隻，原隻帆立貝都爽口彈牙多汁。之後再上嘅麵條都幾好食，麵條Q彈，湯底鮮甜。我

有一日中午，我同幾個朋友約好左去呢間日式餐廳，準備試下佢哋嘅498蚊tasting menu套餐🤫整體都吾錯，至少吾會令人失望🙃.👁‍🗨 特製和牛配法包.➰ 牛肉好嫩滑，配埋法包嘅酥脆，濃郁嘅肉香真係好正.👁️‍🗨️ 韓式海鮮煎餅.➰ 外脆內軟，海鮮嘅鮮味同煎餅嘅香氣混合埋一齊，口感好豐富🤩.👁️‍🗨️ 迷你沙律.➰ 清爽嘅口感加埋醬料，非常解膩又好開胃.👁️‍🗨️ 牛板腱.➰ 壽喜燒風味既牛板腱，配埋日本蛋，真係好滿足😇牛板腱嫩身，蛋味香濃.👁️‍🗨️ 鹽蔥汁牛舌芯.➰ 牛舌好彈牙，加埋鹽蔥汁更加香，每一啖都令人回味無窮.👁️‍🗨️ 牛排肉+特上肩肉眼+五花肉.➰ 肉質細膩，入口即化，燒好之後，微微焦香嘅外皮，食落特別香口，另一番風味🙃 五花肉同樣入口即融，肉嘅層次感分明，脂肪同瘦肉嘅比例啱啱好.👁️‍🗨️ 蝦拼帶子.➰ 新鮮彈牙得離又好嫩身，好鮮甜😎.🗨️ 青蘋果梳打特飲.➰ 有微微青蘋果味，比較清新鮮甜，甜度適中.🗨️ 三得利啤酒.➰ 朋友就叫左啤酒，酒香濃郁，都易入口.🔛 整體評分（7.5/10）

嗰日，我帶我老公去呢間日本餐廳，想俾佢一個難忘嘅晚餐體驗。我哋揀咗佢哋嘅498 tasting menu套餐，感覺好唔錯。第一道菜係和牛配法包，佢哋嘅和牛肉質鮮嫩，入口即化，每一啖配埋脆脆嘅法包，真係好好食。跟住係海鮮韓式煎餅，炸到外皮金黃酥脆，入面滿滿嘅海鮮餡料，口感同味道都好正！迷你沙律就好清新，脆脆嘅蔬菜，非常新鮮，啱晒我呢啲減餐嘅人。接住係牛板腱配日本蛋，肉質非常細膩，牛肉烤到外焦內嫩，配埋嗰粒日本蛋，香醇嘅蛋黃同牛肉，口感好豐富，非常美味！鹽蔥汁牛舌芯係一道典型嘅日式風味菜餚，牛舌肉質嫩滑，撒上鹽蔥汁，微微嘅蔥香帶出牛舌嘅原汁原味。跟住上枱嘅係上牛排肉同肩肉眼，肉質鮮嫩，香氣撲鼻，越食越上癮，呢兩道一下就俾我哋食晒。然後五花肉就係另一番風味，外皮焦脆，肥瘦啱啱好，口感層次分明，都係好好食。蝦同帶子都好新鮮，蝦嘅彈性同帶子嘅軟嫩，啱啱好符合我嘅胃口，超好食。我哋最鍾意帶子大大粒嘅，食得好滿足。最後嘅黑糖珍珠雪糕，濃郁嘅黑糖味同Q彈嘅珍珠，越食越過癮，甜甜地。作為當日嘅甜品啱啱好。我哋都食得非常開心，食物都好美味，下次有機會一定再嚟食。

🥬前菜🥬❣️特製宮崎和牛韃靼配法國麵包：牛肉香味純樸紮實，口感軟嫩中帶點嚼勁，配搭法國麵包超正。❣️韓式煎餅（海鮮）：外皮酥脆嘅口感，食落酸酸甜甜，充滿咗海鮮嘅味道，食得多都唔會好滯。❣️迷你沙律：好新鮮嘅蔬菜味道，食落鮮甜味十足，好健康而且好開胃。🥓燒肉🥓💓宮崎和牛薄切牛板腱（壽喜燒風）配日本蛋：細嫩口感中感受到肉嘅層次感，滿滿嘅肉汁，配埋日本蛋，簡直絕配。💓薄切牛舌芯（鹽蔥汁）：口感柔嫩帶有脆度，薄切燒烤風味十足，鮮甜口感彈牙令人欲罷不能。💓宮崎和牛上牛排肉：大理石油花分布均勻，入口即化、軟嫩適中、香嫩多汁係最受歡迎嘅部位之一。💓宮崎和牛特上牛肩肉眼：口感緊緻滑順，霜降均勻散佈其間，所以儘管脂肪豐富，口感卻清爽唔油膩。💓鹿兒島豬五花肉：肉纖維細緻，鬆軟，入口軟嫩帶彈性，含豐富肉汁，肉味香甜唔膩，都唔帶半點肉臊味。🦐海鮮🦐💕蝦拼原隻帆立貝：蝦濃郁鮮味同甜味，口感極佳；原隻帆立貝鮮甜可口，味道出色，正！

近排返工好多嘢做，難得放假真係想慰勞下自己🥹諗起有時經過彩星大廈，有間日本餐廳想食好耐，決定午餐去試吓。來得朝聖就點咗两個「和牛」套餐，每個定食包括海帶湯、迷你沙律、日本漬物、甜點或飲品頂級宮崎和牛定食————————————諗起和牛充滿香氣嘅油脂，已經流晒口水🤤非常感謝店員好有耐性咁講解燒和牛嘅方法，避免錯誤地燒肉，浪費咗咁正嘅和牛啦係咪先🤤個人偏好由油脂較重嘅和牛燒起，最後食牛味比較重嘅和牛。首先燒1.西冷，肉質厚實卻軟嫩，油花十分細緻，脂肪顏色呈乳白色，入口油脂非常豐富。其次燒2.肉眼，肥美肉嫩、入口溶化，同樣油花細緻。然後燒3.特上雪花牛排肉，目測油脂都唔少，不過當然比前兩款和牛少啲油脂，但口感更加紮實同有好香牛味。宮崎和牛 西冷牛排定食————————————較軟身，油脂分佈平均，更有濃濃的牛肉香，滿佈著雪花般的豐腴脂肪，一咬口肉質有層次，非常滿足，正。

慶生/週年又一個地方可以去咗環境闊落優雅奢華大概係呢間餐廳畀我嘅第一印象食物種類繁多而且質素相當之高燒牛肉部分🥩雪花宮崎和牛刺身和牛刺身顛覆我對呢款肉嘅想像肉質相當嫩滑燒起嚟每一啖都鮮味無比一食入口果然入口即溶 😳宮崎和牛西冷 雪花較為均勻肉質相對豐富一食入口牛味已滲透成個口腔🫣燒嘅時間相對較短控制火候要較講究特上牛舌棒係我食過最多牛肉棒牛味最濃嘅牛舌棒😍冇過多嘅調味去蓋過牛肉本身嘅味道食到落去牛香味喺我嘅口腔同喉嚨揮之唔去🦀蟹肉蟹膏味增甲羅燒蟹膏份量好多，味噌令整體口感更豐富燒咗一陣後，火候嘅焦香味更正🤤隔咗陣食依然保留到鮮甜味(˶'ᵕ'˶ )︎🍄雜菌拼盤新鮮翠綠嘅菇類等蔬菜，仲有香菇、金菇、金瓜及豆腐，仲有竹筍，燒起嚟十分脆口多汁

先講嘢食啲嘢食整體都好好食，我哋點嘅係可以兩個人share嘅和宴商務會席，特別係特上肩肉眼，堅出色🤤 薄切牛舌芯，每塊都有一定嘅厚度😋口感超爽口彈牙，肉味重濃，食到停唔到口！味道雖然已經好足味，但亦配咗檸檬，唔同口味上嘅配搭🤩酸鹽嘅味道融合👅幾特別～澳洲和牛橫膈膜肥瘦均勻，肉紋分佈得好靚，鮮紅血色👍🏻睇落好新鮮👍🏻食落肉質軟腍，肉味超濃👍🏻鹿兒島豚五花肉肉質有咬口，煙韌與彈牙口感之間，唔乾身有肉汁。宮崎和牛特上肩肉眼肉較結實，牛味香濃。宮崎和牛壺漬牛排肉食落非常嫩口而啖啖肉汁，好好味。食材本身都好新鮮，又燒得好食，真心對得住呢個價錢至於環境服務方面，一點完餐嘢就送咗set嘅小食、沙律同海帶湯嚟先😂 造型又靚，咬下咬下都幾過癮開胃😂 服務都幾好，一叫就有反應又有笑容唔會鞋口鞋面💪🏼地方算大，坐得舒服，成件事好似去咗日本咁😂 感覺幾得意，亦都唔會好熱，整體真係唔錯，值得一試😉

同同事收工之後一齊去咗和宴食晚餐，食咗幾款超高水準嘅日本料理，真係物超所值。【宮崎和牛眼 A5】肉質柔嫩，牛味濃郁，油香滿溢，肉質鮮嫩，雪花脂分布平均，霜降紋理，而且入口即化。【清酒燒日本真蠔】蠔吸收咗清酒嘅精華，仲可以保留原本嘅鮮甜味，每一啖都係精華，幾乎冇乜腥味。【蟹肉蟹膏味噌甲羅燒】蟹肉嘅鮮甜味同味噌嘅鹹香味完美混合，形成咗豐富嘅味道同口感，入口十分嘅滑順。【燒日本走地雞頸肉配酸汁實鎖住油脂同雞汁，展現外層酥香且肉感十足，內裡彈潤嚼勁，配上酸汁十分惹味。【上牛舌棒】含有豐富油脂，肉質軟嫩，係牛舌中最美味嘅部位，肉質鮮嫩加上獨特嘅清脆口感，非常美味。喺呢度唔只食物好食，環境都好舒適，推介大家嚟呢度試一試。