和宴

营业中

休息中

同朋友相約喺尖沙咀一間日式燒肉店飯聚，位置好近地鐵站出口，非常方便。入面嘅座位都唔少，我哋去到嘅時間都仲係早，但唔夠二十分鐘，啲客已經差唔多坐滿晒。朋友之前嚟過，特別推薦咗佢哋嘅鹿兒島走地雞定食烤肉仲有韓式石鍋拌飯定食。雖然係以日式料理為主但韓式拌飯都做得好好食😋每個set仲配有海帶湯、沙律、日本漬物同埋甜品。份量十足嘅原味石頭鍋拌飯係即叫即整，擺盤好吸引，石鍋好熱辣辣，配有清爽嘅菜絲做配料，撈埋粒粒日本米飯，再落傳統韓式辣醬將啲配料撈勻食，配搭豐富❗️飯有口感唔會太腍，味道比較清淡健康，啱啱好。鹿兒島走地雞定食唔好睇佢細細碟咁，其實份量都多。走地雞切成一粒粒，俾嘅肉仲係雞髀肉嘅部位，非常嫩滑，而且啲肉本身好有油香，加埋少少豉油調味，高質。