和宴

营业中

休息中

最近真係好想食一餐高質既日式燒肉，聽講「和宴」係米芝蓮推介過既名店，用既係4屆榮獲「日本一」既特上宮崎和牛，質素有保證！加上佢地推出左期間限定既「宮崎和牛海鮮十三品盛宴」套餐，$498/位（原價$698/位），真係抵到笑！於是即刻book左位，同老公一齊去試下。餐廳裝潢以日本傳統木色為主調，微暗既燈光有種復古和風feel，卡位私隱度高，服務又貼心，環境一入去就已經好舒服。😊.特製宮崎和牛他他配法包 & 迷你沙律作為燒烤前既前菜，特製宮崎和牛他他真係驚喜！佢用切成肉絲既宮崎和牛，拌埋日本生雞蛋，嫩滑得黎完全冇生肉既腥味。店員仲教我地將法包放係烤爐上烤到脆卜卜，再放上和牛絲，一啖咬落去，口感層次好豐富！另外仲有份迷你沙律，新鮮沙律菜加左香脆花生、紅蝦米同脆條，爽口又開胃，完美平衡燒肉既油膩感。🥗.宮崎和牛薄切牛板腱 & 薄切牛舌心燒肉主菜登場！先講宮崎和牛薄切牛板腱，聽講每頭牛只有2公斤，珍貴到爆！店員好細心咁幫我地烤到半熟，蘸埋日本蛋汁，入口嫩滑得黎有濃濃既牛肉香，油脂分布平均，咬落去真係好滿足。另一款薄切牛舌心，燒既時候加入大量鹽蔥醬，包住一齊食，一啖落去爆汁，爽脆又有鹹香味，食完仲想

試左佢地嘅《宮崎和牛海鮮十三品盛宴》！ 期間限定價只係$498/位 (正價$698/位)🤩用嘅仲係連續4屆攞到「日本一」殊榮嘅特上宮崎和牛，聽到都流口水喇！🤤🌟特製宮崎和牛他他配法包🌟🐮🥖 和牛他他勁香滑，係爐度烘到脆卜卜嘅法包一齊食，口感層次超豐富，和牛他他份量好足，可以留一半用錫紙兜燒埋黎食～ 😋🌟韓式煎餅（海鮮）🌟煎餅外脆內軟，入面滿滿都係海鮮，好足料🌟迷你沙律🌟🥗 清新嘅沙律菜正好平衡返燒肉嘅油膩感，開胃菜🌟 燒肉 Yakiniku 🌟▪️宮崎和牛薄切牛板腱（壽喜燒風） 配日本蛋*🥩🍳 牛肉油花靚到好似藝術品！燒完點埋日本蛋漿，入口即溶，牛油香加埋蛋香，滑到不得了，人間極品！ 😭▪️薄切牛舌芯 (鹽蔥汁)👅 牛舌芯爽口彈牙，配埋秘製鹽蔥汁，將鮮味提升到極致！👍▪️宮崎和牛 上牛排肉 & 宮崎和牛 特上牛肩肉眼*😍 兩款和牛都肉味濃郁，油脂甘香，入口即化嘅感覺真係好幸福！▪️鹿兒島豚 五花肉🐷 豬五花肉都唔輸蝕，燒到金黃香脆，肉汁滿滿！ 🌟 海鮮 Seafood 🌟▪️海老 & 原隻帆立貝🦐🐚 大蝦超大隻，肉質爽彈，帆立貝鮮甜嫩滑，啖啖都係海洋嘅味道！🌟 麵類 & 甜品 🌟▪️迷你盛岡冷麵

鍾意食日本菜嘅應該會鍾意呢間和宴，我本身超級鍾意食日本菜，就超級鍾意呢度嘅日本菜同燒肉。呢間尖沙咀嘅和宴真係好正，我經常帶朋友屋企人嚟呢度食日本菜。講到環境，呢度的確好靚，用餐環境舒適。最常食嘅就係佢哋嘅tasting menu，非常之抵食，可以完整體驗佢哋嘅日本菜盛宴，從前菜到甜品，每樣安排得妥妥當當。前菜上嚟特別鍾意佢哋嘅韓式煎餅，入面包有海鮮特別鮮美，然後法包入面有他他醬，配上迷你沙律特別開胃，然後就會特別有胃口食其他菜品。燒肉主菜有各種上等嘅宮崎和牛部位，每一個部位都非常有特色，牛排肉可以充分享受到牛肉嘅口感同咬勁，上肩肉眼非常扎實，咬住好爽！薄切嘅口感就非常細膩，可以細細品嚐到和牛獨有嘅香氣，再加上日本蛋上去，口味真係絕美。我本身最鍾意嘅仲係燒烤牛舌芯，用特色醬汁醃製特別入味。主菜仲有嘅豬五花都唔輸和牛，肉質非常鮮美，可以品嚐到豬肉特有嘅油脂香。海鮮入面有大蝦同埋帆立貝，海鮮加埋燒肉一齊烤，味道更加豐富，海鮮嘅鮮美完美融入燒肉。最後甜品有非常特別嘅黑糖珍珠雪糕，唔會太甜，也唔會太膩，而且雪糕冰冰涼涼，食完燒烤，再食雪糕清涼一夏，非常之爽。大家可以嚟呢度試下佢哋嘅tasting

今日特登嚟試佢哋嘅tasting menu，雖然唔係新推出嘅套餐，但係都想試好耐啦🥹結果一試就愛上咗，共有十三道菜品，超級滿足！前菜就已經有三款：✔️特製宮崎和牛他他配法包✔️韓式煎餅 ✔️迷你沙律佢哋特製嘅宮崎和牛他他配法包真係好好食！牛肉已經經過調味，食落去爽嫩無比！配上口感酥脆嘅法包，非常開胃～燒肉仲有好多種部位，全部都係嚟自冠軍宮崎和牛：✔️宮崎和牛薄切牛板腱 ✔️薄切牛舌芯✔️宮崎和牛 上牛排肉 ✔️宮崎和牛 特上牛肩肉眼✔️鹿兒島豚 五花肉宮崎和牛唔使多講解，睇嗰個花紋就知道有幾高質！粉紅色澤同花紋紋路超級靚，單睇我口水就快流出嚟🤤唔使太多技巧都可以完美燒熟肉肉，幾分熟都好好食！最鍾意就係七分熟，外表已經熟透但係入面仲有啲生嘅口感，食落去軟嫩多汁，一點都唔會膩💯👍🏼✔️海老同帆立貝亦好肥美，質素都好好，超級鮮甜最後仲有黑糖珍珠雪糕，黑糖香超級濃郁，珍珠好Q彈～非常順滑

【和牛拼盤5款】❣️宮崎和牛 特上雪花牛排肉：超好食❣️宮崎和牛 上牛排肉：好食❣️宮崎和牛 上牛排肉（鹽汁）：超好食❣️宮崎和牛 特上肩肉眼：超好食❣️澳洲和牛 橫隔膜（醬汁）：好食一次過俾你試勻晒五款唔同嘅和牛，款款都係咁鮮嫩多汁，鮮味十足。【雪花宮崎和牛刺身】和牛刺身雪花分佈均勻，佢嘅肉質細嫩柔軟，仲帶住一絲絲清甜甘潤嘅味道。送入口嗰陣，和牛濃郁嘅脂香同牛肉味伴住絲絲清涼一齊喺口腔入面溶化。【清酒燒日本真蠔】蠔身雖然細粒，但蠔肉好飽滿，海水味、蠔味、甜味配合平均，尾韻滲出濃郁嘅蠔味，味道真係鮮甜無比。【蟹肉蟹膏味增甲羅燒】好濃郁嘅蟹膏味喺成個口腔入面爆發，口感軟滑交疊住味蕾，感受到豐腴回香嘅好滋味。

和宴係一間日式高級燒肉餐廳，主打A4/A5級宮崎和牛燒肉。餐廳以日式木系風格為主調，位置寬躺，另設有房間，私隱度高。黎到呢到緊係重點要試下佢地既和牛燒肉，Tasting Menu有套餐可揀，最少兩人分量，可以少試唔同部位既和牛，而且店員會幫你燒埋，乖乖坐低等食就得。- 宮崎和牛有上牛排肉、 板腱、西冷等油花均匀，入口即化，相比wasabi，配搭岩鹽更易入口。- 厚切牛舌亦爽脆多汁。- 雞泡魚乾配上特色惠比壽啤酒一流。📝TIPS:和牛食得多會膩，建議試試心水部位再配搭其他肉類。

今餐係慶祝閨密升職，由佢帶我嚟到尖沙咀嘅燒肉店、慶祝一番，實在係好開心。呢間鋪嘅環境好舒適，每個位都幾闊落，裝修都係日式嘅木製設計。和牛拼盤5款，五款包括特上雪花牛排肉、上牛排肉、鹽汁上牛排肉、特上肩肉眼、醬汁橫隔膜。呢盤和牛拼盤已經係非常吸睛，雪花均勻，肉質鮮嫩。燒熱個網，搽上牛油脂肪就可以開始燒，每一片肉每邊燒20秒左右就可以反轉，靚靚嘅網紋烙印喺和牛身上，好靚。每片牛經火燒過後，油脂迫哂出嚟，口感好有質感，入口即溶，好有牛味，個人喜好最鍾意食肩肉眼同鹽汁上牛排肉，肉質較其他位置鮮嫩多汁，口感係最好。呢盤和牛除咗好睇之外，食完仲好滿足。燒物方面，我哋仲點咗燒日本走地雞頸肉配搭酸汁係必點嘅燒物之一，雞肉份量好多，差唔多燒到熟透時，店員建議加入酸汁一齊食。雞肉已經起骨，味道清新，有咬口，平時好難有得食到。雪花宮崎和牛刺身，雪花真係好靚，好有牛味, 油脂味極香, 入口即化，好好食燒烤一定要嚟點素先至飲食均衡，雜菌拼盤燒個2-3分鐘，就可以進食了。菌類好鮮甜，仲帶有少少嘅香菇味，可以慢慢燒，邊燒邊傾偈，享受一下燒肉嘅樂趣。呢餐又平，服務同食物都係一流!一定要試一試!每樣真係有讚冇彈，而且滿

嗰晚，我同女朋友一齊去咗呢間日本餐廳。呢度有單點同套餐，當時我哋決定試下佢哋嘅498 tasting menu套餐。第一道菜係和牛配法包，牛肉好嫩滑，配埋香脆嘅法包，每一啖都係人間美味。跟住係海鮮韓式煎餅，外皮酥脆，入面有各式各樣嘅海鮮，口感層次好豐富，我哋覺得非常好食。之後上嘅係迷你沙律，入面有多種新鮮蔬菜，配埋一種特別嘅調味醬，啱啱好綜合之前嘅重口味，令人食慾大增。佢哋嘅牛板腱配日本蛋都唔錯，牛肉烤好之後，外焦里嫩，配埋嗰粒嫩滑嘅日本蛋，令整道菜增色唔少，口感順滑。鹽蔥汁牛舌芯一上枱，我哋即刻聞到香味，牛舌肉質鮮嫩，配埋佢哋嘅蔥汁，味道完美搭配。上牛排肉同肩肉眼燒完之後，外焦里嫩，肉質鮮美，每一啖都令我哋回味無窮。跟住嘅五花肉，肉質軟嫩而且好有彈性，食一啖，油脂嘅香味同肉香合埋一齊，口感豐富。最後係蝦同帶子嘅海鮮，呢度嘅海鮮非常鮮美，都大大粒，食得好過癮，令人贊不絕口。最後我哋嚟個甜品，係黑糖珍珠雪糕，軟軟順滑嘅雪糕，加埋有嚼勁嘅珍珠，黑糖香味好濃，甜度啱啱好。呢間日本餐廳真係值得推薦，以後一定要帶埋屋企人嚟試吓。

老公最鍾意食呢度嘅燒肉，因為好新鮮，而且仲用咗高級嘅和牛，所以牛肉味更加香濃，同之前食過嘅完全唔同。A5級嘅和牛西冷有靚嘅雪花。而且燒完之後，濃郁嘅牛肉油脂香味撲鼻而嚟，食落仲好滑嫩香甜，唔使點任何醬汁食，都非常美味！雜菌盛宴嘅擺盤好靚，五顏六色，都好新鮮，燒完之後，香味都唔輸燒肉，而且仲帶出咗蔬菜嘅清新，食落好爽口。除咗牛肉同蔬菜，我哋仲叫咗清酒真蠔。蠔肉肉質厚實，仲好彈牙，口感好豐富。而且仲有清酒做調味，蠔肉嘅味道更加一流！

同朋友citywalk喺尖沙咀享受咗超美味嘅日本菜，十三道菜每一樣都好好食「特製宮崎和牛他他配法包」前菜都已經好驚艷，冠軍和牛嘅肉質軟嫩，配上口感偏硬嘅法包，雙重口感真係好正「韓式海鮮煎餅」呢道前菜味道好香～微辣嘅泡菜食落去好有咬口「迷你沙律」清脆開胃～「宮崎和牛薄切牛板腱」細膩嘅肉質帶住宮崎和牛本身醇厚嘅牛味，燒得半熟，再配埋生蛋黃，口感更加滑溜「薄切牛舌芯」薄切嘅牛脷燒起嚟更加容易熟，牛味十足！配埋佢哋自調嘅鹽蔥汁更加添風味「宮崎和牛 上牛排肉」睇雪花紋路就知幾高質，肉質軟嫩而且帶住少少嘅筋性～「宮崎和牛 特上牛肩肉眼」油香非常豐富，未算肥到入口即化，但係一咬就開係我鍾意嘅啱啱好平衡嘅味道「鹿兒島豚 五花肉」喺呢度我愛上咗豬肉！油脂豐腴，燒幾秒就已經熟咗，真正嘅入口即化「海老拼原隻帆立貝」我唔係好鍾意食蝦，但係呢間真係完全冇異味 海老肥美新鮮，燒熟咗之後更加鮮嫩飽滿，好食我哋仲點咗三得利啤酒同南高梅青檸梳打特飲，清爽嘅口感結束我哋呢一餐 超推介～

今日約咗大學同學喺尖沙咀食lunch，佢帶咗我去食呢間日本菜，菜色全部都好食，而且裝修方面用咗地道嘅原木色和風設計，日本味十足🇯🇵最驚喜就係佢哋仲有各種午市套餐，選擇種類都唔少，入面仲包埋昆布湯、沙律、漬物仲有飲品，性價比好高👍🏼我哋叫咗宮崎和牛特上雪花牛扒肉同澳洲和牛橫隔膜定食，一次可以試到兩種高級肉肉～宮崎和牛唔使多形容，呢種冠軍牛點可能會唔好食😌望住雪花咁嘅油花紋路，我哋嘅口水都快流晒出嚟🤤輕輕燒一燒，微微變色就可以開食，柔軟細膩；澳洲和牛橫隔膜都好正，肉質口感多汁，帶住濃烈嘅牛肉風味😇鹿兒島走地雞定食就係用咗雞髀肉呢個部位，雞肉原汁原味就已經好食，唔需要多餘嘅醬料就食得出特別鮮嫩👍🏼表面燒得焦焦，但係入面軟嫩多汁，令人忍唔住一啖接一啖～

經常經過尖沙咀嘅和宴，幾十人排隊嘅場面日日都有，見到都覺得香港人真係好有耐性，不過我都係星期一午餐時段食到，去到嘅時候已經係兩點幾，先睇吓門口嘅餐牌，比我預期中，食物選擇好多，我哋揀咗午餐嘅特別定食🌟宮崎和牛特上雪花牛排肉份量啱啱好，啱晒我哋兩個人，牛肉肉質鮮嫩，而且雪花紋好明顯，但始終都要靠燒烤技巧先可以令舊肉出色。店員好貼心會提議燒牛肉嘅最佳時間同方法，跟住佢講嘅燒出嚟真係好好食😋宮崎和牛西冷牛排就要燒耐啲，有啲厚度，啱晒兩個人份量。燒出嚟嘅油脂「吱吱聲」真係好治癒。望住啲肉由生變出血水再變熟，成個過程係需要啲時間同耐性，但又唔可以燒得太耐過老變太韌，所以要金睛火眼咁望住燒係必須嘅。肉質好有彈性，舊肉本身冇乜調味，但係直接燒好之後食就最perfect，入口軟腍，牛肉味好出，明顯係高質貨色

前幾日應朋友推薦，嚟咗尖沙咀嘅「和宴」試Lunch。呢度嘅Lunch set幾抵，所有定食都包埋海帶湯、迷你沙律、日本漬物，仲可以揀餐後咖啡、茶或者雪糕，真係幾貼心。環境舒適，服務又親切，坐得好舒服。頂級宮崎和牛定食 🥩呢道宮崎和牛質素好，牛肉嫩滑多汁，食落去口感好好，唔會太油膩，肉味濃郁，配上清淡嘅醬汁，簡單但夠味。唔少人都推介呢道，真係唔錯。宮崎和牛 特上雪花牛排肉定食特上雪花牛排肉，真係可以見到雪花花紋，肉質特別細緻，咬落去仲有啲肉汁湧出，味道濃郁又唔會太重鹹。呢道牛肉質感好，唔會過硬，非常嫩口💯。宮崎和牛 上牛排肉定食 🍽呢道上牛排肉雖然冇特上雪花牛咁濃郁，但肉質同樣非常嫩，味道都係非常好，唔會太過肥膩，食落去唔會悶。配埋小菜，整體來講都係一個好選擇✨。「和宴」嘅Lunch set CP值高，質素唔錯，份量又啱。啲牛肉真係好正，食完會覺得好滿足。下次有機會一定會再嚟試試其他定食～ 推薦比鍾意食牛嘅朋友們試一試呢度嘅宮崎和牛🥳

有時都會有啲想食燒肉嘅心情😂朋友介紹嘅呢間日本菜餐廳，店入面風格好日式，以溫馨木調為主，店入面雖然客人多，但係都唔會覺得嘈～特別啱同朋友一齊過嚟食飯小聚餐牌有多種選擇，睇到我哋花多眼亂😵‍💫最後我哋揀咗和宴商務會席，係性價比超高嘅二人餐，一個套餐就可以試到品質超高嘅和牛燒肉，超推介～套餐入面包埋：✅薄切牛舌芯✅澳洲和牛橫隔膜✅鹿兒島走地雞雞髀肉✅鹿兒島豚五花肉✅宮崎和牛特上肩肉眼✅宮崎和牛壺漬牛扒肉宮崎和牛嘅肉質一如既往咁好食，油脂分佈均勻，肉質新鮮，雪花望落去就十分誘人😍我哋鍾意半熟嘅狀態就開食，油脂喺口入面爆開嘅滋味簡直太幸福🥰令我驚喜嘅仲有鹿兒島豚五花肉！分量唔多但係足以令我印象深刻，品質超高，食落去一點異味都冇💯反而仲帶住淡淡嘅油香味，一點都唔會膩～走地雞雞髀肉都一樣咁perfect，肉質好飽滿，燒起上嚟仲好嫩滑🥹

嗰日我去試咗和宴嘅 $498 嘅Tasting Menu，到依家仲念念不忘，尤其係嗰道宮崎和牛薄切牛板腱（壽喜燒風）配日本蛋，擁有豐富嘅膠質同埋濃郁嘅和牛風味，細緻嘅油脂香甜都係特色之一，再配埋日本蛋黃口感更加豐富。仲有鹿兒島豬五花肉，豬肉味道濃郁，脂肪平均分佈，比起其他產地嘅豬肉更嫩，肉質特別鬆化，正。之後再嚟兩杯特飲海洋荔枝梳打特飲同埋青蘋果梳打特飲，清爽解渴，又可以解膩，好飲。▶️前菜🔘特製宮崎和牛韃靼配法國麵包🔘韓式煎餅（海鮮）🔘迷你沙律▶️燒肉🔘宮崎和牛薄切牛板腱（壽喜燒風）配日本蛋🔘薄切牛舌芯（鹽蔥汁）🔘宮崎和牛上牛排肉🔘宮崎和牛特上牛肩肉眼🔘鹿兒島豬五花肉▶️海鮮🔘蝦🔘原隻帆立貝▶️蔬菜🔘生菜▶️麵🔘迷你盛岡冷麵▶️甜品🔘黑糖珍珠雪糕