和宴

营业中

休息中

見大家對呢家日本餐廳既comment唔錯, 尋晚就約左朋友去呢間餐廳食飯我地叫左一個set (有牛舌, 豬頸肉, 雞肉, 牛肉), pancake (其實係pizza), 豆腐海藻salad 同埋海鮮石頭飯如其他網友推介, d 牛舌真係勁正! =D 牛肉都好滑& 淋, 一向少食牛肉既我, 都覺得真係好掂啊!pancake 亦都好特別同埋好食, 即使凍左, d皮仍是脆脆的;石頭飯, d 飯焦好香口好好味!少少辣!也是值得一試! salad就冇乜驚喜, 一般而已; 可能我自己不太愛吃生既生菜絲絲吧; 不過伴上既sauce 就好好味, 有wasabi味道我地一行四人, 對於以上既份量都食唔晒呢... 最後, total 食左六百幾蚊, 俾想像中抵好多呀!以咁既環境同質素, 物超所值! ^^

five ppl had dinner to celebrate birthday. ordered a mixed meat set, a mixed seafood set, a veg and beef rice in 'stone pot', a seafood soup and a tofu and seaweed salad. all meat and seafood is tasty. i like the beef particularly. seafood pot is too spicy for me. the veg and beef is totally mixed with the rice. don't know what is inside. the food and service is quite good overall. not too expensive.

24/7(二) 2pm午飯時段,跟同事柴娃娃們一塊到這口碑不俗的"和宴"午膳.預先訂座,得到舒適的廂房一間,私隱度十足!午市末段,人流散得七七八八.安坐於廂房後,日藉侍應生先遞上熱茶及午市餐牌.四人全點了午市套餐:燒鰻魚雜錦壽司定食$68,金槍魚腩飯拼豚肉鳥冬$68,燒銀鱈魚拼雜錦壽司$68及蒲燒鰻魚飯餐$88.首吃前菜,漬瓜,海藻絲蘸上檸汁,味道對辦;蒸蛋質地滑溜更帶鮮甜,味道簡樸!蒲燒鰻魚飯--鰻魚一大餅舖面,入口肥美富魚香,燒汁惹味得很!珍珠米圓渾有咬口.金槍魚腩飯--魚腩鮮度超群,拌入清香蔥粒,味道清新!豚肉鳥冬--扁身烏冬欠煙韌及麵粉香;豚肉肉地略硬;水準失色!雜錦壽司--三文魚,玉子,魷魚,吞拿魚,鯛魚各一件;眾壽司們鮮度甚高,飯粒酸度質感亦恰如其分.燒銀鱈魚--賣相沒鰻魚般美觀;燒汁沒坊間般甜,肉質嫩口,亦嘗到魚鮮.午市定食比起晚市來得划算,水準不賴,口味正宗;不妨一試!

慕名而來，首先叫左298蚊的肉類併盤，試下味先：有兩款牛肉，但真係唔記得左個名，牛味好鮮，唔似得韓式的比醃料蓋過哂ｄ牛味雞肉：好好味呀！雖然醃料比較重，但仍有雞味牛舌：好似有牛油的肥香味咁！老公都讚唔停豬頸肉:比較普通的再試試由日本唻的霜降A4和牛，hk$388，但呢塊和牛的根比較硬，難有入口即溶的口感！侍應話係來自腰的部份，所以根可能會多左少少；我諗呢度的澳洲和牛會比較好~~老公仲叫左個碎牛刺身，對比新羅寶果個，新羅寶的好味好多！服務都尚可，會不停幫我地換碟及燒盤，應該會再唻幫襯！

近期愛上了日式烤肉, 盛八亦已經試過好幾次, 友人話見和宴comments 都唔錯, 於是一行4人就本住白老鼠心情過嚟對面海試一試, 第一個感覺係環境比盛八光猛, 第二個感覺係覺得自己去咗日本咁,因為連waitress姐姐都係日本人, 突然想起之前去日本落order 既情形, 即係要好慢好慢咁講英文然後你又聽佢講d唔喊唔淡既英文重覆你0既Order,(個心已飛咗去),最後我地選了一個set,(有牛舌,雞,牛肉同牛脊),海鮮湯及另一款牛排骨. 再加兩碗白飯, 份量比想象中多, 淨係牛舌就已經有二十塊, 最好好味係牛脊, 好多肉汁.好juicy. 好入味, 我地4個一食完就話呢個最好味,要留番最後4塊last 先食..因為要慢慢品嘗.哈.哈.哈, 而我地都亦深深體會到之前其他人寫既comments --->再見了盛八..~~~~~

睇完大家評語，極度期待去和宴食一餐好味的燒牛肉，所以決定係特別日子去左呢個地方慶祝下~兩個人叫左肉類拼盤(有牛里脊、豬肉、雞肉、牛舌)，同海鮮鍋，仲有一踠飯。仲有叫左兩杯果酒，一杯係巨峰味，一杯係荔枝味，少少酒味，兩杯都好好飲~d牛里脊入口有小小入口即溶的感覺，好有牛肉味。豬肉超爽，正!d牛舌又係好爽，又有牛肉味。雞肉就普通左d，冇咩特別。燒完d肉再攞黎送飯，真係超級好味。至於個海鮮鍋，d料少左d，有隻大蝦，不過真係好大隻又爽，有幾隻硯，仲有d金菇同豆腐，而且仲有d泡菜，所以個湯有少少辣，但個湯真係好好飲，值得一試。最後食得好飽，可能因為飲埋湯，仲有呢度d服務好好，所以有機會實會再去呢間野食!

一早訂佐檯, 8個人, 俾佐10+都夠坐既檯俾我地, 坐得好舒服^^一開始, 叫佐兩個併盤, 一個肉類主, 另一個有海鮮, 再加一個什菇, 兩個併盤都好正, 啖啖肉, 真係非常唔錯, 牛肉同豬肉, 都清楚見到雪花紋, 真係正到飛起, d什菇, 燒完入面仲好多汁, 唔知係唔係燒俾我食個人手勢好呢之後再叫再厚切牛舌, 豬脛肉, 同牛肉, 其中一樣係連住舊骨布滿雪花既牛肉, 好長既, 好考功夫, 都係叫侍應幫手燒穩陣d追加既肉差唔多燒完, 知道追加肉係唔會飽既, 所以就去叫飯啦, 叫佐兩個石頭鍋飯($110), 一個冷麵, 佢d飯麵都幾貴, 百一蚊一個飯, 4人分一個石頭鍋飯, 每人分到一碗, 再加個冷麵, 飽佐, 走得以上既野食都好好味, 服務又好好, 我好滿意8個人埋單$1600, 每人$200, 我覺得真係好過盛八好多好多倍, 我係食肉獸, 係呢度淨叫個肉類併盤, 兩個人食都唔知幾好, 盛八, 再見了

睇返資料顯示：原來剛屆滿一個月我又再來…(像我的飯堂)今次叫了特選拼盤($390)+野菜醋物($50)+兩個白飯(@$15)拼盤有特選牛肉、特選牛排肉、上等牛舌及鱈場蟹曾經早前已試過單叫上等牛里脊($145@6-8件)及另一肉類拼盤~當中的牛肉都係普通牛里脊(單叫$88)但今次拼盤中的牛肉不同的就係因為特選關係~真的味道更好。除了肉上紋理的脂肪不但更多，而且真的平均分佈…咀嚼時騙不倒人的。牛更加厚切~但同時又唔會厚到很難燒得熟…喜歡食medium to rare的我真的太啱胃口了。或者真係牛的位置唔同啩！？因為特選牛肉/特選牛排肉單叫都$185同$210…況且上枱時的牛肉又未至於與menu中的相片天淵之別！(要明白與網上情緣一樣~引人落搭幅肉照亦不能馬虎吧！始終牛肉都要給客人看見廬山真面目…欺場我會抗議的~haha)至於牛舌與普通肉類拼盤的牛舌分別不太大…係細心咀嚼才會發現當中的肉汁及肉味更重(我愚見)。嚼勁還是依舊的爽同啅得吓！鱈場蟹真的又係很讚！不但鮮甜~而且唔會像出面咁被醃到遮晒鮮味…仲要最抗拒出面成日落盬搞到懶係新鮮由海中撈上嚟咁！心諗：係人都g根本經濟效益係大前題~所以都係無

亞媽生日，揀日式燒肉或中式海鮮酒家，雖然有之前和幸貴而不好吃經驗，最後亞媽話試日本菜。燒肉拼盤的和牛比較鞋，侍應生話佢地用澳洲牛，我唔識總知麻麻地，雞肉就ok，其它冇特別。另外牛內臟拼盤都唔得，好難燒，唔熟又唔敢食，熟就好靱趙唔開，激死人！石窩飯冇乜飯焦唔香，香港人食慣香口。亞媽食到鞋口鞋面，食完仲比家姐串我好介紹。

食家朋友又一次帶我食盡好野。呢間日本野地方雖然隔zip，但食品質素真係好好。我地嗌左牛舌、澳洲牛扒、豬頸肉同雞肉黎做日本燒烤。牛舌好好味，澳洲牛d根同脂肪同瘦肉比例恰到好處，入口真係有唔想吞落肚o既感覺。好想不斷嚮口度回味再回味。之後我地再嗌左個牛肉刺身飯。材料有刺身牛柳絲同泡菜。入口辣辣地，幾暖胃，正呀。最後仲食左個豆腐同柑桔味雪糕做甜品。豆腐味雪糕有d似豆漿咁味道，柑桔味雪糕就好濃，好特別，好過食xtx d怪味雪糕。餐飯雖然係日本燒烤，但全程唔覺油膩，亦無另外加調味醬強化味道。呢樣就加哂分啦。服務都幾好。快手快腳。Good。朋友，我又再一次多謝你啦。

睇過d網友對呢間舖頭既評語，心思思黎試下！男朋友叫左一個牛肉set再加大($90 + $25)，我就叫左個雜錦set ($85)。有前菜有飯再有湯，真係好抵食！d牛肉質地就不俗，但「業」得太濃味，有點咸。反而雜錦既豬肉同雞肉就很好食，豬肉好肥，燒完之後很香，而雞肉就很滑，早知將雜錦加大，可以多吃一點豬和雞，沒有咁「漏」。前菜味道都唔錯，而且幾大碟。飯後我要了甜品不要飲品，因為d綠茶很好味，所以寧願吃雪糕，但麻麻地，可以試下飲一杯熱飲。

又係開餐既時候，在盛八同和宴之間我選了和宴，只因為未食過!肉類拼盤-- 牛肉x 2類，雞，牛舌，豬頸肉. (牛肉同雞係最好味，牛舌嫌薄左d, 豬我就怕肥唔係好鐘意食)上等牛里脊-- 有成10塊咁多，比我想像中多喎。肉質淋得黎有肉味，加埋醃料好香~~~~~ 如果唔係咁飽真係想encore!蜆-- 新鮮冇沙，肉質鮮甜~ 正~~牛肉刺身飯-- 肉味就欠奉，因為有好多菜，味道都ok!蕃薯雪糕-- 非常蕃薯，薯人必吃!環境比盛八高檔亦有好多日本人幫襯，咁當然價錢又貴d，好彩相對食材又好d同埋有隔酒煙紙俾你, d衫唔會一陣味~~ good point! 正所謂俾得安落食得開心~~ yea~

繼盛八後，我仍對和宴念念不忘。1945-2000才入座~仲要沒訂位。都8成滿咁啦！今次二人叫的食物：肉類拼盤($250)+野菜萵苣沙律配味噌醬($50)+野菜牛肉辣味石頭鍋飯($110)肉類拼盤有牛里脊、豬頸肉、雞肉、牛舌。萵苣沙律有三種菜~萵苣=包心生菜lettuce！亦有紫色菜同芝麻葉(我問職員的~佢都幾清楚喎！因為出面行超巿我唔覺眼)。當中亦有大蒜、青辣椒。最特別係芝麻葉~夾著肉一齊食係有種很獨特的香料味！香到有點像香精(咁當然唔會係)。最開心有這碟菜打救我…齋食肉不但又罪過，而且又會很快飽囉！味噌只屬少鹹…味道很自然的。平時我唔清楚係咪就咁撈埋蔬菜食~但店員教咁樣捲著肉類再搽少少味噌係會不錯的。事實的確係…用了味噌我就不會再將肉類點醬油。至於石頭鍋飯很大碗耶！我bud了兩大碗平時一般家用飯碗+陪食那位亦bud了1碗半！個鍋驟眼看應該有直徑八寸~厚度大約半寸咁上下啦！除咗少少辣，亦感覺用了很少很少的味噌。材料很豐富！記得有大量牛肉(當然不像吉野家嗰d)、金菇條、紫菜條…飯粒粒粒圓碌碌！平時出面食石頭鍋d飯焦成日都黐住個兜…總要起勢刮才食到！但今日d飯焦很可愛~像打麻雀的牌咁大又半

喜歡吃燒肉，啖啖肉，這裡的燒肉來時碟裡會有一點點醬油，但不是淋上面，只是在肉下，方便拿起，不會影響肉味，對於我等奄尖討厭不喜歡調味料的客人，叫做十分滿意了，起碼你看到肉是紅而不是黑的。想起德家，不禁打冷陣。除了肉，這裡的大根蕃茄沙津也不錯，沒有過多的醬汁，保持大根的鮮味。同集團的其他店主流琉球料理，這裡主打韓式。除了燒肉，也喜歡這裡的魚腸，送酒一流，但還是較喜歡魚腸跟MASCARPONE CHEESE的吃法，跟泡菜，遲終覺得有點浪費了的感覺。至於石頭飯，鹹魚，燒海鮮等沒啥特別，以後還是繼續吃燒肉好了。環境清幽，卡位是半圓的，有點像Lawry，不過極有Privacy。至於招呼，只能說不過不失。

一年前去食的特選肉眼扒入口像融化似的,很正很正!跟住對上兩次都已没有融化的感覺,但還算是很正,而今晚再吃是最差的一次,其中一邊有筋的,仲最係用力都咬唔開嗰種,而肉質也明顯"鞋"咗,再没有融化的感覺,有點失望.而兩款的牛肉剌身就在第一次的時候已試過,可以說是完全唔掂.燒帶子ok啦!燒蝦...No good!至於服務態度方面,就好像刻意訓練一班黑口黑面的服務員似的,無表情,無笑容,記憶中只有一個女服務員比較正常.