和宴

营业中

休息中

見食評有0甘多個笑，即管來試試。同朋友有計傾，要求個靜少少的位，但接線生沒有promise，只系話儘量安排。是日４點幾，餐廳打來confirm booking。我從新要求張靜少少的位，但接線生都系話儘量安排，因為full booking.既然booking 0甘滿，我就一早來等位，８點0吾夠就來左，等了２分鐘有得入座。那張台，我也不知道是否已是靜少少的安排。座位好開陽，我和朋友是share同一張sofa的。我們前面就是走廊，面對住卡位。雖然如此，餐廳不太嘈，所以我地都不需要大大聲談話。點了和牛雜錦，真的很好吃，不過服務員無介紹，所以我地都0吾知道邊種打邊種，而且份量就有點少。我們再點海鮮並盤，魷魚很好吃，但clam就soso。見好多人點海鮮薄煎（日式蛋pizza)，我們也點了，不過無特別，浪費了quota。我們再叫牛肉石頭飯，一流，很好食。服務：OK 啦，那幾碟醬料都吾知道是什麼，要主動問服務員至介紹一款是點肉，一款是點海鮮，一款就系lemon汁。

到今日寫食評才諗起昨日03/03係女兒節囉！咁昨日就幫母親大人補做返生日，因為早陣子就圍內屋企人一齊做咗，今日就輪到我一個人同佢再食餐飯。其實平日都一齊食架啦！hahah~XD適逢做緊日本和牛推廣(佐賀牛)，個雜錦牛set都係$450…話請得佢食飯我真係想揀這個，但佢又睇中我這個蟹后心坎諗咩！？結果我又揀返那個特選拼盤($395)~有我愛的鱈場蟹！咁再另加兩碗白飯和一個雜菌拼盤($65)就夠。其實有諗過和牛set+齋叫一個鱈場蟹($180)=但這個世界所有的mum係唔會主張自己兒女奢侈，結果就揀咗上面個政策囉！一直幫趁開晚巿，事實半年後的今日晚巿再幫趁，肉類仍保持一貫優質水準。特選牛肉、特選牛排肉仍然豐富肉汁，牛味香濃，咬落去完全沒黐牙！很記得上次我生日幫趁時個鱈場蟹係就係夠鮮味，但始終唔夠我第一次食時咁多蟹汁…當時我就有點難過諗「會否我曾經喜歡的因這印象而從此令我絕跡」，結果今日機緣下又再有幸食返第一次食鱈場蟹時個水準！會唔會係因為我燒蟹腳的功夫進步了！？換句話又會唔會係我自己生日時燒得太曳！？(冇腦嘅我專諗冇腦嘅野)其實第一次叫雜菌拼盤，原來都唔錯~因為我唔識ｄ雜菌叫咩名，有興趣的

3人点了以食品:- 最平的燒肉platter --> 牛肉麻麻, 豬脛肉,雞, 牛舌幾好- 海鮮石斗飯--> 好味!- 冷豆腐--> 好味!- 泡菜煎餅--> 燶得滯但好味!- 豆腐沙律-->賣相.味道均九流service幾差, 冇人教我們点燒, 反應又慢咁既价位, 冇下次

廢話唔講鹽燒牛舌正!柚子胡椒豬頸肉正正!主打和肉通通要試(除左里脊肉, 霉既...)整杯Asahi, 歡度一夜!!

情人節,男友好早係呢度book左枱,所以有張穩蔽ga卡位,環境好好~情人節套餐, 先係海鮮, 有:- 帶子- 蜆- 魷魚- 海螺個waitress好好咁介紹下點燒, 之後仲黎幫我地燒隻海螺~ 燒左一陣就過黎換網..好好ge service!海鮮都好新鮮, 不過主打ge海螺反而覺得普通..可能我地都唔多食海螺..之後就係燒肉, 有:- 宮崎牛- 和牛- 牛舌- 豬肉我覺得宮崎牛最好味,而男友則覺豬肉最好~^^反而唔多鍾意牛舌, 可能我地知道佢係牛舌卦..仲有蔬菜:南瓜, 粟米, 泡菜, 冬菇, 草菇等等..粟米超甜!!好好味~食飯期間waitress幫我地換水, 竟然唔係酌水,而係換過杯新ge~ 十分衛生!^^燒完晒仲有個燒餅, 冷麵, 同雪糕!雪糕揀左芝麻同紅豆, 兩個都好好味!特別係紅豆味~~!食完飯, 個waitress好nice咁送左枝紅玫瑰俾我,祝我地"情人節快樂"枝花好靚ga~好開心!多謝男友~~^3^

前日行經此地，突然記起有間好評價的日式燒肉店，所以同表弟入去到此嘗試。結果當然係十分之好，待應都好有禮貌，又好nice.我地叫左一個牛肉set，一個豬肉set，加多半份牛舌，真係十分之好食，雖然價錢好似比以前加左價，但都係值得既..

一月頭去咗食晚飯,訂咗八點半兩位,有窗門位,環境舒服,感覺已良好.兩個小女子叫咗牛肉set,有牛舌,牛脊,牛腹,蟹腳.另外加咗牛心同石鍋飯. 牛食品樣樣都咁好味. 牛肉汁豐富,係.. 唔係廢話,因為佢唔係個sauce好味,係本身d 牛肉o既原汁原味正!石鍋飯就係一個日式煲仔飯,加咗少少甜辣醬,石鍋邊又有飯焦,真係好味到唔停得口哩!加埋兩杯冷凍啤酒,無敵!!!

24平安夜同老婆黎左試食,點左個$440既dinner set,頭盤牛肉刺身,好正,又爽~個肉類拼盤,有牛舌,牛脊,牛腹,豬頸肉,雞肉同一粒粒好彈牙唔知咩黎...仲有一碟迷你海鮮,有帶子4粒,蝦一隻,魷魚4片,青口2隻,同老婆都覺得牛舌同豬頸肉既都好好味,叫左蜜桃同荔枝drinks,都幾好味,原來仲有pizza(老婆話似台灣蚵仔煎),加埋冷面同雪糕,真係飽飽,但埋單先知係每位$440^^哈哈~~但食得開心又好味既~~之後仲去錯左樓上toilet,要搵管理處阿姐帶路,阿姐真係超好人~~

牛肉肉汁一流,海鮮都幾鮮,但就比較貴,如果要選擇我會去漆咸道另一日燒店,食物質素ok而且較平宜!!!

服務非常細心環境非常舒適和友人點了牛肉,牛脷, 豬肉, 雞肉等, 好多汁同惹味.仲試左薄餅, 但二人就份量多左少少唯一不足係試了冷麵, 覺得有點硬. 侍應解釋冷麵屬韓式,會較日式的更彈牙, 我覺得都可以, 因我朋友成日胃痛, 所以佢食左好少.芝麻雪糕好滑好香

每次必點薄切牛脷,一個人去我會食2碟加2碗飯,加1杯大生啤,滿足!^ ^人多可以order海鮮煎餅for share.朋友們最愛洋葱油胸外腹,也可一試.Menu牛肉有好多Grade, 揀最basic & 平嗰隻已經good enough. 但小心別over cook!!小弟食唔慣燒內臟,有一次叫了牛大腸, S級彈牙, 可能曰本人牙力好啲, 我一般啫.Server大部份醒目有禮, 環境nice, 有足夠私人空間.$$$不太便宜, 但喺香港食到日本quality + 感覺.都值得嘅.

一間不錯的日本燒烤店... 只係貴左些些... 我食左800 for 2 person..仲有.. 食左一個幾得意既菠蘿sobert...

老友生日，一行八人開飯慶祝。開始先來個海鮮煎餅，有水準！再來HK$298雜錦x 2，牛肉、牛舌都幾OK! 其他雜菜呀都幾正路。跟住再有老友加入，第2 round 就出事，加碼來個HK$398 x 2，有蟹食，但食落好似好一般喎! 其他甚麼再加牛扒+ .... 就好似越吃越鹹 好在有白飯、烏冬及冷麵送一送，尤其冷麵可以一試!! 由於個個大胃王，encore HK$298雜錦x 2, 再加海鮮煎餅，but....真係開始唔惦。跟住埋單再去唐朝再戰！個人覺得韓燒新羅寶好D!!

適逢對上那次幫趁已係兩個月前…為何會忽然沒有再去！？因為我知道兩個月前一年一度的大考簡直想得我快要瘋了(年年一次~真係生日變生忌)。既然我知道俾我食龍肉都味如嚼蠟的話又何必勉強自己呢！？結果就趁著兩個月後的生日食返我喜歡的烤肉。今天來到比早前幫趁的晚巿更熱鬧擠滿食客…因為我到達前有點低估了10．1黃金周的號召力~自以為10月2係平日都應該不太多人嘛！hahah…一去到睇到就深知出事。>.<慶幸經理先生認得我~還俾返之前我經常坐的桌子給我呢！太好了。而今次再叫返上次的特選拼盤$395有鱈場蟹、上等牛舌、上等牛排肉；前菜叫$65日本豆腐、海草沙律及秋季限定蕃薯雪糕$25。二人各一碗飯剛剛好拼盤水準一如既往不用浪費時間多講(詳情可睇返我的舊食評)~只係牛舌薄切了+鱈場蟹的份量沒上次咁粗反而個豆腐我只係憑味蕾的客觀作出評價：真係從來沒想過豆腐可以咁好味！一來本人平日家中飲食都尚算清淡豆腐係家常便飯~理應人會變得麻木；二來盛八、魚一丁…總之周街的日式食肆食過咁多冷奴都原來只係當我係傻的~因為今日個豆腐不但軟稔稔，而且丁點石膏都沒有~最重要個口感係入口滑到即溶咁制！因為真係像飲熱豆

意外驚喜係因為大部分食評都冇提這裏的冷麵。我是很喜歡吃冷麵的，只要見到就會本能地叫。點知原來這間烤肉店會有這樣好食的冷麵。冷麵係湯冷麵，大家都知湯冷麵一定要煙韌，她們的冷麵不但做到煙韌，還有不可少的帶少少透明。湯也做到標準的清澈。一般日、韓式湯冷麵的基本要求都做到十足。功力就在於湯和配料的配合。最令人難忘也是這一點。帶微酸的清湯，酸度剛好配合青瓜的味道，冷湯加上青瓜的青爽，還有泡菜、煙韌透明的拉麵是完美的配搭，完全能帶出冷麵的消暑概念。但還有一樣意外，就是麵裏還加上一片蘋果。吃罷麵後，能吃一口帶有方才少少湯味的爽脆蘋果，為冷麵的消暑概念作一個完美的結局。烤肉高昂的價錢未必能令我飽餐，但能有一客這樣高水準的冷麵作結束，讓這一餐既明貴且實際。建議大家唔需要一味追求吃到名貴的烤肉，記住還有這意外的冷麵。