味之亭網燒食堂 (已結業)

味之亭係一間上年(2018)年尾喺青衣城開嘅日本和牛食堂， 久久未試過，今日終於有機會試下啦話明專食和牛，我就叫咗和牛腩定食， 當定食嚟到之後，我當下嘅諗法就係: 嘩!個碗好靚呀 忍唔住即刻影一張相，平時出街食日本定食，都係普通一個冇蓋嘅碗，餐廳都真係有啲心思，而且可以保存食物嘅溫度 開蓋之後第一啖就試下和牛腩，牛腩超淋!超入味! 連平時唔太食肉嘅我都一口氣食了好幾塊和牛腩 但如果紅蘿蔔煮得淋啲，會係一個更好嘅配搭。和牛腩底下嘅飯， 分量多到呢，無三碗，都有兩碗飯 由於配上燒肉汁，全部飯我都食曬我們還另外叫了燒雞扒湯烏冬， 味道都唔錯如果一間餐廳，無論中西日式，有蜆嘅話，我多數都會order，今次亦都唔例外點咗清酒煮蜆，湯汁有酒嘅味道，蜆嘅數量亦多 還叫了燒雞中翼最sweet嘅就係餐廳會贈送每人一球雪糕，係 綠茶雪糕 超好食呀~而且有豐富的綠茶味，平時出面order一球雪糕都要三十幾蚊， 今次係送畀你，仲要一人一球茶水係原包綠茶

青衣城d食肆真係愈來愈多，都真係需要啲時間先可以食匀咁多間。今日我哋揀左食定食，因為比個定食餐牌吸引住，重點係唔貴喎。定食叫左兩個，一份係蒲燒鰻魚丼，而另一份係日本味噌雞鳥烏冬，以賣相來講兩份都唔差喎。鰻魚丼都幾足份量，嚟到仲好熱架，魚要親熱食，先最好食！加埋鰻魚汁，夠juicy但唔油膩。餐牌上寫住係用左日本青森米，同平時食開既珍珠米唔同，大粒d之餘仲軟硬適中，粒粒分明。另外就係雞鳥烏冬，奶白色既湯底非常濃郁，烏冬有口感，加埋木耳絲更能提升層次，另外配菜充足，夠健康。主角雞扒煎到香噴噴，雞皮仲有少少趣口，肉質嫩滑，唔油膩。明太子魚餅，睇得出係用心製作，中間釀左橙紅色既明太子，提升口感亦係魚餅既靈魂所在，簡單之中又帶點不簡單。汁煮牛舌粒，雖然細細碗，但原來都幾多。牛舌粒煮到好淋好入味，細細粒易入口，不錯。芝士年糕，口感似棉花糖，熱辣辣軟綿綿之餘還帶著芝士既香。最後仲有云呢拿雪糕送，食得出應該係自家製，仲見到一粒粒云呢拿籽係雪糕入面，夠晒透心涼，大滿足。

喺青衣城剛剛睇完電影,順便喺呢度食埋晚飯！ 由於商場嘅餐廳選擇都比較多，最後選擇了一間食和牛的餐廳！餐廳的裝修都好光鮮同舒適， 有些坐位還有usb插座餐廳其實主打和牛同飛驒牛， 還有黑豚肉鰻魚同埋烏冬嘅定食。美國和牛西冷$168, 一定是有少少沙律， 個美國和牛分量相當足夠， 味道唔錯， 呢個價錢食到和牛相當唔錯了日本味噌雞烏冬$ 88, 雞扒煎得唔錯，又大件，好滑同好香。 加上個烏冬一定飽飽。燒牛舌$32, 啲肉質爽口，好味必食之選！

來到食日本菜，立即點了一個蒲燒鰻魚丼，有中華沙律、沙律、味噌湯和主角鰻魚飯。鰻魚厚身和肥美，份量適中，米飯比較軟和黏。整體而言，鰻魚和飯不錯，可惜鰻魚汁就很遜色，只有甜味，令整個鰻魚丼非常失色。

十年都唔去一次青衣城，今次為左睇戲去到咁遠。係青衣城覓食，同男朋友行左一轉，始終對呢間「味之亭網燒食堂」最有興趣，決定一試！😆—選擇唔多，而且真係幾貴下。😵—明太子燒魚餅男朋友一睇到呢個就話好想試下。😬的確幾好食，裡面既明太子味道幾濃，食落去既口感有啲似芝士魚餅。🤔不過30幾蚊3塊，性價比唔夠好呢。—美國和牛小排牛小排肉質好林，肉味唔算好濃郁，肉汁比較多。🤤—美國和牛西冷相比起和牛小排，西冷明顯地肉質韌啲，但肉味濃郁好多。藍妹更鐘意有咀嚼感同肉味濃既牛，所以和牛西冷更岩口味。😁—醬油豚骨湯流心蛋鍋燒讚岐手打烏冬加30蚊可以將飯轉做手打烏冬，同男朋友好想試下，加一個試試。（小插曲：個Menu一個餐本身已經有兩個選擇，飯或者手打烏冬，上面既價錢烏冬已經係貴30蚊。咁我地個concept就係列出黎果個價錢已經係加左30蚊。點餐既時候，個待應提我地烏冬係要加30蚊，我地話知道OK，點知佢轉個圈又返黎話要另外加30蚊，藍妹當堂打個突😲，問佢既意思係咪個餐既價錢再加30，佢話係。藍妹問佢點解原本已經比飯貴左30蚊，仲要加30，佢好似唔明咁😕，我同佢解釋左幾次，問左幾次，佢終於去問經理，最後先con

兩點食，見到午餐九折仲要送雪糕🍦，冇理由唔試下叫左咖啡牛肉丼同鰻魚柳川丼，兩個丼都有醬漬温泉🥚同湯，包熱飲或者凍飲+$3店員服務好熱誠有禮，但對食物就好失望。牛肉太瘦鰻魚太少份量鰻魚飯醬汁比咖喱汁味好...飯唔算好熱反而綠茶雪糕味道唔錯2個餐成為$120蚊，經濟之選

今日因為要黎青衣轉車，所以順便食埋個lunch, 次次黎到青衣城都諗唔到食乜，見呢間既定食好似ok,就入去試一試吧。lunch set 送餐飲及麵鼓湯白咖哩牛肋肉丼 $58呢個組合好特別，牛肋肉都幾唸，但白咖哩汁其實冇乜咖哩味，但有醬汁叫做幾好餸飯，但味道就十分一般。燒西班牙黑豚叉燒丼 $62唔知點解係西班牙叉燒😂 叉燒沒什麼味道，餸飯好乾爭爭又冇乜味，可能配拉麵會好些，港式叉燒比較好餸飯呢！另外我想講一下整體配搭，碗飯裡面有紫菜、沙律菜、青豆、薑幾片。其實我真係覺得好奇怪，我唔知點食先配搭得好味，感覺上係想賣相好些才加上去的。而附上的溫泉蛋不是溫泉蛋呢，只是把蛋白煮熟一點便令到看上去是溫泉蛋，其實是生蛋一隻呢。飲料方便又是很豐富，有茶一杯、餐飲一杯、麵鼓湯一碗。其實我真係飲唔曬呀🙈其實少少既細節看得出有沒有心做食物，只是堆砌不同食材在裡面看上去很豐富，但其實有些我都不會食，希望店主能改善一下，不要令客人有機會浪費食物啦。

今日一行4人去左青衣城Lunch，朋友話呢間日本餐廳唔差，份量又大，一於去試下。午市定食選擇唔少，有青森米同讚岐烏冬。每份定食都會附送麵豉湯同飲品。我簡左比較罕見既白咖喱飯。可能係日式餐廳關係，白咖喱飯味道好甜，咖喱汁既質感較稠。可惜除左顏色之外，真係食唔岀同普通日式咖喱既有咩分別(本身以為白咖喱即係奶味較濃。) 至於牛肋肉，餐廳所用既部分比較瘦，所以口感較老，好難咬開。飯份量都唔少，但鍋飯感覺上同用碟上冇分別，靠近碗面既米飯完全唔脆。不過，所用既日本米又軟又香，加上飯面有可以拉絲既芝士，挽回不少分。麵豉湯味道正常，冇咩特别。朋友點左個鯖魚定食，佢話味道正常，不過個魚皮煎到不太完整。總括黎講，呢個價錢仲要唔洗加一，係青衣城食尚算可接受啦，味道唔難食但環境都係舒適既。

生物會進化或演化。食物也會。許久以前，市面吃到的豬軟骨其實都並不十分軟，雖說是軟骨，吃起來還是要花點點氣力嘴嚼，叫爽骨可能更貼切。然後這幾年開始出現號稱用上不知多少個小時炮製的豬軟骨，到捧上餐桌時，的而且確是軟的，質地有時像軟糖，有時甚至與肉融合一起，正是骨肉難分。越來越多店採用這種做法。難得這裏的豬軟骨還是所謂元祖風味，老實說有點喜歡這懷舊做法。雞扒不是頭一次吃，淡淡的帶著味噌的味道，雞皮燒得薄薄的，沒有肥膩感覺，讓人警覺鬆懈，所有雞皮直接入口，一塊不剩。餐飲不過不失。對茶餐廳以外的水吧從不苛求。熱檸水的檸檬更非常足料，冇投訴。

在青衣城辨點事後 已到下午茶時間 但還未食午飯朋友話青衣城冇嘢好食 我地就走到2期覓食行過這店外 看似不錯 就入內試試餐廳係用點餐紙落單的 3個人點3樣嘢食 但兩樣冇 之後再講幾樣嘢冇 睇多次餐牌 得返烏冬同舊幾兩舊水嘅飯類有下午茶 唔需要咁奢華叫埋烏冬算數🤦‍♂️豬扒什錦豚骨湯烏冬 一般般豬扒硬 烏冬彈 perfect match？？

味之亭今天去青衣城行街，一期無乜鐘意食，走去二期頂樓有幾家餐廳比較集中，最後選了味之亭。中午12點到，到處無乜人，兩個人入去，我地想坐4人位置也可以。餐牌選擇算多，午餐價錢便貴都有，裝修很簡單舒服。叫了兩個餐。黑蒜油豬手窩烏冬等了5分鐘，味噌雞烏冬等左大概10分鐘，應該是雞要現煎。其中一個好處是兩個餐都是好熱辣辣。黑蒜油豬手窩烏冬～有差不多5件算厚的豬手，口感和味道都很好，湯好香和帶濃濃的香蒜味，連烏冬都很入曬湯味，難得，烏冬很滑和不林。味噌雞烏冬套餐～有青菜沙拉和中華沙拉跟餐，中華沙拉是難得的新鮮；雞應該是剛剛煎，真系皮脆肉滑；蛋又竟然系鹵到好好味的溏心蛋；烏冬也是入曬湯味，真系吾知點做到，哩個烏冬比另一個更有彈力，正。甘蜜～兩杯甘蜜，一杯無味，一杯太酸，仲有一個勁差就系跟左隻超爛的匙 ，水吧失敗。食完侍應好有禮貌咁問食完未至拿走碗，另外5點錢9折，等於吾使加一，吾錯。

好少行黎青衣城二期呢面, 今次睇戲前落一層行過就會見到呢間d盛合好似有板有眼, 睇完戲就諗住黎試下啦.選擇都唔少, 但我地都係俾佢d牛吸引住, 所以最後都點左呢個「極上和牛三色盛合」, 佢有分6片或者9片裝 , 最後叫左9片. 外表唔錯wo, 同相片很接近, 但我地呢份肉好似差緊d, 唔個係部位問題還是什麼, 以$278呢個價錢黎講應該可以好食d , 所以有少少失望另外仲叫左兩串牛舌串燒$58, 評價都係一樣, 無咩驚喜, 無好肥美o既感覺, 不過不失!

食個西京燒比目魚。冇麵豉醬味,冇魚味。好在有沙津醬。。。。。串燒牛舌:冇味,咬極都咬唔開。牙力小d都唔得!三色牛。個西冷原全唔得,有根同渣。別外兩隻還可以。個餐仲有中華沙津。同麵豉湯。普通野真心去日式超市買黎自己煎仲好食!埋單400蚊。。

入到去一個客人都冇，都知中伏⋯⋯叫咗個西班牙黑豚腩烏冬，日本味噌雞烏冬，兩個都係味噌湯，一份芝士年糕同一份雞翼。先講湯底，個湯底有陣藥膳味，已經難食，係加咗七果份先勉強放得入口，個黑豚腩令我諗起八成瘦叉燒，個味噌雞係全瘦叉燒，個烏冬夠滑，個年糕係加分的，又軟熟，入面芝士個度又夠多，呢個係好食的，至於個雞翼，賣相麻麻，食落仲差，我係屋企煮都好食過佢！最後埋單仲要收300蚊，完全係價錢同質量完全唔成對比！人哋話平嘢冇好嘢，我今次見識到貴都未必有好野⋯⋯

同老公去附近行街，見到尼間好似唔錯，就試下尼間。佢點菜係用紙點興起叫左支酒飲，因為佢冇晒紙入面果款酒，所以轉左尼支。飲一啖，感覺普通。佢有三款肉，一黎見到血淋淋，感覺麻麻地。但口感算不錯，除左西冷雖然見血又好韌之外，其他算好食。另外加錢要烏冬，以為好細碗，但黎到又一鍋好大碗，外觀唔錯。味道一流烏冬口感有彈牙，好好食，尼個一定要加錢食。哇，尼個d肉超韌，咬到牙都痛，食食下我放棄左。有冇攪錯！！完全唔值，劣評。整體見仁見智。如果唔係個烏冬整得好食，間店比硬劣評。