味之亭網燒食堂 (已結業)

入到去一個客人都冇，都知中伏⋯⋯叫咗個西班牙黑豚腩烏冬，日本味噌雞烏冬，兩個都係味噌湯，一份芝士年糕同一份雞翼。先講湯底，個湯底有陣藥膳味，已經難食，係加咗七果份先勉強放得入口，個黑豚腩令我諗起八成瘦叉燒，個味噌雞係全瘦叉燒，個烏冬夠滑，個年糕係加分的，又軟熟，入面芝士個度又夠多，呢個係好食的，至於個雞翼，賣相麻麻，食落仲差，我係屋企煮都好食過佢！最後埋單仲要收300蚊，完全係價錢同質量完全唔成對比！人哋話平嘢冇好嘢，我今次見識到貴都未必有好野⋯⋯