味之亭網燒食堂 (已結業)

今日去青衣城睇戲，梗係要醫飽肚先啦！行過見去呢度座無虛席，價錢又合理。一於試試先。見到隔離抬叫左個汁燒和牛丼飯，賣相好似好正，我就叫左個。哇！個和牛超正，係日本食嘅質素，牛本身高質，無論口感、肥瘦程度同煮法一流，香之餘又好濃嘅牛味、又juicy。想快啲再食過。

這晚跟青衣朋友吃晚飯，聽友人說青衣是個美食荒島，但其實青衣城第1及第2期的食肆也挺多，而且種類也很廣，最後選了日本菜。先看餐牌，價錢也挺大眾化，款式也多。最後點了鹽燒鯖魚丼、什錦海鮮豚骨湯鍋燒烏冬，燒物（燒南瓜及安格斯牛柳粒串燒）及飲品。鹽燒鯖魚丼鯖魚兩大件，澆上日式燒汁及溫泉蛋拌飯吃很惹味。什錦海鮮豚骨湯鍋燒烏冬湯底味濃，海鮮的份量也很足，很抵食呢(*¯︶¯*)燒南瓜、安格斯牛柳粒串燒追加的兩款燒物也很不錯，調味夠，安格斯牛柳粒串燒很不錯呢。以這價錢吃到這質素很可以～

青衣城開左2期之後 連戲院都有 餐廳選擇又多左 睇戲前後都可以去醫肚😆 我地今次就揀左試呢間主打食牛肉 價錢合理即餐廳🍴我地叫左2個餐 分別係美國和牛小排同燒西班牙黑豚叉燒丼🤤 美國和牛小排餐有齊前菜 沙律 味噌湯 牛排份量都唔小 有2層 油脂分佈平均 所以肉質好嫩 點少少岩鹽真係幾好食👅 牛排底下有炒雜菜 幾有誠意👍🏻而燒西班牙黑豚叉燒丼已配有温泉蛋 拌飯食真係好惹味🤩 黑豚叉燒燒得夠入味 半肥瘦好香口🤤我地仲試左一串牛舌串燒 雖然比想像中細少少 不過好厚身 食落係爽口個種 加左鹽去燒好juicy好香口架🌟

N年無去過青衣...今日朋友約我食飯先知道多左2期😅求其搵間餐廳落腳✋🏻入正題❣️🔺每個dinner都會有沙律➕中華沙律❣️沙律用左柚子醋食落好清新❣️🔺西班牙黑豚腩烏冬➕鹽味湯底❣️啲腩肉好肥美🥓半肥瘦❣️略煎過啲油脂出哂黎👍🏻食落唔肥膩👍🏻烏冬好煙韌❣️❣️仲有木耳絲➕荀➕蛋🥚配菜👍🏻蛋醃得入味❣️啲筍好爽脆👍🏻🔺日本味噌雞烏冬➕醬油豚骨❣️雞扒塊皮煎到好脆🤤雞皮都幾簿好似食緊豬肉紙🤣雞肉好滑👍🏻🔺明太子燒魚餅❣️金黃色好吸引👍🏻中意食魚餅既唔好錯過🤤明太子唔會太咸❣️🔺芝士年糕❣️推薦必食❣️口感似棉花糖但因為烤完又脆🤩芝士超流心❣️

假日lunch set $5x 算好抵食。温泉蛋牛肉飯定食：牛肉汁味道精準，飯粒佈滿牛肉汁但不會太咸，飯份量多，女士可以share 食tim, 反而麵豉湯過咸，飲一啖都飲不下熱柚子蜜: 不過不失，甜左少少

今日約咗朋友食飯，最近其實夜晚真係唔係好想出門所以搵間餐廳近近地去咗青衣城2期嗰度搵嘢食依間餐廳係食日式定食為主所有定食都可以加$30轉流心蛋手打烏冬而西京燒比目魚定食 $88一向都很喜歡西京醬那咸中帶甜的味道樣貌跟銀鱈魚相似🐟魚肉厚度，魚油多的魚，而且嫩滑。黑豚肉定食 $108黑豚肉煎得有少許有點乾，但肉質仍然嫩滑。店家好細心配上燒汁、海鹽、及我最愛的青檸。可以一減黑豚肉的油膩感。串燒雞翼 $20一客有2隻雞中翼，外皮燒得脆口。汁煮牛舌粒 $48牛舌煮得甜甜的，口感軟淋但吾梅

放工經過青衣城，同老婆撐檯腳。老婆揀左佢地既招牌汁燒飛驒和牛箱飯，佢非常之滿意。我試左幾塊和牛，真係不得了，有當年去飛驒高山食果個和牛飯既感覺。 牛肉質地柔軟，個燒汁好夾好送飯。青森米唔係珍珠米，但都好有口感，好香米飯味，老婆不消10分鐘就食哂成個餐。沙律上面既方粒係明太子，好有口感。麵豉湯好香。我就嗌左個日本黑豚烏冬。 黑豚煎得香脆，佢有配埋調味碟，分別有海鹽、燒汁、青檸，每款都有唔同風味. 烏冬彈牙，湯底濃郁，木耳、筍、魚片、流心蛋加加埋埋營養豐富，流心蛋好好味。個餐仲有沙律同中華沙律添。另外，我地仲嗌左個炒銀芽，日本醬油+黑椒，令本身冇乜味既芽菜多左層次. 食完飲埋杯玄米綠茶🍵，好舒服。下次想試下佢個鹿兒島黑牛。😋😋😋

一直覺得呢間餐廳服務麻麻所以好耐無嚟了就係耐無嚟見有啲員工唔同咗即管同小朋友去呢間餐廳食lunch 睇下服務有無改善去到攞飛等位但其實成行bar枱無人坐有位著恤衫既男員工話：有枱埋緊單叫我等一等（應該見我揸住拐杖俾卡位我坐）我ok無問題我等咗一陣之後又有另一位女員工走嚟同我講：bar枱有位坐唔坐我：我都知你bar枱有位，你地又話有枱埋緊單叫我等，企咗陣又問我坐唔坐bar枱，坐bar枱你地早應該俾我啦！要我企咁耐玩呀！我見到張卡位執完枱，之前位男員工叫我地去坐，我地2張餐紙都有落order，交俾一位四眼男員工，佢幫我落完order俾返張單我，我已覺得有問題，點解得一張order紙，因小朋友爭住睇緊我又無為意我地order三個lunch好快到齊，我邊食邊等其他小食，食咗一半已同小朋友講：點解我地啲小食咁耐既呢？我叫小朋友俾返張單我睇，一睇之下火都嚟，幫我落單該位員工，睇單只係睇大半張，睇咗你落咩lunch、飲乜，下面嗰啲唔使睇，唔好話我知用紅筆畫咁搶眼你都睇唔到喎！咁我有理由相信佢副眼鏡度數有問題囉！仲有我俾2張order紙佢，竟然係落得1張，另1張同我掉咗，咁我畫嚟做乜？我同另一個應該職

今日帶女女去青衣城玩，商場入面整左個小朋友障礙賽的玩意，女女玩到唔捨得走。玩到餓我們就去了商場內的味之亭食日本料理，叫了個蒲燒鰻魚定食，有湯有飯，還有沙律菜同前菜，另外還點了清酒煮蜆，芝士年糕，雞翼，燒蕃薯等小食，飲品則點了凍柑桔蜜。同女女2個食咁多野，真係豐富，大滿足。鰻魚夠肥美，份量都ok。燒蕃薯好好食，蕃薯本身好甜又夠霖。呢度佈置得幾有日本氣氛，同女女2個人坐4人卡位，好闊落舒服。店員都好有禮貌，原本每個定食送一球da dolce 意大利雪糕，但店員姐姐都多送一球比埋女女食，雪糕係薄荷朱古力味，味道好清新。

今日去左接男朋友放工，係青衣城行行下見到呢間餐廳，定食價錢吾錯，份量又大，所以就入左去食。岩岩到食飯時間，等一陣就有位。一坐底就有熱茶飲芝士年糕熱辣辣，燒得幾香，中間d芝士重流緊，正！汁煮牛舌粒牛舌煮得好入味，又冧，好食！美國和牛西冷配青森米男朋友鐘意食牛，所以點左呢個定食。估吾到和牛西冷份量咁多，飯又一大碗，男仔都好夠食。和牛西冷煎得幾好，香牛味，有少少油脂，配埋燒汁送飯一流。日本黑豚配青森米黑豚肉煎得幾香，有一層油脂係上面，好有口感。份量又係幾大，食吾哂，所以分左比男朋友食。叫左2個定食，重有雪糕送，係tiramisu味，吾太甜，飯後甜品，正

今日同細妹睇完戲係青衣城二期食晚餐， 見到味之亭裝修得幾靚，等位又快決定入去試下。 兩個人決定order一個定食和一個烏冬，再加些小食share 食。入到去坐得都幾闊落，同仲有usb叉電添。呢度出名食牛，決定試下個汁燒和牛箱飯， 飯非常軟滑、和牛肉質細嫩帶有少少筋再配合埋個汁，非常好味。西班牙黑豚腩烏冬，醬油豚骨湯底不太鹹，而且烏冬彈滑。個糖心蛋真係無得輸，蛋味香濃入口即溶。這個芝士年糕，有別於我平時食嘅芝士年糕，芝士味重而且外皮好Q彈。牛舌串燒也不錯，重牛味而且軟脆又帶彈性。食完仲有雪糕贈送做甜品添。服務方面亦非常細心及有效率。

來到青衣城看電影前當然要醫肚子先，為了放便找到這店就在戲院附近超方便！我們看到這店午餐都有很多選擇，就決定這裡啦！我們選了黑咖喱牛肋肉丼、燒西班牙黑豚叉燒丼，我覺得黑咖喱好食多了！這個餐還包括熱飲、雪糕🍦價錢也很實惠！

青衣城2期現在變得餐廳雲集，我成日都來呢邊，所以大多餐廳都有食過，今日諗住試下味之亭綱燒食堂。餐廳主打日式餐飲，用青森米煮食，以鹿兒島黑牛為招牌。和式套餐選擇繁多，牛，黑豚，魚類可以同米飯或者烏冬相配搭。不乏小食。我揀左西京燒比目魚套餐，比目魚很肥美，大大條，肉質鮮美。米飯的確好掂，日本米一極棒，米粒飽滿。燒蕃薯同燒南瓜，很鮮甜，燒得恰到好處。明太子燒魚餅，明太子餡呈爆漿狀態，很creamy,魚餅彈牙。套餐配雪糕，很有綠茶味！

今天在青衣城發現了一間超好食的日本牛肉店～裏面的裝修有日本特色～牆上面掛上牛肉分布圖～特別之餘又可以令食客進一步了解自己正在進食什麼的牛肉部分！本人分別叫咗牛小排及和牛西冷跟老公仔一同分享💕一上枱的時候非常精緻！每一樣食材都放在精緻的小碟上！麵豉湯順口細緻，材料有豆腐海帶蔥等等😆實在非常幸福啊～～和牛西冷入口即溶，牛味香濃～一咬落口的時候肉汁在口腔中流轉！白飯亦非常好食～採用粒粒珍珠米⋯⋯彈牙之餘散發濃郁米香！！牛小排比西冷的肉質更加鬆化！圖片都顯示一夾起肉汁已經急不及待湧出來。好味最後仲會有甜品作為完美嘅完結💕

今日帶爸爸到青衣城食晚餐。青衣城二期有很多食店，今次來吃呢一間網燒食堂。門面看起來很地道、很日式，可能以木材為裝飾為主。看過餐牌後，決定一人點一份主餐，再點小食。爸爸點了一份饅魚飯。所有定食都可以加$30轉流心蛋讚岐烏冬。但爸爸愛吃飯，所以沒有轉烏冬了。饅魚定食整齊地放在盤子上，有一個饅魚飯、一碗味噌湯、沙律、中華沙律。賣相很好，而且好豐盛。饅魚飯米飯都不算少，因為市面有很多餐廳的饅魚飯，飯的份量都會較少。但這餐廳的份量充足的。饅魚超肥美肉厚，啖啖魚香，入口即融。碗上了日本米，吃起來飯會較為清甜，混合饅魚會減去油份，令口感更好。呢個饅魚飯真係冇得輸。其他湯、沙律等都正常的，不錯。我點了一客味噌雞湯烏冬，烏冬湯底可選鹽或豚肉湯。我點了豚肉湯。烏冬以鐵窩盛著，熱辣辣的，保溫效果很好，不用怕烏冬很快會涼了。湯底濃郁，仲有隻溏心蛋、等等的其他配料。這個烏冬味道不錯，值得一試。另外要讚一讚味噌雞好惹味，啖啖肉，又肉厚、大大件。最欣賞的是雞肉仍保持肉嫩多汁，雞皮燒得脆卜卜，又香又惹味。啖啖肉令人愈食愈想食。呢個烏冬十分抵食，肉又多，而且烏冬份量都不少。最重要又好好味。小食點了芝士年糕。呢款芝士年糕