周記避風塘 (已結業)

我星期日同男朋友睇完戲就去左我家姐推介周記避風塘食dinner，我被安排坐左一間二人房，雖然好迫，但都算係有個私人空間，都唔錯。服務態度一流，個waitress好有耐性咁推介我d送菜，我叫左︰豉椒炒聖子(好韌，但味道不錯)避風塘炒蟹(超正，推介必叫)蝦醬帶子炒飯(超鹹，千其唔好嗌)整體來講，都幾好味，d人服務態度好好，我會再去(但我一定唔會再嗌蝦醬帶子炒飯，因為真係好好好鹹)

我和男朋友兩個人食左個二人餐，有豉椒炒聖子，有兩碗排翅，一碟炒菜，一碟蝦，不太記得有乜。兩個人食都夠。小妹最喜愛個排翅，個汁不太"傑"又不太水，剛剛好！雖然知D翅係素翅，但都OK。其他野都ok，都好食，但就覺得貴左D!如果有閒$，會再去！原來DBS Card有九折，但職員無話我聽，我比左現金！有D覺得唔抵!

我同老公食咗炒蜆,田雞等幾道"招牌菜".但都唔多掂, 反而個白粥就好夠誠意.

一行六人連一個小朋友今晚到周記食飯. 叫了避風塘荔芋釀茄子/艇家雞半隻/艇醬雞翼/油鹽水泥猛/椒鹽鮮魷/蝦醬帶子炒飯/蝦醬唐生菜. 諗住叫六個餸一個炒飯都夠啦.個餸一黎真係眼都突埋:避風塘荔芋釀茄子- 四"大"件.仲要係我食過最深刻的一個餸. 從未食過咁難食, 佢厲害在於D粒粒(唔係茄子)可以唔脆兼好似食三角朱古力咁"痴"牙!!真係未見識過!艇家雞半隻- 油鹽水浸無味雞碎! 無錯, 係雞碎! 你無辦法搵到半隻雞架, 每件斬到女仔手指公咁大. 仲要無味, 水還水, 雞還雞. 艇醬雞翼- 都係五大隻, 但係似雞翼干多D. D醬勁咸. 唔知係咩秘制醬料, 但肯定有好多好多豆豉, 得個咸字, 隻雞翼臭你都唔會食得出.油鹽水泥猛- 同艇家雞差唔多, 一樣係唔好味.椒鹽鮮魷- 係唯一一個可以一讚既餸, 炸得剛剛好, 味道亦OK. 無太咸, 亦有D蝦醬味. 唔錯!!蝦醬帶子炒飯- 除左帶子外基本上真係好足料! 因為真係好多蝦醬, 多(咸)到你唔想食! 基本上個飯係最大碟o個碟(比小食碟大一半), 但係如果你唔眼利真係好難搵到帶子!!蝦醬唐生菜- 佢燒熱石頭鍋盛唐生菜上, 幾有鑊氣, 但係蝦醬比例又真

係沙田返工, 食到真係唔知再食乜好...周記幾特別, 冇諗過午餐都可以食避風塘野, SET LUNCH有粥或粉麵加串燒, 有餐飲, 都係$30上下, 抵食

四人午飯, 點左一個二人自選套餐加一個午市特價餐(一位用). 先講前者, 有兩碗湯羹, 我地揀左周記魚羹, 味道一般啦, 太重胡椒粉味, 不過幾大碗, 我地兩個人share一客都夠皮. 小食一份, 我地揀左燒牛舌, 厚得黎頗腍, 食落竟然有d似豬脷, 都係一般啦.兩個小菜, 我地要左鍚紙焗雜菌, 一揭開就見到好多水, 似上湯浸雜菌多d, 不過味道唔錯, 好清甜, 我幾鍾意. 另外一味就要左南瓜豬笑面, 我唔鍾意食唔腍的南瓜, 所以對呢味麻麻.跟餐既兩碗白飯, 標明係珍珠米, 幾有誠意.另外有午市套餐多款, 我地揀既係唔知咩炒飯加白灼翡翠, 前者好乾身好香口, 讚; 後者其實係灼菜心, 都交到貨, 唔會好油膩.四個人食三人份量既食物, 結果都係食唔晒, 算幾抵食啦, 味道亦過得去, 可以翻兜. 不過睇menu散叫價錢偏貴, 晚市就要諗過先.

兩個人九時多去到，見唔駛等位，環境又ok，於是入去試試。初時叫了三個，「炒大盜」、「避風塘中蝦」，和「蝦膏咸魚豬笑臉」。因為本身唔太餓，所以都諗住夠。點知3樣都好細碟，賣相和質素又唔見得特別好！食物︰首先「炒大盜」嚴格而言只是調過下味的豉油加露筍和魷魚；完全沒有誠意，調味簡直是胡來，我本身也愛胡椒粉，但他的胡椒粉下的實在太…多！多得鼻子也嗆了幾次！味道也沒特別，最特別的是其size，細碟得不可再細，賣相小家得很。吃著吃著，頓時感覺慘兮兮的，好像自己破了產，沒錢吃一餐豐富的樣子，只是小口小口地吃著小碟的小菜…而「中蝦」的味道則ｏｋ，蝦也算有味，但不算鮮；唯一覺得可以的菜式，不過這種質素，絕不值這個價錢！$55得6「中」隻！完全唔知佢想點！兩個人吃，每人只能淺嘗3「中」隻，繼續貫徹其「小家」的作風！「豬笑臉」則相信全港八成主婦所造的都有ｏｒ高於此水準……蝦膏很貴麼？之前的「炒大盜」，落胡椒粉唔使本，現在這道菜，吃完全碟(別以為要很久，轉瞬已吃完)也沒吃出一滴蝦膏味(可能有半滴也說不定…)豬面肉的質量也差，完全不爽！另外，不知是否因為沒太多顧客，冷氣好凍，食物很快就放涼了。吃完了也不太「滿足

艇醬爆A菜: 有d似麵鼓炒菜,份量少.煎燒魚:有ｄ似亞媽煮的煎魚，無特別．避風塘茄子：最好食，很香口大蜆湯：好味，白色湯底，蜆無沙．四小炒: 好細碟，菜唔靚．有唔同的ｓａｋｅ飲服務態度幾好, 坐得舒服, 會再去

可能人客唔多，服務同食物質素都比想像中好。

次次黎都會食既燒物: 燒鯖魚、燒雞翼、燒牛脷, 因為真係好好食!燒鯖魚燒到層皮脆卜卜, 但肉質仍然鮮嫩, 好食~燒雞翼都係, 皮脆肉滑!燒牛脷係我的最愛, 雖然略嫌肥膩...

尋晚同兩個朋友食飯.. 係沙田新城市.. 好多間食肆都試過.. 大家都冇乜主意... 咁就去左7樓look look.. 見到呢間未試過.. 咁又去試下啦..入到去.. 環境唔錯.. 卡位的位置都好寛敞舒適.. 野食方面.. 白灼花螺.. 好唔錯.. 唔腥.. 避風塘炒鳯翼.. 有4隻雞翼.. 都幾大隻.. 呢碟係最好食既.. d蒜炒得很香.. 送白飯一流椒鹽豆腐.. 熱辣辣.. 脆卜卜..很大件.. 食第一件既時候真係覺得好好味.. 但第二件由於涼了一d的關係.. 便差了..故建議一定要趁熱食.. 去骨泥粥及燒鴨絲粥.. 個人認為太淡了.. d粥唔夠味.. d料同個粥唔係咁match..很麻麻..原先仲叫左d串燒..但應該係漏左單.. 我地見d野都食唔晒.. 所以都唔同佢地講漏單..另一樣要讚既.. d侍應見我地食完.. 都唔會好趕住要我地走.. 我地食完野係度傾計.. 傾左好耐.. 佢地都有幫我地加茶.. 服務都唔錯..

22/11晚同bf差不多九點去到，好清靜，得10台客倒，心想就試佢一次啦！先黎一壺中國茶(有六款選擇)，看看餐牌要收$8/位(午市$5/位)，好彩質素都ok！之後我地叫住呢d先，諗住唔夠再叫，或者叫甜品：燒翡翠螺($20/2隻)─完全無鮮味，肉亦細得可憐，要成$10粒，實在唔抵食！艇家雞($68)─有d懷疑唔夠半隻雞，而且味道普通過普通，只係將一d浸熟既雞，比客人食之前用d好鹹好油既所謂魚湯浸住上碟，雞食唔出有任何魚湯味，實在係雞還雞，魚湯還魚湯，幸好似乎唔係雪藏雞。蝦糕唐生菜($38)─本來蝦糕好夠鹹香味，唔錯！不過竟然用石頭鍋上，係就係keep到熱，但其實講緊只係唐生菜，加上份量又係少到死，size得半碟油菜，好似有d小題大做，夾第二箸時d菜已開始有d燶，嚇到我地要拿拿聲食晒佢。另外，其實唐生菜有幾貴，收得$38碟，得十幾條幼幼菜仔，唉！燒鴨粥($28)─餐牌有燒鴨粥/燒鴨絲粥，心諗前者應該係燒鴨件啦，點知都係一絲絲架喎，真令人費解。份量只係同普通粥檔既艇仔粥差不多，味道只屬ok而已，唔值咁貴囉！食晒大家都係得五成飽，但都無意欲再叫其他野，最後解決辦法係各自隊左一隻鹹肉粽同一條粢飯

今日冇乜胃口,但係五,六點時已食o左下午茶生牛肉湯河加大凍飲打底,先再係九點鬆D食避風塘....入去時都冇餓O既感覺,於是兩個人只叫O左個泥鯭粥,辣酒煮青螺,艇醬炒大蜆....泥鯭粥$32,個size 大過standard飯碗少少,大概三至四小碗(普通酒樓放定係碟上面個d碗仔)... 味道不過不失... 辣酒煮青螺$38, 味道最好,幾惹味...但得六粒..可能青螺size比平日花螺大,所以價錢勉強可以接受...但碟炒蜆,都$48...d蜆隻隻得手指公指甲咁大,粒肉得手指尾指甲咁大,仲要有沙...好多空殼,成碟得十幾粒肉(連跌出來o既肉),味道一般....最後埋單連每位$8茶錢同加一,承為$150都算,至勁就係食完都冇乜飽o左d o既感覺,食埋滿記黑糯米同紅豆沙湯圓都係得七八成飽,真係瘦身之選!

12個人食，總數$2950，價錢唔算平，叫了燒立魚，瀨尿蝦，炒蟹，鮑魚仔，其它小食及蝦膏菜，味道雖然不太差，但海鮮肯定是不新鮮，肯定是雪藏野，反而其它小食及蝦膏菜不錯，但總括而言，食海鮮不要有太大祈望，而且價錢偏貴，食其它野尚可一試！

今晚我o地total 6個人去食, 雖然冇訂位, 但去到waiter話有位, 不過由於要執, 最後都係等o左15分鐘.開頭想食避風塘炒蟹, 點知waiter話D蟹賣哂, 唔係呀, 8點半就賣哂, 居然入咁少貨, 冇法, 唯有改叫炒龍蝦.另外加多7碟餸, 嘩, D份量真係好少, 基本上每人食一件或一塊已經食完一碟.味道就OK, 都算好味道.Total 食o左$820, 而咁既價錢同份量, 其實真係唔係好底.