周記避風塘 (已結業)

一行12人上星期六到沙田"周記避風塘"食晚飯.....叫o左唔係好多款"送", 因為食完第一輪所有人一致裁定去西貢食糖水.我o地叫o左以下"送"1) 辣酒煮螺<~仲細隻過我手指尾那截, 味道尤如白拾但點些海鮮醬會ok 好多2) 豉椒炒黃聖子<~聖子殼多過聖子肉, 每人一條都冇, 味道一般3) 醬爆A菜<~即係炒油墨菜, 味道可以4) 豉椒炒蜆<~幾好味, 不過略咸5) 避風塘中蝦<~6小隻, 味道一般6) 金沙蝦<~6小隻, 味道可以7) 沙薑雞一隻<~毫無特色8) 蝦醬帶子炒飯<~成晚最好味9) 每人各叫不同飲品, 我要o左杯"咸檸七", 個咸檸檬篤極都唔爛, 可以掟死人全部細細碟, 食完一次可以唔晒再食, 服務ok 係有d 人"淪"盡d , 最攪笑係差唔多出晒d "送"先介紹我o地叫set買單$950-左右

同阿媽食飯, 叫佐好多野食, 好多味道都只係so so, 其實可以唔試囉, 5個人食佐五百幾, 都唔係十足飽侍應都好似新返工, 問乜都唔知, 答唔到你, 但都算有禮貌都係個句, 如非冇晒選擇, 都係可以唔試囉我搵返張單, 打俾大家睇茗茶$8*5 $40沙薑雞(1隻) $138避風塘鳳翼$35上湯瑤柱浸莧菜$48蒜茸蝦干蒸勝瓜$48鹽酥珍珠蠔$35煎大澳曹白咸魚$48燒秋刀魚一條$33元貝白粥$9*3 $27白飯$8*3 $24 ---------- $476 +10% $47.6 ---------- $524以上食物睇價錢好似平, 但都係好細碟, 好細碟, 咁就五百幾, 唔值囉

前兩三個月左右食過都幾好味, 所以今日特登再黎食, 今日落雨冇得坐露天位, 坐室內, 點知..我地2個人, 坐左間廂房, 超窄, 好唔舒服. 算啦..鬼叫冇位咩..咁我地就諗都唔諗叫番上次個餐..但就同上次完全唔同, 一定要同大家講吓精選套餐(2位用)($298+8茶@)1. 串燒雞中翼-1串-- 唔係燒, 炸架, 冇乜味2. 鹽燒牛脷-1串-- 都係唔係燒, 味道普通3. 紅燒排翅--味道都ok, 不過翅就冇乜,芽菜就好多.4. 艇醬蒸聖子皇(2隻) -- 黎左碟炒聖子, 嘩唔同價錢架wor, 即刻問下啦, 個部長話, 你落單唔記得同你講, 賣晒d大聖子, 唔好意思, 咁算啦, 哈哈, 我地數過有14個殼, 8舊肉. 唉.. 好唔抵, 味道普通.5. 避風塘中蝦-- d 蝦用好多粉炸完, 再放d 蒜蓉落去, 隻蝦冇味, 好難食, 唯有將蝦同d炸蒜蓉一齊食先得. (上次食成隻好入味架)6. 艇家海鮮泡飯-- 冇味, 同上次完全唔同.7. 咸魚蓉炒時菜-- 好多油, 好似油浸咁, 食左半碟, 真係食唔到. 8. 精選甜品-- 每人2粒湯圓, 普普通通食完之後真係想問下, 係咪轉左廚師!!

好耐無試新食肆, 專登去新城市七樓睇下有乜好食. 以前成日見呢間野大排長龍, 今日無人排, 決定入去試下.入到餐廳已經有八九成滿, 環境頗窄, 所以都幾嘈, 於是要求坐廂房, 誰知廂房窄到嘔, 如果肥d都入唔到去坐, 於是揀了最大的一間, 叫勉強可接受. 但都坐得不太舒服.叫了個二人餐($298)1. 蟶子皇--好大隻, 又彈牙, 又鮮甜, 幾好味.2. 大排翅--味道都ok, 有d雞絲, 有好多芽菜, 如果用其他材料代替會好d, 因為我唔鍾意食芽菜. 塊翅好大塊, 好似幾抵咁.3. 燒牛舌--無乜特別, 味道ok4. 燒雞翼--無乜特別, 味道ok5. 避風糖炒蝦--蒜蓉味入唔到隻蝦, 但蝦外殼很脆很香, 食完蝦殼再將蝦肉與炸蒜蓉同食, 很美味.6. 艇家海鮮泡飯--個人不喜歡吃泡飯, 但都試了幾口, 都不差, 有蝦肉, 有瑤柱, 如果將炸蒜蓉加落去, 就非常好味.7. 咸魚蓉炒時菜--炒得好好味, 好夠味8. 甜品紅豆沙--凍的紅豆沙, 好甜, 太甜, 食完辣野, 再食甜野可解辣總括來講都唔錯,可以再去.

遲來的報告(5月30日食)同太太叫一個避風塘炒蟹餐(2位用)有i)灼物2款(豬肚，豬利)，很好，很入味，又夠"林"ii)周記魚羹翅，唔話俾你係翅，仲以為係淡雞蛋腐竹，重有就係好重胡椒味iii)避風塘炒蟹1隻，約1斤重，幾好iv)清炒時蔬，細細碟，可以接受v)醬爆蝦球，唔係未見過五毫子咁大都叫蝦球，蝦仁就差不多，味道尚可vi)金蒜蛋白炒飯，同時蔬個碟一樣大細，有二、三碗，味較淡vii)精美甜品，係兩粒湯圓，好似利川個套餐$388再加茗茶每位$ 8再加10%總共要$444試過一次無下次

朋友低調沉潛o左數月，終於「蒲」頭約食飯，一定出o黎啦﹗在沙田午餐選擇看似很多，但真的得我心的少之又少，朋友提意到周記，雖然我未食過，但沒有什麼期望。三個人，未到一點，差不多滿座，點了一個二人餐和一個午餐。份量少早就預了，但味道之鹹實在令人難以接受，二人餐中的大蜆湯，鮮味欠奉，胡椒粉味則極濃，再加上鹹，但這個不是最鹹的。再來一個咸菜排骨，排骨算霖，但那些咸菜實在不能入口，好鹹﹗不過都算喇，人地擺明有咸菜。最終極鹹o既係~~豉油王炒麵，鹹到完全食唔落，之後叫個經理過o黎，經理試過都話鹹，之後幫我地取消。都係鹹得過份﹗而服務方面，侍應係好多，但係full house佢o地都應付唔o黎，上菜慢，菜上枱已涼了不少，但又好多侍應想你走，我地起碼比人問o左三次：「你地仲要唔要o架，幫你收o左d野呀﹗」大哥，d 野都未o黎齊，我都走唔到~~

我要返公司OT, 返之前就貼老婆食個BRUNCH先. 原先想飲茶,但搵唔到位,走到7樓見呢間唔洗等, 就入左去. 我地見個午餐OK抵, 包括:1) 周記魚羹2碗- 有誠意, 湯多料, 有魚味, 清清地..2) 燒雞翼- 好香, 真係燒出來的, 加上檸檬汁,惹味. 3) 避風塘豬手- 避風塘味香, 豬手都煮得好味. 4) XX泥鯭 - 都OK. 不差. 我地估唔到咁好味. 午餐又唔貴, 可以試.

來到新城市廣場，兩個人在這商場找地方吃午飯。走到最高一層，見到巷尾有間周記，便走過去。侍應說室內已經坐滿，問要不要房，我們沒有來過這裏，不明白爲何會有房分配，什麽都好，有房總比沒有獨立房好掛，最多就是收貴一點吧。待去到房間，才嚇一跳。原來每個房間只有約四尺乘四尺大，而那張台只有大概兩尺丁方，當然不要房間了，雖然天氣很熱，也寧願去沒有冷氣的露天的平臺。又遇見了兩位同事，剛好坐埋一張四位台。午餐來這裏也不太貴，因爲有廉宜的套餐- 四位用才一百八十八元，可從三十多款湯菜項目中揀六項，可選一湯羹，一小食及四款小菜，另送白粥或白飯。湯羹類我們選了周記魚羹，小食選了串燒牛舌（如不想串燒，可從三款白焯食物建軒），主菜就選了蝦膏唐生菜，紅燒豆腐和鮮菇牛肉。當然以這個價錢，質量難以有很高期望，不過午飯匆匆，五十多元有小菜吃，算經濟實惠。

放工後又去了沙田, 今次揀了避風塘.環境幾好, 兩個人坐得幾舒服. 係比較多人, 好嘈.不要套餐了, 要了五樣菜色.艇家蟹粥$38: 8分, 都算幾大碗, 足夠兩個人分. 蟹幾新鮮, 粥都夠火侯, 入味, 不錯的開始.鹽酥珍珠蠔$35: 8分, 珍珠蠔細細粒, 相當香口, 惹味之作. 係炸得比較油, 食到後期覺得都幾膩.避風塘鳳翼$35: 8分, 揀了金蒜, 小辣的, 但食落都有一定程度的辣度, 又係好香口, 係越食越覺辣, 文迪直程用去送粥.雞翼幾大隻, 炸過的雞皮脆卜卜, 好吸引, 雞肉都幾入味.避風塘中蝦$55: 6分, 同樣的煮法, 中蝦就唔係點入味. 某些蝦係無乜辣味.汁燒牛仔骨$118: 5分, 最貴的, 亦係最差的. 牛仔肉係溫溫吞吞的, 小弟最怕. 汁算不錯, 跟牛肉係幾匹配, 但肉質麻麻, 好幾舊係好難去咬開. 味道係中上, 價錢不是太貴. 都可試試.誰說不可以.

(27/5/07)無book枱,被安排坐逼逼的廂「房」,枱太細,擺多幾碟野,已掂牆,有點不衛生。本來用coupon送炒蜆,竟然無貨!唯有食小炒:腐乳通菜、三蛋炒蠔仔。有鑊氣,味調得洽度好!避風塘龍蝦$138,細細o地,炒完個頭都無乜肉食,龍蝦用避風塘做法,入唔到味乜滯。我最欣賞個元貝白粥,感覺有點奶香,仲有大大粒的干瑤柱,最緊要係食完無確喉麻!薑茶湯丸,皮唔新鮮,因為咬開,很皮還皮,餡還餡,薑湯唔夠薑,可以不吃。食味整體也非常滿意。

星期四晚同個fd去食，見呢間有二人套餐，就選呢間……最後結果係因為套餐d野個選擇唔係太好，結果走左去散叫……1. 蝦羔通菜頗佳，起碼蝦羔唔會蓋過d菜味2, 豉椒炒黃聖子同出邊海鮮舖食到的不分別大，冇乜驚喜3, 白灼魚扣前菜，唔錯，出邊比較少機會食到呢樣野4. 蝦干肉燥飯冇咩特別，蝦干開左邊，感覺上有少少不足。另五十多元一碟飯似乎貴左d5. 油鹽水浸泥鯭係冇咩特別期望下，呢個反而最正。鮮美的魚味，加上酸酸辣辣的湯，好快便掃清光了兩個人，叫左五個餸，話多唔多，話少唔少，但由於上菜速度都幾快的關係，食到最後，食剩了些少飯了。最後，連茶連加一，約三百元，係咁樣級數的食肆，價錢顯得不太貴了

週六到沙田接深圳友人，午餐也在新城市廣場解決。本來打算到basement找吃的，才發覺場內食肆又執位了。真是變化頻密呵!於是回到七樓starry garden，在Fish & Co及周記避風塘中，友人揀了後者，都好，又等我都試試新菜。　店內環境頗暗，裝修有故意的營造古樸懷舊之感，不算太吸引，可幸大卡位還是坐得相當舒服的。午餐是預期之外的抵食，由$35-$55就有一款飯麵+一款小菜/小食。因有下午茶約要留肚，三個女生決定點兩份餐吃，其實都不算少：　燒秋刀魚-雖是跟餐，但份量也相當充足；不過燒得過乾，以致魚肉較硬身，味道只屬一般。周記什肉炒伊麵-這個伊麵炒得乾身不太油，味道也不錯，幾推介!但什肉包括部份內臟，未必個個食得慣...避風塘海鮮炒飯-優點是加入炒香的蒜粒吊味，但這個炒飯不夠鑊氣，飯粒還是濕濕的不乾身，相比伊麵差一點~菜心-雖然所點不多，但這碟菜心是唯一成功清碟食物!　如此吃仍有剩，實在是幾個女生客氣了。雖然沒驚喜，但兩份午餐，就算加上茗茶每位$6，埋單仍然好平。下次有機會試試晚餐!

時間: 零七年四月某晚人數: 二人蠔餅: 七寸, 冇乜蠔, 冇乜味, 但不是難食醬爆A菜: 好野黎三文魚腩: 幾好食避風塘炒雜菌: d菌原來係用粉炸過, 熱氣x2, 仲有冇晒食菌o既感覺避風塘鳳翼: 如果唔係餐牌寫鳳翼=雞翼, 食完我會以為鳳翼係黑炭o既別稱...熱氣x3豉椒炒黃聖子: 有海水味仲有小便味, 富有層次感問部長聖子有海水味同小便味, 部長二話不說就拿走, 等了良久問waiter 才知部長已經cancel 左張單......不知我們是禍是福...

終於試過呢間食,叫過四人餐:周記魚羹:普通,除左腐竹和少量魚肉外就冇乜料白灼豬肚:冇乜味,反而個配菜就幾好三文魚腩:只得四小件,味道一般金勾雜菜煲:勝在夠大,蝦干好少艇醬蝦球:蝦球好少,又冇味,重係雪藏貨!油鹽水泥:一大碗水汪汪的,魚肉有點口呢度每碟份量少得可憐,四個人食只係僅僅夠,重要另加白飯!侍應服務一般,重要收六蚊位茶同加一,唔抵食!!

原來食海鮮都可以有咁多食法，咁多配撘，邊個話食海鮮一定要去西貢？！^.^珍珠蠔粥：粥好綿，蠔好鮮豆腐魚：好特別，魚又滑又嫩，炸得好香口荔茸茄子：雖然有芋頭茸，但係當夾喺茄子入面既時候，茄子的清，剛抵消左荔茸的”漏”，配撘得好．艇醬炒蜆：辣辣地，但係個汁就咸左少少．青魚：好好食，好鮮，好夠味，魚質滑，最好就係無乜骨，哈哈～呢樣最啱我，唔駛吐骨～我噚晚真係食得好開心，同個朋友一路食一路傾計，嗰度環境又好，唔會太嘈．食得好盡興，又傾得好盡興～ＧＯＯＤ！