周記避風塘 (已結業)

因為無預約,去到門口好多人都諗住拎飛等,不過果經理都唔多理我地d walk-in,淨係o係度問booking d 檯得未,越o黎越多人等拎飛,都係無理過.之後幾經辛苦先拎到個籌,不過好似只係派籌,又唔見佢mark o係record度,2人檯見到係綠色籌, 又見到粉紅色籌,都唔知佢地點分辨.加上見到有人話左有book,黎到無record,個經理仲明串暗串佢係o黎搏大霧,越o黎越混亂,都係唔食好過食,費事食到一肚氣....

有日行開去試下, 諗住鴻星集團唔會差,失望而回!叫了2個套餐加碗雞粥,好似好多野食,但樣樣好細份,又唔好食。雞粥：幾好,用珍珠米加上湯煲,唔錯!蝦醬蒸豬笑面：即豬頸肉,豬頸肉要食佢既爽,但蒸完後既是肥豬肉,難食!鴛鴦蚧炒飯：即蚧肉炒飯+ 軟殼蟹, 很細份,軟殼蟹又唔脆又有囉味,難食!d枱design有問題,原意係加條邊唔驚倒瀉水整到d客,我就覺得好唔舒服,"銀"住隻手最差係d侍應,叫極唔應,又成日眼超超,果日我係2點後先去食,無咩人,但都好似好咗住佢,想趕你走咁

今晚同三個朋友去食晚飯, 叫咗五樣o野食: 避風塘炒蟹, 三蛋小蠔, 蝦醬小棠菜, 蝦膏炒飯和半隻(風味)雞.味道:避風塘炒蟹- d蒜蓉唔熱, 蟹就一般, 價錢: $198三蛋小蠔和半隻(風味)雞- OK蝦醬小棠菜- 結果o黎咗豆豉炒油麥菜. 個waitress無意識去換, 淨係問"A菜有冇問題ar?" .....菜就當然冇問題啦, 不過你的服務態度就好有問題.蝦膏炒飯- 冇蝦膏味.埋單$472.整體來講: 一般啦, 不過我就未必再去食.

去左lunch, 味道一般,份量勁少,與價錢不符合.侍應明顯好生手, 唔記得落單,但話落左,等左好耐,chase 左好幾次,最後要經理先攪店.lunch都要收$6一個茶錢,另一唔抵.

傳聞呢間食店好多人寫唔會再返兜,膽粗粗同友人係呢個槓風橫雨o既晚上到此一吃,先打左電話訂位, 七點去到等左五分鐘就可入座, 已經好多人係到食緊, 侍應明顯好生手, 安排座位比較亂, 但總算順利~二人點左避風塘抄蟹好鑊氣,蟹足秤、艇爆A荼味好濃送飯最好,一煲上要攤一攤先可放入口、燒雞泡魚乾又平又正、燒安格斯牛柳等左三十分鐘先上, 但好正,肉汁仍保留到但又好有炭燒味道,如果平d就好, $96兩串,貴d禾、聖子皇肉身比較削、蝦膏抄飯都好大碟有好多帶子,侍應服務好好不停加茶換碟, 總括黎講食物水準唔錯,服務都好好, 是晚埋單HK$600~多謝我的好友^^!

得知新城市廣場開了一間鴻星集團的周記避風塘，遂於5月30日(星期二)已預訂了6月5日七時的座位，後於周日食肆職員致電我要求改時間至七時半，為免勞煩親友，本人婉拒了；稍後時間她再致電要求我改時間至六時半，念著不用親友久等，本人只好無奈答應。至晚上六時半，本人和親友準時到達，但我們一行八人苦候足足四十五分鐘方能入座。其間一位女職員(沒有名稱在身上的)一再表示客人已結帳，要求我們靜候，但據我們查探，當時客人根本未有結帳，還在用膳中。至大約七時，那位女職員卻安排一夥剛到達不久的客人入座，我們即質問職員為何其它客人比我們遲來還比我們較早入座及坐著八人U型梳化位，她的回應更是令我們驚訝，她只簡單的回應︰「是嗎？」事件中最令本人氣結的是她們主動要求本人提早到達，但事情演變的結果是不但我與親友要苦候四十五分鐘之久，還遭到那位帶客入座的女職員的冷待。因安排入座的情況極度混亂，毫無次序及系統，在等候期間也看到其他訂了檯的食客顯得好不滿！看來周記避風塘實在有極大的改善空間。幸得鄭經理作出迅速及適當的安排，否則連一次光顧周記避風塘的機會也沒有！我們點了艇家雞一隻、相思炒魚麵、避風塘軟殼蟹二隻、避風塘炒蟹一份、

一對情侶點了如下食物..避風塘炒蟹($198),艇醬爆A菜($38),避風塘炒大蜆($48),艇湯魚肉斧飯($78),多春魚兩串($20)! 不怕浸($35)←ps:甜品難食！ 私人推介...避風塘炒大蜆很入味, 爆A菜夠特別,熱辣辣！ 斧飯超級鮮甜又好玩！ 甜品選擇不多，只有四款！試了一款叫不怕浸超難食，都唔知乜味！！服務幾好！但見習生多！禮貌尊業！唔錯唔錯！！ 情侶記得要坐卡房！好特別架！

上個星期日, 一家人去食飯, 我地book 左七點半, 但係去到仲要等,場面好混亂, 我地足足等左四十五分鐘, 個d知客態度非常差, 好冇禮貌, 食物一般, 冇乜突別, 款式少

o岩o岩lunch去食, 我地8個人,叫左一個2人餐&一個4人餐,小食黎講串燒牛俐幾好味,而豬肚就一般, 豬肚下面一條條唔知係咩呢,幾爽幾得意, 而個魚"跟"幾好味喎,另外一個湯有蜆同埋冬瓜, 幾清幾好味.主菜方面叫左A菜﹑椒鹽鮮魷﹑蜆﹑咸魚粒菜﹑雞翼﹑三蛋蠔仔, 味道都幾好, 唯獨上菜時間耐,而且逐碟逐碟上, 加埋份量感覺好似小食咁,我諗唔叫飯一定唔夠飽啦.裝修方面幾日本FEEL, 而食O既係中式菜,感覺幾盞鬼, 另外留意到有D好似衣櫃O既房,O岩晒兩個人撐台腳.

呢間嘢係鴻星集團，嘢食賴係多選擇，其實都係啲無謂嘢，味道還可以，但極為普通，故作精緻，細碟且對相貴同好多時下所謂新派食肆一樣，幾無聊既一間舖

晚八時許,二人,僅等三五分鐘.快,好.茶($8per head),鐵觀音,好過好多大茶樓,加分.坐,不舒適,侍應生手,好多驚險鏡頭.見有好多卡位,應該會較好坐.侍應(胸口名牌寫見習生)多為年青香港少男少女,總好過新移民.食, 串燒紐西蘭牛($40兩串),燒錫紙包露荀($38).貴,唔值.牛,味尚可;露荀,唉.黃金蝦($38五隻),咸蛋份量適中,惜賣相不佳;物有所值.蠔釜飯($68),勁麻煩,等餐懵(落單到食得=+40mins),唔值,損己不利人.男廁,細得離奇.環境味道服務乾淨都普通到過普通,又唔抵食,都好難再幫襯.

上星期五兩個人去食晚飯，點了(i) 醬炒A菜- 器皿好靚，但菜很少(ii)豉椒抄蜆- 新鮮，略咸(iii) 椒鹽中蝦(5隻) - 幾好(iv) 蒸大聖子(HK$100 4隻) - OK 但貴(v) 避風塘軟殼- 好味(vi) 蝦膏抄飯OK(vii) 細青島1樽Total HK$400.00總括來說，覺得坐得舒服，食物新鮮，但細碟，略咸及略貴。Waiter有禮但好緊張!

昨日見報介紹新城市最新食肆當然要趁食晏試下啦! 如一般新開張既食肆一樣, 運作當然未算一流, waiter/waitress 都好生手下...Menu 幾有特色, 似係廣東菜+日本串燒fusion, 午餐$38 (粉麵飯+小吃+餐茶), 今日試了相思炒魚麵+避風塘雞翼, 我同事點了"雞飯+燒三文魚", 小吃係新鮮熱辣出的唔算馬虎; 主菜portion 都夠食, 可惜魚麵比較"鞋"口, 雞飯個賣相都幾不俗...其實有好多款菜式因為時間關係好難在晏晝一試, 所以相信要真正試呢度既特式菜例如斧飯, 避風塘炒蟹的話真係要夜晚o黎一趟先俾到意見!奈何lunchtime 都要收$6位茶錢, 加埋一每位要$50左右, 相信好快等到其他新開張的食肆競爭時, 呢度既生意唔多唔少都會因為有影響呢!!!