呦呦鹿鳴布丁燒

营业中

休息中

1. There is a cute deer on top of the pudding. But when it is served, the pudding is flipped over and the deer is gone…Bye bye…2. The pudding is wobbly, which gives you a brief idea of how nice the texture is!3. I like this coconut flavour so much! And there are bits and pieces of coconut pulp in it.4. The base, which is the top when it is still in the pudding pot, is a layer of moist and dense cake. Very delightful indeed. But I would still like to see that cute deer again…I haven’t taken a pic

葵廣都開左布丁燒，店名叫呦呦鹿鳴；「呦呦」係鹿鳴時所發出既聲音，店名由招牌甚至裝潢處處都係鹿嘅蹤影很有心思。門口大黑版畫得好靚，又係裝飾又係餐牌，原來都係出自老闆娘既巧手因為全人手製造，所以經常性都賣晒，lunch time完大家都等緊布丁燒出爐！ 布丁燒分成三層，最底層係輕芝士蛋糕，中間係布丁，面層係焦糖。我點左凍食既爺椰； 輕芝士唔係好甜，軟棉棉既蛋糕配上滑溜既布丁，層次分明，焦糖恰到好處沒有燒焦既苦味，再配上椰果肉凍食，感覺好清新，十分適合呢種咁熱既天氣。一人食一個已經好飽，所以我買多左二款番屋企食面頭上烙既鹿仔好靚啊，番屋企只要將布甸搖晃倒轉放喺碟，就可以食喇外賣紙袋都係自家設計，一路等食老闆仲同我地傾計，原來呢幾隻狗仔都係老闆娘親手整架，完全感受到小店既用心每日都會有呢幾款，但因為全人手製造，每次出爐數量並唔多，如果要試晒呢五款，睇黎真係要行多幾轉，睇緣份喇

椰爺布丁燒 ($38)評分：8/10.呢幾日飛咗大阪但都會繼續同大家分享香港美食 ❤️ 今日適逢下午茶時間就同大家講吓冇咁 heavy 飽肚嘅布丁燒小店啦 😀 聽講佢地開咗唔系好耐，今年7月先開始營業。布丁小定價同元朗嘅元祖布丁燒鋪頭茶唔多價位。布丁燒味道有好多種，仲有熱有凍添。上圖食嘅係加入咗椰青水嘅特別味道。好清新同清甜，亦不失布丁燒滑溜嘅口感～ 面頭嘅焦糖微苦，系水啲嘅果種。芝士餅嘅味道亦都好明顯，唔會俾椰青水槍晒。下次再去的話一定會試埋佢地嘅抹茶味布丁燒! 🤗

好好味嘅布丁燒 作為一個甜品控，每次看到甜品便食指大動，很想立刻去品嚐，適逢在instagram 看到其他食家分享了布丁燒，地點在葵涌廣場——一個掃街嘅天堂，梗係要把握一個機會，去品嚐一下啦。葵涌廣場唔知道由幾時開始，變咗一個掃街嘅天堂由地下至頂層，食店林立，各式各樣嘅小店，充斥着每一條小巷，今次嘅新店就係一間布丁燒，以往小確幸在元朗一已經大排長龍，一直很想試但是地方實在太遠，始終未能一試。今次終於唔使去元朗食啦，店名比較難記——呦呦鹿鳴布丁燒。午飯之後去，完全唔需要排隊，實在太好了。牆上有一幅特大壁畫，牆壁上面是據說是老闆娘親自繪畫的有布丁之餘，亦都有一隻可愛嘅小鹿，老闆非常有心思，善用了這個特別的空間，為店舖宣傳，所以很容易便會找到這間店舖呢，非常容易認。今日有五款選擇，最想試店員介紹嘅椰子味，可惜未出爐。相信店舖每日都預備不同的味道，佢個做法真的10分聰明，令食客心掛掛地想多去店舖幾次，碰一碰運氣，看看有沒有自己想要的味道呢。雖然一去到嘅時候，有一大盤咖啡味出爐，不過第一次嘗試，當然會選擇原味的雲呢拿味啦。原味布丁燒$38一層輕芝士蛋糕🍰一層嫩布丁🍮一層香甜的焦糖。第一層：焦糖當

食完晚飯係葵廣搵甜品食 見呢間新野鋪面好得意又賣我最愛既布丁就決定試試佢可能去既時間已經9點到 已經剩番一隻味揀 豆腐味布丁燒上層係芝士蛋糕 中間係布丁 最底就係焦糖食既時間熱辣辣似岩岩出爐無耐 布丁好有蛋味 連埋芝士蛋糕食幾新鮮 不過就唔係好食得出豆腐味味道不錯 但分量太細 係葵廣賣$38實在太貴了試完一次不會回頭

今日真係掃盡最葵芳，甜品當然唔可以錯過！睇好多文章都介紹呢間既布丁燒好食，當然要黎試試。$38 比我預期中細，味道唔係太特別，但都好食，如果係$20我會買多個食。

冇去一排葵廣又有新野喇🤣抹茶布丁燒($38)之前係年宵食過一次布丁燒覺得麻麻，對呢款甜品冇乜好感🙊 但見到呢間好多人推介，仲有我最愛既抹茶味，重點係標榜用丸久小山園抹茶粉就即管試試🤣! 店員會幫你將布丁倒落碟到，所以倒轉左，鹿仔喺就lay埋左係底🙊好驚喜入口抹茶味濃郁，中層既抹茶忌廉幼滑，蛋糕唔係海綿蛋糕，而係芝士蛋糕又唔太漏，再配埋面頭既焦糖醬好有層次，令我對布丁燒徹底改觀阿！

我和朋友各買左凍食同熱食布丁燒店員即刻指示黑板上布丁燒的出爐時間還有不同的口味先買左個凍食伯爵茶布丁燒 布丁同蛋糕在雪櫃雪硬左 略嫌平凡無特別朋友買的熱食雲呢嗱布丁燒哇！有驚喜！剛出爐的芝士蛋糕和布丁融合係一齊好soft好好味👍🏻底下的焦糖混合埋一齊食 好好食意想不到布丁熱食更好食老闆見我地在一旁食問我地味道如何焦糖會唔會好苦 我直言評價 老闆還認真推介其他重會睇網上評價 反省絕對feel到有heart 有心既老闆👍🏻熱食值得推介值得試🤗

之前布丁燒大熱 但係好似淨係得元朗有得食就一直未有機會試今次咁啱發現葵涌廣場都有布丁燒 咁當然要試吓啦 呢度嘅布丁燒都有唔少味道嘅選擇 椰青 咖啡 抹茶 雲呢拿 朱古力而且全部都係用北海道忌廉芝士整㗎 好似好好味但係細細件就要$38一個好似唔太抵去到嗰陣只係兩點幾但係現貨都只係得兩三隻味可以揀 好彩我想食個款椰爺布丁燒咁岩有貨 仲要雪凍左 就即刻買黎試啦可惜因為我哋話即時食 店員就即刻反轉咗個布丁燒擺上碟方便我哋食 但係就冇機會影到布丁燒上面個印啦布丁燒有三層 上面係焦糖 中間係布丁 最低係半熟芝士蛋糕 每一層都好好味尤其是因為叫咗椰青味 真係會識到好多椰青肉 好真材實料焦糖甜度啱啱好 布丁軟滑 椰子味濃 而芝士蛋糕味道都出 同椰青味好夾整體黎講 味道都唔錯 不過會有啲膩 同人share 食就最好

是日去行街見到新開既鋪頭即刻買黎試試，見到有好多口味，有雲尼拿， 抹茶，朱古力，最特別當然係椰青味布丁，好fresh既椰青味，仲要啖啖細細粒果肉，好清新。不過38蚊一個略嫌比較貴。題外話間鋪頭好好生意，似乎整都整唔切，食完轉頭行街經過見到已經暫停左掛住牌話準備中😂

🍮布丁係comfort food😊嘅一種！所以當喺葵涌廣場開咗呢檔布丁店！當然要試一試佢啦！佢重要係每日新鮮即做嘅甜品添！😚其實佢第一日開幕時都想試，但每次經過碰啱都幾多人排隊，所以都未有食過！咪唯有買住超市貨色頂住檔先囉！😛今日早咗飲完茶，咪又係去葵涌廣場巡視業務(he😉買衫！)經過今日竟然無乜人排隊喎！(可能早啩)即刻買個試吓先！原本想試原味布丁嘅，但冇就試吓豆腐布丁先！一來豆腐無咁搶，一定無咁難食，二來豆腐淡淡地同原味相近！一定唔會出事。😉老闆娘問我堂食定外帶！哈我諗佢見到我個為食樣都知我急不及侍堂食啦！(盛為$38蚊，睇吓係咪物超所值先！)不過布丁面上嘅小鹿圖案好“卡哇兒”呢！重唔即刻相機食先咩！由於係堂食，老闆娘要張佢反轉放落碟度，當你見到布丁喺碟上震滕滕咁！應該幾鬆軟嘅，再試一口，都唔錯，甜度適中(此時聽見廚房喺度打蛋聲此起彼落)跟住發現唔記得影相😢好在老闆娘見我咁，即刻攞杯未食嘅俾我影相，真鍋心！😙👍💖總括嚟講布丁味道不俗(下次試埋其他味先)買相“卡哇兒”老闆娘親切可恭！會再光顧！

葵涌廣場不嬲都好多小食店，今日發現又增添多一間。店名好特別「呦呦鹿鳴布丁燒 」， 每個布丁印有鹿公仔，賣相吸引！我原本order 椰子味既「 椰爺 」，但係店員發現最後一個既「 椰爺 」造得不太好，所以非常有禮貌地致歉不能賣給我，建議改試其他味道。我很欣賞這份對食客既尊重，同埋對食物既堅持，值得一讚！👍結果，我改買了「 雲呢嗱布丁燒 」，雖然索價 $38 有點點貴，不過味道還是不錯！雞蛋香濃郁突出，布丁直滑入喉，焦糖輕甜不膩。

布甸控必試！呢度既布甸有新鮮出爐同凍食。 今日就試咗新鮮出爐既椰青焦糖布甸，有驚喜焦糖甜度剛剛好，搭配微微的焦香味 ，再加上好香滑既蛋，仲有粒粒椰青肉既口感，真係驚喜般的好吃本來見有食評話焦糖好苦，但親自試完，焦糖同埋蛋一齊食，其實係配搭得唔錯😋😋而朋友試食雲呢嗱味布甸，因為凍食，焦糖比熱食既會苦dd，但整體黎講，焦糖苦係喺正常範圍內，而且焦糖唔係燶咗死實實果隻。我地會再試食埋其他口味，係值得再次去食既甜品

係葵廣見到新鋪開，原本以為咁多人排隊應該好食，點知原來咁伏！佢每日會出幾隻味，食左雲呢拿味（熱食）同茉莉花茶味（凍食），兩隻味都又苦又唔好食！完全唔覺得係食緊甜品仲要$38咁貴超級唔抵！都係理解唔到點解可以咁苦，苦到離譜！總結：非常難食！第一次食布丁燒，竟然咁伏，極大落差。到底布丁燒呢樣野係咪真係咁苦？！可能每人口味唔同，但呢個真係唔可以叫做甜品！第一次寫食評，係因為想大家唔好中伏😂😂😂伏到要寫食評！

一月一度葵芳遊嘅時間又到咗, 今次又有新發現：就係呢間舖子雖小但仍然用心佈置嘅小小甜品店《呦呦鹿鳴布丁燒》🤗應該因為太新嘅關係未有人知道佢嘅存在, 所以如果唔細心去留意佢嘅blackboard同埋介紹, 係唔會知道原來呢度係賣緊一款咁有特色嘅日式自家製作布丁燒🍮 佢外面塊blackboard圖畫畫得好靚, 可以主要見到佢有六款不同味道選擇: 1. 焙茶🧡 2. 忘憂唂🍫 3. 抹茶🍵 4. 鐵觀音🖤 5. 回魂啡☕️ 6. 椰爺🥥 細心留意佢另外一個餐牌, 就會見到佢介紹呢個布丁主要分為三層: 最高係焦糖, 中間係布丁, 最底嗰層係輕芝士蛋糕 嘩~我對於呢種甜品真係毫無招架能力, 要即刻試下佢看個究竟~ 本來想叫回魂啡, 但店主話已經賣哂lu, 咁再揀抹茶啦, 店主話未夠凍, 會唔好食架...聽見佢咁講, 已經感覺到佢做呢個甜品嘅熱誠再揀的話, 咁我要忘憂唂啦! 而阿肥就揀咗椰爺嚟試。 見到佢用嚟盛載嘅小碟應該係用環保再造嘅材質, 真心值得一讚 急不及待去咬下一口絕對真心愛上唔好睇佢小小一個咁嘅布丁, 可以做到三層層次分明, 味道濃郁, 真係一啲都唔簡單。焦糖好香, 一啲都唔過甜, 朱古