呦呦鹿鳴布丁燒

营业中

休息中

“布丁燒”呢個咁有層次嘅甜品，我已經想食好耐喇！今日就去搵呢間人氣甜品店「呦呦鹿鳴布丁燒」食吓佢有幾好味先，遠遠已經見到呢間以白色簡潔為主裝嘅小店，令人覺得好整潔，再配上精心手繪嘅餐牌、同埋係黑板上面嘅畫，店主一定放咗好多心思落去，以上都咁用心做，佢哋嘅“布丁燒”一定無得輸啦…… 左揀右揀之下就有以下選擇：1.          “焙茶布丁燒”﹝熱食﹞；2.          “鐵觀音布丁燒”﹝凍食﹞；及3.          “回魂布丁燒”﹝凍食﹞。 店主好細心咁教我將“布丁燒”分先後次序食同講凍同熱嘅布丁分別，首先原杯食食熱嘅“培茶布丁燒”👍🏼👍🏼，滑滑嘅質感好似燉蛋，香香嘅焙茶味慢慢咁由奶香布丁滲出，再挖深d將焦糖浸滿芝士蛋糕同布丁上，又有另外一種味道喔！跟住就食凍嘅“鐵觀音布丁燒”👍🏼👍🏼👍🏼，凍嘅要倒出嚟上碟食，用匙放入時覺得凍嘅質感係實小小，但食落依然好滑溜，鐵觀音嘅茶味較焙茶特出，茶香、奶香、蛋香、焦糖香甜一次過放晒入口，好好味呀……. 最後到人氣第一位嘅“回魂布丁燒”⭐️👍🏼👍🏼👍🏼⭐️，一食滿口濃濃咖啡味，再加埋芝士蛋糕同焦糖，真係好食到停唔到口囉，怪不之係人氣榜首第一位

上次經過呦呦鹿鳴呢間舖已經俾佢啲可愛嘅布丁仔吸引住😍 但真係覺得有貴($38/個)所以無食到... 今日趁住葵涌廣場有$5支付寶現金優惠，同埋啱啱新鮮出爐，即刻心動要去試下（其實全部都係藉口，老娘就是要吃掉你🤗）有椰子、咖啡、雲呢拿、焙茶、伯爵茶等等多款口味，我地就揀咗椰子味啦～店員將杯裡面嘅布丁倒落紙碟仔上面，見到個布丁震騰騰嘅樣子已經食指大動🤤 食落好香好滑唔在講，而且真係有椰子肉添，好有椰香味呀！不出一分鐘已經將成個布丁食哂，果然係正！唯一嘅缺點就係份量太少啦，買多個又有啲貴... 如果可以推啲第二個半價之類嘅優惠就好啦☺️

葵廣出名多美食，今次黎試左呢間以布甸聞名既小店～一向不太愛食甜品嘅我，試完呢間鋪既布甸燒後，真係不得不推薦大家來試下！好鐘意店的牆壁畫，好靚好可愛！原來有雜誌採訪過，見到d 相已經流晒口水！即管試下係咪真係咁吸引！布甸燒有三層味道，上層係濃郁既焦糖味，中層係滑溜既布甸，最底層就係香濃細緻既芝士蛋糕，吃起上來很有口感，甜度適中～布甸燒亦有不同口味選擇，包括綠茶味，焙茶味，椰子味等～今次就試吃了呍哩拿味及綠茶味～綠茶味不算濃，但吃落又不會被焦糖及芝士蛋糕的味掩蓋～而呍哩拿味味道濃郁，布甸內仲會見到一粒粒的呍哩拿籽，味道配搭完美～值得一試！除左食布甸之外，店外仲有個好靚既打卡位俾大家同布甸影下相～正丫！😁

一食即刻愛上嘅布丁燒～!葵廣多嘢行，多嘢食我相信就係人都知。但之前係IG見到人post依間布丁燒嗰陣，已經俾佢個賣相深深吸引着，好，今日放工即刻去試吓先！ 鋪頭喺葵廣3樓TOP世界入面, 一轉入去就係，冇出面其他小食檔咁嘈雜，感覺乾淨企理！唔知老闆定老闆娘，美術方面一定好有天份，外面餐牌同黑板都係人手畫上去，仲要畫得勁靚！好有心機！其實呢次都係我第一次食布丁燒，看圖識字，原來布丁燒即係分三層，最高嗰層係焦糖，中間係布丁，最低果層就係我最愛嘅芝士蛋糕！我哋今天點左兩款口味，分別係椰爺布丁燒同抹茶布丁燒。 我地先食椰爺布丁燒，估唔到佢入面竟然加左椰青肉，口感好新鮮，亦好重椰子味，好好食！之後我地食抹茶布丁燒，淡淡嘅抹茶香味混合埋芝士蛋糕簡直一絕，呢個口味亦係咁多款入面最能食到芝士味嘅一款～最後忍唔住，encore 試埋咖啡味，呢個未入口已經聞到好重嘅咖啡香味，食落去好似Tiramisu 嘅特濃版咁，好味道，但同前面2款口味比，我略嫌佢蓋過左芝士蛋糕嘅味道，如果想試哂幾款的話，應該由抹茶味開始食先～估唔到布丁燒可以咁好食，期待佢之後會出更多唔同嘅新口味喇～

今次去葵廣，只是路經，唔係特登去，嚟間店用鹿做主題同icon, 店外的黑板畫的畫好靚佢有三款布丁燒的名字幾特別椰爺布丁燒係椰子味；回魂布丁燒係咖啡味；忘憂谷布丁燒係朱古力另外仲有原味（雲呢拿），抺茶味，伯爵茶味！當日有六款，另外我見佢有寫焙茶味同鐵觀音味，但當日就不見。我對伯爵茶味比較有興趣，於是order左個堂食，店員就好好service咁幫我把焦糖遙滿杯邊，漂亮地把整個布丁燒反轉放在碟上焦糖甜度適中，沒有搶過輕芝士蛋糕的芝士味，整個布丁燒最好味的是佢頂層個伯爵茶味布甸茶味超濃，而且奶味同口感相當夾覺得自己無揀，又同時覺得一定要再試其他味，可惜剛食完飯太飽，要留下次再試其他味聖誕仲有特色食品發售，睇落有d似肚臍餅

葵涌廣場星期日超多人，咁岩應𠄘左朋友去Top 世界幫佢買野，路過呦呦鹿嗚燒的打卡通告版，被吸引過去。畫得超靚！行近一睇，原來系布丁燒，好得意吖！原來系網紅打卡熱點，咁點都要試下啦！有五種口味。我地揀左招牌椰爺布丁燒同咖啡布丁燒。焦糖蛋好滑，底有椰子碎，fresh 不算太甜，勁香濃。原來佢地仲做百日宴，結婚，散水餅的預定。布丁燒的正面有鹿仔logo,外相很吸引，送比朋友一定系冇得輸的糕點。咖啡味布丁燒,咖啡味強勁，佢個名就是最好的詮釋，回魂....仲有熱款，朱古力味，同好多禮品包裝，吸引來好多人來買。

今日同朋友去行葵廣買衫 發現現在多左好多唔同的美食 😋😋 超吸引路過見到呢間主要買布丁的店鋪時 剛好遇到新鮮出爐的熱布丁 😍 好新奇想試下 加上賣相十分吸引 有隻鹿的印 好有聖誕感覺 後來發現係店logo😂 睇睇下 發現都好多選擇 目不暇給 最後我們叫左一個 熱的低糖伯爵茶布丁 同一個招牌凍的爺椰布丁燒 share 來食 我果個低糖earl grey 新鮮出爐 😋😋 岩呢d凍凍地天氣食 頂層係好軟綿綿的日本蛋糕 到中層係好濃郁香味的伯爵茶布丁 滿口都係又滑又香濃的蛋味同茶香味😊 好滿足~熱熱的 令整個人都好溫暖 不過太熱 😂唔可以食得太快 要慢慢品嚐 最下層係蕉糖 味道更令整個布丁升華 多種層次 多一種享受 低糖 但我覺得呢個甜度教得剛剛好不會太淡令布到失色 😊令人覺得食左甜品都唔覺邪惡~~另外試了個招牌 爺椰布丁（凍的）沒有想食的抹茶口味，因為賣晒了😥 但見到椰味布丁燒都好特別！平日好少食椰味甜品，沒有到真的好好吃😋😋凍凍的布丁充滿椰香味☺️下面是綿綿的海綿蛋糕，有些少椰子粒，好特別😌整個布丁燒清清的，不太甜也不太膩非常好，推介推介😋😋我們都覺得呢間的布丁燒製作很用心味道很好👍🏻 期

一向喜歡到葵涌廣場逛街, 很多特色小店, 有尋寶的感覺, 不用買連鎖店一式一樣的衣服, 而且葵廣美食甚多, 又常常有新店, 每次去都可以吃不同的東西, 很有新鮮感。這次被一幅很美的壁畫吸引了, 來試試這個布丁。這張圖可以看到, 每個布丁燒其實分為兩部分, 一部分是北海道芝士蛋糕, 另一部分是布甸, 布甸可選擇不同的口味, 其中茶味是比較少甜, 芝士蛋糕就都一樣。我們選了一個原味一個焙茶味, 布甸部分, 兩者都不太甜, 原味說是雲尼拿, 但比較淡味, 焙茶有淡淡的茶香, 質感滑溜。但我更愛底下的芝士蛋糕層, 很香濃細緻, 甚有北海道吃到的芝士蛋糕風味。

行葵涌廣場無啦啦見到ToP 世界入邊開咗間小食店間鋪頭個樣幾靚喎原來係食布丁嘅布丁上面印有小鹿個樣好得意😆😆😆鋪頭後邊仲有幅手繪牆超靚同埋好真實布丁有凍熱兩款食法有勁多種口味如果係熱食嘅話佢會成杯俾你如果凍食嘅話佢會反轉咗俾個碟仔比你入邊係有兩層嘅呢個係焙茶味香濃茶味有一層蛋糕同埋一層布丁連埋啲糖水好有feel熱辣辣新鮮出爐嘅熱食香噴噴我自己鍾意食熱食多啲我試咗椰青味入邊有啲嘢果肉好正呀！ Yummy Yummy 因為太好食所以在買咗個雲呢拿味因為真係好好食所以之後再買咗個伯爵茶味.....食完四個之後我就飽咗啦😂😂😂有好滿足嘅感覺

葵涌廣場對葵涌之友嘅我一啲都唔會陌生，三樓有好多小店美食。而我聽朋友講…此店的布丁燒做得好出色多款，而且好好味，所以今天我路過之餘，都想買來試試。原本…我想買2個口味試試便可……但最後變左買3個味試。🤣因為發現此店枱上有…葵涌廣場×支付寶的推廣優惠，心諗支付寶AlipayHK我有喎，便問問點先用到呢啲優惠。原來在葵涌廣場內的支付寶商戶，每次消費可使用1張支付寶減$5的優惠券，推廣期內共有3張優惠券。所以我都唔執輸，用此優惠分開3次買……😋 一個招牌椰爺布丁燒 (新鮮椰青味) + 😍 一個忘憂谷布丁燒 (朱古力味) +店員另推介 😊 一個回魂布丁燒 (咖啡味)。每款@＄38 (減$5後 =@＄33) 👍買回家後同家人一齊分食，試完果然無介紹錯，大家都覺得好好味。😋自創招牌椰青口味清新，又不太甜，而且仲有椰青小粒，好有口感。😋咖啡味道香濃，有咖啡本身嘅苦澀味道，飲開咖啡的朋友一定仲意。😋而朱古力味一向都係我嘅至愛，所以我更加期待，食落甜中帶一點點可可味，真係無令我失望，覺得好值得推介的小店。😍

暖笠笠嫩滑布丁燒 @ 葵廣呦呦鹿鳴布丁燒布丁燒係一樣超級好味嘅甜品，但係要入到元朗真係覺得好遠，自從葵涌開咗呢間呦呦鹿鳴之後我已經將本身嗰間忘記咗。🙈今次我第二次嚟葵廣呢度食，呢道定期都會有新鮮出爐嘅布丁燒，更加暖入心坎。上次嗌原味，今次就嗌新鮮出爐嘅焙茶味。焙茶味布丁燒🍮🍵焙茶味係個芝士蛋糕蛋糕會滲出一陣陣嘅焙茶香味，焙茶就係少少苦苦地但又帶着香濃嘅茶味。不過如果擺落布丁燒，即係芝士蛋糕同埋布丁嘅話，我覺得原味成件事夾好多。面層係雞蛋布丁，布丁依然係超級嫩滑，入口即溶，無錯，係bb皮膚果種嫩滑啊！配上底層嘅日式輕芝士蛋糕食好正啊！題外話:影相嘅時候店員突然間指住一張圓形嘅雲石枱，上面放滿公仔原來係專門俾人打卡用嘅，影相時佢仲要幫我打埋燈，超級Professional😅😅😅下次我都係會買返原味，因為更加食得出嗰種布丁嘅蛋香，同埋正宗日式芝士蛋糕味啊😋

布丁燒一向係我最愛嘅甜品🍮，今日就來到葵廣3樓Top世界嘅尼間人氣布丁燒專門店呦𠯻鹿鳴品嚐下原來店主女友為他學整布丁🍮燒，真係十分浪漫呢💏💏💏店仔細細用上文化磚，十分簡潔而不失時尚店主自畫嘅插畫十分精細而且顏色豐富，點綴左成個環境布丁🍮燒有多款口味選擇，可選擇熱食或凍食手工聖誕曲奇亦相當精緻吸引用Alipay付款可減$5，抵咼最後我揀左回魂布丁燒，即咖啡☕口味，未落焦糖先影一影小鹿留念先，好可愛啊翻轉倒出後淋上焦糖，賣相十分吸引，布丁🍮望落好軟好滑咖啡☕味好濃，布丁🍮入口即化，加上底層嘅芝士蛋糕，好有層次，而且甜度適中，食落有一種幸福嘅感覺最後影埋尼張大大嘅自畫插畫for打卡先大家有機會一定要來試試啊

今日經過葵廣三樓，買咗兩個布丁燒🍮外賣。一個係熱嘅搽茶味🍵燒布丁，另外一個係凍嘅焙茶味布丁燒。相比起熱同凍。個人比較鍾意熱食嘅口感。搽茶味好重日本茶果種帶點苦澀嘅味道，而布丁嘅囗感好軟軟，蛋糕同布丁好夾，雖然望落去好分別，下搽茶溶落去啲蛋糕到。另蛋糕更好有茶嘅香味。而凍嘅焙茶布丁好動L，焙茶香味好濃厚，可能係雪凍咗，冰涼嘅布丁更順滑布丁燒唔太甜，口感不錯，所以甜度無蓋咗啲茶味🍵

約了朋友晚上在新都會食晚飯，於是下午又來葵廣走一轉~~呦呦鹿鳴食布丁燒呀。口味實在好多選擇了，所以決定選擇一個新鮮出爐及凍食～剛出爐就是這些焙茶布丁燒及剛出爐椰爺布丁燒 椰爺布丁燒，上面蓋了跳躍中的可愛小鹿～店舖有壁畫、擺設等影相位，好適合打卡呃like~熱的布丁燒吃下去口感是軟綿綿布丁質感，當中有清甜椰青水香味，更有椰青肉粒粒，好正👍🏻焙茶布丁燒，凍食布到燒就會倒出來。凍的口感更層次分明，上層是焙茶布丁香，下層是突出的焦糖海棉蛋糕，布丁燒和焦糖分層的質感。

葵涌廣場聞名於天下，因為一式一樣大商舖大品牌的商場行到多，但再要像葵涌廣場百間小店齊放的商場已經所存無幾，極須要為香港保留著那一點綠洲，最近又發現一間叫呦呦鹿鳴布丁燒的小店靜靜地出現在葵涌廣場三樓百家爭鳴的小角落。呦呦鹿鳴布丁燒改名出自詩經：「呦呦鹿鳴，食野之蘋。我有嘉賓，鼓瑟吹笙」意思是野鹿一般給人的感覺是詳和真誠，牠們呦呦叫著呼喚同伴，在野外一起享用艾蒿，並用鼓瑟吹笙邀請眾多賓客。店主在這裡所指的意思應是呼朋叫友來一起享受美味的布丁，很少餐廳改名能有如此文化修養，優厚文化呈現出來的名字，往往會使畫面更具層次感。我們叫了兩杯外賣回家，分別是椰爺布丁燒(新鮮椰青)、清甜豆腐布丁燒。當我打開小杯時，色澤淡黃，顏值QQ，一隻呦呦鹿鳴的小鹿就在我面前，不知道牠是在鳴冤，還是等待著享受我的牙齒的鋒利，未入口已經聞到椰青香味，上層是100%北海道芝士製造，下層是軟嫩香滑的布丁。一百萬既問題，你估我是A：分層品嚐，或是B：一勺到底芝士布丁混合着吃?最後答案係C：以上皆是，先一啖分層品嚐吃到焦脆表層的線綿密芝士蛋糕，再一勺到底將芝士蛋糕及布丁皆挖通透，享受著混合的口感，我細緻的舌頭告訴我香濃的焦糖汁