吞POT 雞煲火鍋.住家菜 (譽發廣場) (已結業)

今日約咗一班朋友食雞煲 呢間嘅雞煲我真係非常推薦我哋點咗花膠響螺雞煲 白雪雪嘅湯底 味道非常濃郁 而且鮮甜 可以揀半隻雞或者一隻雞 雞肉嫩滑非常 而且沒有雪藏味響螺片及花膠份量都好多 螺片爽脆而且鮮嫩 仲有又厚又大片嘅花膠 充滿骨膠原 簡直係食到停唔到口醬料方面都非常多選擇 因應個人口味自己調配 醬料架乾淨 唔會黐立立 加分點食完雞煲就加湯打邊爐 炸芋頭 外面炸得鬆脆 內裏又粉又軟熟 吸收曬湯底嘅精華 非常入味油麥菜 清洗得乾淨 而且顏色鮮嫩翠綠 食咗咁多肉 食番啲菜平衡下芋絲 個湯底咁正梗係叫啲吸湯食材 雖然芋絲冇乜味 但係我就係鍾意佢嘅爽滑口感雞髀菇 又厚又大塊 口感煙韌彈牙 咬落去有爆汁效果墨魚滑 口感彈牙 充滿墨魚嘅鮮甜味 而且加咗粒粒蟹籽增加口感層次羊肉片 味道是有點騷的 但係食羊就係要食呢種味道 每片肉都切得非常薄 灼一灼就食得 肉質嫩而滑 肉味重蓮藕片 又脆又爽 咬落去索索聲非常痛快 清新又健康 打邊爐咁熱氣 點呢啲清新食材就最適合不過打邊爐有點少得牛肉片呢 牛肉片份量多 而且雪花分佈非常均勻 厚

好耐無食過雞煲，朋友提議一齊食雞煲，不過我唔想食任食果D，想試下食散叫，睇下質素會唔會好D，所以佢提議左食依間餐廳。入到去個門面寫住佢個大名，同痴左D Menu，朋友介紹，當然入到去先再睇清楚。有個魚缸!入面景色唔錯，可以睇到維港，我地六點去到，睇到少少晚霞，又睇少少少維港，非常好View，幾Chill!Window台放左D雞既公仔，好可愛，襯番佢雞煲既主題。跟住店員就叫我地睇下Menu，寫單，又比左個醬料九宮格我地Fill，Choice都幾足，咩都有。但留意番醬料要收番一人$12。Menu上面有雞煲，邊爐湯底，同唔同既配料，唔同款式都有。野飲都有唔同既酒。我地叫左一隻走辣雞($258)，可樂兩罐($18X2)，手打四寶丸($118)，鳥冬($33)。等左一陣野食就黎。雞煲上面有蔥、莞茜、洋蔥等等配料，加上雞件，同好濃既Sauce，係非常之香+惹味。Close up睇下D配料係好多!睇下個煲底幾深!雞件煲得入味，雞Generally都滑，雞肉實!好食食晒D雞之後，其實都有D飽，不過叫左D hotpot料就食埋佢，我地叫店員幫我地加清湯，開始打邊爐。手打四寶丸($118)，鳥冬($33)

今晚同朋友去食雞煲，揀咗吞Pot，又可以食雞煲又可以打邊爐好簡單純樸嘅門面，有個重點係去到門口先知就係火鍋配料半價。去之前其實已經同朋友起openrice睇咗要食咩，費事去到先慢慢揀。我地就揀咗香辣雞煲，因為大家都唔係幾食得辣，佢可以走辣，好貼心。同埋要咗幾樣火鍋料，四寶丸同稻庭烏冬。等嘅期間周圍望，因為我地坐近窗同埋早黎，今日天氣好好。可以睇到個天有3種色，同埋好靚嘅日落。重有一堆雞仔同我地一齊睇，好cute cute。因為早黎，包場咁滯，地方高所以好靚，佢啲枱櫈唔會密麻麻，令人坐得舒服。九宮格嘅醬料，中意混醬嘅朋友就啱哂。等咗一陣，有得食，佢係整熟咗先拎過黎，所以可以即食，唔使再搞多一輪。我都唔客氣開餐喇。我地叫咗一隻，都幾多。雞好新鮮而且冇用粉醃過都好滑。個汁雖然濃但都唔會好咸，好香好好味。起食嘅期間佢上埋啲配料，不過我地都冇咁快食得完個雞煲，都幾多下。拆完個雞煲，落埋啲丸，四寶丸有牛、雙色墨丸，蝦丸。全部都係手打丸，好爽好彈而且好新鮮，全部都好好食。兩色墨丸都有墨魚肉。烏冬又好滑好彈牙，搞兩搞散開再滾兩滾食得，蝦丸同牛丸都好好食，四款丸不相伯仲我見隔離枱叫大檸樂真係好大杯，但係

吞pot雞煲 ------------------------------［環境］呢度唔似一般既雞煲店，又迫又嘈好似大排擋咁。餐廳採用玻璃幕牆，由於位置既樓層係22樓，所以望出外面可以望到好遠，感覺開揚。坐位同坐位間位置一啲都唔迫，一大班朋友黎食飯聚會就岩曬喇👯‍♀👯‍♂［ 香辣雞煲 ］黎到當然唔少得試下招牌雞煲啦，雞煲款式都幾多，有花雕藥膳雞煲、花膠雞煲、胡椒豬肚雞煲，有辣有唔辣，任君選擇😆陳生陳太覺得就係要食辣配啤酒🍻叫左個香辣雞煲 - BB辣配 Asahi🤭BB辣唔算好辣，陳生接受到🤫微辣得黎配埋洋蔥、乾蔥等配料，成煲雞都好惹味😎煲入面有幾條乾指天椒，怕辣既記得夾起先，如果唔係就愈滾愈辣👅［頂級雪花肥牛］油脂分怖平均，真係雪花❄紋黎嫁😻食落唔油膩，而且肉質鮮嫩，入口鬆化，仲食到濃厚既牛味🤤［菜菜籃］有幾款菜同雜菇，份量都幾多，兩個人食未必食曬，多啲人share就岩曬喇☺［自創爆芝響鈴］呢款係餐廳自創，當然要試下啦😆響鈴加芝士都驚會太漏，但食落又幾夾喎。響鈴吸收左雞湯既精華，辣味過後食到芝士既香味，即刻平衡返啲辣味，食落咸咸辣辣，好過癮🤪-------------------

天氣踏入秋涼 又係食雞煲打邊爐嘅最佳時候 我哋一行四人叫咗個滋補響螺花膠雞煲(半隻)$208奶黃色嘅湯底 未飲已經feel到嗰種濃沃嘅感覺 女生們都喜歡養顏 有花膠有響螺 就最適合不過急不及待 先品嚐湯底 窩中有大量花膠及螺片 相當足料 難怪啖湯咁鮮甜 飲完個嘴唇仲會張住 好重膠質入面嘅雞絕對唔係冰鮮貨色 雞嘅脂肪好少 肉質又厚又滑 好有雞味飲完湯 食完雞之後 就可以麻煩店員加湯打邊爐 火鍋配料選擇夠多 一般嘅豬牛羊/丸類/滑類/海鮮/蔬菜 都有提供 而且價錢合理 碟碟分量都好多有各種調味料 可以隨個人口味 調配自己喜歡的味道 調味架乾淨又整潔特級雪花牛肋片$198好重牛味 非常推介這款牛肋片 旁邊位置有少少根 所以食落非常有趙口 肉質嫩滑唔嚡口 油脂分佈又細又平均羊肉片$88食羊就係要食嗰種騷味 呢個羊肉片確確實實有嗰種羊騷味 厚薄砌得剛剛好 口感和味道都不錯蟹子墨魚滑 墨魚滑非常鮮味 加咗蟹籽 食落口感更為豐富 而且彈牙非常蓮藕片$38咬開有一絲絲嘅蓮藕絲 灼一灼就可以食 清脆嘅索索聲 感覺清新 是我每次打邊爐都必點的食物平日都坐無虛席 所以記得訂位 朋友確實冇介紹錯 呢度嘅冷氣夠

呢間店舖環境唔錯 店員仲安排我哋坐係窗邊位🤪但係嘢食價格相對比較貴 半隻雞差唔多二百幾蚊🤨🤨🤨🤨另外打邊爐既食材都偏貴 湯底亦都另外叫🤢但係味道真係唔錯 我哋叫咗兩個雞煲 一個麻辣一個香辣 兩個味道都非常之惹味👍🏻👍🏻👍🏻👍🏻雖然有啲食唔到辣嘅朋友 但係佢哋都話好好味 而且小辣嘅程度絕對可以接受🤫大家可以挑戰下中辣或者大辣🤭雞煲個醬就非常之香濃 而雞亦都幾滑身🐔店舖服務員態度亦都唔錯 會定時幫你睇吓個煲或者加下水 但整體價格就偏貴 未必會再翻炒🥺🥺🥺🥺

朋友今天生日就來到這間吞pot 雞煲火鍋住家菜慶祝一下菜單打開食物選擇多又齊全先叫了響螺片花膠雞煲人少少order了半隻雞材料好豐富熬完湯頭很濃雞夠嫩滑完全無急凍雪味感覺很新鮮蓮藕片厚薄切得剛好吃下口感爽脆，完全唔粉芋絲吸收了花膠湯底一咬落口，超濃郁！新鮮的雞髀菇咬落爽嫩有彈口索曬湯頭精華妙極！羊肉片喜好羊肉的人就是喜歡它獨特羶味羊肉口感嫩滑，但羶味不算太重不太喜好羊肉的我也連食幾片牛肉肉質鮮嫩一入口即化濃厚的牛肉香味四溢必食！蟹子墨魚滑一咬落口好爽彈加上有墨魚粒喺裡面口感豐富！炸芋頭炸過芋頭作火鍋料特別香脆可口最後食埋個油麥菜吸收埋花膠湯嘅精華滿足今晚朋友生日食足2個小時侍應服務態度殷勤備至今晚餐廳幾乎爆場但完全冇催我哋走讚！

呢間「吞pot雞煲」位於油麻地，地理位置方便👍🏻而且估唔到呢間係非一般既雞煲店。一般雞煲店都係環境比較迫，而且會比較嘈吵。但係因為餐廳係用落地玻璃，所以感覺好開揚，坐落舒適，一啲都唔覺得迫，坐位間距離唔會太近，所以都唔算太嘈，好難得食雞煲可以坐得舒舒服服👍🏻我地簡左香辣雞煲，有幾款辣度可以選擇，唔食得辣既朋友可以簡走辣/ BB辣。除左辣味，雞煲款式仲有花雕藥膳雞煲、花膠雞煲、胡椒豬肚雞煲，要養生有養生，要惹味有惹味😆雞煲醬汁惹味，有洋蔥香氣，加埋指天椒既辣味，再配埋啤酒，正呀🍻食完雞煲就加清湯變做打邊爐喇😆叫左雪花肥牛，牛肉質素唔錯，食落好濃牛味，加埋雪花既油脂香味，成碟好快清曬🤭打邊爐點少得響鈴，呢度仲要有自創既芝士響鈴🤩響鈴炸到好脆，唔算好油。芝士係響鈴入面，仲有少少流心。夾埋一齊食，脆脆地又有芝士既咸香，就咁食都塔超好食😋😋浸埋湯加埋雞煲既精華就更正啦😻

今日黎到呢間打邊爐,一入到黎已經覺得環境幾好,有落地玻璃望到出面既夜景, 佢地既冷氣又夠涼,係咁熱既天氣打邊爐一定要搵一間冷氣大既先會食得舒服。職員好客氣咁送上調味料比我地,有好多種可以選擇。我地選擇左麻辣雞煲, 因為我地有6個人,我地叫左全隻,D雞好滑,我地叫左小辣,所以唔算好辣。 之後我地叫左炸魚皮,好香。一放落口一咬就聽到卡一聲,證明佢真係炸得好脆。 之後都戲肉,食完雞之後就放湯打邊爐,我地叫左餃,自家制既, 大大粒,又好新鮮, 豬肉同菜既比例都好岩,食落又唔會好肥,一流。 打邊爐點可以唔飲野,我比格離台既個杯野飲吸引住,所以我叫左杯咸檸7, 好飲,夠晒大杯,佢大杯得黎又唔多冰, 所以飲落唔會好淡。手打墨魚滑,一見到已經知佢係好新鮮,入口墨魚味好重,好清新。 我地另外再叫左手打墨魚丸,由於墨魚真係太好食,所以我地叫多客手打墨魚丸, 果然無失望,好彈牙,同埋夠大粒。最後我地叫左個蔬菜籃, 放得好整齊,同埋好新鮮, 睇落好似唔多,但夠足我地6個人既食用。所以呢間野真係無介紹錯,下一次都會再來!

一年四季都係打邊爐嘅季節！條邊爐癮又起，約咗朋友喺旺角呢間呑pot打下邊爐先！我7:00入場，估唔到入場嘅人都幾多喎。入座率都有七八成。有例牌嘅香料同豉油👍煲底係重慶麻辣雞煲，我哋揀咗BB辣，真係驚太辣食唔到，個辣度都OK，好惹味！雞件都幾大件，多肉食👍魚皮大大件，卜卜脆！鮮蝦雲吞好味，入面d蝦都唔細，咬落爽口！自創爆芝響鈴🔔 $75有六件，雖然唔係特別平，但係每一件都幾乎有手掌咁長，好大件下，同埋每一層都真係有芝士架，正！手打芝心牛丸，咬落去入面嘅芝士爆出黎，牛丸彈牙，好味!墨魚🦑滑大大份，夠哂我地幾人食👍

吞pot都吾係第一次，今次帶埋新朋友黎食，貪佢環境舒適，食材對得住個價位，吾會咁易中伏。呢日7點幾到，爆爆地場，好采有上openrice訂枱，吾洗等位。環境同上年黎既感覺一樣，舒適乾淨企理，有d家既感覺。叫完野食後，店員就拎個九宮格比我地均醬。醬料有中英label，又有實物睇，一清二楚，吾洗估估下。雖然呢杯野飲西柚特飲要36蚊，有d貴，但超大杯，又夠氣，岩哂打邊爐飲。不消10分鐘，重慶麻辣雞煲BB辣就上枱了。呢個雞煲比我上年食既滋補螺片花膠雞煲更食味，因為今次店員有提我地d雞上枱已夠熟，所以我地食到嫩滑無比既雞。BB辣真係好岩我地怕辣既人又想食得滋味既人，程度只係譚仔10小辣。自家炸魚皮真係幾有自家炸既感覺，因為吾太咸同油，仲有d魚油香味。上次記得手打芝心牛丸真心正，今次當然要介紹比新朋友。水準依然高，牛丸彈牙到似潮州牛丸，芝士呈流心狀，睇個樣都知吸引。菜菜籃有五六款菜菇，洗得夠乾淨，放得幾靚幾整齊，忍吾住影張相。呢度既魚缸養左吾少靚魚，水質難得咁清晰，為餐廳環境真添左吾少悠閒感。每人3百蚊有找，食得咁舒服同開心，隔吾中豪一次都值得。

第一次食呢一間火鍋店 足足用咗10分鐘先搵到鋪頭嘅位置😂冇諗過會開係一間商業大廈嘅樓上 呢間鋪頭喺六點前入座可以有半價嘅優惠 見佢幾抵所以試吓 一入到去職員好有禮貌帶我地坐到近窗邊嘅位置 窗邊位置擺放左一啲小鴨仔同雞仔做擺設 望落去都幾可愛 職員會攞一個調味架 俾我哋自行調味。我哋叫咗佢推介嘅嗰一個雞煲 入邊有田螺味道帶有麻辣 而雞肉10分之嫩口 佢嘅雞肉本身已經熟 所以唔需要嘥時間等另外仲叫咗一啲配菜 芝士響鈴 本身唔太鍾意食芝士嘅我 就覺得味道一般 但芝士迷可能會覺得好吸引 另外仲加咗冬瓜 將冬瓜加係雞煲入邊 吸晒佢嘅精華 真係超級正😳😳😳😳整體感覺都好🔥🔥🔥

今次嚟到旺角油麻地譽發廣場22樓嘅雞煲火鍋-吞POT，我地好少係呢棟廣場食飯，上到去22樓入到去，可以望到成個旺角嘅夜景，我地book左六點鐘去食，所以未算好多人。我地嗌左一個辣酒花螺雞煲（半隻）$208，雞煲嘅麻香味好重，我地叫左小辣，味道麻麻地辣辣地好過癮😆雞好嫩好滑非常入味！而值得一提嘅就係佢嘅花螺，係出奇地入味好夾雞煲嘅麻辣醬汁啊！店員仲好細心俾左幾支竹籤我地方便食😬飲品方面，我地嗌左一杯大檸茶，初頭唔知道大檸茶嘅size係幾大，嚟到嘅時候都覺得好驚喜😂夠哂兩個人飲😋配菜方面，我地就叫左自創爆芝響鈴三件（$45)，唔好睇佢得三舊，每舊都好大舊，仲要即時炸起送上嚟，放落湯3秒就剛剛好，食落真係有滿滿嘅芝士，淨係食一舊都好飽好滿足🥰好特別可值得一試！另外，就嗌左冬瓜片$38，冬瓜好吸味，夾埋啲雞煲嘅麻辣醬汁好正！值得叫！而紅薯粉($35)都係好索湯好似食緊麻辣嘅薯粉咁🤤總結，吞POT好值得大家嚟一試！佢宜家仲做緊優惠啊！如果7點半前坤單，所以配菜半價！！！係半價啊！🤪🤪🤪大家嚟開油麻地要上嚟！

見好耐冇打邊爐，但男朋友又想食雞煲，於是就係油麻地搵咗間叫吞pot既雞煲，以往食開嘅雞煲都係任食，今次算係我第一次食散叫既雞煲，一上到去已經比個環境吸引，我哋坐靠窗嘅位置，望落去可以見到成個油麻地冇諗過食一次雞煲都可以有個咁靚嘅景一坐低店員就將調味架放落黎叫我地揀左先先再諗食邊個雞煲，而我同男朋友一致有共識，決定食佢推介嘅滋補螺片花膠雞煲。果然係鎮店之寶，一嚟到個店員就叫我地飲啖湯先，點知一飲就停唔到口，真係好甜，好似煲左好耐嘅老火湯咁，一啲味精味都冇，而且啲雞好滑，兩個人食都食唔晒。跟住我哋嗌左個芝心響鈴，店員果然冇推介錯，不過如果兩個人食嗌三件就夠，一食落去爆曬芝士，真係好好味，鍾意食芝士嘅人千祈唔好錯過。最後嗌左杯鹹檸七可以消消滯，兩個人share就夠，仲要三十幾蚊，真係好平！又有景睇又好食嘅雞煲係邊度搵，大家一定要黎試吓

足料好食雞煲🍲今晚放工又同老婆👱🏻‍♀️出MK 行街街，行到信和附近，老婆講想食雞煲，咁上網搵下附近有咩雞煲，見到e間，咁就決定上去try try。 平日上去，吾算太爆場，一入去就有位比我地兩個，叫左螺片花膠雞煲，十全大寶丸，芝士響玲同牛。雞煲來到好足料，我同老婆一來試飲左個湯先，好好飲之後食花膠同雞，D雞好滑，重復幾次飲湯食花膠同雞，都仲有，所以好足料，D牛都好好食😋，十全大寶既芝心牛丸同海膽墨丸，真係好不錯👍🏻👍🏻👍🏻最後係芝士響玲，認真推介，好好食，一定要一試