吞POT 雞煲火鍋.住家菜 (已結業)

旺角油麻地不嬲都好多嘢食，同埋好多好嘢都要上樓食，今次試吓嚟到旺角同太子交界嘅一幢大廈，上面都好多嘢食，今次就嚟試吓間雞煲。入到去見到一個超大嘅魚缸，食飯除咗可以傾吓計之外，仲可以欣賞下佢哋啲魚 23樓望落去，一覽無遺。本人絕對推介滋補攞件花膠雞煲，佢哋真係好足料，兩個人食半隻都已經夠晒。想雞煲之前，店員會俾個調味料你自己落。雞煲嚟啦，佢哋啲雞好新鮮，好滑，另外佢哋嘅花膠好足料，花膠大大塊，另外配埋啲菇，淨係食個雞煲已經半飽。之後叫咗個海膽墨魚丸，墨魚丸入邊嘅海膽都好足了，食落口都好鮮甜。另外叫咗個芝士響鈴，我覺得呢個芝士響鈴必要，佢哋嘅響鈴係新鮮炸起，芝士包住喺入面，食入口個芝士味好濃。