君戶鍋貼大王 (已結業)

豆漿真係好好飲, 個排骨飯都真係冇得頂。豆腐花真係冇下次!!!食完主餐加個豆腐花食下, 食緊一半阿姐係咁執野, 仲掃d 野落我身度(明顯專登), 有人排都唔洗咁吧...xyz#!

星期五LUNCH緊係出去食個飯, 一個人搵間平平地就入左間上海菜上台檯時同我想像中唔同, 普通湯麵上有一堆肉碎, 有色水但唔辣, 上海幼麵無咩口感, 煮到好淋, 上面肉碎有肥有瘦肉, 其實都稱不上擔擔麵, 沒有花生沒有芝麻醬試埋個煎鍋貼$13(5隻), 基本上每位客人都會點, 上檯時似沒煎過白雪雪, 反轉睇煎得幾好, 都脆口, 但有點油膩此店是有分店的, 之前都有試過, 覺得鍋貼不錯, 呢間分店人流比較多, 鍋貼有點失色·試過一次應該唔會再試了

今日原先要去灣仔上日文堂，去到學校先知老師病咗唔洗返，結果白行一趟了。山長水遠去到灣仔，當要要食埋飯先返屋企啦。依間店喺正我日文學校對面，好方便。今日叫咗1)豆漿(2)擔擔麵(3)菜肉雲呑麵(4)鍋貼(5)紅油抄手鍋貼好好食，因為叫嘅人多，餐廳要不斷煎鍋貼，所以唔會擺到硬哂，拎到上枱時夠熱夠脆。雖然只係$13五隻，但都幾大隻，而且鍋貼皮唔太厚，不錯。擔擔麵只食到回鍋肉味，無擔擔麵嘅味道。菜肉雲呑麵都唔錯，雲呑都係屬於皮薄，唔太多味精。紅油抄手比我預期中有啲出入，我以為佢係小粒雲呑，原來同菜肉雲呑一樣咁大粒。紅油抄手一啲都唔辣唔紅，反而奇怪地有好多蔥、豬肉鬆同蒜茸喺面，食完好口臭。（平時紅油抄手都係咁？？）

小時侯，吃到的上海鍋貼都是又大隻又皮厚的，總以為這就是正宗的上海鍋貼。直到去了上海吃了正宗的鍋貼後，才知道這是香港Style的鍋貼。大大隻皮厚又多肉，就好似証明香港人執著「抵食兼大件」的概念一樣。但是，可能根在香港的原因，對這種「抵食兼大件」的鍋貼始終情有獨鍾。13蚊5隻的鍋貼，每隻都煎到底部脆卜卜，咬落去肉汁熱辣辣咁Bit哂出黎，一不小心就好易辣親個口。配上豆瓣醬，港式鍋貼就出現了！大大隻，5隻已經好夠飽！以往都係飲開甜甜的凍豆漿，今日打風天的晚上忽然想飲下咸豆漿。豆漿好似落左唔少味精落去咁，而且忘記了走蔥，蔥味太濃。蔥味加上味精，其實唔係好食到豆漿的香及甜味。油條都幾新鮮脆卜卜，索哂D豆漿去食都幾過癮

今天又下大雨，只想在公司附近吃，不想走太远。 想了很久，也没有头绪，只好跑进这家半年前开业，但只吃过一次的上海小吃店。原因是上次吃过的一个汤面，做得挺差的，所以就一直没有回去吃过。今次也没有抱着什么期望，只想尽快吃饱走人。所以点了个应该是最“安全”的锅贴； 但突然也想尝尝很久没有吃过的上海茨饭，但两个主食好像有点干，所以又加了一个酸辣汤。三分钟不到，所有东西都一起来了。热腾腾的上海茨饭糯米很软，内面的料也足，看起来是现包现卖的，如果油条可可以更脆一点，就无敌喇，味道都算不错。 锅贴就是招牌菜，没什么惊喜但也没什么失误，中规中矩。那个香辣汤味道就有惊喜，味道是港式酸辣汤，不是上海原版的那种，所以更合我这些本地人吃，料非常足，有猪皮，木耳，笋丝，冬菇等等，勾芡糊度也很适中，就是稍微过辣了点，其实厨房可以减辣，然后顾客可以按自己需要加胡椒粉即可。 Anyway simple lunch of $50 可以吃到这个水平，算不错啦，所以有时候吃饭好不好吃，很要紧的是你懂得去点该餐厅的好东西。

係灣仔學完日文就搵野食，見呢間舖頭平平地咁就黎呢度食喇！其實君户都算係大集團，餐廳遍佈全港九新界！店舖特色之一: 一定有人係出面整啲鍋貼叫左個牛肉麵 湯底係麻辣湯底真心要推薦下，唔係話好辣，但酸酸辣辣咁好開胃。料方面又係大大份，我次次食都食剩曬半碗麵，肉有好多舊，一定夠飽。如果想食辣湯底嘅話，記得落單時講聲！黎到鍋貼大王，緊要試下佢個鍋貼，皮唔算話好薄，但底好脆，咬落去滿滿嘅肉汁飛奔出黎，仲要勁大舊又多餡，有時候想口痕食啲野，呢個就啱啦！ 3蚊一隻，13蚊5隻，好抵

I loveeeeee to eat pan-friend dumplings.So I will go to the chinese eateries occasionally.Today,I go to a eatery mainly serving Shanghainese cuisines called "King of dumplings"(鍋貼大王) where locates in Johnston road,Wan Chai.I ordered pan-fried dumplings with pork filing.The dumplings are golden crisp with juicy,intense flavours pork filing.Very delectable!To be exact,these "dumplings" should be classified as "Wor Tip"(鍋貼）also known as "Pan/Pot Stickers".The name comes from the method in which the

今日中午在這店買了一客鍋貼，一個炸豬扒菜飯，一個排骨菜飯及一碗雪菜肉絲麺，店員工作態度粗疏求其，尚未齊料便把所有野pack埋塞比客人，我回到公司后發現，兩個菜飯均沒有比餸，是有飯無餸的！打電話去查詢，要求它們送外賣把有關的餸送回，它們亦拒絕，而其實，觀乎我去購買時的情況，它們是很悠閒，並不怎樣忙碌，而且他們是有外賣熱線送外賣的，佢地話唔會送，你得閒就自己拎。返到去拎，從相中可見到：好忙?好多客咩？我向它們投訴，我都未講送去邊，佢地已經話唔識路！今時今日咁既服務態度，鐵定入黑名單！莫講話d野都唔算好食，就是好食都唔會再幫襯！

一向係西灣河分店食鍋貼由中學食到依家今次第一次係灣仔店食事先聲明我從來都覺得呢度既鍋貼係最好食外皮煎到好脆 肉餡多汁 一口氣食十隻都絕無問題但今次既劣評係俾佢既 酸-辣-湯-第一次食佢既酸辣湯 真係嚇死我從外表睇 呢碗酸辣湯相當正常 仲好足料我呢個酸辣湯愛好者當然好期待佢既味道但係！吞完第一啖就出事食落好似熔岩咁 超級灼喉絕對唔係因為溫度太高唔知落左咩野整到碗酸辣湯可以令食者既喉嚨好似俾火燒灼傷咁 灼熱感由喉嚨開始 充斥整個口腔我一口氣食左兩隻鍋貼嘗試整走呢種灼熱感 灼熱程度係我完全食唔到鍋貼既味道即刻叫杯凍豆漿救命非常肯定唔係正常辣野既效果因為我係離開前專登試多兩啖湯嗰陣碗野已經凍哂但係灼喉既效果只係隨住溫度降低左少少啫食唔到辣味 亦都唔酸點解一間鍋貼咁好食既老店 佢既酸辣湯竟然會煮到咁惡怖一碗湯我只係食左兩三啖係灣仔分店既問題 定係西灣河店都係咁？我下次都係乖乖地淨係叫鍋貼豆漿算

自己吃排骨湯麵加2蚊轉番茄湯底,湯底真的very rich,亦都無平時其他平價餐廳那麼artificial,餃子有d有汁有d無,見其他人叫紅燒牛肉麵大份多餸。有3蚊一件大大隻奶油包/紅豆包等,適合我的eating habit。這裡有一位叔叔員工超好人,有禮貌好客氣。

筆者每個星期都會去灣仔唱choir，所以會經常都會係灣仔搵好野食。經團員介紹，去左新開既君戶鍋貼大鍋食dinner。君戶勝在交通方便，近地鐵站又放電車站。君戶既門面很搶眼，離遠已經望到大大個光管招牌。跟灣仔其他既餐廳比較，君戶算幾抵食，13蚊就有5隻鍋貼。筆者同幾個朋友share，叫左碗魚腐麵、炸醬飯和5隻鍋貼。老實說，味道一般，魚腐麵味道很淡，如果想清淡d，清下肥胃都ok。講到招牌菜鍋貼，筆者覺得幾抵食，鍋貼內有很多肉，肉汁鮮甜。不過可以惜外皮太厚，而且太多油。炸醬飯味道不錯，不會太鹹，炸醬很惹味。碗仔翅很足料，有很多翅和雲耳。

係灣仔上完堂已經差不多晚上十點喇, 我同我同學仔最鐘意走既時候係對面街既鍋貼大王食啲宵夜先走。對我黎講, 理想既宵夜要有肉, 又要有汁醬, 所以叫鍋貼食就最岩!除左鍋貼, 我仲叫左呢到好多人點既熱豆腐花, 朋友則點了酸辣湯。鍋貼 $13/5隻鐘意食呢到既鍋貼, 因為呢到客流多, 食親既鍋貼都係岩岩煎好, 熱辣辣。外皮唔算簿, 但煎得夠脆, 內裡餡料飽滿又多汁。食既時候我一定會加佢既鍋貼汁, 微酸加微辣, 待別開胃。熱豆腐花 $10掛住食, 唔記得影相。 呢到既豆腐花大大碗, CP值好高。豆腐花豆味唔算濃, 但勝在口感非常滑嫩, 暧暧的豆花放到口中一下就滑落喉嚨了。而且食豆腐花好怕食哂面頭既黃糖, 食到底就無味, 但呢到既黃糖比得好足, 岩岩好夠食到底。

為何深夜總是餓？😫時間來到凌晨一點半🕜四維d深夜食堂都食過曬嘅情況下😣真係開始悶👻而最近開咗嘅君戶又收成兩點，😈果晚有幸一試！選擇都算幾多，餐牌有名單，相就少，而店內裝飾就有好多圖片，唔算好吸引，都叫做有的睇下咁囉！而可能因為我地入座時已經一點半，d員工已經係到執拾緊。雞翅豬扒菜飯，d飯同餸係分開上，份量都幾多下。不過估唔到全部都係炸嘅，豬扒更係炸粉厚過件豬，唔知係咪用機切割嘅，d豬扒可以薄到好似得0.0001cm⋯⋯當然不乏誇張成份，純碎想形容下，塊豬扒確實薄到不能再薄！個雞翅好好多，好大隻，炸得好脆好香口，食落仲滑漏漏，唔怪得之散叫一份雞翅要27蚊四隻！酸辣湯好大碗，不過一眼望就知，木耳好多，蛋花少，粉絲更係浸到淋曬！都有肉嘅，不過食食下，有幾次都咬到蛋殼，咩回事？蛋水要隔渣不是常識嘛？最後仲有個鍋貼，好失望，甚至開始懷疑自己對鍋貼嘅認識，呢個鍋貼餡料得肉，有一邊好似煎過，但之後似係焗熟多，但點解我就係覺得鍋貼應該係煎熟嘅呢？仲叫鍋貼大王？不過當晚已過午夜，食完咁多嘢，兩個深夜餓人頂住個肚走都係一百蚊有找，以今時今日物價高漲嘅時勢來睇，都算超值囉啩！希望之後係食物處理方面可以有所改

係灣仔食lunch到到都咁多人等位經過君戶鍋貼大王見到有位又有d想食鍋貼堂食位置都幾多 但每張枱坐得唔多人食物都幾多選擇 而且價錢都幾相宜見到好多人都有食麵食 但唔想食得咁飽所以只係單點5隻鍋貼可能比起其他人叫既食物太少落完單比人問 下 靜係咁多ja其實你又冇最低消費 點解唔比我靜係食鍋貼?生煎鮮肉鍋貼 $13(5隻)上枱時應該係岩岩煎好有少少油左d 皮厚度還可以入面都幾多肉汁 差d辣親條利加左少少辣椒醬試下 唔算好辣而且帶有d酸同油油既鍋貼都幾夾下次再黎食都會係因為呢個辣椒醬

辦公室附近新開一家鍋貼店，路過就試試看。午飯時間，人滿為患，外賣比較好。堂食要自行找位，十分混亂，不過呢，外賣的動線也不算很好，沒有秩序。當然負責執外賣的新香港人姨姨的禮貌及做事態度也不會好得往那裡。好了，講回食物，為了求快，要了一份鍋貼($13五個)，另一客碗仔翅$18。$31去打發一個簡單午飯，在灣仔算平了。$13五件鍋貼，相對跟它名字相近的鍋貼連鎖，算是超便宜，目測大小也是比較大，跟台式鍋貼不同。老實說，並不是正統上海鍋貼做法和賣相，不過新鮮即做，肉饀算新鮮，餃皮薄，煎得香脆，惟附上的豆辦醬份量太少。細食女生，這樣吃已半飽。至於碗仔翅，配料不算多，只是粉絲、雞蛋花、木耳，湯頭味精重而且重鹹，賣相如漿糊，如果加一點冬菇提味，再減味精和鹽的份量，整體觀感已很不同。結論是，只是一般而已，未必會再來。