君戶鍋貼大王 (已結業)

以前食開呢間鋪就係喺西灣河嘅灣仔呢一間都係第一次試我呢世人最鐘意食鍋貼餃子類嘅嘢架啦呢度啲鍋貼真係好有水準嚟得啲平民化地區預左唔會有咩招呼自動波搵位 攞醬料就算啦2點30就下午茶啦，10幾蚊就有個餐但我太餓都係叫原價下午茶份量亦都唔會夠我食先嚟5隻鍋貼排得唔齊唔緊要食落好食就得啲肉好鮮甜多汁個底真係煎到脆卜卜而且鍋貼與鍋貼間唔會痴埋一齊同埋個醋更滋味17蚊only之後個小棠菜好翠綠好彩佢啲蠔油係分開上嘅個生煎牛肉包都好味但就無鍋貼咁推薦啦都等左好耐我催過單同食曬啲嘢先嚟面層啲包係鬆軟嘅但熱度不足而入面啲包俾牛肉汁整到淋曬有啲漿口不過肉餡好香依然係好食嘅

突然想食栥飯，諗起公司附近有間舊式裝潢，又平，味道又唔差，食上海傳統美食的店舖。栥飯用糯米飯包住肉鬆，榨菜，油炸鬼，製成一個長條形飯團，即叫即整大大件，都係$20，有手掌🖐️咁大，真係抵食夾大件，一定夠飽可惜內餡的油炸鬼唔夠脆，好淋，如果係新鮮脆卜卜會好食啲～紅油抄手 $28用肉鬆、蒜蓉作汁料之一，都係第一次見，味道偏酸，沒有辣味。我麻麻地個汁，比較期待食到有酸辣得味道。反而抄手令我感到驚喜菜肉雲吞既size同粒乒乓波一樣大，菜肉餡的味道調配得十分好，皮又滑，好食！

今日想食上海菜 咁啱經過君戶 外表望落有少少簡陋咁 不過入面都ok嘅餐牌選擇勁多 咩餸嘅麵都有 另外有菜飯 粗炒小食都好多 又栥飯 鍋貼 生煎包 豆腐化▶️雪菜肉絲麵 ($27)估唔到佢好大碗吓 上面啲雪菜都超多雖然可以揀麵 但係原來如果你冇特別話轉 姐姐會自動式幫你揀咗上海中麵同清湯底味道方面 湯底的確較清 唔太多油鹹味適中 可能因為佢加咗少少辣椒 食到微辣 不過可以接受雪菜真係好多 用黎撈麵好正😋食落爽口 又酸又鹹肉絲就比較少 不過都好食 好淋又唔韌 亦好有味 同雪菜勁夾我覺得佢個麵先好食雖然未至於非常煙韌 但係個質感好好加上較粗身 所以唔易斷 食落仲有啲麵粉味😍正宗嘅上海麵！食完成碗麵好夠飽 好滿足-成個麵都好好食 好正宗嘅上海菜味服務態度就差咗少少 不過預咗環境都算ok 起碼眼見乾淨CP值超高 好耐冇食過$30一餐 仲要係好食夠飽 份量足😮又冇加一果然係平民美食 當慳錢！其實佢啲生煎包鍋貼都好吸引

到實習嘅最尾低三日，之前食咗太多好嘢，荷包乾硬化要食返啲平嘢，但係灣仔呢一區出名貴，真係諗到頭都大埋周圍行緊嘅時候見到呢一間君戶鍋貼大王，外邊鬼死咁多打工仔喺度排隊，心諗一定冇死，就同我嘅朋友一齊入咗去作為菜飯嘅愛好者，我今日嗌咗一個豬扒菜飯，$40兩隻拳頭咁大塊嘅豬扒真係非常之抵食，佢塊豬扒係即刻炸，完全冇雪藏味，不過如果去可以剪埋上菜就會方便我食，至於個菜飯佢啲菜係炒過嚟，令到成個菜飯都好香，值得讚賞我朋友就嗌咗豬扒雲吞麵，淨係$38咋，佢額外再要多五隻餃子，真係好鬼抵食！雖然佢味道唔錯，價錢都好平，但世事總係冇完美嘅，環境個方面我覺得佢有少少污糟，如果佢係清潔個方面做多少少功夫咁就滿分啦！

係灣仔經過呢間野咁多年，我都冇入過黎食，想簡單食啲野就黎試吓❤️➨招牌酸辣湯麵 $36覺得好足料好夠味，唔算太辣！👍🏻 比想像中大碗好多，配埋小食豆漿超級飽🤣➨炸醬麵 $36未嗌之前都諗緊佢既炸醬係咩樣，英文寫係with black pepper sauce？🤷‍♀️ 不過黎到又覺得賣相okay喎，好多冬菇粒係入面，好多生菜🥬墊底，我又幾中意因為可以食多啲菜，麵份量都好夠，不過食到後面，啲炸醬食晒得返啲麵🤣➨炸小饅頭 $18炸饅頭加煉奶食幾時都係perfect match，雖然望落有啲太燶，可能啲油返用過好多次，炸過好多野所以偏黑，唔夠金黃🙊 不過食落都okay，點埋煉奶食好味🥰➨生煎鮮肉鍋貼 $16/5隻反而呢到既鍋貼我就一般，皮好厚，餡又唔係特別好食，不過就勝在大大隻，點下醋同辣椒醬食😊兩個人食，埋單人均都係$50-60左右，真係好抵食，每人可以一個主食，小食，仲配埋豆漿，未必人人都覺得好食，但我覺得以呢個價錢，質素都算係好唔錯👍🏻

從小喜歡港式上海點心，雪菜肉絲麵、上海粗炒、小籠包、窩貼、炸醬麵等，都是我喜愛的。後來到上海居住，見識過正宗上海點心，雖然跟港式略有不同，例如在上海粗麵不常見，港式上海炸醬麵應該是接近北京炸醬麵，但基本上，口味差距不大，也算滬港兩地各有特色。這家店坐落灣仔電車路，人流暢旺，相信租金不低，而店一直都在，原先估計應該水準不會太差。哪知道試了兩次，都是失望而歸。第一次吃早點，窩貼太乾沒有肉汁，粢飯餡料少加飯太乾，吃下去沒什麼味道，唯一還可以的就算是鹹豆漿。這次下午幹活後實在太餓，打算簡單吃個麵點，想再試試這個店的麵點餛飩類會不會好一點，於是點了個炸醬麵。結果麵一端上來，賣相完全不是那一回事，已經有中伏的感覺。吃一口，那個所謂炸醬基本上是肉末加點香菇碎加醬油煮出來一個糊，味道奇差。麵也煮過了，太軟，而且水超多，難度廚師不知道炸醬麵是拌麵嗎？麵下面鋪墊了幾片生菜，當然就把麵弄得更濕。我真的懷疑師傅知不知道上海菜或點心是什麼？那個麵完全是港式車仔麵的做法（當然，好的港式車仔麵比他那個麵好吃多了）。另外，看到那些生煎「大」包，想笑（比較正宗的可以去灣仔地鐵站附近的祥興記，跟上海小楊生煎有得比）。這家

Came here the other night.I notice that this place is frequently open pretty late, so it’s one of the reasons why I’ve been here a few times , since I’m out late typically. They do a bunch of different things, such as 生煎包、蔥油餅、粢飯糰、 but the main thing here is obviously the 鍋貼. They aren’t bad, but aren’t exceedingly good or anything either. I also got a 粢飯糰, but it doesn’t taste too great and isn’t wrapped well, since as soon as I took it out of the package it started falling apart.I’d say it’s al

食咗淨雲吞同碗仔翅淨雲吞味道正常，碗仔翅好足料勁大碗媽咪就食咗粢飯勁好料 好大舊入面有油炸鬼 仲有肉鬆同咸菜味道都唔錯見到有comment話啲肉鬆勁乾 似食紙皮唔通肉鬆係濕嘅？笑咗

前日同我男朋友行到肚餓去食野，見呢間野屹立不倒咁多年應該有個人之處啦，雖然裝修係無，餐牌既野食都好唔吸引，但係都入去試試，我地叫左個豬肉生煎包、栥飯同杯豆漿。我真係估唔到，首先等左好耐，我重以為個包啲皮都未搓，終於都到啦，好期待但係居然個包皮係暖啲肉係近乎凍既。wtf 然後個栥飯係好多料呀，但係未食過無味加勁乾既肉鬆，好似食紙皮咁，我真心好失望，最正常係杯豆漿，不過百福都好飲過佢地，救命，究竟點解可以咁多年都未執。

平時通常在這間舖的對面食平價雲吞麵，今日想轉下，試食依間，雖然價錢比對面的雲吞麵貴，但見也多人食，於是試吓，見佢有不少選擇，湯底也有四款選擇，不過得清湯不用加錢，其他也要，最後決定要個清湯韮菜水餃魚腐上海幼麵，加了15蚊做套餐有埋2隻鍋貼及豆漿，一上枱發現份量也充足，魚腐彈牙，餃子也不錯，鍋貼就無咩湯汁在內，但味道ok，食到好飽，可能因為太多餃🙈，座位方面係大眾食堂一樣，衞生尚可，服務也尚算ok。

想喺灣仔食到平嘢其實都唔係咁容易，今日口痕痕想食上海野但又唔想食咁貴，搵到呢間平價上海小食鋪頭，真係正一個人食但係立立雜雜乜嘢都想食，咁黎就就冇錯啦<鍋貼$3.5@>叫咗兩隻鍋貼食，比起平時八方雲集食嘅大粒少少，新鮮煎出嚟熱辣辣，都幾好食<生煎豬肉包$10>新鮮豬肉包好大個，有成隻手掌咁大，唔想食飯叫個豬肉包食就啱晒啦，食完之後到三成飽豬肉包唔算皮薄，不過麵包煙煙銀銀都幾好食，豬肉餡都算係足料<凍豆腐花$13>豆腐花都係不了，完全冇豆腐味真係麻麻地，食咗幾啖就放棄左，下次唔會再叫

呢間餐廳經常都坐滿人，佢啲食物喺灣仔區嚟講算係價廉物美😃試咗個菜肉雲吞上海麵🍲$30，雲吞好大粒，個湯底清清地。另加$10有涼拌木耳，都好大碟，有少少辣同埋好勁嘅蒜蓉味😄成個餐一共$40。經濟之選。👏

經常都會幫襯既君戶，今晚再次幫襯，今晚點左鍋貼、粢飯、紅燒牛肉麵同埋凍豆腐花。鍋貼一如以往咁好味，岩岩整起仲係熱騰騰，個皮好脆、個餡啲肉汁標哂出黎，無得頂!! 粢飯係即叫即整，又係熱騰騰既，餡多，糯米又軟熟，紅燒牛肉麵算係多牛腩，牛腩好淋，紅蘿白好甜，最後係凍豆腐花，都係簡單好味既甜品，兩個人，岩岩食得哂所有野。用平靚正呢三個字去形容鍋貼大王（君戶）相信最確切不過，我唔知佢個租金幾多，但係灣仔區都仲搵到$15有五隻煎鍋貼都真係好難得，除左價錢經濟實惠，有時唔想食一碟飯或者一碗麵，都可以淨係座底叫碟鍋貼，或者其他小食都得，最好就係無最底消費呢道好，今時今日既香港地，我都明白租貴，部份餐廳都有最底消費，或者要一人叫一個餐呢啲規矩，希望君戶做到薄利多銷，對於食店同消費者黎講可以做到雙嬴既局面。

因公事行經灣仔喱間近大馬路嘅食店，而當時又未食午餐，我平時又幾鍾意食上海野，所以即時入去試吓先。午餐時間入面幾乎坐滿人，似乎都幾多白領幫襯。我得一條友，所以揾位都冇乜難度。餐牌好多張，選擇都好多，睇到我眼花繚亂。一條友唔食得幾多，係咁意叫左幾樣野。红燒牛肉麵賣相都唔錯喎，牛肉唔靭又幾入味，咬落冇渣。配料都算係咁喇，大大舊紅蘿蔔。鍋貼就唔可以講話好好，一般剌，d皮都煎得唔錯，入面d肉都OK嘅，但唔係即製，熱度爭左d囉。豆漿就大路貨喇，一般水平咁喇。喱間以鍋貼做賣點嘅食店都食得過嘅，價錢唔貴但質素都對得住人嘅，屬街坊店水平喇。

搭電車去灣仔，見到呢間餐廳坐滿人，就落車去試一試。叫了一客鍋貼、韭菜水餃、及一杯豆漿。鍋貼一客$15 ，有五隻，逐隻叫又得，每隻$3.5。鍋貼味道一般，咬開算多什，皮唔算厚，個底煎到金黃色脆脆地，但餡料太少。韭菜水餃就真係麻麻地，水餃皮好厚，味道認真唔討好，個湯底又冇味，成碗野只求填飽個肚。因為鍋貼同水餃都麻麻哋，所以我對杯豆漿期望都唔大，果然杯豆漿係冇豆味的，我懷疑佢係開訓粉沖的，總之成餐就係中伏。環境方面，間餐廳真係坐得極之唔舒服，格局係茶餐廳形式的，但係食飯時間坐到好迫，阿姐捧餐經過係咁撞到我，客人經過又係咁撞到我，總之成餐唔好食之餘又坐得唔舒服，劣評！