君戶鍋貼大王 (已結業)

重陽節嘅早上因為要去掃墓所以想食一個比較飽肚嘅早餐。諗起已經好耐冇食粢飯，而君戶鍋貼大王比較早開，所以就去咗君戶食早餐。君戶嘅位置喺灣仔嘅正中心。平日人來人往，非常繁忙。因為係公眾假期嘅早上，店內丶店外都非常平靜，可以靜靜地食一個早餐。我叫咗一個肉鬆粢飯同淡豆漿（無糖）。當我同店員講我想我嘅粢飯多肉鬆小飯嘅時候，佢並冇問我任何嘅問題。通常黐飯店嘅姐姐都會講兩樣嘢：第一，多肉鬆要加錢㗎喎；第二，小飯做唔到個㗎喎，包唔實㗎喎。今朝早君戶呢個姐姐竟然一聲不響就幫我落單。我心諗佢會唔會真係幫我做多肉鬆小飯呢。果然係完美啊。係我最鍾意食嘅粢飯比例 。哩度個豆漿比較結。豆味唔重。OK啦。整體來講，我對哩個早餐係非常滿意嘅

早一天病了，是日決定買個豐富的早餐回公司吃，補充一下精力。在君戶買了好些包點。窩貼不是很大只一隻，皮亦不算薄，不過煎得有脆底，而且是有汁的，一口一隻，不錯。相對地牛肉包就大個得多了，不要講究甚麼包甜皮薄之類，就是實實在在的一個懷舊牛肉包。牛肉餡是充斥包裡的，汁量未算很多，但亦夠滲到一些入包裡，而味道不會太鹹，夠飽肚。炸雲吞是即炸的，奈何阿姐炸完之後好像完全沒有瀝油似的，非常油膩，吃時一滴油從嘴角流下來，肉餡也調味不足，全靠酸甜醬帶出味來。小人僅吃了一只，餘下的被同事們分了，結果每個人的嘴邊都淌了一滴油出來。😂難怪店方名為窩貼大王，原來只有窩貼是不伏的，其他的似乎伏味甚濃。

今日去完銅鑼灣市代行街街，就去久違的麵鋪重溫舊夢。豬扒雞翼麵豬扒外脆內裡鬆軟，入面嘅肉鮮嫩而且唔乾。雞翼亦都非常惹味，就算係好熱氣都要食埋呢隻雞翼，雞翼鹹鹹地好香，表面酥脆可口，一咬面的脆層在口裏爆炸。搭配埋雪菜上海麵，食條菜平衡番炸野的熱氣，呢種感覺真係平、靚、正。再加多支食上海野一定要叫的豆漿，一啖一啖好順喉好爽，豆味依舊豐富濃郁，有年少的回憶味道，想當年讀書真係成日同朋友食呢款麵，回憶總是美好的。

塔塔下叮叮見到「綠GumGum」ge 君戶肚餓到爆ge 我跳左落車叫左名物君戶鍋貼加杯凍豆漿14蚊五隻都幾抵食，如果皮再煎得香d 就更perfect~有酸辣ge 鍋貼汁Or 咸香ge 豆瓣醬可以自己加一咬落去已經滴緊汁忍唔住問店員拎隻匙羹泥食14 蚊5件泥講性價比高凍豆漿冇影～ 正常味食完哂先見到原來有茶餐不過咁樣嗌都係23 大元～

趕住上堂，路過這間店，就來一個簡餐。店鋪很大，平日晚上七點坐唔滿。櫈子是可以疊起的膠櫈，所以是預大家吃完即走。見其他食客都有一碟煎鍋貼，也叫了一份，價錢很相宜。不想喝甜的，便要了一碗咸豆漿，反而盛惠十幾大元。咸豆漿先到，油條很脆，可惜太咸太油了！不是我杯茶。可能咸豆花會好些，至少沒有浮面的一層油。鍋貼到了，當然賣相不會很精緻，但即叫即煎，那有不好吃的道理？熱辣辣，皮煎得香脆，咬落也有肉汁，推介！見餐牌還有其他排骨菜飯等食物，可以下次試吓。

lunch好多人。 要等位架。 難食既鎮江骨。 味道好似薑醋甘。中伏中伏。鍋貼好味，好多汁。 最多人食面。 下次試下。炸豬扒好味， 不過5夠熱。 菜飯1般。 服務就。。成日落錯單。

今日經過灣仔食晏，見到人不多便試一試，不過店內油煙味頗重，雖然人不多，但都冇乜招呼，睇左餐牌好耐，選擇頗多，飯，麵，小食都有，最後點左個雪菜肉絲豬扒麵同2隻生煎窩貼，可能樓面聽錯，結果嚟左5隻，是但啦!反正肚餓。叫得鍋貼大王，估計鍋貼應該不會太差，外皮似水餃，白雪雪，底部煎得金黃，但不脆口，而且好油，頗失望!豬扒幾大塊，不會太油，雪菜肉絲份量頗多，麵條夠淋，不過湯頗多味精。因為份量頗多，食完飽到上心口

今朝一起身個肚就唔舒服，啲早餐都完成唔曬要倒，忍左個早上。到中午，約左一班同事食上海野，佢地點豬扒麵吖，水餃麵，鎮江骨麵等，我完全唔想食肉，所以點左碗酸辣湯麵，諗住無肉。但唔記得酸同辣對個胃唔好，只係覺得好香好味，開胃似的。麵粗幼度ok,夠淋唔難咬。 酸辣湯唔太辣唔太酸，剛剛好，有少少豆腐絲，木耳絲同荀絲等，對我來講這湯叫温和的酸辣湯，但身體卻很誠實地告訴我這不是温和，胃很痛，痛到放左工返到屋企先好啲，不過這是我個人問題，酸辣湯係好味既～😍

今天在灣仔經過，想吃點輕食，以後到紅磡工作，本來都想放棄，坐111到紅磡算了，但在車站附近見到這間食店，我以為是新開食店。就好大膽去試一試。我光顧的時候，正好是下午茶時段，那當然選擇平價點啦。但其實睇完後我都有猶豫是否散叫會好一點，因為其實根本唔夠飽，但最後都係決定叫下午茶算數，因為唔知好唔好食，如果唔好食，點太多都係食唔曬，如果好食最多只需加單就成。我點選了A餐，因為真心想食窩貼，三隻應該可以試出真味。試完後，發覺窩貼即叫即煎，很香口，里面很多肉汁，很驚喜，豆漿就合格，唔會太甜又唔算太淡，本來都想點生煎包試一試，但發覺一個都要十蚊，那又好似唔係太抵，下次叫D餐，這樣可能更抵。服務方面就有改善的空間，那些姐姐放東西時，將我的窩貼跌在桌上，佢之後講左句唔好意思，我本來都可以換，但我其實都怕佢拎走會唔會加料或者唔會換，所以我只放回碟上就算，何況其實佢地的態度都算好，但如果一開始便小心點，那出錯機會就會小一點，對大家都有好處。

有人病咗去完“靠得住“食粥, 決定宵夜食返啲重口味既野。 咁我就推介我最鍾意食嘅紅油抄手畀佢啦，另外再叫咗個豆腐花，用嚟解辣嘅。 呢度嘅紅油抄手好特別, 其他地方都唔會好似呢度咁煮，有咁多配料。 6隻鮮肉餃子配上醃製咗嘅生蒜頭，豬肉鬆， 醋，紅油同埋蔥， 真係絕佳重口味既配搭！ 27蚊咋， 性價比超級超級高！不過提提大家，如果當日你要開會見客或者見好朋友，就真係諗清楚先好叫呢個紅油抄手喇！因為食完啲生蒜頭之後， 無論食幾多嚿香口膠同埋刷幾多次牙，第二朝都仲會跟住你嫁：） 雖然要付咁嘅代價, 但係我都好似上咗癮咁樣, 間唔中都會嚟食。 佢今次食完之後都認同我講嘅嘢，話會返嚟同我一齊食㗎！

沒有特別心水的進了君尹吃午餐，店內看起來是頗清潔的，但不知道為什麼有一陣微微的酸臭味因趕時間就快快點了韮菜水餃麵。說真的，水餃算大隻!有五隻!!!可惜開心得太早......水餃皮偏厚和粗糙，更可惜的是水餃皮都爆開了，裡面的肉汁都掉進湯裡去😒😒😒店裏的醋也像是加入了水的感覺，很差。而湯還是清水一般，沒味的。麵...也是一樣沒味和粗糙。雖然有酸菜伴著，但味覺已無法被滿足。不過最💔的是味精非常重不知是否要點店內的豆漿才能一解味精愁......快快吃完快快走，真是一碗抵食但不好食的水餃麵我真的不知道對於$27的麵我是否太嚴格了...............

<<灣仔平民食店🥛>>係灣仔區間間食店都咁多人，想平嘆午餐小編有計‼️行到黎地鐵站附近既呢間賣鍋貼小店，等位既人好多下。一入門口就見到大大個鐵鑊煎鍋貼、生煎包。叫得鍋貼大王，梗係要叫份鍋貼食下👅鍋貼 $13/5隻午市人流咁多，鍋貼都係一煎起即刻清哂。上枱都係熱辣辣，鍋貼底部煎得金黃，不過又未到好脆口，如果怕熱氣既女士最岩。餡料好足，一咬Bit哂肉汁,意想不到既Juicy。咸豆漿加左香葱、榨菜、蝦皮既咸豆漿，加埋脆脆既油炸鬼。個種咸香太吸引了。咁樣一大碗你都咪話唔飽。

今天去了灣仔的鍋貼大王食早餐，平時多數單點煎鍋貼加豆漿，但今天想試埋個生煎包。這家店的鍋貼雖不是特別好吃，但價錢親民，服務不錯。食物送到枱上，因怕放得太耐，皮會變硬，所以先吃鍋貼。咬了一口，肉汁破多，肉質算很嫩滑，但因為不是即叫即煎，所以皮不夠脆，還帶點淋，而且也不夠熱。雖然已夠味，但建議可加少少鍋貼汁，更好味。至於生煎包沒有鍋貼好味，皮也是淋淋的，餡料雖不算乾但欠肉汁。反之豆漿則非常熱，我吃完所有食物都未能喝到一口，趧時間的人要留意一下。雖然豆味較淡，不過這裡有供應低糖豆漿，啱晒重視健康的人。

此店午餐時間長期多人流，座無虛席，感覺就如吃很出名的米線店一樣，搭枱而坐，而且很逼。可能人客太多吧，等了5分鐘才看到舉手示意落單，幸好送餐都很快。因為聽說鍋貼很有名，所以點了一碗麵外，還加了一碟鍋貼，以及豆漿消膩。凍豆漿($7)喝到尾有渣，不過整杯甜度適中，合口味。生煎鮮肉鍋貼($13/5隻)熱辣辣上桌，不過煎得不太夠，雖然底部有煎過的痕跡，但沒有脆。餡料方面充足，一咬會流出肉汁，味道剛剛好，不濃不膩，不錯。桌上有鍋貼汁及豆瓣醬提供作調味。(*建議細食的朋友如果有點其他食物，可叫少一點，$3/隻，不然好易會浪費食物呢。)菜肉雲吞麵($27)麵一上場就嚇到了😂未免份量太足了吧！我這碗是中麵，還有5隻雲吞，相當之抵食。中麵麵條較硬身，本來還想加點醋，但其實麵條已滲入湯味，不會很寡。雲吞餡料充足，可惜有點鬆散，皮又較硬身。吃完後飽了幾小時，所以如果一個人前來吃的話不要叫太多了，未必會吃得完的

今日上完日文堂，就去左對面食野啦。之前麵想試好耐，但次次行過都唔肚餓，今次終於可以試下。其實呢度真係唔少選擇，腸粉、碗仔翅、粉麵都有。今次我叫左炸醬麵同豆漿。炸醬麵超多料，幾多炸醬仲有粒粒冬菇肉碎，唔驚無餸送麵，而且味道幾好唔會話太咸。豆漿夠凍唔會話太甜，又幾平。