影片
更多
2003-01-12
14 浏览
尋晚星期六同家人一起去君悅coffee shop 食自助餐, 每人收費350 蚊再加10% . 當初滿懷希望的. 不過食完一次下次都唔會再去.公平d 講, 佢唔係難食, 而且選擇都幾多. 沙律都有四五款, 不過唔夠凍, 味道都ok 啦. 熱盤都不少, 最好食我覺得係煎封豆腐( 同雍雅山房有得fight ), 其他燒味等等我就無食, 但媽媽話叉燒好好味. 其他仲有即場煮的湯粉麵( 不過來得呢度, 食呢d 咁市井的食物, 會唔會太浪費啦?? ).貴價食物方面, 有龍蝦, 不過唔夠甜美, 味道麻麻. 蟹我無食, 不過見佢凍冰冰都好似無咩味咁( 我家姐的意見), 所以留肚食其他. 壽司的樣子比其他自助餐的好及多樣, 仲有天婦羅食( 不過呢兩樣我都興趣不大).魚生有點失望, 我覺得唔夠fresh ( 食完個口有隱隱的腥氣, 新鮮的話不應如此), 連生蠔都沒有( 不過我食又得唔食又得, 但你如果想食, 可能會失望囉). 甜品有幾樣都整得幾好. 焗西米吉士布甸幾好, 唔太甜, 不過佢係一個大大的盤任你"畢", 由於放在室溫, 因此唔夠熱, 如果佢用一個個小小的焗盅來放, 再keep 住溫度會好好多.
公平d 講, 佢唔係難食, 而且選擇都幾多. 沙律都有四五款, 不過唔夠凍, 味道都ok 啦. 熱盤都不少, 最好食我覺得係煎封豆腐( 同雍雅山房有得fight ), 其他燒味等等我就無食, 但媽媽話叉燒好好味. 其他仲有即場煮的湯粉麵( 不過來得呢度, 食呢d 咁市井的食物, 會唔會太浪費啦?? ).
貴價食物方面, 有龍蝦, 不過唔夠甜美, 味道麻麻. 蟹我無食, 不過見佢凍冰冰都好似無咩味咁( 我家姐的意見), 所以留肚食其他. 壽司的樣子比其他自助餐的好及多樣, 仲有天婦羅食( 不過呢兩樣我都興趣不大).
魚生有點失望, 我覺得唔夠fresh ( 食完個口有隱隱的腥氣, 新鮮的話不應如此), 連生蠔都沒有( 不過我食又得唔食又得, 但你如果想食, 可能會失望囉).
甜品有幾樣都整得幾好. 焗西米吉士布甸幾好, 唔太甜, 不過佢係一個大大的盤任你"畢", 由於放在室溫, 因此唔夠熱, 如果佢用一個個小小的焗盅來放, 再keep 住溫度會好好多. 另外, 麵包布丁都不錯. 蛋糕方面, tiramisu 只係不過不失, cheese cake 都係( 都算好食, 不過沒驚喜), 反而一個紅豆綠茶蛋糕( 是蛋糕卷, 小小的一件件) 都幾好. 黑森林的餡就好似食jelly 咁, 可能魚膠粉下多了. 另外我無食到的仲有芒果蛋糕, 檸檬蛋白pie, 朱古力等. 仲有中式甜品如豆腐花, 湯圓, 芝麻糊, 涼粉等等. 不過就食味而言, 我自己覺得港島香格里拉的cafe too 好d, 甚至金域假日的蛋糕味道都比佢好而且多樣化.
生果除了一般的西瓜蜜瓜, 最impressive 就係車厘子好好味呀!
服務方面, 對比港島香格里拉, 日航的名仕餐廳等, 呢度收碟的速度慢好多, d 人又唔算醒目(可能人手唔夠). 而且燈光太暗, 加上咖啡室在lobby ( 不用上樓), 因此一餐下來的感覺都唔係太好. 咁o既價錢, 我情願再去cafe too 啦, 每人仲平成40 蚊喎, 而且個場都有style d 啦. 不過如果未去過, 想試下grand hyatt 個名, 都可以去一次.
张贴