同人鍋 (已結業)

幾年無見，你最近還好嗎？還記得當年一起走過的日子嗎？種種問題都可以在今晚傾訴！因為是不限時！先食雞煲再食火鍋都是一新享受！雞煲即炒上鍋，上菜的時候熱騰騰，麻辣香甜之味道 直沖出來接下來就是火鍋時間！龍蝦湯底用龍蝦新鮮煮出來，再配上一整隻龍蝦，海鮮拼盤及牛肉，只飲湯都好滿足另外都有很多其他材料可以選擇，建議一些吸味材料如響鈴豆腐，因為經過一輪海鮮煮湯，精華盡收湯中食飽飽 仲可以飲支解茶自家整飲品都有不少選擇

秋風起，大愛既秋天終於黎喇。雖說係咪秋天，我都係要打邊爐但當然秋天到，我更加想星期一至日都係邊爐日啦。所以今日接完男友收工就去左呢間餐廳打邊爐了環境夠大，一入去已經聞到好香既海鮮味配料同酒都好多選擇呢間係先食鷄煲，後轉湯底邊爐。鷄煲非常之夠味，我地叫中辣，雖然我覺得唔夠辣但麻度十足。鷄件軟滑。聽店員講，呢度既鷄煲係即叫即整，用好似大排檔啫啫鷄煲既方法整，難怪鷄件鮮嫩多汁。配料新鮮乾淨，個菜盤啲菜超甜，牛肉都彈牙夠牛味。重點海鮮盤。帶子，鮑魚係一次性。其他全部放題形式。有蜆，蝦，韓國蠔。店員仲會教你每樣海鮮淥幾分鐘。跟住指示做，海鮮熟度真係剛剛好，鮮甜，唔會過硬隻帶子勁大隻，淥完都無縮水架，超好味我地揀左花膠湯底。店員話湯底已經熬左6個鐘，滾左就可以先飲一碗。我呢個湯王啪左三碗湯底濃厚，仲好多膠質好痴咀新鮮海鮮都係任食，每人訂埋加一都係300蚊左右，我個人覺得非常扺食囉

昨晚與朋友原本打算食台式一人一鍋，但冇位，最終在山林道的同人鍋，見到過晚上九時後任食打邊爐都係百多元的廣告牌，決定一嘗。坐定後經店員大力推介，最終決定食豪一點，叫價錢貴近一倍的雞煲同用龍蝦湯，可選海鮮料的打邊爐任食。飲品任飲，都是些汽水、道地無糖茶及一jar jar的帶甜飲品。先來一個小辣的雞煲，幾好！夠惹味，葱頭爆得香，雞冇雪味。雖然只是和朋友共二人，但份量算幾多，而且熱辣辣的可當食火鍋前的熱身。食完雞唔係加湯落個雞煲，火鍋是另外上的，湯是用龍蝦去弄，但平心而論唔多feel到有龍蝦味。店員把今晚主角，有波士頓龍蝦及鮑魚的海鮮盤拿出來。基本上每人分到半隻龍蝦、一隻鮑魚及一隻瀨尿蝦，這三樣東西只可叫一次。龍蝦肉唔算多，只屬扼like而已，鮑魚不過不失，反而瀨尿蝦肉夠爽口，不俗。其他海鮮包括花甲、白鱔片、海虎蝦、松葉蟹鉗、馬刀貝、韓國蠔、帶子、魷魚、藍青口、花枝片及鑽石蜆則可無限添加。朋友最喜歡海虎蝦，不大隻但鮮甜彈牙。拿海鮮盤過來時，店員同樣精選了一盤火鍋料過來，全部可refill，我們添食得最多的是安格斯肥牛及黑豚肉，另一款紫薯水晶包夠煙靭，也值得一試。雖然連加一最後每人埋單都超過三舊

呢日同幾個朋友仔玩完水上活動出左尖沙咀揾野食大家都表示好肚餓 所以我地決定左去打邊爐見到呢間"同人鍋"幾得意 又可以食雞煲 又可以打邊爐 坐低侍應首先問我地雞煲要咩辣度我地揀左少辣少少麻辣 雞很入味 很香唔知係太好味定我地太餓 好快已經食完一煲 好食到忍唔住要再黎一個食完第二煲 我地決定要留肚打邊爐兩位或以上 已經即刻可以揀 原隻龍蝦湯底 或者 花膠雞湯底 我地揀左非常養顏既花膠😍真係無呃人 花膠大大塊 仲要有好幾塊點都飲左啖湯先開始打邊爐 食完大大塊花膠 即刻覺得好滋補配料都好多選擇 丸之中 我就推介墨魚丸爽口彈牙又有墨魚味👍🏻👍🏻肥牛都好新鮮同大塊呢盤海鮮拼盤就最岩鐘意食海鮮既我啦😋侍應上菜果時會教埋我地邊款海鮮要碌既時間 好貼心海鮮呢 我就一定要推介下個聖子皇好新鮮 好爽口全場各式飲品都任飲最後大家飽到要捧住個肚走

【#飲食】C+搵食團 || 首嚐另類火鍋湯底 - 尖沙咀同人鍋 = = = = = = = = = = = = = = = = = = = = = = ms. C 喜愛火鍋的程度，一年無論365日，春夏秋冬都是火鍋時間，想不到吃什麼就是去吃火鍋，最開心就是一大班朋友恰下恰下。一般火鍋配料當然重要，但同樣湯底也能帶出配料鮮味，一般都是豬骨湯、鴛鴦鍋、皮蛋芫茜鍋，今次就和朋友首次去了尖沙咀同人鍋首嚐另類湯底 - 花膠雞湯。 = = = = = = = = = = = = = = = = = = = = = = 同人鍋位於尖沙咀山林道，識搵食的人士一定知道在哪裡。設有兩款收費， 一款是普通任食火鍋，另一款就是無限時"雞煲海鮮肥牛火鍋"任食，講女搵食團當然選擇後者啦。 = = = = = = = = = = = = = = = = = = = = = = 同人鍋座位也有很多，而且枱和枱之間都唔會太迫狹，可以和朋友坐得舒舒服，慢慢食慢慢傾。 我們選擇的"雞煲海鮮肥牛火鍋"任食，就是先食雞煲，之後再用花膠雞湯打邊爐。先上熱辣辣雞煲，雞煲可以選擇不同的難度，辣與不辣任君選擇。我們叫了小辣雞煲，雖

一大班Friend週末出來聚一聚，友人話聽講尖沙咀同人鍋有無限時任食邊爐，而且地點方便就腳，就拍板黎個週末同人鍋聚餐！我地點左火鍋同雞煲。雞煲可以選擇唔辣或者唔同辣度。我地今次揀左唔辣！雞肉非常嫩口，味道香，趁熱食更滋味，大家毫不拘謹咁暢快地享受美食！湯底可以選舉花膠湯底或者原隻龍蝦蝦湯底，雖然龍蝦湯底都好吸引，但最後我地拍板要營養豐富又清甜嘅花膠湯底！打邊爐有海鮮食，真係一件樂事！海鮮拼盤中我最愛鮑魚同蝦，好鮮甜！朋友亦讚蠔鮮甜肥美，大家都食得津津有味😋另外仲有好多火鍋配料可以選擇，包羅萬有，款款都各有FANS😂😂😂我就覺得台灣腸同響玲要Encore啦！今餐好豐富，而且大家一路食一路有講有笑，輕輕鬆鬆地過了一個飽滿愉快的晚上！

上星期約了一班朋友去吃火鍋，在眾人的投票下，我們選擇了在尖沙咀的同人鍋，地點十分適合。而且還是不限時的，最適合我們一班愛聊天又愛吃的人，可以慢慢吃慢慢坐。我們還叫了雞煲。雞煲十分入味，煲內還有洋蔥蒜頭等香料...因為我們當中有人不能吃辣的，所以選擇了不辣的雞煲，但是入面的雞肉還是很嫩滑吃完雞煲後，我們便選擇了花膠雞湯底打邊爐。一般的店舖都是吃完雞煲之後加水打邊爐，但是這裏很貼心會更換一個煲才打邊爐花膠雞湯底十分入味，我們都每人品嚐了一碗才開始打邊爐。打邊爐的配料也是任食，除了某些海鮮外。海鮮的選擇也很多，例如鮑魚，蝦，蛽等..十分新鮮。另外，蔬菜及肥牛也是任食，而且選擇很多整頓飯局，我們吃得十分開心，除了這裏不用限時及任食之外，我們可以暢所欲言，地點位置也十分舒適，另外出邊還有一個飲品櫃，可以方便我們自己隨便去攞

雖然天氣未轉涼, 但港人鍾意烚下烚下既情意結係不變既, 呢間無限時任食鷄煲海鮮肥牛火鍋就成為左我地今晚烚烚地方! 呢度係先食鷄煲後先開始火鍋既, 根據人頭而比份量, 打開煲蓋就聞到好香芫茜芹菜洋䓤香味, 鷄件惹味肉滑, 洋䓤煮得腍甜好好味, 加埋 索左D醬汁既紅薯粉一齊食, 正呀喂!食完惹味鷄煲後, 就到火鍋時間, 湯底有原隻龍蝦/花膠比你選擇, 女士們當然見到有花膠就心心眼啦, 奶白色湯底配上紅蘿蔔, 原隻花膠上, 湯味都有花膠味, 食落軟滑又黏口, 骨膠原呢3個字係我腦海中現身!食到有D辣, 出去雪櫃拎返D凍飲也是常識吧!基本上係呢度開餐只需要諗2樣野就包你有野食: 1) 鷄煲要咩辣度; 2) 火鍋要咩湯底 哈..哈......岩晒D"餓鬼"黎開餐侍應送湯底後, 呢盤種類多既海鮮拼盤就黎到啦, 食材包括蟶子, 鮑魚, 魷魚, 白鱔片, 海虎蝦, 花甲, 鑽石蜆, 韓國蠔, 除左蟶子及鮑魚, 其餘都可以任食! 想講係蟶子口感爽脆, 都幾鮮甜; 鮑魚就比較有咬口, 其餘既海鮮類都唔錯, 尤其係花甲及鑽石蜆都幾濃蜆味, 最緊要係無沙粒, 食海鮮都可以回到唔少本!丸類, 腸類, 餃子類

友人知道山林道同人鍋無時間限制，任飲任食火鍋，所以我們二話不說就選了這間。因為我們最怕同友人傾計食飯時，很快就被人叫埋單，趕我們走。這樣會很不爽。呢度食火鍋＄228一位仲奉送海鮮拼盤一客，加＄48就有麻辣雞煲。麻辣雞煲，對於不嗜辣的我們，就揀了微辣。微辣對我們來說岩岩好，想食麻辣但又不食得太辣，但又想食。雞煲的雞件足夠我們兩人份量。加上芫茜，香氣四溢，雞煲惹味。食完雞煲，就輪到食火鍋。有龍蝦湯底或花膠湯底，我們揀了花膠湯底。花膠約有五件，真材實料，很好味。鮑魚海鮮拼盤也吸引，有扇貝，鮑魚，韓國蠔，貴妃蚌，海蝦，魚片，魷魚。海鮮都新鮮。我最喜歡扇貝和鮑魚。仲有秀珍茹，靈芝茹，腸仔，芝士丸，生菜，肥牛，我推介是龍蝦沙律丸，夠彈牙。生菜吸收花膠湯的精華，很爽甜。總結，呢餐任飲任食，很適合大夥兒一起聚會。因為價錢亦划算。

呢間餐廳在山林道的轉角口，不起眼但感覺很神秘，因為是在樓上的，所以都幾吸引的。一上到見到呢幅牆紙，明顯就是介紹海鮮，所以充滿期待可以有海鮮食啦！枱面嘅墊枱紙亦有介紹火鍋的起源，以及餐廳供應的食物，很正喔！除了火鍋亦可以加埋雞煲，咁就可以有兩食啦！雞煲點了中辣，入面有好多調味料及配菜，而且都好入味好夠辣！點了龍蝦湯底火鍋，本身嘅湯底已經有龍蝦味，再加埋原隻龍蝦，真係正到喊呀！望住龍蝦起晒泡咁慢慢滾，全個湯都變晒色，湯底更重龍蝦味，正！其實除左龍蝦都仲有其他海鮮嘅，包括瀨尿蝦、蜆、魚、鮑魚....鮑魚仲要好新鮮，掂一掂都識郁的。點了份肥牛，切到好薄，入口即溶，真係好正！火鍋又點可以少得佢地呢？真係樣樣都有齊喔！

行完街去搵野食行行下到入來呢度原本以為無野食點知望到門口個menu 寫住任飲任食$288有雞煲又有打邊爐仲話兩人送原隻龍蝦湯底添 （真係比成隻龍蝦你做湯底）就咁望張相都覺得勁豐富啊！好吸引呀所以我哋就入咗去啦！嘢飲方面好正有自家製蜂蜜菊花露、酸梅湯同蜂蜜柚子我最鍾意飲蜂蜜菊花露夠潤又清熱啱晒打邊爐飲可以成渣攞來慢慢飲開頭覺得成渣好多但係飲下飲下唔覺唔覺就飲晒囉！飲品櫃平時我哋好少食雞煲估唔到好有驚喜呢度啲雞煲好好食最緊要係唔太油膩食到我地舔舔脷啲配料超香芫荽阿媽同我都好鍾意食估唔到加埋落啲雞煲度都幾夾喎！鐘意佢呢度唔係用返個雞煲個煲來加湯打邊爐係食完雞煲之後比另一個煲你打邊爐咁就唔會太油原來啲嘢食一早幫你執好晒唔洗慢慢tick食咩啱晒有選擇困難症嘅人入到來唔見點心紙都覺得奇怪原來呢度d嘢食要追加係就咁同店員口頭落order就得超方便樣樣都有啲食過好食唔夠可以再叫大大隻龍蝦肉質好爽個湯底好正環境好舒服設計簡簡單單但張台好闊我地兩人坐四人位要留意飲食部份非任食項目：扇貝聖子鮑魚象拔蚌仔珊瑚蚌貴妃蚌雖然話任飲任食但係食完佢哋預備好嘅嘢之後原來係唔會再追加任何野因為已經食到好飽啦suggest

上個禮拜，同屋企人去咗同人鍋打邊爐。呢間係朋友介紹嘅，佢話係冇限時嘅任飲任食打邊爐，叫我去試吓挑戰下入到去，地方都好大，好舒服。燈光又夠光猛，整體感覺唔錯。而且側邊仲有個飲品櫃，可以自己方便咁去拎。首先食咗個雞煲先，雞煲面頭有好多芫荽蔥，所以味道好香。我哋揀咗個唔辣嘅雞煲，雞肉唔會好大塊，細細塊好滋味咁，雞肉好嫩滑。兩位以上仲送花膠雞湯底或者龍蝦湯底，我哋就揀咗花膠雞湯底，湯好濃郁，有好重嘅雞味，花膠滑滑，我哋差唔多每人都飲左一碗食完雞煲之後就打邊爐，仲有海鮮拼盤。成個海鮮評判真係好豐富，好似有鮑魚，聖子，蝦，蛽同魷魚等等...樣樣都好新鮮打邊爐當然唔少得肥牛，每片肥牛都係鮮紅色，放入個煲到等一陣就食得仲有好多其他配料，好似丸，午餐肉，腸仔，蔬菜魚皮餃等等....我最鍾意食就係墨魚丸，而且水晶丸令我好有驚喜，佢入面係紫薯嚟嘅，所以味道甜甜地

同朋友介紹左好多次，位於地點方便，係尖沙咀既火鍋店同人鍋係本人飲食名冊上既大熱，難得大家放假便約出來，公諸同好，反應非常好!地方闊落座位舒服，等齊人之際來個小食香煎雞翼，夠熱夠香口。大家都喜愛辣鍋，就來一個麻辣雞煲先！入口很香鮮雞咪，麻辣感慢慢發出來，很刺激！人頭計火鍋，大．部分食物任食，海鮮丸類都很出色！必定要提的是龍蝦，蝦肉彈口鮮味十足！海鮮迷不能錯過，選擇多，質量高。丸款也非常齊全，要乜有也！我最愛他們的餃子， 皮薄餡靚，很滿意。安格斯雪花牛非常香囗，肉香味濃！蔬菜也很新鮮！大部分飲品任飲，最啱一大班朋友邊傾計邊食餐勁！

之前朋友勁話這家火鍋好正好正, 今晚就約埋幾個老友去開心下.今晚大家都異常開胃, 一於叫埋辣辣雞鍋先.大家都很喜歡食辣, 夠辛辣夠入味, 一個字 >> 正!跟住再來個豬骨湯底焗海鮮種類其多, 既新鮮又可口, 聖子, 鮑魚非常出色!重頭戲係巨型龍蝦, 肉味超鮮又彈口, 必試之選!整隻龍蝦佈滿蝦膏, 真係超鮮起多肉!大家鍾意海鮮, 點了很多不同海鮮類, 我們食了魚片, 花甲, 帶子, 生豪等等....安格斯肥牛亦是必食, 牛香留於咀裡, 愛牛之人不能錯過.整體所有食物質素很好, 生菜很新鮮鮮嫩.栗米東姑都很新鮮, 不過不能食太多, 留肚食其他野吧!這裡提供形形式式的丸子, 餃子. 特別要提那個香芋丸子, 口感彈牙鮮甜, 做火鍋甜品一流!這裡環境舒服, 飲品住叫, 和三五知己來聚聚既好地方!

見過有好評，有個讚雞煲好味，有人讚侍應態度好好。見過有差評，話收費混亂，侍應態度差。今次一晚感受哂。總括一句，黎一次唔會再黎。星期日晚同男朋友睇完戲，過左9點有見有折就試下啦～ 當日打完8號風球，海鮮無咩選擇，就揀左普通火鍋每位168。見個個讚雞煲好味又有得追加就+48蚊點黎試下啦～ 雞件滑！係幾好味，但個汁/湯底就差少少...諗住追加幾件雞，點知原來食貴價海鮮窩先有得追加雞件同之後換湯底.... 哦！好在黎解釋0既侍應好有心機好有禮貌解釋左，原來係我地誤會左... 咁好啦～ 繼續食～ 不過後尾諗返... 無得加雞件又無得換湯底點解要加多48蚊呢... 有0的取巧...送的海鮮有點失望，不過送的就無咩投訴啦～其實火鍋黎到，畫左一張剔剔紙。食到尾段，想追加其中幾樣野... 無禮貌侍應出現了！中年帶眼鏡男人，側邊二二吟吟話又加？！下....大佬..第二張乍咼... 加三樣野乍咼.. 你款款野人頭計出兩粒都無話你啦！牛骨髓兩條，牛百葉兩條... 依家第二次畫剔剔紙就話又加？ 其間仲不停聽到個中年男人數住其他檯食咩又話人坐得耐（門口寫明不限時）...我唔知間野佢係米有份，不過咁小家就唔好做任食