同人鍋 (已結業)

呢間餐廳在山林道的轉角口，不起眼但感覺很神秘，因為是在樓上的，所以都幾吸引的。一上到見到呢幅牆紙，明顯就是介紹海鮮，所以充滿期待可以有海鮮食啦！枱面嘅墊枱紙亦有介紹火鍋的起源，以及餐廳供應的食物，很正喔！除了火鍋亦可以加埋雞煲，咁就可以有兩食啦！雞煲點了中辣，入面有好多調味料及配菜，而且都好入味好夠辣！點了龍蝦湯底火鍋，本身嘅湯底已經有龍蝦味，再加埋原隻龍蝦，真係正到喊呀！望住龍蝦起晒泡咁慢慢滾，全個湯都變晒色，湯底更重龍蝦味，正！其實除左龍蝦都仲有其他海鮮嘅，包括瀨尿蝦、蜆、魚、鮑魚....鮑魚仲要好新鮮，掂一掂都識郁的。點了份肥牛，切到好薄，入口即溶，真係好正！火鍋又點可以少得佢地呢？真係樣樣都有齊喔！