吉列牛忌廉烏冬專門店 (百樂中心) (已結業)

今日漫遊👭銅鑼灣行街食好嘢😚 日與夜做哈韓一族啖美食😋這間耀華街由韓國引入既食店， 連店舖擺設， 播放音樂歌曲， 令你自身在韓國一樣， 一解鄉愁🤣🤣🤣 主打吉列牛吉列，今個晏晝就來一個全牛宴🐮🐮🐮吉列牛定食+ 咖哩忌廉烏冬(飯、湯及小食)吉列皮脆香，牛幾厚切👍juicy 有質感😋 忌廉咖哩烏冬好大碗，內面仲有牛肉片😯白與黃色既配塔相當搶眼， 掛曬忌廉汁帶有微辣咖哩味彈牙煙韌既烏冬， 邪惡至極 😈蒜片牛舌心質感爽彈👌飲品就叫咗酸甜既熱情果 punch 同清熱滋潤嘅蜂蜜菊花蜜😊

吉列牛已在興起一段時間，如果配合埋忌廉烏冬你又試過未？ 今次同朋友黎到book mark咗一段時間既✨吉列牛忌廉烏冬專門店✨係門口已經聞到超香燒肉味la~睇完menu後我地決定叫個2人set + 一客小食~🐮吉列牛定食+咖喱忌廉烏冬+2杯飲品第一道上既係烏冬，就咁睇個樣，其實你好難想像佢係一個咖喱烏冬，我自己超鐘意上層滑滑的忌廉啦，又滑又重奶味！然後筷子夾落底層就會見到咖喱烏冬啦！咖喱是甘口帶微辣的，伴有雞肉粒，烏冬煙韌滑嘟嘟！另一個主角吉列牛！眼前只有一個期望，就係靜待塊鐵板夠熱！🔥 然後就可以將調味好既吉列牛放上去，燒到佢既吉列外層脆卜卜，內裡半熟，再沾上特製酸酸地醬汁，食落香口又減輕咗油膩感呢！至於小食，牛魔王當然選擇🐮蒜片牛舌芯la😜另外飲品，我地order咗柚子蜜同菊花蜜, 潤一潤佢~食飽飽又去行街lu！😁

今日去百樂中心揾食，吉列牛依家好多地方都有得食，而呢間主打係吉列牛同忌廉烏冬，梗係一次食哂兩款招牌菜啦😉同朋友叫咗份吉列牛定食+咖哩忌廉烏冬套餐，烏冬可以揀雞肉或牛肉，我哋要咗雞肉😄吉列牛定食🍱定食仲有麵豉湯同冷盤小食，吉列牛切開一嚿嚿，已經炸咗兩成熟左右，然後自己擺上石碢板上燒，我哋唔鍾意太熟，燒咗一陣，四五成熟，肉色粉嫩時食，口感最好，肉質juicy，又腍又鬆軟，配芥末沙律醬，好食到唔停得口🤤咖喱忌廉雞肉烏冬🍜厚厚忌廉泡泡，底層係咖喱雞肉烏冬，咖喱烏冬食落唔辣，撈埋忌廉食，烏冬掛上忌廉湯汁，又滑又爽，雞肉都幾多嚿，估唔到真係咁好食🤩蒜片牛舌心牛舌心爽口，有嚼勁，蒜片香口☺我哋加💰要咗Passion Punch同柚子蜜Passion Punch即係熱情果梳打，酸酸地，夠fresh🍹

今日過海去食下網紅店先，吉列牛真係第一次食，個個講到禁正，就試下你咩料子😍叫左個套餐有呢2樣嘢🤗💛吉列牛定食吉列牛用外圍被吉列過，但係入面完全生嘅，有個平板石爐仔比你煎返你想要嘅生熟程度，個牛真係不得了，係入口即溶嘅牛，一d 都晤會漏‼️仲有它它醬配埋個牛一齊食，正到絕👍🏻👍🏻必點！呢個定食都幾抵下，有麵豉湯，有飯，麻醬豆腐，麻醬蕃茄仔👍🏻👍🏻💛咖喱忌廉烏冬其實本身咖哩烏冬呢樣嘢無得輸，一定係好食！而家加埋忌廉係一個好fusion 嘅食法！忌廉嘅奶滑配上烏冬你係會追住食加配💛蒜片牛舌芯必食！必食！必食！好味到要講3次！個牛舌淋到不得了，夠晒juicy ,加埋蒜片食有流！吉列牛忌廉烏冬專門店 (百樂中心) (銅鑼灣)銅鑼灣耀華街3號百樂中心22樓

🇭🇰 吉列牛忌廉烏冬專門店 (百樂中心) (銅鑼灣)銅鑼灣耀華街3號百樂中心22樓星期一至日12:00-22:30味道: 7️⃣環境: 7️⃣性價比:7️⃣推介度:7️⃣-🥩吉列牛定食•HKD148+10%定食有飯, 麵豉湯, 胡麻醬豆腐同蕃茄🙂吉列牛肉質夠嫩滑冇筋👍🏻不過牛肉味唔重😂呢間餐廳冇講係咩產地嘅牛同級數🍜雞肉咖哩忌廉烏冬•HKD78+10%忌廉滿滿一層以為會好油膩🤔但攪勻之後撈埋咖哩汁好好味😋烏冬夠煙韌彈牙😍有少量西蘭花同洋蔥, 雞肉份量較少😯🍟咸蛋薯條•HKD38+10%新鮮即炸夠熱♨️咸蛋味有嘅但有啲薯條淋唔到咸蛋醬😅其他餐廳嘅咸蛋會更加起沙再惹味啲🙈呢間嘅就比較普通但都好食嘅-#香港美食#hongkongfood#銅鑼灣美食#causewaybayfood#香港吉列牛#hongkongkyukatsu#忌廉咖哩烏冬#creamycurryudon#foodie#食#foodaholic#吃貨#hungry#飢餓#hungry_dieary#2020

今日去左銅鑼灣行街，經過見到呢間餐廳個名都幾特別，決定上去望下點既先！上去發現地方唔太大，但人流非常多，通常多人一定好味啦，咁我地都試下啦。枱仔細細，環境唔錯，望出去仲有個咁靚既風景，都幾舒服喎！不過我地留意到附近幾枱都食緊同一樣野，原來都係呢個套餐2，有個吉列牛定食同咖哩忌廉烏冬，咁我地都叫呢個啦。嘩....原來都幾特別，佢係咖哩底煮烏冬，面頭放左厚厚一層忌廉，分開先食忌廉，會有一種淡淡既清甜忌廉食口入面，好似食緊甜品，當攪拌後就會變成好滑好滑既咖哩烏冬！烏冬彈牙，似係日本好出名既稻庭烏冬，特別好味。原來呢到最出名就係呢個吉列牛定食，吉列豬都聽得多，吉列牛真係第一次，好特別！！牛肉一生熟，要另外放上個熱石到燒一陣，牛肉口感唔係普通平價牛，都幾高級下，嫩滑香口，食落去個牛既味都幾濃郁，都似和牛。另外仲有Ｄ配菜，唔好咁單調只有肉同飯，食完可以飲返啖麵豉湯清一清口腔，唔會太鹹，岩岩好。最後仲叫多左個小食，味噌蟹蓋紫菜飯糰，好搞笑，真係成個蟹蓋，上面放滿蟹膏，飯糰細細粒一個，放上蟹膏卷起一齊食，真係好好味，蟹膏用左味噌調味，所以陣味都幾濃，配落飯糰真係岩岩好。最後叫多兩杯飲品，賣單都係$35

第二次黎食呢間吉列牛了～都係一樣咁好食～😋😋今次黎銅鑼灣分店食，放工行完街過黎食岩岩好，呢架既上菜速度好快呀，服務員都好好～今次叫左套餐2，一份吉列牛，一份炒麵🥰🥰😍個吉列牛真係好好食，口感好正又食到炸物既香脆感，又食到燒肉既感覺！仲有兩款醬汁可以點～😋👍🏻另外個香辣炒麵好似冇上次咁辣，但麵好食，好大份😆食到好飽🤤仲有個單骨雞翼，上面灑左好似麥當勞既蜜糖bbq粉咁，好好味，係我鐘意既味道不過啲粉有少少過多😂少返啲會更好～叫左一樣Passion Punch同熱蜂蜜菊花蜜～滿足😋😋😋

吉列牛今時今日已經一d 都唔陌生每次食都非常滿足 今晚都唔例外 今次order 左個set 每次都一定叫既吉列牛定食 + 咖喱忌廉烏冬烏冬可以選擇牛肉/雞肉 呢度個烏冬真係好得意忌廉底下有香濃咖喱烏冬相當彈牙有咬口 口感剛好另一主角吉列牛 外層香脆 牛肉肉質香嫩記得要確實熱石已經夠一定熱度先好放件牛上去一放落去 炸炸聲 真係好治癒配合少少醬汁 再爬啖飯一齊食 真係冇得輸另外我地叫左個Kobeyu 秘製蛋卷其實係蛋卷配合濃濃芝士 😛呢兩樣野夾埋真係好match記得要襯熱食丫另外我地每人都叫左杯凍飲配合熱辣辣既吉列牛 真係解喝 開胃

記得係四五年前，韓國突然好興石燒吉列牛肉🥩🥰然後香港都開咗分店，啱啱開始嘅時候係排晒長龍😬我都有排過，隔咗幾年後再食，水準依舊好味道🥰🥰吉列牛定食+咖喱忌廉牛肉烏冬Set ($246) 廚師會將牛肉沾上麵包糠吉列炸到一成熟，會後再俾你自己燒決定牛嘅成熟度🤗🤗牛肉有十片左右🥩片片厚切，兩個人share 啱啱好，燒到外脆內軟，外面酥脆入面肉汁爆出，好豐富好幸福🤤🤤🤤忌廉牛肉烏冬好得意☁️☁️好似一舊雲咁，撩開佢就會見到咖喱烏冬，少少辣配埋忌廉撈埋一齊食好濃郁！🥘豐富咗烏冬嘅味道，咖喱牛肉都煮到好淋又入味韓式甜辣醬單骨雞翼（$65）🍖🍖呢個味道真係同韓國食嘅甜辣炸雞一樣，餐廳將佢造成單骨，好方便食用，一啖接一啖好滋味🤤🤤唔好睇佢想晒啲份量都幾多下，而且佢有好多小食，下次可以食其他呢😬😬Rose Garden/ Passion Punch（+$18 ）我地試咗兩杯特色梳打🍹🍸食完燒肉同咖喱烏冬之後飲好爽，賣相又靚又好飲😚😚

「吉列牛忌廉烏冬專門」位於在銅鑼灣百樂中心22樓（另一分店在旺角）可能已經過咗Lunch hrs ,所以餐廳客人不多⋯⋯吉列牛忌廉烏冬專門..除了吉列牛，其實也有其他選擇⋯⋯例如涮涮鍋，Rice pot 等可供選擇⋯⋯吉列牛定食套餐（$246）包括主角吉列牛，芝麻海苔拌飯，麵豉湯，胡麻醬豆腐，胡麻醬車厘茄，和另一主打菜咖喱忌廉烏冬（可以選擇雞肉或牛肉）吉列牛是半生熟上枱的，然後自己可以在附上的迷理石烤爐，按自己的喜好去烤牛肉的熟成度！吉列牛的份量適中，而且有一定的厚度，每件鋪滿金黃的吉列，而且不輕易掉落當你在烤製中👍🏻吉列牛肉質鮮嫩，有豐富的肉汁...入口外脆內軟😗果然名不虛傳😝咖喱忌廉牛肉烏冬⋯⋯一上枱嚇親，以為咁厚忌廉🙈但原來只係一層濃厚的忌廉泡😝下面是咖喱，忌廉打得很密亦很滑，咖喱味很香濃，烏冬又夠煙韌..原來忌廉和咖喱也很夾😋😋😋蒜片牛芯舌，很多蒜片，牛舌有咬感而且亦不會太韌👍🏻套餐本來是跟汽水，但可以另加$18轉特飲！Citrus Ocean , 充滿海洋的顏色， 味道又香又清新，剛剛可以中和之前食物的味道🤗🤗

Kobekyu吉列牛無得去旅行, 同女朋友都覺得好慘來自韓國的過江龍Kobekyu絕對滿足到這種旅行慾望吉列牛定食牛扒以吉列方式炸得金黃鬆脆牛肉放到鐵板上燒烤，按喜好控制熟成度, 推介每邊放20秒都夠了八成熟唔會韌本身牛肉的味道已經好濃郁，可再蘸上燒肉醬油或芥末沙律醬跟餐既麵豉湯有足料昆布, 抵讚份量絕對足夠, 加埋個醬更惹味咖哩忌廉牛肉烏冬咖哩牛肉烏冬熱烘烘，打破我對烏冬難食既感覺烏冬煮得剛好軟彈牙，與濃香咖哩汁同咖哩汁內裡牛肉挺配也充滿咖哩香驚喜滿滿撈埋一齊食仲有總好邪惡感, 味噌蟹蓋配紫菜飯糰蟹膏蟹肉不用自己燒, 配有3粒飯糰, 蟹膏蟹肉真係好足料蟹蓋中的蟹膏味道超濃,配白飯食岩岩好

家姐難得接我收工，我就當然要介紹返佢鐘意既日本餐廳比佢食。之前去旺角試過吉列牛都唔錯，加上性價比高，令我念念不忘。所以今日又有藉口去再食多次，今次我地去銅鑼灣果間食😋😋餐廳坐爆曬是常識吧… 好彩我地等得唔算好耐就可以入去坐啦… 一坐低就拿拿淋order 吉列牛啦… 忌廉雞肉烏冬。家姐話想加多一款小食，我地就叫左辣辣雞翼 😋講返個吉列牛，真係真係真係好juice… 鬆軟多汁，入口即溶。餐廳比埋個迷你鐵板燒，自己可以控制牛熟程度，又可以玩下又有得食又有得打卡，正牙....  另外，忌廉咖哩烏冬用日本咖哩，咖哩偏甜，但野食仍然，烏龍比忌廉濃濃的包圍著，真係好入味。

今日約咗朋友傾吓偈，又好耐無一齊食飯，因為朋友喺港島返工，所以就過咗銅鑼灣，去咗吉列牛忌廉烏冬專門店、點咗一個套餐，小食同埋飲品邊食邊傾。吉列牛定食每次去吉列牛忌廉烏冬專門店都會叫嘅招牌菜。定食包咗麵豉湯、前菜、飯同埋吉列牛。餐廳會連同熱石一齊上，吉列牛送上熱石輕輕燒香，牛肉香滑面皮脆，非常之正。香辣忌廉雞肉炒麵忌廉烏冬同炒麵係餐廳另招牌菜，我同朋友今日就點咗香辣忌廉雞肉炒麵。少少嘅辣味，令整個炒麵變得相當惹味。而忌廉除咗令炒麵食落更滑身，仲有減低辣度嘅幫助。唔太食得辣嘅朋友相信都應付到。Kobekyu牛油蜜糖單骨雞翼最喜歡食單骨雞翼，牛油蜜糖雞翼味道好好，蜜糖又唔會多到甜得滯。雞翼入哂味，而且好鮮嫩。韓國蜂蜜紅棗茶紅棗味都幾出，配搭蜜糖後容易入口，本身唔太喜歡飲紅棗茶嘅朋友都會接受得到。Rose Garden 玫瑰蜜特飲，玫瑰味清香撲鼻，唔係好甜，唔錯。

好耐冇食吉列牛了，來到呢間吉列牛忌廉烏冬專門店，順便試埋佢地嘅忌廉烏冬🙈-個雞肉忌廉烏冬好濃厚，撈埋落底層咖哩真係勁香，成件事好smooth，冇諗過可以咁夾🤪而且個烏冬真係好煙韌😍而吉列牛最正係可以根據自己想要嘅熟度去煎，牛味足夠，建議煎熟少少再食，肉質會比較淋。小食方面揀左牛舌芯，脆蒜片好香好正，d牛舌夠淋不過薄左少少🙈嘢飲有紫薯latte同玫瑰梳打🌹，兩款個味都唔會好假，而且好好飲呀🤪👍🏻

Kobekyu Katsu🐮🔥 Signature Item💫..來自韓國🇰🇷 人氣吉列牛專門店，主打吉列牛🐮 & 忌廉Udon。就算出街食飯，都想落手自煮一番❓呢度就岩晒你：半生熟既吉列牛送到枱上，再自己燒牛肉，可以控制生熟度，口感隨自己喜歡，過過手癮，又可以同朋友互動。.ll $246Kobekyu Katsu+ Spicy Cream Chicken Fried Noodles滿滿忌廉蓋住炒麵🍜，熱騰騰既辣雞🐥炒麵很惹味，醬汁帶甜帶微辣🌶，拌勻吃很滑；吉列牛🐮 嫩嫩，因應自己偏好燒，一口嫩牛一口米飯，吃在嘴特別滋味。.ll $68Kobekyu Cheese Egg Roll小小的但很芝味🧀，蛋卷🥚 還帶蛋汁。.l $38ll $38.清爽Soda🍸，美美的 喝下暑氣全消，舒服口感。..價錢不貴，又可以享受半自煮樂趣，吉列牛你又愛嗎❓..×××××ש銅鑼灣耀華街3號百樂中心22樓..