吉列牛忌廉烏冬專門店 (彌敦道) (已結業)

早前聽朋友介紹有間食忌廉烏冬唔錯的韓國餐廳，今晚我地就去試一試新嘢！首先佢來左一盤忌廉，我最初以為忌廉同烏冬分開上，誰知原來寶物沉歸底，我要係忌廉下面撈烏冬上來，忌廉好幼滑配上烏冬意想不到的好食，味道不會太漏！另外叫左吉列牛定食，呢個上來的時候以為日本料理，個吉列先係主角，咪見佢以為炸到金黃酥脆外表，其實內里肉係未熟，呢間店會提供石板俾你上面燒牛肉，生熟程度自己控制，呢個食法真是意想不到好食，可惜得90分鐘時間食！否則可以坐耐d

上個星期食好嘢，見726大樓外面好多人派傳單，於是上網參考，見呢間評價給好，所以就去咗呢一間有忌廉烏冬同埋燒吉列牛嘅食店幫襯～🤣✌🏻我地冇book，好早上去食晚餐~ 一到就有位，餐廳既每張枱隔離有少少近，可能有時傾吓計唔係太方便~ 我哋叫咗吉列牛定食 share! 太早食了，冇乜肚餓感~😄😄🤣 個鍋好特別~ 真係有啲似日本嗰啲，但係就有啲慢同唔夠熱😅 吉列牛整得好好食，外皮整得好脆，裏面嘅肉都仲係生生地，好特別～ 放喺爐上面，都仲有渣渣聲🤣 佢比嘅份量都幾多！兩個女仔食得晒，佢嘅沙律都好好食，同埋前菜好特別👍🏻不過我就唔係幾好，所以我朋友就食晒🤣🤣煎到咁上下，點小小醬，再送飯食，超好味！😋

訂台4位 7:30，職員講明要準時到唔留台，我地準時到但未有台，等左15-20分鐘可以接受，用餐1小時15分鐘，咁孤寒都算。落單哥哥仔木冇表情，成個落單過程一粒聲一個反應都冇，連餐飲飲咩都冇問就轉身走左。可能太忙太攰掛，有野食就算。食物賣相幾好，所以有影相，但味道就好一般喇！吉列牛定食算係最正常，個飯乾身少少但都正常。鰻魚飯個飯真係太差太難食～好失望！因為食物一般大家都食得唔開胃。更嬲係大概8:35就叫我地埋單要交台，但明明仲有成25分鐘！出面又唔係多人等。侍應好積極咁執枱，積極到唔夠手長係枱最入位置既野都叫我遞俾佢，連所有水杯都收埋。其實會唔會等我地走左先收呢？我地未夠鐘喎！總體感覺差！唔會再黎！

上網睇到咁多比like嘅食評，讚得咁緊要，就同朋友嚟試下咩料子。好好彩，本以為爆多人，點知六點幾到無乜人，又正剛好遇到日落，隔離落地玻璃，睇到出面好大個咸旦黃，好靚。喇喇聲點左我期待嘅招牌烏冬，同埋吉列牛定食。當烏冬來了，我用筷子一撈，就知伏味開始湧出嚟。汁又水又浠，烏冬煮過龍，一夾就斷，味道無特別。稱不上難食，都稱不上人人口中嘅驚豔。最伏都係朋友嘅吉列牛定食。唔洗食已經睇到，非常唔專業嘅吉列牛。本來舊牛已經比廚師炸熟左起碼有7成，純粹侍應放個爐仔，等我地扮晒野自己番熱舊牛咁簡單。至於醬料，同吉列牛本來味道唔夾。我相信茶記吉列豬扒會好食過佢呢間吉列牛。我明白一分錢一分貨。牛薄而溜氣，烏冬欠缺誠意。再次感嘆又比食評呃左。

去韓國旅行時，曾經見過有忌廉烏冬嘅廣告，當時已經好想食，但行程已經full晒！番到黎香港，終於有機會比我食番。我食左個忌廉咖哩牛肉烏冬，應該都係其中一個最受歡迎的菜式，果然不負眾望，食落口感好滑，味道香濃。下次可以試埋個吉列牛☺️

見facebook有朋友打卡覺得好似好好味咁 所以咁岩去開旺角就try try果然真係超好味丫～～叫左個吉列牛套餐有成2大塊吉列牛，正～～D牛出面要炸過黎入面係生既，要自己燒想要幾成熟就幾成熟哈哈～～本人係唔食生野既所以燒到d肉熟一熟，都係好好味道😌😌仲叫左個忌廉咖哩烏冬其實即係咖哩烏冬上加忌廉食落都係咖哩烏冬既味道一開始好擔心會好怪但又冇咩特別怪，個味都match既～～可以一試最後叫左個雞翼好細心地係將雞翼切開煎食落好方便又脆又入味滿足既一餐

2人餐吉列牛定食+忌廉咖喱烏冬+汽水吉列牛定食前菜有兩粒蕃茄仔🍅味增湯🍵麻醬豆腐主角吉列牛🥩有好好金黃色賣相但完全冇脆口感，仲有少少油，所以食多幾件有油膩感覺有個黑色小爐好有桌頭好適合兩個不同口味又想兩個人食用同一個餐嘅朋友，黑色小爐可以將吉列牛放上然後慢慢整熟，因應自己喜歡💕決定熟度吉列牛🥩牛肉味道好一般，沒有牛肉味，但容易咀嚼忌廉咖喱烏冬可自選牛肉或者雞肉，有一層厚厚白色嘅忌廉底下就是咖哩烏冬，就算將兩者融為一體，或者分開放入口，忌廉味都不會好覺咖哩味道確是不錯餐外仲點咗蜜糖雞翼有濃濃蜜糖不太甜，雞翼裏面沒有味道用餐時間都有限制，只有一個鐘半時時，如果想慢慢進食傾下計係唔可以

喺大阪吃過又平又好味嘅吉列牛，一直念念不忘牠的好。發現旺角都有吉列牛專門店，就約埋個同鄉去吃牛止渴，一解鄉愁。我哋嘅目標非常明確－－吉列牛同忌廉咖哩烏冬。餐牌上有個套餐係「吉列牛($148)+忌廉咖哩烏冬($78)+汽水兩罐= $246」，其實即係要加$20買兩罐汽水，唔划算，所以我哋都係散叫。吉列牛定食 $148上菜都幾快，我個心沉得仲快。吉列皮係濕嘅，唔脆；牛冇牛味，鞋口，完全係靠啲燒汁去遮醜。其實百幾蚊嘅價錢我哋都唔會妄想食到靚牛，但既然呢間餐廳以「專門店」自居，呢個質素真係有多少令人失望。反而配角們幾好，白飯係好貼心地加咗飯素，豆腐亦好滑好有豆味。忌廉咖哩牛肉烏冬 $78忌廉咖哩牛肉烏冬就出乎意料地好食，試咗啖齋忌廉，幾香幾滑。再夾埋底下啲沾滿咖哩汁嘅烏冬，唔～原來忌廉同咖哩係咁登對！碗烏冬入面都有少量牛肉，都係冇牛味兼鞋口，再少量啲都唔怕。總括嚟講，除咗牛之外，其他都幾好食。

Last week Me and my BF ,We went to this place for our lunch and there are good place to go for gather with friends and coupleThis is signature dish of this place that you could try👍its a curry udon with creamy taste😋Actually we ordered two more dish of cheese omelette and fried chicken with honey taste but i forgot to take photos of them😭

.吉列牛定食+咖喱忌廉烏冬+兩罐汽水 $246*.吉列牛定食大約有10塊吉列牛，吉列牛中間部份比較生要用石板燒一燒，外脆內軟肉汁比較多。配菜方面就有豆腐、番茄仔同埋味噌湯。.咖喱忌廉烏冬一大片忌白雪雪既忌廉淹沒咖喱烏冬，食落口啲烏冬幾彈牙同creamy，咖喱汁比較多但唔辣。

嬲到我第一次係openrice寫評價就係寫負評！零service零食物水準！服務員有一男一女，個時下午2點左右，店內無乜人，我都係問佢攞個水杯買下水姐，個女仔將2個水杯啪一聲咁掉落將枱到，心諗大排擋都唔會咁大聲。之後啦，我問佢拎紙巾，佢又就咁掉啲紙巾落餐具個櫃到就走左，個時我已經嬲到爆炸，俾張紙係我面前都咁難咩？行去比錢個職員送梗餐去枱，佢竟然”摺”我，真係食澳牛都好態度過佢！無greetings無byebye乜q都無，野食又唔係好食，不會再來！

🌶香辣忌廉雞肉炒麵（ $78）雖然呢度個吉列牛普普通通，但我覺得呢個忌廉炒麵又幾好喎！黃黃地色既厚忌廉撈勻成個麵，雖然麵質有少少軟腍，但調味真係唔錯！👍🏻微辣既炒麵越食越惹味香口😋，不過雞肉就無味既。可能我對吉列牛以外既食物無咩期望，所以呢個麵係有少少驚喜，可以一試。🐂 吉列牛套餐（ $148）有樣野好神奇係好多外國名物去到香港就會變左垃圾。咁百幾蚊喺日本就食到和牛質素既，當然黎到香港就唔知變左咩咩牛啦。不必驚訝，正常現象黎既😏 講返呢間專門食吉列牛既餐廳 ，先唔講食物質素，呢間餐廳就真係無服務可言，除左喺茶仔外，我就真係第一次見員工將食物就咁隨手掉落張枱度，真係睇到都心痛 (我鄧啲食物) ，無計既，黎到香港都要承傳下本土文化，呢一點我認為學到無十足都有九成。咁個店員一擺低個定食同開左火就走左，其實正常食客應該者疑惑緊到底係點食？就咁食定燒黎食？其實就兩樣都得，因應個人喜好而決定較生定較熟，有醬汁/wasabi/沙律醬黎調味。果啲咩入口即融就當然無預過會有架啦，而呢個一口吉列牛就都有少少肉味既，肉質軟腍，唔算太差又唔算好咁囉，食物好吃與否有時都係比較出黎既，相信食完呢間，第二間既評分又

之前見朋友去食一大盤忌廉牛烏冬，很是新奇吸引，故期待了很久，一直想拉男朋友去吃。今天晚上終於吃到了，卻失望而回，失敗到要打篇食評來大彈劣處。先說味道。忌廉咖哩牛烏冬確是不錯的，鋪面的忌廉夠特別，撈均吃不錯。只是整份食物份量不太夠，牛肉也是話題以外的質素。吉列牛照理來說是另一道「招牌菜」。可是，牛沒牛味也細份，中間還很多筋；飯也不好吃，而且份量是完全不足以飽肚的，卻賣$148（還要加一），性價比令人極為失望。在香港吃過的其他吉列牛（荃灣和元朗的小店）都要比這間來得便宜近半和好吃百倍。再說服務質素。這裡的服務質素太差，才令我們大為不滿。雖然有可能是我們運氣不足，但餐廳來說不能接受。第一，兩個人吃飯，連杯水也沒給我們（其他枱也有）。第二，其中一位女侍應不斷魂遊太空，向她招手，發夢許久才回應我們。我們問能否添白飯（因份量不夠），她沒跟我們說要加收$12一碗（完全不值！），直至我們埋單才知道。她回應可以加之後，明明她人沒事做，卻一直在發夢，過了近十分鐘我們再示意她才醒覺要替我們添飯。（我也稍為留意到鄰桌也提出過加了份吉列牛等很久亦沒有給他們。）如果侍應很忙，這些大概都可以理解，但問題是他們那時都

🐻🍴彌敦道726呢棟大廈出名多好野食🤤今日黎到呢棟726大廈既🌟吉列牛忌廉烏冬專門店💫叫左呢個【忌廉咖喱烏冬】＄78面頭一層厚厚忌廉泡沫，好creamy，入口即溶，淡淡奶味同咖喱非常之夾～咖喱係哂忌廉底部，咖喱甜甜辣辣辣，汁量非常多！烏冬爽口彈牙，掛汁能力一流。 食落係好食既，比普通咖喱牛肉烏冬滑身，但味道就差不多，不是話非常特別。但呢個價錢有D偏費，試一次就好喇～為食指數：6.5/10推介程度：6/10打卡指數： 6/10性價比： 5.5/10

🐹跟朋友都想食吉列牛，找到這家日本mix韓國的餐廳，有吉列牛還有被推薦的忌廉麵，一石二鳥七點多到一上樓有很多人在等位，我們等了十幾分鐘，一埋位立即下單，叫了Set 2 有吉列牛有忌廉麵加兩支汽水。其實散叫吉列牛定食和忌廉麵抵廿蚊，但當時沒想太多就叫了吉列牛上場分量很多呢～全靠朋友一雙巧手，將吉列牛每邊煎大約30-40秒，真的很好食，煎得十分之好入口很淋，筋應該都被切走了，一丁點咬勁也沒有，而且炸粉很薄不會油膩。最後一舊接一舊，一口牛一口飯，很快食光光，感覺自己KO一份定食也不是問題忌廉辣味雞肉炒麵怎會想到這creamy creamy 的外表，會隱藏著辣爆的內在。本以為忌廉會溝淡辣味，但這個麵真是愈食愈辣，好正宗韓國辣口味。很辣但挺好吃，滑滑的加上有空氣感的忌廉，整個感覺很新鮮。雖然最後只剩下辣味，但我們都忍住辣，成功食完了成碗麵🐹：除非真的很食得辣，建議還是選咖喱忌廉牛肉烏冬。吉列牛務必要掌握好時間，才會好食呢