吉列牛忌廉烏冬專門店 (彌敦道) (已結業)

想試呢個忌廉咖哩烏冬好耐喇，係人聽見都話好肥，不過對我嚟講，有咩好味嘅野係唔肥嘅呢？！🤷‍♀️今日中午終於有機會出旺角試喇, 我今次揀左忌廉咖哩牛肉烏冬，佢另有雞肉可揀。WOW! 個烏冬嚟到已經好好重咖哩香味😍，面頭舖左一層厚厚嘅忌廉，賣相好innocent, 但我知佢內裡其實係超邪惡的😈😏。鍾意相機食先嘅朋友要注意，唔好影太耐呀，事關忌廉會因爲烏冬嘅熱力而慢慢溶化落烏冬到，所以要快手啲。烏冬本身好滑溜但煙韌，啲咖哩汁夠厚掛滿了每一條烏冬，所以每一啖都食到好濃郁咖哩香味，而忌廉撈落烏冬度，同咖哩溶和之後只係令到烏冬更滑溜，一啲都唔覺肥膩，不過啲牛肉就少左啲，但唔緊要，最重要係碗烏冬好味啫😋，而佢真係堅好味囉👍

與友人共餐，點了這裡特別有的忌廉咖喱烏冬，叫了雞的口味。因為用cream的概念很特別，也期待它與其他咖喱烏冬有甚麼不同，他的忌廉是屬於淡淡的味道，沒有說很heavy或者甜味很重，但他就加強了醬料的濃郁度，不過沒有影響太多味道，也有少少失望，因為本人喜歡奶味較重的口味。不過不失，烏冬煮的時長可以縮短，或者過冷河增加彈性。備註：慶祝朋友的生日，需付$100切餅費

我地兩個人一人點左一份吉列牛定食，但係原來餐廳堅持兩個人一個爐，燒到剩返半份，個火又熄左，塊陶版又滿是焦（黑色一粒粒果d)成170蚊一份，可吾可以一人一爐呢？跟餐個飯仲要吾係靚米，煮到一舊舊甘，我成碗無食（我都吾想浪費食物嫁....）另外叫左個忌廉咖哩烏冬，係白色一層cream拿個沾滿咖哩汁既烏冬上黎夠晾gummick！但係個烏冬煮得太林....值得黎試因爲個presentation新奇，牛肉質素亦可以又大大份，食得超飽，不過我自己就吾會再黎多次，可以係韓國試多一次既。仲有，d位set得超迫，最好揾非繁忙時間去食，我地係星期六成兩點至食，要求換左張4人卡位，因為叫甘多得張for 2人既枱仔真係放吾落所有野食

服務態度差 當我們進去食飯的時候 其中一名員工跟我們說中餐時間為1小時15分鐘 但是 只過了 40多分鐘的時候他就來催我們結帳 但是 我們 叫的食物還未嚟齊我們最後下單的一份食物是冷麵 和追加的韓式牛肉但是他們只來了冷麵卻沒有牛肉 當我們追問的時候 他只是hea復 我們 並沒有真的追問廚房 是否漏單 由此可見 服務態度差食物 品質 一般 價錢貴食物份量少 牛肉有騷味味道一般 該店的忌廉咖哩烏冬並沒有得任何特別 只是一般的咖哩烏冬放了 忌廉 在上面

放工趕過來食呢個忌廉鳥冬,睇個樣好似好正,身為鳥冬控既我 ,當然要試一試啦。搵路都搵左一段時間,係大廈入面,入都去唔多人。一個人既關係,點左招牌 忌廉鳥冬。一食落口 冇味既 忌廉,底下超熱咖喱鳥冬。其實唔明點解要咁樣配搭,下底咖哩鳥冬熱乎乎咁食已經ok對佢太有期望,所以令我失望。

連續聽朋友講過幾次呢間野，又不約而同連續幾日見到朋友去，睇佢哋影嘅相都覺得好正，所以就搵咗一日夜晚去試吓✌🏻本身以為係一間環境好大同好韓式嘅餐廳，點知原來唔係，環境需要冇想像中咁大，但係非常整潔，唔係一般好嘈吵嘅地方👍🏻 如果真係一大班人聚會嘅，就應該冇咁方便，但如果拍拖嘅就梗係一流啦👍🏻👍🏻😍今次係第一次，本身同男朋友適量都唔係好大，所以叫咗招牌既吉列牛定食同埋忌廉咖喱烏冬！其實我都係第一次食呢一種燒法嘅吉列牛，所以感覺好新鮮，同埋好特別！ 牛都算新鮮🤗 其實係配搭嘅汁幾好味😜至於忌廉咖喱烏冬，其實我期望都好大，因為覺得烏冬配忌廉好搞笑！食落感覺幾特別，不過就唔係好重咖喱味😌 我覺得如果鍾意周圍食既，不妨可以試吓✌🏻

今午和朋友試了這間，叫了主打的吉列牛定食及忌廉烏冬各一。除主打外也有豬雞等選擇。吉列牛定食，湯比較淡，像飲水一般，飲了兩口已沒興趣再飲了。雖是定食，但前菜不多。至於吉列牛，有驚喜，燒完後牛肉嫩口，外脆內軟，很嫩口美味！至於另一主打，忌廉烏冬同樣有驚喜，我們選擇了牛肉，牛肉很美味，嫩口，烏冬無特別，但那忌廉醬，實在太好，看似很「濟」，但事實不會的，醬汁很好味，我們食完了烏冬還用其醬汁撈飯食，很ok 值得推薦的餐廳

佢開1200點開門，我地就1210左右入去。。已經有2枱等緊食。。。可能太早嘅關係。。。我地等咗好耐先有得食Rice Pot with Teriyaki Berkshire Pork醬燒黑豚肉釜飯 $88（加一服務費）本身以為呢個麻麻。。點知原來好岩我口味。。d飯撈勻咗之後。。每一啖都充滿紫菜同麻油香味。。忍唔住食晒 D 飯。。但係佢有個敗北，就係佢係 heat 住，但一 d 都唔熱。。如果熱 D 會更好味 😋Kobekyu Katsu Set吉列牛定食 $148 （加一服務費）銅鑼灣店同旺角店有好很大嘅分別呀喂！1. 銅鑼灣店果 D 吉列牛出場時紅卜卜，唔會好似旺角店咁熟晒咁制2. 銅鑼灣店果 D 吉列牛出場時係厚切，但係呢間旺角店切到薄 eat eat我覺得銅鑼店會好味 D 囉 ~

閒日夜晚人唔多，好快就有位坐。睇落座位之間唔會太窄，環境都幾光猛，坐得幾舒服。叫左一個吉列牛，一個忌廉烏冬既SET，兩個人份量剛剛好。因為......忌廉烏冬一個人食太膩，就咁一個吉列牛又有少少單調，所以各一個就可以試晒兩樣!!牛肉就冇咩驚喜，可能睇相期望太高，算得吉列部份唔夠脆，溫度就算燙完都唔算好熱。反而忌廉烏冬睇落會覺得好多CREAM，可能伏，食落同咖喱味勁夾!!!而且好夠熱，有驚喜，不過都真係啱SHARE食。

由於之前喺首爾試過一次超好味忌廉咖喱烏冬所以係做完運動之後就去試一試啦😝今次係喺1245去到食lunchOrder咗個lunch set一次過試晒兩樣野就係忌廉咖喱烏冬+吉列燒牛忌廉影相幾呃like📸食落表面好滑但稍嫌唔夠「傑身」😶對比下都係上次喺首爾食嗰個好食啲至於吉列牛相對起之下都係上次喺荃灣間「秘」食嗰個好食啲可能因為先入為主啦😙今次2位評審 意見一致😆都係fair未試過嘅都可以試吓但係唔好有太高期望啦😌

期望累事......同朋友喺旺角行完街， 開始有啲餓意， 上網睇吓附近有咩好嘢食。 見到呢間餐廳咁多好評， 梗係要試試啦!入到去見到餐廳個格局有啲似 foodcourt……外面層吉列唔太夠脆， 夠香口......不過牛扒的肉質都鬆軟， 味道ok嘅。個咖喱忌廉烏冬個樣就真係幾勁， 但可能個人嘅expectation 太高， 所以食完又覺得個味道無乜特別， 所以坦白講， 有啲失望........ + 烏冬至於個肥牛雜菜鍋， 湯底清清哋， 味道都唔錯嘅。 追加埋個烏冬， 份量都可以。正正常常，無咩特別呢杯飲品幾靚，味道有驚喜，感覺refreshing總括而言， 食物味道可以，但未乎合期望。

見餐廳既忌廉烏冬幾特別，所以就黎試下。訂枱既時候已經被告知得1小時15分鐘食，而且要準時到，冇走盞既空間。一層白𠽌𠽌既忌廉舖係面頭。忌廉下面就係咖哩烏冬，撈埋忌廉一齊食又幾好食。忌廉好香滑，一啲都唔膩。只略嫌雞肉少左啲。除左咖哩烏冬，吉列牛都好出名，所以都叫左。每枱都放左個爐仔，係用黎煎啲吉列牛。吉列牛外脆內軟，上面有啲蒜蓉。肉質都幾腍，但係唔夠肉味。百幾蚊黎講，唔太特別。另外，仲點左味噌蟹蓋紫菜飯團，係近期大熱既韓國蟹膏。蟹膏用黎撈飯確係一流。環境方面，枱與枱之間既距離太近，連放袋既位都冇。總括而言，忌廉烏冬幾創新，價錢合理，值得一試。

去金都拎完姐妹裙，就同姐妹們去附近的726號，食一早預約咗既「吉列牛忌廉烏冬專門店」！有限時～我們三人都食唔多，所以只係叫咗一個set（kobekyu定食+咖哩忌廉烏冬 + 2個汽水）加秘製蛋卷，就已經飽到上心口！可以燒燒燒，都幾好玩！食物未上齊～呢個烏冬真係好邪惡！放肆完就要減肥🤦🏻‍♀️🤦🏻‍♀️🤦🏻‍♀️份量唔多但係好惹味，咖哩辣辣地，飲啖汽水就最開心。最飽係個蛋卷，非常足量，隔離個sause都好有趣，不過俾得太少了～總結：有趣組合，可以一試！不過店員都挺忙，唔能夠成日理到我們～

天暗暗雨濛濛🌧☔好想食點熱野😋今日嚟食番一個吉列豬扒茶漬飯開心一下先😁😁湯底仲有3個選擇，有清香抹茶湯(Matcha), 蔬菜鰹魚湯(Veggie, fish, soy sauce)及豚骨湯(Tonkotsu)。我就揀了蔬菜鰹魚湯🤗🤗碗飯大大碗，根本一個人也吃不完，吉列豬扒份量剛好，味道算可以。追多了一個菜絲沙律都係10蚊，配埋可口可樂再加5蚊。午餐總值58元+15元加埋1服務費，共80幾蚊，都算合理。如果唔追加沙律同飲品，都係55蚊起。

行完旺角中心就喺附近搵好嘢食，行到嚟彌敦道見到新開咗呢棟大廈，就睇水牌睇下食邊間。見到呢間食吉列牛好似好好味 就上咗去一試，我哋兩個人 order咗三款食物 甜辣單骨雞翼 豚肉石鍋飯 同埋吉列牛定食，估唔到吉列牛嚟到分量都比我想像中多。牛嘅肉質不錯 燒大約30秒就可進食，單骨雞翼好有韓國風味 送飯一流，豚肉石鍋飯 豚肉爽口甘香呢間餐廳值得推介