吉列牛忌廉烏冬專門店 (彌敦道) (已結業)

呢期D飲食雜誌全部都係講緊吉列牛，咁經過旺角呢間韓國吉列牛專門店，即管入去試一試。餐廳裝修簡約，座位寛敞。叫了一客吉列牛定食，一客滋味雞翼。吉列牛定食有好多嘢食, 有吉列牛扒, 面豉湯, 胡麻豆腐。吉列牛好大塊, 外表的吉列已經炸熟,，但裡面的牛肉還是生的。餐廳提供了一個陶板燒的爐, 俾大家隨著自己既口味去再將牛扒燒到適當的程度。雖然我唔喜歡well done，但都接受唔到血淋淋咁食，所以放在陶板上燒一燒牛肉兩面，直到無血水再出，就沾一下餐廳秘制豉油放入口。牛肉好冧，好香，好有牛味，雖然唔係和牛咁入口即溶，但肉質好彈牙，係另一種滋味。滋味單骨雞翼好大碟。我本身個人不太喜歡食雞中翼，因為要噒骨，但呢個雞翼俾劈開一半變成單骨，好似雞鎚咁，但比雞鎚好味，因為肉質更鮮嫩。滋味雞翼帶少少香辣，好惹味，而且唔會炸得好乾身，雞皮好脆，雞肉仲保持得好鮮嫩，非常好味，一個食一碟都唔夠。

彌敦道726系一個美食集中地，各國美食應有盡有，朋友鐘意食烏冬，見到有間餐廳寫住...烏冬專門店，就扯住我上樓食。可能糸時間尚早的原故，我地可以坐到大卡位，真的系非常的開心！原來除左烏冬仲有釜飯同涮涮鍋，起有韓式特色，加上一直滚動韓國流行樂，真的好有衝動跳返part舞。凍菊花茶，清清地，味道相當正，只不過凍飲加5蚊，好似貴左d.忌廉烏冬，賣相好特別吖，好似甜品咁，不過不要被佢外表呃，佢原來系咖哩烏冬來架。好好味吖，感覺仲相當特別，烏冬好Q,值得一試。原條鰻魚釜飯，鰻魚夠味，好juice,一邊加熱，熱辣辣食特別香。蟹蓋飯團好特別，將蟹糕放在飯團一齊食，米飯系熱辣辣的，好正。

之前聽朋友說這間「吉列牛忌廉烏冬專門店」味道不錯，便跟男朋友試一試。當日我們沒有book位，但幸好不用等位便可直接內進。咖哩忌廉牛肉烏冬 ($78)一開始並不打算叫這個，因為照片全是忌廉，感覺很膩，眼見餐廳人人都食，只好試一試這個招牌貨。烏冬上面鋪滿奶白的忌廉，把薑黃色的咖哩蓋過，用筷子拌一拌，忌廉和咖哩混和了，逐漸變成奶黃色，感覺很療癒，而淡忌廉不會過甜過膩，拌著咖哩吃香滑creamy。但略嫌牛肉太少，只有數片。男朋友點了番茄濃湯黑豚肉shabu shabu ($98)，另加烏冬($15) ，材料有冬菇片、金菇和黑豚肉，番茄湯底濃郁，但我略嫌湯底太甜，男朋友則覺得味道恰到好處，黑豚肉薄切。整體上有點貴，因為這個涮涮鍋配料不多又要另加烏冬。

美味午餐，滋味單骨雞翼，帶有濃烈的芝士香，十分嘢味！炸芝士薯仔年糕，外脆內軟，滋味無窮！咖喱忌廉烏冬雞肉，烏冬表面鋪滿忌廉，夾起就見啲咖哩，食落去每條烏冬都充滿咖哩汁，帶微辣香味，加上忌廉，感覺好滑。雪冰冷面配上日式冷面湯底，清新得來酸微微，好開胃！整體的食物質素味道不錯，下次再帶朋友來試。

真係唔知旺角有棟咁嘅食肆大廈，可能平時比較行呢一邊。 一開門就係呢間餐廳，冇小小嘅Lobby，餐廳座位一眼睇哂，落地玻璃比較吸引一踏入門口，個女侍應見到有人黎都唔會主動招呼/講歡迎光臨，淨係望住我地好似等我地招呼佢咁 坐低之後見到枱面冇lunch menu就問佢，「請問係咪冇lunch menu?」，個侍應一啲反應都冇，再問「佢係咪冇午餐餐牌」，答我地「唔會」然後就走開左.......答非所問+一啲禮貌都冇！本身想試友人點左吉列牛定食，呢次係佢第二次食，第一次係銅鑼灣，覺得好所以去旺角再試，點知就奶野 吉列牛牛賣相差，睇落已經好油膩。味道方面，只係食到炸粉上面嘅鹽味，牛味欠奉！而我就點左醬燒黑豚肉釡飯，有個爐燒住佢熱辣辣，唔會擺耐左就凍哂。 撈勻佢見到大量紫菜同蛋絲，唔鍾意冇汁飯嘅朋友仔都唔驚冇味 豚肉好乾爭爭，毫無醬燒嘅感覺，主角都咁差，咁我不如去牛角食牛角飯算啦

朋友約我嚟呢間食~原本心裏面都有啲驚從來都未食過忌廉烏東,仲要加埋咖喱tim~我好怕食咖喱,因為食咗會er氣....一直以為係日本嘢,去到先知,原來係一間韓國嘢唔洗等就有位~行入去期間,見到好多人都叫吉烈牛但我前幾日先食完差唔多嘅嘢~所以我決定叫佢個招牌名嗰款~咖喱忌廉烏東(牛)賣相好靚~但好難想像忌廉下面係咖喱呢個配搭我開始食嘅時後食咗一匙羹忌廉~有唔係太甜嘅忌廉味道~係凍凍哋嘅跟住我就攪勻佢~聞到咖喱味~見到都好多牛~合埋眼食落去~咦！好好味喎~估唔到又夾到喎佢哋~然後我分咗啲比朋友試~佢食完個反應係心心眼啊~估唔到咁好食喎~而朋友就揀咗醬燒黑豚肉釜飯~又分咗啲比我~係好味有勁多紫菜同啲飯撈埋一齊~下面有火熱住,等個飯唔會凍咗,keep住個味道我一開頭仲有啲怕唔啱我食~叫咗個味噌蟹蓋配紫菜飯~啲蟹好好味~不過啲飯硬咗啲同埋叫咗個kobekyu秘製蛋卷~好好味~朋友激讚佢個芝士醬~不過我太飽了~食唔晒朋友自己清晒~最後我叫咗杯Rose Gerden~我只可以話,每一樣嘢我都無揀錯~全部都好好味

滿心期待初嘗吉列牛﹐又見忌廉烏冬頗新奇﹐結果極度失望。食物質素一般﹐吉列牛非常普通﹐份量亦不多; 忌廉烏冬沒有想像中膩﹐但亦沒有特別美味﹐只是沾了咖哩的烏冬上鋪一層忌廉。餐廳內空調非常強﹐是沒有需要的強空調﹐非常不環保及令人感覺是為了「趕客」。我們三人叫了一個set menu﹐套餐包含三杯汽水﹐但職員完全忘記亦無打算跟單﹐打算矇混帶過。服務態度非常糟糕﹐吉列牛的爐火只燒了五分鐘就沒有火﹐職員完全沒有留意(當時並不是繁忙時間﹐全餐廳大概只是half-seated)﹐當我們告訴職員需要換火種時還受白眼。客人與職員的交流非常有限﹐因為餐廳職員都非常不友善﹐連開口說句「OK!/ 沒有問題/ 謝謝光臨」都嫌多﹐更別說面帶任何微笑 -- 整段用餐過程都非常不愉快。絕對不推介這間餐廳﹐亦以後不會再光顧。

喺香港已經非常多人討論「吉列牛」這款食物，一直都未有機會食，今次刻意搵一間有聲譽的！呢間仲要有埋未食過嘅忌廉烏冬，簡直一箭雙鵰！去到見到個門面都好有特式，logo位下面就係接待+收銀位，仲喺呢個位置放咗個OpenRice頒發嘅獎牌添！好勁呀！坐底就見到枱面有MENU同一個黑色小爐，而餐具就喺櫃桶度，夠哂方便！我地叫咗個HKD246嘅套餐，我地2個女仔食，份量都好夠呀！~吉列牛定食~吉列牛有好多件呀！顏色好靚，逐件放上黑色小爐，可以將牛按照自己喜歡嘅熟度來加熱，牛食得出係靚貨嚟嘅！用佢嚟佐飯，簡直係十級享受！另外有兩個醬汁係沾吉列牛的，一個係帶有wasabi味嘅沙律醬，而另一個係類似燒肉汁咁！我自己就偏愛沙律醬喇！                         前菜有胡麻番茄同豆腐各一份，凍凍地，好開胃呀！另外，配咗個麵豉湯！唔會太咸，i like it! ～忌廉雞肉炒麵～嘩！一嚟到個賣相都已經殺哂！好滑、好想搵隻手指去戳吓！好得意呀！影咗一輪相先捨得攪佢！呢個麵嘅味係辣辣地咁！食辣嘅人一定會鍾意！佢除咗有雞肉之外，仲有洋蔥、青椒……配菜！由曲曲的麵，沾上滑滑的忌廉汁，非常易入口，而且

同朋友夜晚去食飯，回想日本十勝牛既吉列牛黎試試佢。叫左一個set吉列牛加忌廉咖喱烏冬， 再加多個小食吉列牛好普通，名過於實，一d油花都冇， 唔似圖咁吸引咁多油花，被騙了。。。忌廉咖喱烏冬有驚喜， 好滑， 咖喱味都ok佢有雞肉or 牛肉簡，就簡左牛肉。但敗筆就係係d牛肉到， 食到既牛粒同你出面茶餐廳叫既牛肉炒飯一樣， 唔會用好食黎形容囉， 但咁就影響曬個烏冬cheap曬即刻。最後既小食一字骨雞翼就幾好食， 似炸完d雞翼上d杯麵調味粉咁。

我叫左一個吉列牛定食加忌廉咖喱牛肉烏冬，一個雞肉釜飯，一個蛋捲同埋一個蟹蓋飯糰，蛋捲嘅味道的確唔錯，有頗濃嘅蛋味，加埋個蜜糖芥茉醬，都幾夾。蟹蓋飯糰都唔差，不過蟹膏醬本身比較濃味，只係得三粒飯糰配成個蟹膏醬就太濃味，建議可以加多碗白飯。吉列牛可能因為之前係日本食過，就覺得呢個吉列牛同日本嗰個真係無得比，建議未試過係日本食吉列牛嘅朋友可以試試，至於忌廉咖喱牛肉烏冬，我係第一次食，但就覺得同自己想像嘅味道有啲大出入。個雞肉蓋飯個爐啲火唔多夠，變左個飯唔多夠熱，同都個飯可能因為落左麻油，但因為個火唔夠熱，變左個飯好油，所以唔覺得個飯值得介紹。至於服務態度，真係好差，正常黎講客人叫左吉列牛，侍應係應該要幫客人開左個火爐，但我明白侍應都係人，一時唔記得係人之常情，之後左再叫侍應幫手開爐，但個侍應就好似發緊夢咁，好似聽唔明我講嘢咁，整體嘅侍應服務態度都好hea。我諗我應該都唔會係短時間內再光顧佢。

朋友提起有樣野好想試, 呢個忌廉烏冬網上見到好hit, 今次就決定book台試試, bk左閒日既6點 但上到去係好多位 應該唔洗book, 呢間餐廳係工業貿易署附近, 唔黎真係無留意呢度有棟野食, 邊食邊受日落洗禮, 係浪漫既,不過有d熱咁我地叫左咖哩雞忌廉烏冬($78) 味道幾好, 賣相幾特別, 好香既忌廉, 香辣雞肉烏冬($78)朋友平時都食開辣, 但今日呢個佢辣到食唔到, 要過水先食到 如果有得揀小辣就好了綠茶latte 紫薯latte $45 each綠茶正常, 紫薯就..味道怪怪.  overall都ok既, 對個住價錢. 

第一次食吉列牛一上檯外面嘅吉列炸衣已經淋晒出晒油👇🏻👇🏻👇🏻原圖無filter吉列炸衣唔係金黃色已經係灰灰啡啡嘅色一啲都唔脆牛扒切得唔平均我嗰份薄啲朋友嗰份厚啲同埋佢切得偏厚吉列牛係可以自己控制生熟度但佢切得咁厚想食熟啲嘅話外面熟到鞋裏面都仲係生勾勾牛味唔重配埋個大蒜沙律醬直程食唔到牛味比蒜味搶晒點汁嘅話點另外一隻汁會夾啲佢個價錢嚟講真係唔值再嚟食雖然未至於難食其他平過佢又好食過佢嘅大把

孤陋寡聞嘅我，聽咗食吉列牛同埋忌廉烏冬 好耐，以為其實係兩間舖。直到朋友同我講 先知道係同一間，仲喺旺角咁方便，飯局一於就喺嗰度啦。 我就嗌咗忌廉咖哩雞烏冬，望落好似好漏， 但其實面頭嗰堆白色係淡忌廉嘅味道，不過撈埋下面好濃香嘅咖哩，就會變咗我哋平時食咖哩個陣味， 就會好似咖哩撈烏冬汁，都幾好食。朋友就叫左個吉列牛定食， 望落非常吸引， 可以自己落手燒下，都幾過癮，牛味就不過不失啦，好似普通煎牛扒吧，好玩搭夠呀！

故明詩意⋯當然係主打吉列牛同埋忌廉烏冬，當晚我並沒有試忌廉烏冬(因為賣相吸引唔倒我)，只係見好多枱都有食，於是我和朋友都同樣叫吉列牛定食。雖然這店是‘得獎開飯店熱點’之一，但我並沒有因此而感到食物質素高，首先一碗淡而冇味又唔熱嘅面豉湯😐，已經大打折扣，雖然牛肉用＂吉列＂方法烹調，可惜牛肉本身已沒有牛肉鮮味，客人可再用一個小型燒烤爐將牛肉煎熟，對於一般年輕人會覺得有㸃卓頭，但對我而言更注重食物質素，爲一有點驚喜就是另外order的滋味單骨雞翼，味道特別，幾好食👍🏻

嗱～ 我先小人後君子先～ 吉列牛香港真係唔多地方整得好食～ 依間勝在價錢比較起來就平民化～ 不過就未稱得上好食😌 叫個最平嘅吉列牛set會有3小碟前菜，一飯一湯～ 牛件嘅數量有10-12片，炸得唔錯嫁～敗筆在應該要換換盆油🙄因爲色澤都睇得出盆油用過太多次好深色呢🤦🏽‍♀️而且調味上重手左少少掩蓋左牛本身嘅牛香～忌廉咖喱烏冬就不過不失啦～ 係材料上孤寒左少少囉～ 其他大致上食得落肚唔難食嘅！但好認真一句比較少蔬菜類選擇而且食物份量偏少！碟子很大😂