吉列牛忌廉烏冬專門店 (彌敦道) (已結業)

同同事3個人食lunch，只得1、2枱客，坐低時都無乜特別，3人都叫左吉列牛定食～男侍應放低左2個爐，我地都以為佢比少個，去日本食都每人一個爐啦！原來係慳皮3個人用2個，ok咪一齊用囉，不過個男既唔駛黑晒面咁應機化！？好啦～都定食黎到，哇，d牛肉色澤一睇就唔多新鮮，吉列皮淋既，我真心驚唔乾淨，所以每舊牛都燒到熟晒先敢食....至於其他，番茄有2粒，豆腐一塊，全部配菜小得可憐，連碟豉油都能清晰見到碟底！飯仲居然放左d味之素上去，得啖笑呢間專門店服務差差差到爆，咁難食既吉列牛都有人話好食，我都係睇op既人講到有幾好食先試，點知伏到一個點，話好食既人係咪餓左成年？

附近睇完戲，行左陣街有d肚餓原來係彌敦道呢棟大廈都幾多食店見吉列牛又唔太貴，仲有我鍾意既烏冬我地叫左個set一個吉列牛定食+一個忌廉咖哩烏冬跟餐有2罐汽水烏冬無餸，所以加左個蜜糖雞翼期待既忌廉烏冬到啦！見到面頭既cream白雪雪，好挺身食落滑既，但唔似蛋糕既cream咁甜嘗試撈埋個咖哩烏冬食，原來同咖哩味道好夾咖哩汁足夠沾滿烏冬，加上有少少肉粒、洋蔥等，又香又好味吉列牛定食賣相不錯有麻醬豆腐，車厘茄前菜，麵豉湯石燒夠熱，吉列牛燒一燒就食得食落邊邊吉列所以脆口，肉唔韌無根配埋有味飯，芝麻紫菜好香雞翼單骨，好方便食

今日 lunch time 同事介紹左而間野一齊去食而間係佢地成日黎食既~ 已經算係飯堂之一架啦hahaha 今日我又跟埋去試一試先而度選擇都好多下好多野都想試~Kobekatsu 秘製蛋捲🧀🥚超級長既芝士拉絲上面仲有少少芝麻碎一啖咬落去蛋十分滑之餘d芝士仲要流哂出黎芝士控一定十分喜歡喔💕Creamy Curry Udon🍜  而個個外表好得意 好似舊雲咁~而且仲有得自己揀要牛or 雞❤️ 我今次就揀左牛 入面係烏冬~烏冬十分彈牙 加埋d cream係一齊撈另到個烏冬更正食到停唔到口添吉列牛定食🐄🐄最近成日周圍食而個因爲真係深深地愛上了所以叫左個set 餐前菜胡麻豆腐好滑而吉列牛可按照自己喜好我就鍾意生少少放落塊板煎一煎就食得了 yummy 蜂蜜菊米茶🥤 套餐另外加8蚊可升級感覺上飲左無咁熱氣 hahaha ~蜂蜜甜甜地十分好飲難怪會成為同事既飯堂搞到我都想試埋其他野食啊

嚟到又點可以唔試下佢哋嘅忌廉烏冬!! 今次叫呢個係咖哩牛忌廉烏冬。首先一嚟到係厚厚一層忌廉，下面就com住啲烏冬牛粒同埋咖哩汁。初初以為個味道會唔係好夾，但係原來啲cream撈埋啲咖哩一齊嚟食口感更加之豐富，食起上嚟更加張口！飽肚之選😍😍再嚟多份和牛定食。分別有個蕃茄仔，豆腐，兩款唔同口味嘅調味醬汁，同埋一碗飯加上個麵豉湯。當然唔少得一份吉列牛啦😋如果唔夠食嘅話可以再追加多一份㗎！佢哋嘅食法就係會畀個爐你，食吉列牛之前放上去個爐上面燒一燒，佢更加香脆可口！

相信大家都係IG見過一碗吱滿忌廉的烏冬，一直都好想試⋯ 今次終於有機會了！呢間打卡熱點係旺角及銅鑼灣都有分店。同同事OT到累累地，直接出去揾飯食。雖然我們20:30到先到餐廳，但仍然都仲有人等緊位。，不過好彩唔係等好耐就有位了。本身以為呢款餐廳只有散叫，點知原來有套餐架！仲要可以一次過食曬餐廳兩款招牌菜，烏冬加吉烈牛。我們兩個OT O到餓到一個點，所以另外加多份秘製蛋卷食。鍾意蛋又鍾意芝士的我，呢味野真係為我而設！蛋卷切成六段，而且D芝士多到咇曬出黎，超級吸引！蛋味唔算特別香濃，不過D芝士就夠曬香。食入口好Rich好滑，係必叫Item！忌廉烏冬可以揀牛肉/雞肉，上面吱滿一層厚厚的Whipping Cream，講多無謂，即刻打個卡先！忌廉入面就係熱辣辣的咖哩烏冬，大家只要係食之前拌勻忌廉及烏冬就可以了。如果有睇開我分享的大家，就知我鍾意食有口感的麵款。呢個烏冬的質素接近完美，入口夠曬彈牙，又夠滑溜溜。加埋個香口但唔辣的咖哩汁，真係超級好食。本身以為個烏冬會Hea比肥牛片，但原來餐廳用了牛肉塊，食落有D咬口，水準OK。餐廳另一招牌菜式就係吉列牛！餐廳將牛排炸成3成熟到就切開，讓食客係自己的

是日約左朋友食飯，因為近派好想食咖喱，朋友就推介呢間吉列牛忌廉烏冬專門店。一上到去，見到招牌上有韓文字，都打左個突。我一路以為吉列牛係日本既產物一坐低，發現枱面已經有個瓦爐等緊人嗌吉列牛。好，事不宜遲，嗌個野食先！呢個飯一上檯真係令人興奮！雖然我本身係想黎食咖喱，但都係抵受唔到鰻魚既誘惑原條鰻魚本身已經好吸引，仲要有咁多蟹籽，真入令人流晒口水佢另外有跟一個汁，不過就唔係鰻魚既照燒汁黎，係一個有嘅酸酸地既汁。我就將個汁倒左落個飯度一齊撈均（唔知係咪正確食法），但個汁解左鰻魚飯重口味既膩，好食！同埋佢鰻魚下面係有好多紫菜，紫菜同鰻魚真係絕配！呢個一上檯都係一定要影相！佢外表成個蛋糕咁，邊個估到佢其實係一個咖喱烏冬。呢個係朋友嗌的，佢覺得呢個烏冬都幾好食。我都夾左啲黎試，但我就覺得個忌廉溝淡左個咖喱（因為我係個重口味既咖喱愛好者）。如果你係鍾意食嘅新奇既野，建議你黎食佢呢度個咖喱忌廉烏冬！

呢間韓式料理主打食吉列牛同埋忌廉咖哩烏冬，聽就聽得多啦但就真係無試過。今次就專登同埋老公走黎試試，睇下味道如何🤭🤭等埋老公放工8點幾出到黎旺角，上到去見到已經全場坐滿晒客人，係出面等左一陣終於有人食完出來了，之後我地就入去坐低左，再睇下menu有咩好食！！吉列牛係我地必點之一，再外加點了幾款小食。吉列牛定食$148定食入面已包括有前菜、飯、熱湯🍲......格左陣店員再為我地送上一個石板，然後幫我地點著佢用黎哄番熱d吉列牛肉！！吉列牛本身已經炸好左，只要用石板烤一烤就食得了，要幾生幾熟自己話事，吉列牛因炸過既關係咬落去已經好脆，食落都唔怕會韌，確實美味！！味噌蟹蓋配紫菜飯團🍙$58呢個一定要熱食，如果凍左就唔好食了，蟹膏十分充足，包住飯或送飯食都不錯👍🏻👍🏻牛舌雞肉串$38呢款小食都幾特別，雞肉入面包含左牛舌粒，食落口感豐富又夠創新！！南瓜🎃薯餅$38南瓜薯餅炸完之後內軟外脆，十分美味可口！！本人自己一個人清晒成碟🤭🤭🤭Citrus oceen$38食完埋單兩個人連加1三百幾蚊可以接受，食物質素都唔錯，下次必定再黎食過！！

今日10分幸福⋯⋯放工之後同老公仔決定搵間特色小舖食下野😆今次一於走去專食吉列牛嘅鋪頭啦⋯⋯由於想試多啲所以專登叫多咗一個飯可以夾買隔離嗰啲黎食啦⋯⋯牛扒想來的時候會包裹左一層炸衣！至於熟到就會係自己放上石板慢慢燒😘😘基本上輕輕燒下兩邊已經啱啱好！牛肉千祈唔好太熟！牛肉口感QQ、油花多、嫩度適中!簡直是平價套餐一級享受!！同時間亦都會配上芝麻醬豆腐和蕃茄！豆腐滑脫脫而且豆味香濃解油膩完全一流！超正！帶子蜆肉釜飯來嘅時候下面會坐熱～啱晒凍凍嘅冬天食！一上桌的時候香氣四溢～飯飯鋪滿了滿滿的魚子、帶子、蜆肉再配上少量的配菜蔬菜加入埋秘製的拌飯醬！實在非常滋味!!!!如果放多一陣仲會形成一層薄薄的鍋巴～香香脆脆！又不會太硬！！滋味單骨雞翼：上面鋪滿非常之美的調味粉！配上脆脆的雞翼，簡直食完一隻又一隻總括而言今次靚靚人妻又搵到一間大件夾抵食的高質素餐廳

我嚟呢間餐廳食嘢嘅時候，呢間餐廳啱啱開咗冇幾耐，佢吸引我嘅原因，就係傳說中嘅烏冬上面有忌廉入到去，佢既窗都係大玻璃，可以一眼望晒出邊嘅風景入邊嘅環境都唔錯，乾乾淨淨，枱與枱之間都唔會太近我忍唔住好奇心，已經叫咗一個咖喱忌廉牛肉烏冬，送到黎嘅時候，你只會見到上邊一大堆整到好靚嘅忌廉同埋幾粒蔥花係忌廉嘅下面，就係擁有濃烈咖喱汁嘅烏冬同埋牛肉感覺真係好新穎另外我哋叫咗一個吉列牛定食，佢嘅配菜非常豐富，而且送你一碗大白飯有湯有飯有前菜，感覺都幾抵食啲吉列牛未燒之前睇個樣已經知道好味到爆燈侍應之後拎咗個石爐過嚟，原來呢啲吉列牛係用嚟石上燒既，燒完佢嘅牛肉香味真係令你食個唔停嘢飲方面有免費奉送嘅熱茶，另外我哋都叫咗兩罐汽水，成餐飯都係大約$300多啲，性價比都算幾高嫁

回港嘅親友，每次必到旺角花園街，事實太子附近買野食野就腳又集中， 而且選擇又多。今次我就帶咗佢哋去彌敦道726號，吉列牛忌廉烏冬專門店食lunch , 上到17樓，開揚城市景，天然光線特別精神🤩🤩🤩就是點了主打吉列牛及忌廉烏冬二人套餐，精緻韓式小石煱，明火奉上，令人期待的感覺😋😋😋吉列牛定食套餐，有芝麻小蕃茄，豆腐，味噌湯，輭綿白飯🍚，同時奉上，的確賞心悅目嫩滑牛肉預先被脆脆吉列炸過，內涵要幾熟完全由你話事，唔熟唔食又得，半生熟都得，美味嘅lunch set加入DIY 完素，吃得特別有趣🤩🤩🤩忌廉烏冬🥢可選擇牛肉或雞肉，朋友第一次見，好奇得以為是甜品，疏乎厘之類。我們用筷子輕輕打轉，雪白嘅忌廉下慢慢的滲透出咖喱的香氣，滑嘟嘟嘅烏冬再加上泡泡鮮忌廉，完全不費氣力，啖啖烏冬就溜進肚子裡👍👍👍，味道當然是超級好吃⭐️⭐️⭐️⭐️⭐️最愛天然光，高高在上，喝着少甜嘅蜂蜜紅棗茶，柚子蜜，暖在心頭，寫意又輕鬆😘

公司好近726，所以lunch time我地好多時都喺呢度食，呢度都餐廳嘛。今日揀左吉列牛忌廉烏冬，餐廳位於17樓，星期六就唔算多人，呢度幾大，有靠窗嘅梳化位，有D細枱，啱啱好放得落個二人餐。menu方面主打吉列牛，佢地有幾個套餐，一份吉列牛+忌廉烏冬+汽水價錢係246蚊；兩份牛+汽水就316蚊。不過我地想食釜飯，所以決定散叫，再share食。除左吉列牛，仲有涮涮鍋、忌廉烏冬、炒麵、釜飯、小食等等。吉列牛定食：一份定食好靚仔咁上枱，有齊前菜、湯、飯同醬汁。店員幫我地著左個爐，就可以正式燒喇，好期待！牛肉就吉列左，其實生熟成度都係隨自己鐘意啦，我地都係輕輕燒幾秒。牛肉有十塊左右，相對我食過嘅其他吉列牛size大D。肉質鮮嫩，仲幾juicy，完全唔乾，我就鐘意點沙律醬食。個飯呢加左飯素，好香口，而且份量都唔少。另外點左個醬燒黑腰釜飯：原個爐上枱，一樣會一路加熱。裡面除左豚肉，仲有蛋絲、海苔咁。因為裡面有醬汁，所以可以撈一撈先食。醬汁充分，同豚肉好夾，又唔會好老，連埋D蛋絲，好正最後點左份秘製蛋卷，即時煎起，勁吸引，裡面加左芝士，上面有飯素。雞蛋多層嫩滑，完全唔乾，中間嘅芝士係半溶狀態，有少

同事話依間好食介紹我去，佢個二人餐都幾豐富白色忌廉輕身，唔油膩，包住咖喱烏冬保溫，有得打卡，又好食吉烈牛肉都幾嫩口，熟成度自己煎，可以慢慢玩蜜糖雞翼，單骨處理方便食用

Doesn’t that bowl of udon just look heavenly? It taste just as you would expect, the sauce is thick and creamy pairing perfect with the strong curry flavor. However I can’t say the same about the Katsu beef which was mediocre at best, if I could even call it that. The crumb on the outside was a bit soft and soggy, and the beef flavor was absent. I’ve definitely had better gyukatsu in Japan than blows this out the park.

呢間嘢好耐之前已經聽過，因為出名舖滿白雪雪嘅烏冬，一樣全新未接觸過、唔係到到都有得食嘅菜式，但以前細個覺得好貴，唯有默默save低等大個食到大個有錢之後，對上一次去銅鑼灣就自己身體唔爭氣，唔舒服無得食，今次就去咗間就腳啲嘅分店去試番！離地鐵站幾分鐘嘅路程，係一棟滿佈食店嘅大廈，上到去見到依然好滿座，稍等幾分鐘就有位子餐廳嘅名稱已經包含哂佢兩道招牌菜，吉列牛同忌廉烏冬，所以我地都事不宜遲叫呢兩道由於驚一份牛唔夠食，一於追加咗一份牛，然後個忌廉烏冬就share食吉列牛定食定食入面包含沙律、凍豆腐、味噌湯、白飯、兩款醬用嚟沾吉列牛食熱爐其實真係好高溫，將片牛放上去，不出秒就會變哂色，由紅色變番做熟牛嘅啡色啲吉列牛調味非常足夠濃味，而牛嘅口感係非常嫩滑，咬落去唔會有筋或者好韌嘅。反而其實係考驗自己嘅烹調技術🤣 輕輕放係個爐每邊兩三秒就已經ok咖喱忌廉烏冬一路以為係成碗忌廉，但原來下面係收埋咗啲咖哩烏冬！不過如果成碗都係忌廉又真係會太漏，所以咖哩嘅存在令醬料嘅味道豐富咗而且惹味咗啲烏冬全部都煙煙韌韌，無因為焗係忌廉入面而變腍咗。忌廉嘅texture比較稀，所以無想像中咁膩，好快就溶落啲咖哩到食哂

呢個係我比o 既 第一個食評 真係估唔到 呢間會令我零的突破。我係六點幾食既 ,其實呢間野我覺得有一點可以改善下，就係燒牛既爐 ,其實一坐低果下 見到枱面個爐油油地已經覺得有少少奇怪。然後問店員 個爐會唔會更換 但係店員既反應係呆左一下 然後答回答 "個個都係咁用" 同"我地係咁" 其實 真係唔知佢爐面上面既油係幾時搽上去 定還是係上一手用過。再黎就係食物質素啦，先講個忌廉咖哩烏冬 無忌廉味 ,咖哩味呢就係某即食咖哩包既味道。 再講個吉列牛定食，飯凍既 ,牛無味既 ,豉油無味既 ,湯無味既 。如果大家有d 真係好唔鐘意既朋友 其實介紹佢食呢間 就一定報到仇啦。