吉列牛忌廉烏冬專門店 (彌敦道) (已結業)

今次去試呢間吉列牛忌廉烏冬專門店，叫咗兩個set。有吉列牛定食、咖喱忌廉烏冬（小辣）加汽水。吉列牛厚度適中，送嚟嘅時候係半熟，可以自己喺石爐上面再燒一燒，會更加香口！配合放上飯素嘅香飯，十分滋味。主角咖喱忌廉烏冬，雪白嘅忌廉下面隱藏住咖喱烏冬，忌廉creamy得嚟夠輕身，加上濃濃嘅咖喱，食起上嚟都唔會太膩。整體嚟講，食物質素算唔錯，但份量就有啲細，胃口大嘅朋友就一定唔夠食，同埋價錢都略貴，令到CP值拉低咗。