合益泰小食

营业中

休息中

天氣炎熱星期五要到深水埗取銀行文件,順道食下好耐無食既滑滑腸粉。平日下晝的確人少好多,幾張大檯坐住零星食客,一坐底就向阿姐order細腸粉+燒賣,上菜速度都比得上澳牛。腸粉仍然比坊間體積幼,但仍舊軟滑可口,香濃花生醬+自助甜醬+芝麻後香氣襲人,味道仍然好似細時食既腸粉味道,總之愈食愈開胃,開始後悔叫左細size!!豬肉燒賣size好似又細左,但味道仍然好味,豬肉餡加上冬菇粒,熱辣辣又唔會太淋,唔錯!!見到好多客人食蘿蔔、粉果,似乎下次都要試一試。

同朋友叫左腸粉, 燒賣& 珍珠雞. 腸粉好滑, 但d sauce 就一般. 麻醬太希, 甜醬& soy sauce 唔夠甜.燒賣係豬肉燒賣, 好好味.珍珠雞都合格o既. o個日落大雨, 埋單時收銀姨姨同我地講, "咁大雨點走呀? 坐多陣啦坐多陣啦." 真係sweet 到暈.

腸粉味道一般,兼且不太熱.但燒賣不錯,可以食到冬菇.

早兩個月同女友去開附近，食評又話D腸粉好正，咪試下囉！一放落口，勁普通，仲有少少鞋口，我諗都冇下次，都吾明Ｄ人點解話好食。吾通Ｄ腸粉鞋口好食Ｄ咩。

唔知點解今個禮拜好想食腸粉，於是今日特登搭地鐵去深水步食豬腸粉。我叫左一碗『艇仔粥』（$9），一碟『細的腸粉』（$5 / 5條），一支『維他蘋果桂圓茶』（$7）。這間鋪頭已經去過好多次，仍然覺得喱度D腸粉好食到癲！！覺得好食的主要原因是果『殼』淋上面的豬油。果『殼』豬油令我想起小時候那在家附近踩往單車賣腸粉的『豬腸粉佬』。除豬油外，腸粉好滑，連吊D麻醬都好食過人，死未？！？！我覺得『合益泰小食』的腸粉一定是全香港最好食的腸粉！有機會大家都應該去試下！

每次去黃金果頭都忍唔住去食。腸粉- 深水埗稱王啦! 咁o既價錢超晒值。蘿蔔魚蛋- 蘿蔔好甜好甜, 唔知用咩炆咖呢? 魚蛋幾大粒, 幾彈牙, 但如果有個好d的curry汁更好！

腸粉係好食o既, 但係點好食都只不過係腸粉, 幾皮o野唔好期望太高.

有左上次0既經驗,今日金精火眼"目及"實,阿姐掛住同人傾計,一手拿0左"執"腸粉,剪幾0野,落醬,打包,好快手,OMG,得四條!!!唉,就當佢一時失神,失手,我就失去一條爽滑0既腸粉!!!喊係因為得4條!!

一直很欣賞合益泰的腸粉,夠爽滑,捲番開條腸粉,會發粉漿好夠薄,麻醬夠香,仲好似有陣好香的豬油味,今次加多隻粉果,出事,肥豬肉多過乜,半透明的肥膏粒粒可見,唔好以為係白蘿蔔/粉葛粒囉,都係專一d好!!!看了阿B的食評,今次特別留意阿姐的動作,我叫五蚊腸粉,又真係好似得四條,下次要金精花眼看真一點!!!!

同朋友經過, 口痕痕買左5蚊腸粉食, 最愛佢地o的腸粉熱辣辣又滑溜溜, 但係阿姐次次都落唔夠麻醬同豉油, 下下都要自己落手加料, 一路落朋友就一路講夠啦卦夠啦卦, 哈哈, 一包滿滿麻醬豉油芝麻又超美味既腸粉唔夠三分鐘就o趙哂落肚lu! 嘻嘻! yummy yummy!!!

這間食店主要賣粥和腸粉, 舖前有一塑膠價錢牌寫明5元5條, 我每次都買5元但每次看見剪腸粉的那位阿姐只拿了4條以極快的手法剪完便包起來. 於是有一次我專登說要5條她便用奇怪眼光看住我然後克意地剪5條腸粉給我.我今早有買但嘗試不說5條她又照剪4條給我.

很多人熱鬧非常, 要等了一陣才有位.腸粉煙韌有彈性, 唔錯.魚蛋大而無當, 味淡.燒賣是冬菇豬肉餡, 有冬菇香, 但個人鍾情魚肉燒賣多D.

深水埗好野食太多，食到飽先記得唔好漏咗聞名已久的<合益泰>，所以問腸粉阿姐可否要$3/3條。嘩~　一放入口就覺得非同凡響，真既！腸粉唔"漿口"、好爽滑，食咗廿幾年腸粉，有餡無餡計埋，呢度都算數一數二，但計埋價錢，<合益泰>一定係No.1！！！下次試埋粉菓+燒賣先得~p.s)企係門口食，感覺一樣咁正，但極度講究衛生者，哈哈，或會感到不安。

想一轉每天上學也吃包ｏ既ｈａｂｉｔ，但又ｏ吾想太講究太煩．．．朝早起身，諗到飲茶．．．但心知無可能，邊鬼個得閒先．．．ｏ甘，不如去合益泰小食食ｏ下腸粉ｏ拉７：００到達，要ｏ左個＄７ｏ既腸粉．．．　幾大碟ｏ下　腸粉雖然咩都無包，但勝在又滑又溜，而且麻醬，甜醬，芝麻任加走前外賣多３粒燒賣．．．好恐怖，到學校時仍然熱得冒煙

下午同朋友仔剪完髮黎食少少野要腸粉($5),豬肉燒賣($6)同粉果($3)腸粉係幾滑麻醬份量唔少但太稀所以加埋豉油同甜醬一齊食都食唔到咩麻醬味豬肉燒賣無第一次食咁正較乾身又少左冬菇粒粉果應該係來貨皮較厚餡料亦較模糊幸好味道尚可較欣賞佢豉油呢d調味全部放晒檯面任你落或者唔落唔會default落多多鹹死你另外見佢d炒米粉配料多又唔油下次路過會再試下