合益泰小食

营业中

休息中

一條友由太子行落深水埗,見夜晚都係唔想食d咩,於是就開始掃街嚟到深水埗一諗就諗起近排好hit既腸粉order 左一碟hkd5 4條,成間店坐滿晒人好爆都好多人唔叫腸粉叫蘿蔔豬皮,唔知係咪重正過腸粉呢??下次可以試吓!!碟腸粉嚟到已經好多豉油好多麻醬,不過甜醬同芝麻就自己加d腸粉比出面平時食既幼,都ok滑可能因為佢幼同分量少,食落無咁頂胃平時個食4 條到已經頂得好辛苦,其他野都食唔到

久唔久都係度食早餐既熱門地方!!!!腸粉好滑,最好就係甜醬任加,芝麻都係價錢都好相宜,推介!!

阿b話 呢度d腸粉係自家製呀~我嚟試下 $7 (6條) (好似....)真係好多人排隊~ 人山人海呀因為太飽所以只吃: 腸粉有好多醬比人任落呀 好開心呀~但係點解會落油既??? 好肥 呀... 好多油係面呀~下次要走油先得呀

其實呢間野既腸粉既質地都幾好.而且夠熱.醬料既味道都吾錯.而且要加分既系.芝麻系有一個好大好大既樽放系度任妳落既..一d都吾會古寒..值得一讚..但...唯一要改善既地方系醬料既濃度...佢既醬料因為太稀.油太多.所以根本好難可以黏住系腸粉既上面.而僅有能黏住既醬料亦因為過於稀釋既原故.令味道不夠濃.往往一碟腸粉就只會有在低層既個d先至入味..

腸粉本身係幾滑幾好食!但最大原因係醬料調味不錯同自己鍾意落幾多就幾多!其它食品唔食無損失!豬皮蘿蔔---豬皮有好多毛同埋幾硬身吓!蘿蔔多渣,一碟裡面有幾舊生生地….兩樣都係無咩味!牛肉---一舊粉!咬咗一啖即放低!燒賣---用腸粉Ｄ混醬點嚟食都OK!粉菓---見到都唔開胃…攞到埋嚟已經穿晒!Ｄ皮厚到呢….炒麵---本來呢樣嘢只要加咗辣醬就難食極有限,但因為可能擺耐咗賣唔晒Ｄ麵有部份乾到咬唔開!荳漿---唔太甜幾好飲.下次唔好貪心!只叫荳漿,腸粉,燒賣.

緊排雖然好多野做﹐但個心就成日都係諗著食乜好﹐煮乜好...如果被我既「債主們」知道的話我真係九條命都唔夠。開一開機過相﹐原來我有好多食評無寫...唉!係精神緊張日日胃痛既日子下﹐又唔想食得太寡?mmm...吃腸粉是也~ 再來多個朱皮蘿白加杯豆漿!!! 這裡的腸粉得我垂青原因1) 夠多醬(2) 甜醬﹑芝麻﹑辣醬任落(3) 夠熱(4) 又平又大碟(5) 佢雖然唔算得係話「嘩~好滑呀!」但絕唔係厚耷耷﹐似咬緊芝麻卷個種質感。喱殊既蘿白真係唔錯﹐佢唔似車仔麵個d咁甜﹐所以肯定無加冰糖加工而係真正鮮甜。豬皮就麻麻喇﹐都幾夠淋不過唔係全部都一樣淋同埋有幾多毛! (ewww~~)再加多杯多泡到似cappuccino既豆漿~~ 禮成! 真滿足!!!!!!因為地方陝窄所以一定要搭檯﹐我好唔覺意咁聽到人地教仔(又或者係點樣唔識教仔)﹐聽到女友點樣唔比男友食咁多 (真係陰公囉﹐坐過d姐姐度﹐姐姐請你食多$10腸粉)。 看看人生百態﹐原來可以平覆自己心情~ 係時候買埋甜品同叉燒返屋企先!

本來抱著很高的期望來惠顧，豈料.....我覺得腸粉很平凡，論滑不是特別滑，論醬料，也不夠覺很特別，不合口味。由始至終食過很多間舖的腸粉，暫時只有一間的腸粉真的是好滑好滑，完全無得彈！所以今次真的有點失望。

去親深水步一定會去合益泰同雁園...雁園係鴨寮街, 係一間茶餐廳... 不過愛既係佢地門口既魚旦檔~不過結左業lu...所以就唯有去必食既合益泰...叫左個中腸, 同燒賣~燒賣比出面既貴, 不過幾鬼好食~(其實以前仲好食, 以前d燒賣實好多...而家d豬肉無咁多喇!!)主角腸粉...我通常都會叫少鼓油, 多麻醬...因為佢地d麻醬係自家制...好滑好香...同出面既麻醬好唔同...下次去不況要多麻醬...點燒賣都一流架!!不過地方唔大...人都幾多下...所以有時都幾迫~門口唔係好大, 不過有時都有一大堆人企係門口食...所以出入都小心d好...唔係咁成身鼓油...

醫完個甜品胃, 因為唔係話好肚餓, 所以就來這裡食碟腸粉了來到人山人海的, 心想點解食小食可以做到咁受歡迎呢？無他, 就像肥媽小食店一樣, 只要專心做好一味專心做自然做得好, 所以就因為這味就行上成功之道坐低梗係要腸粉啦! 外表已經很光鮮, 加點甜醬麻醬過有芝麻吃下去很滑溜很軟熟! 唔知有無加豬油呢？比起出面新鮮製的, 這裡的腸粉還有種彈身的口感很容易又快樂的幹掉一碟! 下次會再來, 不過要加底!

6-9-08 (六)要往大埔道買校服，查一查深水埗的美食，原來多不勝數。先試試這裏的馳名腸粉，又熱又滑，尤其調味醬汁，味道突出，難怪客似雲來，想找位也不是易事。也叫了炒米粉和豆漿，并未如腸粉般特別出眾。

食完3間舖太飽, 到西九龍行左2-3小時後又再到第4站 到橫街左轉右轉, 誤打誤錯到左合益泰, 腸粉大排長龍, 入到舖坐低, 只係想試下, 仲未餓, 就隨便嗌大家都食緊既腸粉, 蘿白呢度既腸粉, 係腸粉未放落碟前, 先倒豉油麻醬係底, d 腸粉唔會痴住張紙, 其他芝麻醬油係自己加, 冷氣開到好大, 大大風咁吹住碟腸粉, 加完醬撈左幾下放入口, 仲暖唔會凍左, 腸粉滑嘟嘟, 唔知係個豉油特別定係有加其他醬汁, 碟底個豉油麻醬比一般食既多出1種特別既香味蘿白大大舊, 食晒成杯, 每舊都唔會有根, 很重蘿白味, 個湯唔會太濃, 蘿白亦夠入味, 近乎冇可挑剔既蘿白唯一可以搵黎講既係食完腸粉蘿白會幾口渴

早上路過全港最高科技的地方,又想起合益泰的$5四條豬腸粉.去到赫見全院滿座,買外賣的人龍也圍住門口.插針也插不入.幸好吃碟豬腸粉快上快落,行到入去已經有食客埋單.外賣實在太好生意,差不多店內所有店員,集中火力做外賣,堂食的食客,有點等得不耐煩,自然鼓燥起來.我時間多的是,等一等也沒有問題.一個人吃豬腸粉,要$5便夠,在現今經濟狀況之下,$5四條的豬腸粉,已經可當一頓早餐,委實便宜得很.腸粉本身其實不算很出眾,但下了麻醬,甜醬,最重要的,就是加上豬油,即刻點石成金.街邊檔賣的魚肉燒賣,大多味如塑膠,要加大量辣油豉油狂溝,才吃得出少少味.合益泰燒賣$7三粒,比街邊檔貴,但亦比街邊貨好吃得多.件頭大,燒賣混合著菇粒和馬蹄粒.既有冬菇味,又有馬蹄粒來加強口感.收得$7三粒價錢,好吃是應份.

心情有如此廢up打油: 細條滑溜豬腸粉, 五蚊四條多到暈; 芝麻甜醬混花生, 食完朝早唔眼訓. 作為街坊日常食物, 性/價比已無懈可擊, 唯獨是沒有米香, 但到底是工場出品, 不能要求太多了. 如果我家住深水埗, 食過腸粉做早餐再返工. 多好...

今日去工聯會上堂之前想買定d野食，所以就黎買左$7腸粉外賣拎走~~去到發現原來要排隊，不過都好快就到我~~^^本來想返到去課室先食，不過行左兩步已經忍唔住打開黎食~~第一啖就覺得好正啦！我從來都未食過咁滑的腸粉ga！而且d醬好香丫！不過邊行邊食太過le hea啦！所以都係返到去再食埋，做夜晚黎講都ok，都唔會話太過飽~~佢d腸粉太正啦！絕對會再黎過！

從來也沒有想過普通如齋腸粉也有好吃及普通之分,開學之前, 和朋友決定來一次深水埗美食夜遊,在openrice search search下, 看到這店的腸粉出名,也有點好奇, 當晚走著走著, 看到這店的招牌, 既然那麼有緣,不吃對不起自己呢 =P$5腸粉, 熱呼呼的在鐵車內拿出, 剪成細條, 加上花生及甜醬,朋友用手捧著讓我拍照時也熱得不停在動, 真的麻煩她了 竹籤"吉"下去, 拿起, 很軟, 是會慢慢變形拉長的那種!!吃了一條之後便明白為什麼好評那麼多, 醬很特別, 和平日的有不同腸粉彈牙, 很有水準, 真的想再吃!!!