合益泰小食

营业中

休息中

琴晚陪男友仔去黃金睇 harddisk, 所以決定響深水埗 dinner~連埋男友仔 + 同事一行五人, 一收工就向深水埗進發!之前已經諗好今晚要去食腸粉 (我第一時間就諗到我既童年美食...) 由於大家都已經肚仔餓, 所以一到步就殺入合益泰, 殺呀 \"/我自細已經係合益泰 fans, 次次陪爹娘去鴨仔既話, 都一定會黎食個腸粉. 咁耐無食, 真係好期待...所以一坐低就急不及待 order 左先： 我 - 中 size 腸粉一份 ($7) + 一粒粉果 ($3) 男友仔 - 大 size 腸粉一份 ($10) + 一份羅白 & 辣魚蛋 ($12) + 豆漿 ($5) 同事 H - 中 size 腸粉一份 ($7) + 牛肉球 3 粒 ($7) + 一份豬皮 ($7) 同事 K1 - 中 size 腸粉一份 ($7) + 皮蛋瘦肉粥 ($13) + 燒賣 3 粒 ($7) 同事 K2 - 中 size 腸粉一份 ($7) + 皮蛋瘦肉粥 ($13)(印象中既價錢咋, 可能會有 1 蚊 / 2 蛟出入..lol)等左一陣 (5 分鐘左右), 黎啦黎啦 一次過, 我地叫既野食足足放滿左半

四月十九日(星期日)同老公吃過了令人傷心的酸辣粉後,當然不夠飽肚吧!在黃金逛了陣,就到了合益泰吃腸粉!記得上次在粉嶺吃過四眼仔,令我們一試難忘後,都未吃過腸粉了!今次難得又search到美味腸粉,當然不可以放過有分四元,七元,十元!我們要了7元,因為服務員說四元的份量不夠!腸粉果然滑溜,同時其他的醬油也美味!芝麻以及甜醬是自己落的!份量適隨專便!我們加了五元魚蛋,有五粒!不算彈牙,反而稔!一般!

apr 17, 09,2人來開始深水埗之旅嘅第2擊,叫咗 : 1) 凍豆漿 (@hk$5)-我無試到 2) 細腸粉 (hk$5)-有4條-自己後+了芝麻,甜醬同辣醬-腸粉薄皮,幼細條狀,好滑,不差-醬唔喺"杰"嗰隻,但勝在唔搶/嗱喉,當然"杰"d就更好啦 3) 燒賣 (hk$7)-見人叫燒賣同魚蛋,我就問友人呢度嘅燒賣得d,定喺魚蛋得d呢-友人就揀咗燒賣-呢張相影得唔好,佢個頂有片小冬菇片-唔喺平時好粉嗰隻,有質感,有d似元朗嘅妙x

第二站今日輕嘗所以要站食腸粉蒸籠內熱辣辣而白雪雪的腸粉，只有加到係夠為止的豉油、麻醬、甜醬及芝麻，腸粉本身很滑，也帶有米香，而芝麻粒也是輕微炒過，反而覺得各大配角麻醬及甜醬很稀身, 不能掛腸, 味也教得不好, 白白浪費了主角本身的優勢

在祥興吃過粥麵後，來到第二站的合益泰，也同樣是體現了港人的飲食文化，抵食夾大件由於還要應付下一站的挑戰，所以只重點攻擊一些必吃的食物。必吃的食物當然是豬腸粉，由於要留力的關係，所兩個人分吃四條淺嚐，但在鄰桌食客的食物引誘下，也失守的另再點了小的豬皮蘿蔔及一隻粉果。先談談腸粉，這兒的腸粉是蒸出來白雪雪的豬腸粉，一點蔥花及蝦米也沒有，是最正宗的豬腸粉，加上少許生油、豉油、麻醬、甜醬及芝麻，真的是人間美味，豬腸粉很滑，也帶有米香，溫度也夠熱，而芝麻粒也是輕微炒過的，很抵讚呢，那是會香很多的呢，有時候就是一個細節也可影響整個故事呢！粉果也是那些例牌的餡料，分別有中國芹菜、芫荽、筍絲、炒花生粒、紅蘿蔔粒及豬肉碎製成，然後以厚厚的麵粉層包着，皮是煙韌有咬口的，但感覺就是沒有什麼特別之處，而餡料也不太多的，而且也不太香，是吃過便算吧的一味。一客小的豬皮蘿蔔七元只有細細碗，豬皮稍嫌不夠軟身，而蘿蔔清甜及完全無根，不錯，但碗底的湯汁味道很薄，所以是吃蘿蔔真的吃得到其清甜，但豬皮可以吃到什麼味呢，就是唔係咁好味。坦白說，每樣食物也算是很高水準及用心做的，也確實是經過的可以一吃再吃的，但因為我已經吃過在灣仔

其實以前食個呢間野.我覺得一般.但因為依家有腸粉食既小食店買少見少啦.所以都不失為一間可以一吃既舖既.點解我話一般?好簡單.用我之前食既感覺黎講.就講下最多人講既腸粉.呢度既腸粉本身無咩問題.系質地方面尚算爽口.不會似一般既糊口.但問題系系d醬汁度.醬汁絕對系腸粉既靈魂.再好食既腸粉如果無左好食既醬汁.等於食"白粉"?合益泰有一個地方值得一讚既.老闆吾會古寒.好大方甘會將一大罐既芝麻放系枱上面由食客自己放幾多就幾多.好食芝麻人仕該會很開心.我是其中之一.好...講番醬汁先.問題在於汁太"希".太淡.可能因為成本關系.所以不得不把醬汁弄得沒那麼濃.太"希"既醬汁有問題.一.醬汁不能附在腸粉既上面.二.能附在腸粉上面也好.但味道始終不夠.所以.這個腸粉失敗的地方就在於此.雖然那麼多的醬汁在外觀上是比較吸引.再說.近來發現該店的腸粉比以前變得好細..好幼..可能這也是成本的關系吧..那麼幼的腸粉怎會有咬口呢?怎可以把醬汁鎖住在裡面呢?唉...難道這就是金融海潚既後遺証?

合益泰小食我都幫親左好耐,因工作關係,好多年前份工都經常要去深水埗鴨記.所以現時合益泰呢間鋪有咁耐我就食咁耐,不過我又唔知合益泰以前有無係第二度有開.我咁耐都只係食腸粉,粉果,牛肉球,豆漿.其他就無食過了.合益泰好多人都寫食評,我都唔細講了.今次主要講好多人話好食的腸粉,我都覺得好好味,每次都係要個中的 7蚊雞一碟,每次我都細味有咩特別呢 !! 睇到他們放腸粉的盤都印住生產商的名,咁即係行貨呢!! 人人都可以囉貨呢!! 咁就係個醬汁有特別,我就覺得他們應該係落左蔡蘭先生最喜愛的豬油,所以腸粉比起其他地方的腸粉滑好多.不過這個只係我的味覺感應到,各位師兄,師姐可能大家一早就知或者根本唔係,大家唔好鬧我

見OPEN RICE好多食評對這小店讚好，SO來TRY TRY先 .粉果($3粒), 皮都叫薄, 料都十分足 .腸粉$7 腸粉都幾滑溜，都叫OK啦, 唔係人地講到咁好食LAW, 但都OK既燒賣($7三粒)-以為會特別好吃，料是足的......但可以話十分難食 .豆漿($5杯)-夠清甜有豆味.

跟5cm去了深水步搵做功課的道具, 趕時間回校取器材和看醫生, 匆匆的在合益泰吃個late lunch好了2個人叫了$7腸粉和一碗皮旦牛肉粥。 我的牛肉粥先到:] 小小的一碗卻有很多牛肉和差不多一隻皮旦, 粥身很綿, 街外的粥味精當然少不了, 但味道相當不錯, 每一啖都有肉有粥, 吃到底還有牛肉和皮旦, 13元一碗, 我結它9分. 5cm的腸粉很滑, 不知是否腸粉的皮較薄, 所以腸粉也較其他的幼身. 酷愛甜醬的5cm不停加甜醬, 不是因為好吃, 而是他的甜醬好像溝了水一樣淡而冇味... 我不太喜歡它的麻醬也不喜歡他薄薄的皮, 因為我鍾意將細細卷既腸粉反開變番做粉皮再沾滿醬來吃 這裡的皮太薄了, 吃起上來不夠滿足其實那一家既腸粉也差不多, 不過每個人都有他心中的no.1腸粉, 大埔廣場都已有3,4家賣腸粉, 我獨愛萬利, 細佬卻鍾情花果山, 媽媽卻喜歡x太, 大概是"食開有感情", 吃的人是確切的在吃它的味道還是那份感情呢?

不知是否陰晴不定、乍暖還寒的天氣作怪，身體再次出現一段時間不見的低溫燒、頭暈暈現象。好想見龍，收工後又去了最近的中間站深水埗食粥。　記得不少人對這家小店讚好，摸雨也找來了，不過時間已夜想食的粉果($3粒)已售罄，結果要了以下食物： 皮蛋牛肉粥($13)-內容與味道正常、不過不失，但幾欣賞提供牛肉而非瘦肉的選擇。另外粥的份量不大女生也可獨力清掉，男生就不會夠飽。腸粉($5四條/$7六條/$10九條)-大家都以為有蝦/叉燒/牛腸等選擇，原來沒有，龍就要了腸粉加料加醬享用。腸粉吃來是幾滑溜，但驚喜感久奉，大家也不難在其他地方找到同水準貨色。燒賣($7三粒)-另碟上的配料，價錢不平以為會特別好吃，原來只是份量大少少的牛肉燒賣，做成魚肉質感出售，而其實傳統的魚肉燒賣仲好食。豬皮+蘿白($7細/$14大)-配料之二，兩個人要了細的。豬皮無特別可以不理，蘿白則清甜無渣，非常出色，不好此味的我也連吞下兩件。豆漿($5杯)-只得凍的出售，雖夠甜又有豆香，我也少飲了。　之後又去找甜品下場。

蘿蔔+辣魚蛋蘿蔔繼續清甜無渣，雖然兩人共得七八舊，不過實在略嫌不足，若不是仲有下場，真的會叫多碟淨蘿蔔。辣魚蛋，至少真係有咖哩味，因為本人最憎食形似而神不似既咖哩魚蛋。因為咖哩味不重時，一係就覺得食緊粉團，再唔係就食到魚腥味。大腸粉已經寫過幾次，不再詳細著述了。只能說不能下太多醬，否則會杰得糊著喉嚨。炒米以前既我，從來都唔會係炒粉麵度加甜醬，甚至乎係未聽過，但自從同左朋友仔一齊後，唔落甜醬反而食唔慣。講返炒米，炒得不夠乾身，可能已經是溫溫吞吞既關係，即使加了甜醬味道也是很一般。其實來得這裡，都不會對環境有咩要求，但個人認為即使裝修如何簡陋，亦不代表不用保持店舖衛生。只坐低大概十分鐘，已見到不下十隻既烏蠅飛來又飛去，甚至停係筷子、盛載甜醬既瓶口位。

剛落車不久,跟男朋友二人原本想先到新香園,剛好路過那就先試合益泰的腸粉,站在小店旁邊邊看著店員熟練地剪著,十分期待,一拿上碟子,已經忍不住快要偷食一條可惜要拍拍照片,手上拿著很熱很熱...與平時食開的不一樣,條形比較幼,但是沒有半途散開的情況,而且很滑!相反我對大家提到的醬料興趣不大,醬料下得不多,感覺單純腸粉本身已經很美味了!不錯!而且$5/4條的價錢便宜,有那個素質已經很好了!跟住就是第二站-新香園

小比在SSP打滾了多年~合益泰也在身邊擦過了數不盡的次數~但卻一直都沒有光顧~因為憑一人之力~小比根本無法吃到3,4小段的腸粉~何況是4,5大條~所以今次難得大比有一整天的食力~就在吃過男人蛋牛治之後拉了他過斜對岸的合益泰人龍無時無刻都有~幸好阿姐手快快~好快就輪到~要個小的就可以了~雖然寫$5有4條~但小比觀察了四五個~包括自已的一個~都覺得呀姐拿了五條啊~哈哈~不管了~好味就可以了~大蒸盤就放在身旁~阿姐姐以熟練ge手法~不消十數秒就剪好了~就算交帶了多麻醬多芝麻也沒有板起面來~一盤盤腸粉就放了在舖外~對物件記憶力超強的小比~一眼就認得出"潘記粉廠"四個大字~~肯定見過~結果在翻查紀錄之後~就發覺原來佳記 的腸粉屬同一粉廠~http://www.openrice.com/restaurant/commentdetail.htm?commentid=1932365難怪兩間店的腸粉都備受寵愛~果然眼光獨到~相信美味的腸粉~有九成功勞都來自粉廠~大家往後遇見潘記粉廠的膠盤就不要放過了~haha可以選擇舖外立食~當然不會放過~比坐在店內風味大得多~橫巷不闊~而且放滿了攤檔~邊吃要邊左避右避

今日放左工...本來唸住去深水埗買白糖糕食...可惜因節日關係...暫時暫停供應.....嗚嗚~~~之後與同事去左呢間到食腸粉+豬皮、蘿白、魚蛋~呢間野好多人呀~~一個走完又一個人坐.....腸粉到喇~~要自己落甜醬、芝麻個d醬料~~第一口入口既腸粉,,,,令我唸返起小時候吃過的腸粉味道~真係好食wo......值得一試!!!至於蘿白、豬皮、魚蛋.....由於唔太好~所以冇咩特別評論..嘻~~

傳聞鴨記有一間樓上超市，物價比『P』記及『W』記平，所以吸引主人與奴隸獸前往一探究竟。當然順道光顧『合益泰』，試試受眾食家讚賞的腸粉（HK$5，4條）。腸粉食落『米』氣十足，質感軟滑，而且店員給醬油毫不吝嗇，腸粉被麻醬、豉油及甜醬浸著，不過奴隸獸覺得這樣食腸粉才是最好味呢！