合益泰小食

营业中

休息中

見咁多人俾好評, 去開黃金就去食下啦~試下係唔係咁好食~Well, 腸粉係幾ok~ 不過未到好好食, 未到一定要再去食既level...醬 - ok.豉油 - 加左好多糖, 不過佢係有d唔同.甜醬 - ok.麻醬 - 佢應該加左花生油, 所以先咁香口.ok 既, 佢既價錢又合理.p.s. 燒賣好難食, 唔好貼錢買難受.

買了腸粉、牛肉球同蘿白做午餐。腸粉依舊咁正，質地幾夠滑；個醬真係無得頂...甜醬、麻醬、豉油加芝麻撈埋一齊，腸粉吸盡了醬的味道，很正！蘿白清甜，無根，切到大大舊，且煮得夠淋，很可口。牛肉球就唔得喇，可以講係難食！實得得，皆因粉太多，完全食唔到有牛肉，好似食粉咁。仲差過7-11嘅牛肉球。以後都係淨係幫襯腸粉穩陣d~* 笑臉只給予腸粉和蘿白

又係一間想黎左好耐嘅食店, 奈何每次黎到呢區都搵唔到, 到昨日終於的起心肝去搵, 就比師傅搵到, 既然搵到就一定要試啦!入到去都幾多人, 師傅坐底後即刻睇下有咩食, 原來呢間食店都有粥, 腸粉, 炒麵等等, 不過師傅都係要番呢間食店最出名嘅腸粉, 腸粉都有幾個價錢, 五蚊四條, 七蚊六條同十蚊九條, 師傅要左七蚊六條!腸粉熱辣辣加上好滑, 而豉油係勁香勁吸引, 加埋麻醬又香, 就算唔落甜醬辣醬已經食到停唔到口, 冇得頂呀!總括黎講腸粉嘅質素真係好掂, 同腸粉王有得揮, 甚至乎好過添; 環境服務就一般, 不過價錢相宜, 值得一食! 師傅一定會黎再食腸粉, 皆因真係好出色, 呢一刻師傅亦不得不哼一句"難忘您的腸粉好味", 淨係腸粉已經值得一個笑臉啦!

去深水賣嘢隨便吞pop去食下腸粉, 係我第二次食呢間店. 我記得第一次o黎, 好驚喜, 好好食! 腸粉好香! 但係今次真係同出面d鋪頭無咩分別.如果下次食埋燒賣結果都係大退步的話, 我就唔會再去, 去維記食碗豬潤麵好過.

某日工作經過.見到好到人渣住個碟企係街邊度食腸粉..諗番起以前細個時幫襯小販企街邊吉腸粉既情景..味道難得地同細個時食既一樣..依家好難得食到咁滑既腸粉啦..我地以前叫豬腸粉..唔係淨叫腸粉架..

區住在深水埗，又點會未試過呢家店呢。每次去親都會叫10蚊腸粉。。真係好正。腸粉好滑，熱辣辣，咬落去，好彈牙，好煙un....佢可能係深水埗區最好味ge腸粉店。不過要趁熱快D食。凍左食落去，真係差好遠架。如果放得內，D腸粉(索)晒D豉油，會勁咸囉。所以不建議外買吃。服務同環境都唔係見好ga....坐得好迫好唔舒服。D阿姐又唔係話好好禮貌，不過腸粉ge美味已經勝過了這些因素。

昨天經過, 見5元有4條腸粉, 有些人站在店外站著吃, 見裡裡面坐有得滿滿的, 但也走進去看, 有很多人, 男男女女, 有些還是一家到來. 大多人都叫腸粉, 魚蛋, 白蘿蔔及豬皮等, 便跟著叫了細腸粉, 細碗白蘿蔔及豬皮(7元). 要一提的是, 他們有些東西有分大, 中, 細, 適合不同人事, 實在很好. 腸粉的粗度略瘦了一點, 豉油及花生油太水, 白芝麻自行任落, 甜醬不夠鮮甜. 整體是屬一般.一小碗放滿了白蘿蔔及豬皮, 覺得低吃, 好在沒有叫大的, 否則吃不下. 白蘿蔔大大塊, 但不多味; 豬皮也是大大塊, 但不是全白, 賣相差了點, 也不夠味. 服務態度及環境一般.整體不算好好吃, 但算低吃, 不防一試.

來到這裡當然就是吃 腸粉 ~~~有多滑有多好吃，其他食家已經說得很詳細了，我也不囉嗦。只說一句：滑嘟嘟，吃得過！===============想看更多的pics 和食評嗎？來來來~~~ 歡迎來我的blog 逛逛：http://hk.myblog.yahoo.com/mei_ciel

去黃金睇遊戲帶前,先來食午餐。平日的中午,店子近乎滿座。點碟七元的腸粉、咖喱魚蛋、一杯豆漿,有得食有得飲,足矣。見不少人客點粥品,還是留待下次再試吧。三樣同一時間來,先吃腸粉與咖喱魚蛋。七元的腸粉共六條,送來時已下豉油與麻醬,甜醬、芝麻粒則需按喜好自行添加。為了吃上來滑一些,故不下芝麻粒,而只下甜醬。腸粉帶米香,加了豬油、麻醬,腸粉更加滑身,麻醬帶芝麻香,如果加上芝麻粒應更重麻香,甜醬方面則不太甜,下少許便足夠。咖喱魚蛋方面,咖喱汁頗辣,但魚蛋腍身不爽口彈牙,魚味不足。最後才喝豆漿,凍豆漿的甜度適中,卻豆味淡。下次來,應會試試粥品。題外話。出櫃台埋單,排前面的阿婆拿出一張啡色的五蚊紙埋單比收銀呀姐,呀姐同呀婆講話張五蚊紙值錢,叫阿婆用其他紙幣埋單同拿張五蚊紙去換/賣。

不時幫襯這店,因為好食又抵食,十元八塊已經有交易,近日發現有些轉變,部份食物加了價一元左右,腸粉沒有加,原來是減了份量,由五元五條變了五元四條,七元有六條,所以七元一碟比較抵食.質素可幸維持不變.也難怪,人人起價,百物騰貴的今天,這裡的大多數食物也可以十元以下消費,已經難得.可以逐樣叫,阿姐也不會黑面.又有冷氣任嘆.這裡的醬料特別好味原來是有秘方的,只見阿姐把原庄的辣椒醬加進自製的辣油,用另一個樽混合,然後才放枱面給客人用.其他的就不得而知了.

五月十六日(五)老婆約左朋友夜晚去一壽司食半價壽司，因為起碼十點打後先有得食，所以連同一個FD三人先到深水埗食d野打打底先～ 第一站就係合益泰腸粉～由於較夜，唔使等就有吉枱。睇睇餐牌五元三條、七元六條、十元九條。同對上一次幫襯一樣價錢，係宜家米貴時都無加價！小食方面上次食左魚蛋麻麻地，雖然網友話係豬肉燒賣，但七蚊三粒都真係唔平(本人仲覺得平既魚肉燒賣好食d~ ~")，牛肉又唔想食，所以只叫兩碟七蚊腸粉三個人分～腸粉Order後火速送到，熱辣辣，腸粉質地滑，比平時返工買到既好好多。而最欣賞既係佢既麻醬，平時腸粉舖麻醬好多時都似花生醬杰撻撻，所以有時食甚至會走麻醬，唔想攪到包腸粉一劈劈。 但尼度既好唔同，d醬一d都唔杰身，質地滑之餘又夠晒麻香，令腸粉特別香滑！而芝麻、甜醬、辣醬等調味都係自助，完全可以調較到最適合自己口味。又香又滑又岩口味既腸粉幾蚊就食到，好滿足！吃擺腸粉後轉戰第二站公和～

11.05.2008食完公和失色嘅豆卜之後, 再到下一站合益泰食豬腸粉, 一心諗住入去坐低食(因為可以食多幾味), 冇位不特止, 而且成村人企响度等位, 唯有到門口企响度食算啦!!但係都要掛隊, 大約5-6個人已經排緊, 我買咗5蚊, 其實以前都成日幫襯, 有時仲買兩三盒番公司招呼班同事, 言歸正傳, 我腸粉保持一貫水準, 好滑溜, 如果你有留意的話, 啲腸粉比一般果啲幼身, 而且比較薄啲, 所以卷得密啲, 可能就係咁所以比一般腸粉滑溜啲, 加上啲麻醬甜醬嘅配合, 非常好味!! 值得一推再推!!不過, 你係買一盒外賣的話, 記得叫佢啲醬分開另上呀!! 唔好慳果一個幾毫, 好食好多架!!!!!

睇到咁多好評..所以同男朋友落開深水步..就走黎試下..原本唔記得左呢度招牌菜係乜,,岩岩睇到對面食緊,,就記得了~叫左1碟腸粉..同埋豬皮蘿蔔魚蛋..首先腸粉..都不錯~腸粉都幾滑..個麻醬係底都好香..腸粉係不錯的!不過到食另1樣豬皮蘿蔔..覺得有D淡..唔係話好惹味..最後仲點返腸粉D汁黎食..OVERALL黎計都OKAY,,但我覺得冇乜驚喜!!食左幾多錢就唔記得了~因為男朋友俾..XDDD

http://x88.xanga.com/e72c660122735182695780/z139851638.jpg深水步出名的合益泰~~由於太肚餓關係食左先影相~哈哈~腸粉夠滑~炒米夠入味~豆漿夠濃正~~埋單$16 超級飽的早餐

每次去深水步都特地去買這家腸粉好滑醬汁也很好味還有蘿蔔豬皮正到沒話說!!!