合益泰小食

营业中

休息中

蘿蔔+辣魚蛋蘿蔔繼續清甜無渣，雖然兩人共得七八舊，不過實在略嫌不足，若不是仲有下場，真的會叫多碟淨蘿蔔。辣魚蛋，至少真係有咖哩味，因為本人最憎食形似而神不似既咖哩魚蛋。因為咖哩味不重時，一係就覺得食緊粉團，再唔係就食到魚腥味。大腸粉已經寫過幾次，不再詳細著述了。只能說不能下太多醬，否則會杰得糊著喉嚨。炒米以前既我，從來都唔會係炒粉麵度加甜醬，甚至乎係未聽過，但自從同左朋友仔一齊後，唔落甜醬反而食唔慣。講返炒米，炒得不夠乾身，可能已經是溫溫吞吞既關係，即使加了甜醬味道也是很一般。其實來得這裡，都不會對環境有咩要求，但個人認為即使裝修如何簡陋，亦不代表不用保持店舖衛生。只坐低大概十分鐘，已見到不下十隻既烏蠅飛來又飛去，甚至停係筷子、盛載甜醬既瓶口位。