合益泰小食

营业中

休息中

今日見有時間鬆動,所以去買腸粉食!知道深水埗合益泰幾出名,一於買黎試下先....買左$5腸粉,$7燒賣(3粒)腸粉好滑,啲醬好味!雖然$5四條好抵,但我覺得比一般果啲幼身啲架燒賣好似好貴咁,但其實幾大粒,並唔係一般魚肉燒賣,好香,但我略嫌淋得滯!總括黎講唔錯,係一份豐富o既早餐...但為左身形設想,間唔中一次好喇!!

是日起早了半小時，心血來潮，上班前stop at 深水埗，去合益泰吃個早餐。聽聞合益泰腸粉不錯，要了一分小的 ($5/4條), 另加一串燒賣($7/3粒)加一杯豆漿($5)燒賣不是一般小食店的魚肉燒賣, 而是較大粒的冬菇豬肉燒賣, 肉香中滲著冬菇的香味, 在小食店吃到茶樓質素燒賣著實令人驚喜。腸粉的確相當爽滑，而且具有米香；而店家用的醬又不會太濃味, 剛好為這米香作點綴而沒有搶具風頭；我略嫌當中有幾件, 應是一條份量, 稍為硬實一點, 想是蒸的時間未夠, 與夠火候上桌的混在一起了, 希望店家能注意這一點。豆漿則較一杯, 豆香不重, 勝在沒有死甜, $5 一大杯作解渴用還不錯。然後, 買了一袋中腸粉($7/6條)加牛肉回去慰勞一下監製 - 他邊吃，邊大讚好吃。不問出處還好，一問出處：「哎！合益泰！佢地d腸粉係自己做, 仲會批比其他小食店添！我以前住深水埗時成日幫襯架！....做咩你唔買多d啊！」竟然指責起太公起來；難怪，監製在深水埗長大，現在搬離該區，合益泰的腸粉原來正正是其最難以割捨, 每每路經都要買一大包吃。隨著時間流逝, 社區的面貌也在不斷轉變。我們或許難以抗衡社區的「發展」，但至

Virtually stuck on the wrong side of town after the monsoon typhoon of 9號風球, yours truly was lucky to have a friend who offered overnight accommodation in one of his spare houses, with full air-conditioning blasting all night - how luxurious... The streets still dripping wet and chaotic from the aftermath the morning after, came to Sham Shui Po for brekkie... surprisingly not many shops open by this stage: Fried Noodles and Rice Noodles Hybrid -Quite the ordinary stuff, little bit of MSG added

今日深水埗既第二站就係合益泰既腸粉，對上一次黎食已經係幾年前，基本上所有野同以前都一樣，但係腸粉好似冇咁滑以前一放入口就會即刻滑入喉嚨，但係今日食已經唔得la~雖然話係退步左，但係我食過既腸粉，都仲未有一間可以同佢比，而且d醬唔夠多，去食既朋友記得叫佢多醬，但係就好夠熱，總括黎講，都仲係好正

其實都去食過幾次, 都覺得啲腸粉好滑, 點知今日去買外賣比我見到啲野, 令我以後都唔會再去,成間鋪, 差唔多人人都食腸粉, 點佑得一個阿姐喺度剪腸粉, 排左五分鐘排到我, 都重要等佢剪多六碟堂食, 好, 都無所謂, 最令我嘔心, 係佢連收銀都要做埋, 點得人驚法, 佢用同一隻手收錢找錢, 又再用同一隻手攞腸粉, 阿姐, 你手要掂食物就唔好收啦, 啲錢好污穢架嘛, 成間鋪又唔係得你一個, 我見到真係唔會再去食, 除非我見唔到啦,雖然可能好多鋪頭都係咁, 但眼唔見為乾淨, 飲食業衞生好重要架, 我諗起都想嘔

很久之前來過一次, 其實就如他人說, 佢地既腸粉係同普通食開既都係差唔多-不是即叫即拉, 只不過佢多左一種香味.而香味既來源是因為有豬油, 最估唔到原來豬油係同腸粉甘夾既. 另外豆漿是較淡, 原因係在煮完後, 要快速令熱既豆漿急凍起來, 所以我眼見佢地下了很多冰.食物,能度都唔係太差, 不過最討厭係d 蒼蠅, 又大又多. 有一隻即飛入左我杯豆漿, 好在阿姐馬上換過杯比我. 不過最勁既係, 個隻蒼蠅向個杯成10mins都唔死, 仍好努力想飛返出黎, 可以見得, d 蒼蠅真係好強壯而又有d恐怖.我覺得買外賣會好小小, at least不用受蒼蠅來attack我及我的食物.

有人為吃大灑金錢，山珍海味？不一定，諸如粽子、荔枝、漢堡包...叫價千元萬元，也有人願意傾囊相授...實在看不慣...吃不到的葡萄是酸的？非也，我從沒吃過酸葡萄...生性孤寒？一點吧，但不是主因...我只是不願墮入消費陷阱罷了...早上10：40，天文台發出 1 號戒備訊號，熱帶風暴蓮花集結於香港800公里以外地區，仍無損覓食動力...1：00，鑽出深水埗C2出口，熱流撲面，白花花的道路，目標不遠，三步拼兩步的走上前...門前更熱，皆因廚房就設在門口，劃出一角專賣腸粉...堂食空間跟想像有出入，佔地不小，隨意坐下...食物選擇頗多，最後還是選了招牌貨...「十蚊腸粉走豉油...」「十蚊走豉油！」十蚊，份量多否？見仁見智，好吃就是了，腸粉熱度足，滑溜，花生醬略稀，但香，加點辣油，惹味...座位背對櫃枱，收音機播放著，不知是甚麼頻度，用普通話的，侍應邊工作邊談笑，食客食得"o習o習"作響...不忘融入其中，也吃得"o雪o雪"聲，一同和音...

其實這個ACCOUNT已開了很久, 但無奈自己喜愛看食評遠多於寫食評, 所以一直都未有去寫過什麼。然而最近突然心血來潮, 想記低同女朋友一起食過的每一餐, 因此就的起心肝寫了第一篇喇! 多多支持!我的女朋友是一個貪吃精, 她之前在Openrice看見合益泰的食評, 就一直嚷著要來試一試, 剛好我們之前要到深水埗買材料做功課, 就順道滿足她這個為食精吧一去到, 發現都滿座了, 好不容易等到有兩個位我們就馬上鑽入去坐低來到這裡, 當然要一試最出名的腸粉吧轉下眼一碟熱呼呼的腸粉已放在面前, 它本身已落了麻醬, 豉油、甜醬、辣醬同芝麻則任落。瘋狂的落完醬料後, 我們便急不及待把腸粉放入口腸粉果然好滑, 而且有淡淡的米香, 不過令到這腸粉如此吸引的不是腸粉本身, 而是麻醬。麻醬混入了豬油, 所以吃起來特吃香和滑亦令那些過稀的豉油、甜醬同辣醬, 未至於變得一文不值我心想這就是唯獨麻醬不是任落的關係吧總括來說, 作為小食, 合益泰的腸粉是很不錯的, 但如果你當它是什麼美味佳餚而來的話, 最好先有心理準備了

之前冇黎過 行過一見到個招牌咁熟既?? 就醒起呢間既腸粉好多人話好叫左大腸粉+ 豬皮蘿蔔魚蛋＋皮蛋廋肉粥腸粉有麻醬，我再加左豉油、甜醬麻醬好香，ｄ腸粉好滑但豬皮蘿蔔魚蛋唔係幾好食魚蛋唔彈牙，蘿蔔就可以，豬皮無食皮蛋廋肉粥唔錯夠哂料下次如果２個人黎都係食腸粉好了笑面俾腸粉

想試既深水埗食肆實在太多，係一年前已經想一次過去食晒佢，而家終於有機會去「深水歷險」一番! 第一站係地鐵站一出既合益泰，三個人所以叫左個大既腸粉($10)同一個豬皮蘿蔔魚蛋($19)。腸粉雖然係大，但原來都唔係特別大份，兩個人都好容易食得晒。佢本身已經落左麻醬（仲要好多下），畀你自己任落豉油、甜醬同辣醬。無情地咁擠完甜醬同豉油後，三個人就唔客氣啦。正如好多人講，腸粉滑不過其實都好普通，係一般的腸粉。好食就在於佢既「奇妙醬」。麻醬又多又非常的香，混埋D其他醬到整個感覺都好好。本身諗住淨係食腸粉，但見有三個人，就叫多左個豬皮蘿蔔魚蛋。成$19咁多都有D唔抵，食完之後就更加覺得唔抵。魚蛋要辣的，但其實咖哩味唔香，魚蛋都唔彈牙。蘿蔔幾甜，普普通通，而豬皮都唔錯。下次都係淨係食腸粉得喇。埋單既時候，出面落狗屎咁。即使差唔多坐滿晒人，收錢既姐姐都叫我地坐多一陣先走，搞到我地都突一突。雖然最後都係即刻走，但都好欣賞佢親切既服務。

三月初三‧陰天 很多人說這裡的腸粉好吃，其實我覺得只說對了他們的一半意思，其實覺得好吃的，應該是這裡的麻醬、甜醬及辣醬，腸粉只是引子。 相信這裡的主理人在開業之初，也不會想像得到這裡的腸粉會這麼受歡迎。腸粉是另外的地方交來的，這裡只是翻蒸熱了，再大手加入各式醬，就變成好吃的東西。十蚊七條，便宜抵吃。如果開小吃店的，大可找同一處地方拿貨，再自己調些沾醬，水準不會跟這裡差很遠。 也要了碗皮蛋廋肉粥，粥是杰底，當然有一點味精，但也綿。配料下得重手，是每一羹也吃到料子的，十三蚊，也是抵吃。 閒時來這些小吃店吃些東西，不錯的，當然如果佢唔係咁迫人，會更好。

吃腸粉~坐定定吃就為它的味道~站在巷邊吃就為它的風味~若然要吃風味的卻跑進店內~會有反效果嗎?會失真嗎?合益泰的腸粉一向受各界關注~而當小比人在這男人地帶時都不其然會想起這裡的腸粉~較早之前已經嘗試過這裡的立食風味~而且督見腸粉供應商與另一西北腸粉名人B仔涼粉為同一供應粉廠~所以兩店也受追捧~功勞都是歸於背後的粉廠吧~hhe~是次與妹子大比三人行~見店內沒啥多人就試試堂吃的功架~還可順道試試其他小吃~店內的背貼背情況和吃完就走的情況不比澳牛差~雖然沒有店員有空催促你~但那快吃快走的氣卻咄咄逼人~還未坐定定就來了個呀姐問吃甚麼~第一次堂吃的小比顯得有點不知所措~就先點了份中size的腸粉~來的時候已經下了豉油和麻醬~其他的卻可悉隨尊便自由狂落~為甚麼呢?就算見不少人要求多麻醬~被人大聲敷衍過後都不果~腸粉上桌的速度遠比立食的快~原來早已一碟碟剪好放在大蒸籠內等待上桌~感覺絕不良好~吃齋腸最怕就是這樣子!麻醬用了很多油去稀釋~density n viscosity與豉油差不多~根本就不可以掛上腸粉身呢~唯有靠後天的努力~可惜連甜醬都被常用的為稀~只要倒轉樽身超過75度都已經緩緩流出~~想擠

難得來到深水埗, 當然要試埋呢度既腸粉啦!之不過我次中對腸粉興趣不太, 我還是 order 了最想試既燒賣幸好朋友剛 order 了腸粉, 順理成章給了幾件我吃個人覺得 7$/3粒燒賣真係貴咗啲....燒賣材料原來是豬肉, 而不是魚肉, 口感淋淋滑滑, 好似好油淋淋咁 我還是比較喜歡有咬口的東西呢 腸粉真的很滑, 可是卻食不到什麼米香 但勝在抵食

今次是第二次幫襯，對上一次印象已很蕪糊，只記得當年不是很旺場，與今天真是今非昔比。腸粉當然是必食之選，要了$10有9條，伙計早已在腸粉上淋了不少的麻醬及豉油，雪白的腸粉已被染了色，不過其麻醬不夠香，及後我還不停灑上芝麻及辣醬來增加香味，腸粉的確是十分滑溜，不過只是夠滑，沒有什麼特別。要了艇仔粥作為腸粉的配搭，只是$10一碗對他毫無要求，估不到入口粥底頗綿，材料也豐富，最重要是不覺有太重味精。再叫其他小食燒賣、蘿蔔+魚蛋+豬皮，其實只是一般來貨，再作後期簡單的加工。它的燒賣原來有冬菇豬肉的，我還是喜歡食cheap cheap的魚肉燒買。$19一碟三款的蘿蔔魚蛋豬皮，其實不算平，質素也是普通，魚蛋不彈牙；蘿蔔有點苦澀；豬皮稍為好一點，很爽口。臨走時有不少排列的人龍買腸粉，真是值得花時間來排隊買，我覺得有點不值。

到鴨記選買配件,又趕往上堂，走過合益泰拿拿聲放下５蚊整碟腸粉墊底,唔！Ｄ麻醬已沒油香，只覺得油淋淋，而且覺得味精多左，已經喝了一枝水，到落堂時依然覺口渴。