合桃緣 (已結業)

記得有兩、三次去上水朋友家玩時，朋友都會往一檔水準甚高的中式糖水車仔檔，外賣糖水給我們享用，那傳統的味道令人留下良好印象。最近看報道指那位糖水阿伯去左旺角開店，我此等九龍人自然要專程一試。店子位於商場邊一暗角，鋪位細細，若不是特別去找也不容易察覺。店子甜品種類不多，全是傳統糖水、糊類及糖不甩等。老實說，年青人或許會覺得選擇少，但我向來卻深信貴精不貴多的道理，而好東西即使有一款做得極度出色，已能令顧客回頭。而我所講的好東西便是合桃糊。此店的合桃糊夠晒香、滑、綿。濃稠得來可清楚看到極細粒的合桃碎，可見老闆磨合桃的手作工夫，絕對是足料之作也。吃一口，不是死甜，且有一種暖胃舒服的感覺，總之是令人回味也。

招牌合桃糊（$29）-以前喺上水擺車仔檔嘅譚伯👴🏻，嚟咗旺角開舖啦，識食合桃糊一定要黎搵佢！-合桃糊舀起質感稠身，食落口感香綿而滑身😉，有非常甘香嘅合桃味，中間仲有少許合桃碎，咬落會散發一陣焦香，味道唔會過甜，原汁原味😝，令人回味無窮。-旺角小店嘅開放式嘅廚房，可以望到譚伯帶住口罩炸合桃，用心製作食品，唔係上水食開嘅熟客，都會再黎食呀😍！-另外仲可以試試佢哋嘅擂沙湯圓，同一般嘅雷沙湯丸唔一樣，佢哋嘅擂沙粉裏面仲多咗少少果仁，好香口啊。

今日喺屋企食完晚飯突然想食糖水，諗起樓下開咗間新甜品決定買返屋企試下，老闆伯伯之前係上水擺檔但比人趕，而家係旺角開店（好似係），所以去試試，今次試咗佢最岀名既合桃糊，去買既時候見到老闆正在煮合桃，帶住囗罩煮好衛生，佢地既合桃糊真係好好味，絕對自家制，食到好傳統既合桃糊味而唔係開粉果種，入口唔會太甜但有濃濃既合桃香味，屋企人個個食完都讚不絕口。希望大家行過去支持下呢間而家越來越少既香港良心小店。

喺肥姐隔離食完麻麻地既餃子縣，熱到要買番杯913茶王走甜降降溫，就出發去今餐lunch既主角 -- 合桃棧。圍住仁安商場行左一圈，原來店舖喺賣war game/鐘錶條走廊後既橫巷，好隱蔽，不過咁好食應該唔憂冇客😋。當日下午1:50去到岩岩開舖，燈都未開，openrice個營業時間錯既應該係14:00-23:00😂。睇番報導介紹，伯伯十幾年來喺上水彩園夜市推木頭車仔擺檔，最近同熟客合資開糖水店，招牌糖水當然係合桃糊。其他糖水包括芝麻糊、雪耳桃樹膠、芋頭西米露等等；仲有杏仁露，不過我頂唔順陣味😅芸芸咁多種nuts，我最鐘意就係合桃！伯伯話未有熱既糖水，冇所謂，咁熱就食番個凍合桃糊 ($29) 😙依度既合桃係炸過再加全脂保利鮮奶打（今日望住伯伯整），好滑好綿，食到好fine既合桃渣，仲有合桃衣！如圖所見，合桃糊杰到可以畫花紋，食完好飽😋 同之前好hit既海x沙沙合桃糊簡直係天同地比🙄臨走再外賣芝麻糊，食左一啖，個人覺得有少少偏甜，都係合桃糊最令人驚豔。以後喺旺角想食糖水唔使諗，一定黎合桃棧😋

人人都知譚仔賣米線...咁譚伯呢？梗係賣合桃糊...SORRY...呢個開場白怪怪地 嘻嘻人稱譚伯的叔叔，以前係上水擺街邊檔，聽聞依家黎到油麻地地舖，不用再「走鬼」啦平時揀食糖水都會揀西式，今次在假日的下午黎試下譚伯的手勢先。兩點開舖，我和朋友差不多三點幾黎到...未算多人，但之後一路一路有客人黎...地點：從煙廠街入，油麻地站A2出口，步行約6分鐘Walk in：今次假日下午黎，唔算多人，相信晚上多人D環境：糖水舖細細間，擺到2張四人枱、2張二人枱服務：譚伯親力親為，同客人有傾有講，好窩心；還有個拍擋食物：3款糖水招牌合桃糊 $29好食到講唔到野，必必必試濃濃的合桃＋鮮奶＋米漿，打到好滑滑，唔會有「咋」，又補腦啦又好香噴噴，甜度岩岩好，超級好食包你未食過咁好食！雪耳桃樹膠 $26有紅棗、雪耳、桃膠等材料，膠質厚實豐富，不會水HeiHei的，甜度一樣岩岩好，好適合我呢D妹妹仔食，非常滋潤芝麻花生湯圓 $20圓身係芝麻，長身既係花生，算大大粒，譚伯控制甜度方面真在行，味道唔錯！三款糖水的價錢...街坊價到不得了，勁抵食如果下次又咁岩附近食飯，我一定會介紹人一齊再食。

都市傳說中，係上水有一間車仔檔賣中式糖水賣到街知巷聞。但作為一個港島人，一直未有機會品嚐。近年，因為車仔檔被投訴，所以正式搬遷係旺角開店。因禍得福，我終於有口福去食下啦！真心講句，呢度款款糖水都比出面賣既中式糖水好食N倍，而且價錢都重係平民價錢！雖然入左鋪，但係價錢依然好平民，係旺角區真係算係抵食之選。糖水種類唔算勁多，但正正証明左貴精不貴多的道理。老老實實，我平時真係唔會食杏仁露！因為平時食親都好臭既杏仁油，聞到都覺得唔舒服。今次真真正正係我第一次食到真正既杏仁露，原來係咁好食既。新鮮磨出黎既杏仁露味道清香，唔會太甜，食到杏仁既香氣，真係好特別x雪耳桃樹膠，一個超級滋潤既補品，岩哂所有女士去食。食落口感滑身，味道清甜，又係新嘗試。望住新鮮去整甜品，真係好期待。最令我想Encore既就係呢碗合桃糊，係我生平食過最香丶最滑丶最好味嘅合桃糊。一直以為旺角冇好食既中式糖水，我終於搵到啦❗️味道濃厚得黎唔會太膩，甜度適中，新鮮即整嘅香味更加係令人流下口水芝麻糊，新鮮整既香味同埋出面溝粉沖既真係兩個世界。香味丶甜度丶滑身既口感，真係唔食唔知可以做得咁出色！鴛鴦湯圓，長身既係花生口味，圓LOOK L

咁啱今日睇到HK01嘅專題報導關於伯伯以前喺上水彩園邨擺檔賣糖水後來轉戰旺角開咗小店，咁啱我又喺旺角，路過見到呢間舖頭，招牌燈光明亮，於是入去試下。店鋪乾淨整潔，可以望到廚房，亦望到伯伯炸緊合桃，座位唔多，入面大概有四人枱兩張及二人枱兩張，我們呢個下午五點左右嘅時間就冇人，坐低之後陸續有人黎叫外賣及有人坐低食，相機又食，估計都係報導出街之後得到不錯嘅宣傳之用。因為聽到隔離枱想點合桃露凍食，伯伯就話唔好意思因為琴晚生意太㜬賣哂而家要凍食嘅話只能等待多幾小時先可以喇。而我就點咗“招牌補腦合桃糊”及“滋潤養顏杏仁糊”，兩款同樣都好香好濃味同埋仲食到有渣，一定唔係用粉漿黎開，又未至於滑到直入喉嚨嗰種，杏仁糊感覺冇合桃糊咁甜，但合桃糊嗰種濃味真係好正，一試難忘。食完口腔內冇嗰種死甜同甜到膩要大量飲水沖淡嘅感覺，真好

這小店開張前心想位置那麼偏僻為何還會在這開甜品店, 到店舖開張當日見到來恭賀的嘉賓全是上了年紀的公公婆婆心想店主一定是老師傅！果然店主是上了年紀的伯伯，開張不久已急不及待跟家人來試試. 其實本人不太吃合桃糊，但既然店舖名叫合桃緣心想合桃糊一定是必食之選！試了一淡已忍不住大叫好味，合桃糊很香很滑而又不太甜，跟住用9秒九的時間吃完一碗，而家人就點了腐竹雞蛋糖水及雪耳胡桃膠都好好味！店舖雖小座位亦不多但真心希望多啲人可以支持這間小店，絕對係心機甜品！P.s. 掛住食完全忘記相機先食，沒有太多圖片跟大家分享實在抱歉！