合桃緣 (已結業)

員工無禮貌 兼態度惡劣味道也沒以前那麼好了，只是一般而已。基本上已經沒有再次光顧的必要，因為附近還有其他的糖水甜品店，如果味道一般，服務態度惡劣，為何不去其他糖水店吃的開心點。總結味道一般不要緊態度惡劣就不能接受

好耐之前睇過有關 合桃緣 既報導， 所以一直想試，但次次同朋友出街佢地都會揀西式甜品，因為要影相呃like...所以一直都食唔到今次同咩都無所謂既阿妹出街，又諗起想食糖水，終於試到啦 地點都幾隱秘，唔係特登去搵，就咁行過都真係唔會發現有間糖水鋪。傳統既中式糖水既甜品，有合桃糊、芝麻糊、杏仁茶..既然佢個名叫合桃緣，就試下合桃糊啦..鋪頭細細，得一個人負責，所以要耐心等候，等左5分鐘左右就有得食。合桃糊好滑，濃濃既合桃味，落足料間唔中轉下口味食中式都唔錯

本人為上水車仔檔舊客, 特意黎到會一會合桃露伯伯見唔到佢 , 味道亦同以前有相當大分別 , 以為係入舖多左成本考慮所以差左後來先知伯伯已退出 , 無再做合桃緣所以....緣已盡 。

突然想起近煙廠街有間甜品店，以合桃露聞名，立刻行多兩步到仁安大廈內的合桃緣。多年前在上水賣糖水的合桃伯伯現在旺角開了舖頭，不需再過走鬼的日子，上水的熟客也會來幫襯，看牆上的畫就是當年他的寫照。每天新鮮炸起合桃，生磨合桃，怪不得眼前的合桃露，濃稠適中，啖啖合桃味，香滑不甜不搶，一股滋潤的感覺。隔離的男子點木瓜雪耳燉桃膠，也很吸引喔。

從小就唔喜歡杏仁糊，因為覺得有陣怪味，腥腥的。但自從食過上水火車站天橋小販檔的杏仁奶露後，對杏仁糊呢個item從此改觀，特別係只有夏天才有的杏仁奶冰。我每次回家經過都要幫襯一碗，直到小販檔俾領展逼迫到灰飛煙滅。後來知道呢個小販檔變成一間小店—合桃緣，就走去旺角幫襯，跟住個地址去搵係非常難搵，原來係仁安大廈地下商場入面果啲小鋪，仲要係橫行既盡頭，位置比較近煙廠街入口。食左碗久違了的杏仁，好味依然！係其他甜品店食唔到既杏仁糊味道！正！希望夏天合桃緣會好似以前咁提供杏仁奶冰啦～好期待！

呢碗合桃露係上水聽就聽得多，食既都係第一次，究竟佢有咩咁吸引令到咁多人食？連電視都播過佢真人整合桃露方法，個人係電視上見到都幾真材實料，難得經過梗係要一試!合桃露一碗有請，先講外觀，哈，真係普普通通，無咩特別花巧，真材實料既點會靠外表呃人~一口放入口，合桃味都算重，食得出合桃既本身味道，除左口桃味，仲有少少妤香味，甜味，有少少糊仔質感，食落去都飽肚，整體真係唔錯，唔太甜又有保留到自己合桃味，值得再試，下次要試下杏仁糊先~

小店在仁安大廈及百利達廣場中間的小巷，由煙廠街入較易搵。吃了合桃糊及桃樹膠，$29一碗，小店製作有誠意，款式雖然不多，但好好味，值得推介！不似有些甜品店，得個甜字又貴。

之前伯伯在上水擺檔時，都已經很喜歡買他做的合桃糊和杏仁糊作宵夜。直到有段時間都不見他擺檔，才知他在旺角開了鋪。今天難得路過，當然要去光顧。按著地址找了一段時間才找到，店鋪位置比較偏僻，但為了再食一次伯伯的糖水是值得用多些時間找路的。當日去到，他們正在剥合桃，而且可以看到廚房入面他們的製作過程。看餐牌發現，價錢並沒有太大改變，依舊平民化。糾結了一陣子選擇合桃糊還是杏仁糊，最終選擇了合桃糊。依舊用料十足，每一啖都充滿合桃味，而且食得出是當日製造。除此之外，還有其他款式糖水，例如楊枝金露，同樣不錯👍

原本諗住收工買個糖水返屋企食啫。我見佢新開張咪諗住試吓囉。我企左係鋪頭正中間都好似睇唔到我咁，我等左5分鐘你終於見到我啦。我未試過等一個外賣嘅楊枝甘露要等20分鐘，如果真係要等嘅話係咪應該我落單嘅時候同我講呢？而唔係我企喺門口等完15分鐘後叫我坐底等。之後拎到返屋企仲失望收$33只係柚子加西米，芒果汁加椰汁連一粒芒果肉都睇唔到。其實其他糖水舖都係差唔多價錢，但係水準真係差得太遠，完全失望！絕對絕對以後都唔會再幫襯！

行緊去搭巴士嘅時候，諗起元朗某間嘅合桃糊好想返入元朗時去食，突然見到「合桃緣」，喺店鋪門口徘徊了一陣就鼓起勇氣入去試，當然叫咗合桃糊，我甘岩又想食而且招牌菜一定冇得輸。吾好講個味道先，因為味道好個人的。講溫度先，我喺叫熱合桃糊，最怕食D不冷不熱既食物，特別喺食糖水，更特別喺食糊，即使糖水煮得幾甘出色都好，吾夠熱既話都會大打折扣，碗野只是十分微微的暖，我相信再放多二分鐘就變平溫。味道沒有我原先想去既果間香同濃，價錢又貴幾蚊，份量也少些。我比較鐘意光顧小店的，因為覺得小店既老闆會比心機製作店裡食物，希望「合桃緣」會進步吧，一定要用心製作每一碗糖水，甘樣先可以成功。

由伯伯係上水火車站車仔檔開始已經係佢粉絲,就算幾出名糖水舖都唔及佢真材實料,終於入舖做唔洗怕走鬼或唔開檔,要多多幫襯用行動支持冇食過就厭選擇小,其實已經多左好多選擇招牌合桃糊-冇走樣一樣正甜度適中,糊度剛剛好又滑又杰身但唔張口,但唔似出面食到用生粉水埋芡,食到一粒粒過唔清合桃碎花生湯圓-即叫即包即煮非常用心,今次湯圓包大粒左皮厚左但一樣滑溜唔痴牙,花生餡好多好香好似食緊花生醬咁,薑味糖水好香辣但甜味就唔夠,煮時間長左個皮有小小過龍唔煙韌,但味道一流總括-小舖用心經營手作仔用時間心血俾我地品嚐咩叫真材實料,食到由心暖出來,初時擔心入舖後糖水會走樣但仲好得

係旺角行街，同姊妹食完飯仲想食糖水。第一時間諗起合桃伯伯! 之前食過兩次，試過合桃糊、滋潤姚膠糖水同埋糖不甩。 一坐底伯伯已經好熱情咁問我地食過未，知道朋友未食過姚膠仲俾半碗我地試食，實在太客氣喇😛試完姚膠決定今次試下楊枝金露($29)同杏仁糊($29)。 楊枝金露係凍嘅，用鮮芒果打成，好好味，帶有芒果嘅自然甜，唔會好似一般連鎖店加好多糖水咁得個死甜，天氣熱去食簡直一流。 食落仲有啖啖柚子肉，宜家諗起都想去食呀。杏仁糊好滑，食得出唔係用粉開成，而係真. 杏仁打成，個份心機宜家好難食到喇，而且唔會好甜，真心推介。另外仲叫多咗個糖不甩($20/ 6粉), 伯伯即叫即淥，口感QQ，非常煙韌。一定會返黎再食，再支持合桃伯伯嘅

琴日放假同媽媽行旺角行行下有少少餓就帶左媽媽試呢間之前自己食過一次覺得真心好食同足料今次都係揀番芝麻糊而媽媽就試左蛋白燉鮮奶其實餐牌淨係寫有凍既蛋白燉鮮奶不過老闆伯伯超細心咁幫我地燉熱左我個芝麻糊黎左先既不過都知道時間尚早我地入去個陣都係3點幾所以d糊都未係最岩食今次個芝麻糊會稀身d但我上次食個陣晏d就超濃超稠身架所以先咁念念不忘芝麻糊好食在佢唔會磨到冇曬口感因為個人好唔鍾意滑到無渣個d糊類呢個滑得黎係keep住有d芝麻粉粒咁唔會話隔走曬咩都冇好岩我口味(第一次食呢碗認真稠身好多而媽媽既蛋白燉鮮奶令我為之動容佢唔會甜不特止 食落仲好滑真係好欣賞老闆唔會靠死甜去帶出個味道我肯定第二度食唔到咁單純既蛋白燉奶老闆真係好用心對待每一位客人既甜品佢之後仲特登走過黎話其實個蛋白燉鮮奶做得唔太好解釋話係隻蛋太細 用多左奶可能會削d 同埋黏身左睇得出佢對甜品既堅持所以我都會繼續支持 努力！

食飽飯行去食甜品， 點知周圍都滿哂，唯有試下依間無咩人既合桃緣。見餐牌選舉少，全部都係中式傳統甜品，最尾叫左個蛋白燉鮮奶，點知無咩味，好似溝左水咁🤢完全無奶味，怪唔得無咩人大把位.... 價錢都ok既，當坐下咁，而且位置係垃圾放置位隔離，好似有陣垃圾味...

聽友人說，在上水推車賣糖水的伯伯搬了去旺角舖位，繼續賣其最受歡迎的合桃糊。得知這好消息，當然要去懷緬一下舊時的味道。專做傳統的中式糖水店越來越少，反之街頭甜品小食店卻如雨後春筍，但質素參差，有時候也頗覺可惜。第一次去，是與幾位朋友在吃過晚飯後的時間，小小的店子座位已滿，伯伯正忙著招呼客人。糖水的選擇不少，熱合桃糊當然是我首選，友人則點了楊枝甘露，大家再分著吃。合桃糊招牌合桃糊濃稠奶滑，合桃味濃，真材實料，坊間吃到粉沖般的味道是完全比不上。伯伯見做完手上工作，便與我們談話。「我們這裏的糖水是每日新鮮整的，合桃都是每日炸好再去磨，好吃嗎？」當然好吃，這般用心的味道，實在不易找。雖然時值夏天，我也推薦吃熱，因凍的合桃比較漿口，熱的更順滑。楊枝甘露除了合桃糊，店內還有約十款糖水，楊枝甘露也頗為出色。芒果汁甘甜，像是放了幾個原隻芒果打出般濃，加入大量西米和酸甜的柚子肉，絕不馬虎。芝麻糊店子位於旺區，有時經過附近也會去吃一碗，之後也試了其熱芝麻糊。芝麻的香氣十足，甜度濃度也適中，雖不及招牌合桃糊出色，亦不錯吃。椰香芋頭西米露此品也屬做得好的糖水之一，椰漿香滑，芋頭口感綿密，沒有一絲加工的味道，來得