合桃緣 (已結業)

好少出街去甜品舖食中式糖水，但見到依間成日都經過嘅老字號，每次都有好多人排隊，搞到我都想試一下。我就叫左合桃糊同芝麻糊。一碗都要30幾蚊㗎。所以我估佢質素應該都有保證嘅。朋友叫嗰個合桃糊佢就話好香合桃味，其實而家出面嘅糖水舖好少整合桃因為工序又複雜，又難整得好食，但呢一間真係好香合桃味，下次嚟都一定要再食呢至於我個碗芝麻糊，都好香芝麻味，我最唔鍾意嘅就係食到稠撻撻的糖水質地，又唔鍾意食太水嘅質地，但佢就係啱啱好，唔會令你太過痴住個口，亦都唔會太水！依間糖水舖仲有好多西式嘅選擇，所以我下次一定要試埋佢嘅西式糖水例如榴槤同芒果。🤩🤩🤩🤩期待下一次！

好耐冇食過中式糖水！經過餐廳忍唔住入左去坐底🌝D24榴連飄香遠處已經聞到榴連的香氣！竟然裏面有大大嚿嘅果肉D24，好有驚喜。可能未到時候，榴蓮未算好甜，但我相信當造時食應該好正！西米一咬會爆汁，吾係好冧個種，所以好有口感！芒果忌廉腸粉超好味！腸粉製作需時，見到師傅即叫即蒸，好新鮮，又薄又滑，加上甜絲絲的芒果🥭，仲有軟綿綿的cream，真係吾夠食🥲下次要encore 😍見到有個班蘭椰汁糕好似好正，下次要試！

今日同友人係旺角食完個早飯之後，佢話想再去食個糖水，即刻search 下附近有乜選擇先見到呢間門口餐牌有桃膠糖水揀就即刻入去喇叫左一個養生雪耳桃樹膠同幻彩千虹幻彩千虹: 面頭既水晶珠口感清脆, 生果有哈蜜瓜, 蜜瓜, 芒果,  食既時候真係要小心D, 因為有D滿另外仲有黑白涼粉, 涼粉偏軟身嫩滑, 有淡淡嘅仙草味; 白色既係椰汁糕, 比較硬身有口感，好喜歡成個糖水甜度剛好, 仲有寒天黑珍珠等, 口感豐富養生雪耳桃膠:自從我試過桃膠呢樣野之後就每次見到MENU有就會點黎食架喇, 因為好鍾意佢既口感呢碗糖水足料到呢, 咁啱今日又凍番, 食呢款養生糖水就最啱喇仲有雪耳紅棗杞子呢個滋潤組合, 啱哂女士們食呀!呢間糖水店位置較隱蔽, 需要穿過商場, 近煙廠街出口位置就會見到架啦

行完旺角想搵個地方坐下，由於本人同女朋友比較鐘意食西式甜品，但屋企人鐘意食中式甜品，所以最後選擇咗呢間糖水舖試吓，滿足所有人嘅要求。一共叫咗4個甜品：1️⃣黑糖手作芋圓仙草凍女朋友點咗呢個，賣相幾靚，忍唔住試返啖，食得出芋圓係人手製作好有芋頭同番薯味，口感好Q彈，唔似其他地方冇乜味同好實心，仙草凍嫩滑，最重要黑糖汁唔會太甜，好味😋2️⃣，3️⃣蘿蔔糕，芝麻糊媽咪話想食蘿蔔糕，佢話煎得好脆唔會好粉食到好多蘿蔔絲非常足料，而阿爸就食芝麻糊，話食得出芝麻陣香味而且甜度適中☺️4️⃣楊枝甘露到我自己叫咗個楊枝甘露，個人認為一間糖水舖嘅質素最重要就係睇楊枝甘露，賣相幾特別比較少見，味道同口感更令我有驚喜，忌廉汁配鮮芒汁好match,西米配水晶珠囗感一軟一硬幾爽囗，正👍🏻雖然環境一般，但絕對係值得回頭嘅糖水舖，下次再試其他😋

今晚食完晚飯見時間有d早，又唔想咁早翻屋企，就去食糖水啦。上網見多人介紹就揾左呢間，點知個地址有d難搵🤣🤣🤣揾左好耐下，原來要入條玩具巷，都幾隱世下，周圍都係玩具模型店。間鋪唔算大又唔算細，但係好闊落，最緊要唔使等位，直接入得，啱晒我哋Menu有好多選擇 中西式都有得你揀 揀咗好耐就揀到呢兩款💛黑糖手作芋圓仙草凍好多種材料溝埋一齊嘅一款台式甜品味道偏甜💛D24榴槤忌廉腸粉製作需時大約15分鐘 因為係即叫即整嘅賣相都唔錯 非常重榴槤味 榴槤同忌廉包喺中間 口感都幾特別幾大嚿 啱晒榴槤愛好者總括而言以呢個價錢食都算OK

外賣了四款糖水, 都唔得... 無下次❌- 合桃糊: 完全無味, 而且好稀, 真係要拆招牌, 枉佢個店名有合桃兩字- 腰果糊: 有少少腰果味, 不過腰果唔夠香, 應該係腰果唔夠靚, 較合桃糊杰身少少- 芝麻糊最差, 大佬呀... 個芝麻糊燶架😱 咁都俾客食, 食左一啖真係唔想再食, 最衰係外賣, 無得退返俾佢- 芋圓仙草: 好甜, 芋圓同仙草同一般糖水店差唔多, 不過個糖水太甜, 食完係想飲返杯水, 太甜, 價錢係四款糖水中最貴下次想食糖水, 一定唔會去呢間😣

同朋友係附近食完飯 突然想食好耐都冇食過嘅中式糖水於是search到呢間見食評都話啲糖水唔錯 於是就決定試下呢間糖水舖都幾闊落下座位都幾舒適我地叫左兩碗甜品嚟食1️⃣嫩滑蛋白杏仁茶呢個杏仁茶好大碗 就嚟滿瀉咁濟😂食到好飽啲甜品應該係即叫即整 因為好夠熱蛋白杏仁茶 食落去好滑好香杏仁味 而且唔會好甜同埋碗糖水食得出係自家製 唔係開粉沖嗰隻推介2️⃣蜜瓜黑白涼粉 我地見到menu有黑白涼粉好似幾特別所以就叫左一碗嚟試size 唔算太大 適中不過料就好多原來啲白色涼粉係椰汁糕 好香椰汁味同埋糖水底都係椰汁如果好鍾意椰汁嘅人一定要叫嚟試吓甜度就適中 唔會太甜😋呢間糖水舖除咗有中式糖水都仲有西式甜品 好似都幾吸引下次再嚟試吓先

晚上光顧這家小店，地方小卻滿場是人，以為有多好吃，吃了芒果西米露，芒果是酸溜溜的，西米露更精彩，沒有西米找些奇亞籽來冒充，厲害了。跟我們說沒有西米我們會找別的吃，為什麼只說可能沒有芒果？想吃西米的人會期望自己吃到奇亞籽嗎？這家店真是一塌糊塗，有些客人點了好久都沒來，只有一個大媽用腦子來記著場裡叫了些什麼還記不準，幾十元吃了這麼一個破東西真是沒有下次

今日又黎到油麻地中醫診所配藥, 拎完藥之後當然又係我尋找飯後甜品既時間。近排個胃唔係咁好, 所以想食D暖胃又唔使點嚼既野。搵到呢間評價好好既合桃緣(雖然地址係旺角, 但比較近油麻地地鐵站), 見佢最受歡迎既兩款糖水就係合桃糊同芝麻糊。太好喇, 滿足曬我兩個要求。於是, 我就買左碗合桃糊芝麻糊雙併。合桃糊芝麻糊雙併 - 完全唔合格, 應該叫合桃水芝麻水雙併。溝得太多水, 非常偷工減料。形容佢係有合桃味道芝麻味道既一碗水都不為過。就連連鎖店滿記既出品都好食過佢。

天寒地凍，除左約班朋友一齊去打邊爐之外，都可以去糖水舖飲一碗暖笠笠既糖水啦。中午食完濃口味嘅餐，去下糖水舖 refresh一下口都唔錯既～行行下旺角，見到呢間糖水，環境唔錯，燈光柔和，舒服又寬躺。打開餐牌，又好多款唔同糖水比大家選擇，唔夠喉可以嗌埋甜品食架。全部都係老闆人手親自調制架。我同女朋友分別選左兩款糖水：招牌補腦合桃糊同埋楊枝甘露招牌補腦合桃糊（熱飲）好味指數：9/10一眼望去都已經睇落去好幼滑咁啦，係老闆娘每日買合桃生鮮生磨，聞落去都散發出陣陣濃香既合桃味，一飲落去好暖身同幼滑，非常好味。楊枝甘露（凍飲）好味指數：10/10我好鐘意食芒果🥭，所以叫左呢款甜品糖水，裡面好落足料，芒果肉大大粒粒，西柚都原粒大大亦多汁，飲落去又清甜又多汁而唔會太過甜膩。非常之好飲！之後老闆娘請我地食班蘭葉糕點，好味指數：8/10食落去非常之煙韌，唔會太甜，咬落去有口感，會覺得蒸得太老，好好食。老闆同服務員服務態度良好，好熱情，大家都有講有笑，富有人情味。有機會大家可以試一試，味道一流，價錢親民。

今日凍冰冰，口痕痕想食啲甜品。買完聖誕禮物之後就行行下見到呢間叫合桃緣嘅舖頭，就去試下。佢個環境就一眼望晒，不過防疫措施都做得好足，坐低左睇下餐牌有中有西式嘅選擇。可能因為6點就禁堂食，所以4 5點都坐滿人咁。我哋揀左一個熱嘅合桃糊同楊枝甘露。原本我哋想揀西式甜品嘅，不過侍應話未準備好，咁唯有下次再食啦。好快合桃糊就上枱，熱辣辣咁，合桃磨到好碎，食唔到任何碎，煲得好滑，水份都啱啱好，唔會太濃唔會太水。個楊枝甘露就有大大粒芒果，配料都好足，亦都有椰奶配搭，撈埋好好食。下次有機會再試下佢嘅其他甜品啦！

天氣漸涼，今天終於穿起大衣了，掛念中式糖水呢；芝麻糊、合桃糊、楊枝甘露等等，也是我的最愛，今晚一於和老公來吃個中式糖水，補補身。這裏的餐牌還有日文，非常細心。合桃緣容易找，就在廣華醫院附近，還見到大大個招牌，寫着見到惠康直行便是。嫩滑蛋白杏仁茶杏仁味濃，配上蛋白後，相信能有美白的功效。多吃蛋白，能夠補充蛋白質，最欣賞是這裏的杏仁茶甜度適中，吃下去不會有罪惡感。招牌補腦合桃糊合桃味非常重，這裏的合桃糊香濃又滑，合桃十分有營養價值，補腦益腎！見到餐單還有手工芋圓呢，下次來試試斑蘭椰汁西米露再加手工芋圓，必定非常滋味。

以前細個最中意食西式糖水，越多花款越中意，貪新鮮嘛！反而人大左開始慢慢識欣賞中式傳統糖水個種細膩與真材實料，特別現在做左準媽媽，更懂欣賞中式糖水的美味。是日行完旺角，雖然有疫情但仍人山人海，想找地方歇息再補充體力，誤打誤撞到了這間合桃緣。其實鋪頭應該未開始營業，因為只開了一邊的閘，但老闆娘示意我們可以入座。店家只賣中式糖水，沒有太多花樣，當中栗子糊較為特別，我與朋友分別點了栗子糊及核桃芝麻糊雙拼。核桃芝麻糊$33首先我十分欣賞它的溫度，非常夠熱！濃稠度剛剛好，因為其實太杰的話吃到一半已經涸喉，芝麻及核桃的香味也拿捏得不錯，一定不是用粉開的。栗子糊$35大力推介！可能因為本人十分喜歡食栗子，栗子糊內仲有粒粒栗子，有咬口亦沒有那麼單調，甜度適中，為是日推介！順帶一提，店鋪位置比較隱蔽，在登打士街賣槍/車模型的鋪頭旁，很容易走漏眼呢！

同朋友經過旺角又想食糖水 點知間間都要等唯獨呢間新開人流比較少🤔 所以決定入嚟試吓美味指數 😋: ⭐️⭐️⭐️環境指數 🏖: ⭐️⭐️⭐️服務態度 👨🏼‍🍳: ⭐️⭐️⭐️⭐️翻兜指數 💫: ⭐️⭐️⭐️(五粒星為滿分💯)🔹 花生湯圓 $28係非常非常之普通嘅花生湯圓 不過佢嘅薑水湯底非常夠薑👍🏻🔷 糖不甩其實味道都係普通啦 不過嚟到嘅時候發現餐具上面有條蔥喺度🤢 可能舖頭同食客都要注意下特別是喺呢一個疫情之下

今日經過廣華街附近一帶行下既時候見有少少肚餓就能掘下附近有無小店小食食下既就時候就咁啱經過呢間叫合桃緣既中式糖水店,諗諗下好耐都無食過中式甜品就入左去試試.招牌補腦合桃糊店內招牌糖水,每日新鮮製造.由挑選上等合桃到生磨變成合桃糊都係親手包辦.合桃糊磨得十分細滑,入口完會無渣而且充滿合桃香.質感帶點杰身,濃密滑溜.生磨烏髮芝麻糊同樣每日自家磨製黑芝麻,入口同樣順滑,內裏帶點點芝麻沙沙既口感,濃稠香醇.中間唔會帶有結起一塊塊既粉團,真材實料.黑芝麻糊味道甘香,帶點焙煎香味.趁住秋風起飲返d中式糖水又健康又養生.