合桃緣 (已結業)

秋天天氣乾燥 喉嚨同皮膚都特別乾 要飲返啲糖水滋潤一下 💛飲下中式糖水都幾養生同有營養💪🏻1️⃣合桃糊合桃補腦就個個人都知 合桃糊用上上等合桃 每日新鮮生磨 口感非常幼滑 2️⃣腰果糊飲落口會比合桃糊甜少少 但呢d係天然嘅甜味 而且有豐富嘅油脂同蛋白質可以潤腸通便3️⃣杏仁茶濃濃既杏仁味 用上等杏仁每日新鮮製造 有養顏美容功效4️⃣糖不甩糯米糰灑上芝麻碎 口感煙韌 5️⃣楊枝甘露用新鮮芒果打成芒果汁配上金柚同西米 口感清新

呢幾日天氣開始轉涼，又有d乾燥，最岩食d熱辣辣而又滋潤嘅野。今日喺旺角食完晚飯，就食埋糖水先番屋企啦！合桃緣呢間甜品鋪主打中式糖水，芝麻糊、合桃露、即叫即搓薑汁湯丸等等。如果岩季節，仲有糉食添！店鋪雖小，但都幾乾淨企理，燈火通明。每張枱都有膠板分隔，仲有溫馨提示要注意衛生。我地點左兩碗兩溝，合桃芝麻糊以及合桃栗子露。合桃芝麻糊不會太甜，而且夠熱，都幾香合桃味。而合桃栗子露真係見到粒粒栗子係入面㗎，十分足料！如果經開旺角，想食中式糖水，呢間係唔錯嘅選擇。

過去數天用盡了很多腦細胞🤣 又係時候補補腦。 晚飯後便到旺角廣華街的中式《合桃緣》糖水店作今日完美一天😎這裡環境不大但有提供桌椅用餐。 門外設有量體溫儀器，每枱也有隔板👍🏼招牌補腦合桃糊 HKD 33 聽說每天生磨合桃～ 難怪入口感到幼滑香濃，試用了原味所以不會太甜！ 好處可補腦養心功效～ 凍熱同價 除外還有很多選擇如杏仁糊、桃樹膠、腰果糊、其中湯圓更是純手工制所以與須時20分鐘🤩 不定時更推出新產品如 健脾粟子糊及班蘭椰汁西米露 職員服務態度有善完成後回到油麻地地鐵站A2出口也只須6分鐘而已

We go to a dessert restaurant for our tea time after shopping in Mongkok. We ordered Cashew paste and Almond tea with egg white. Both are the Chinese traditional sweet soups. Cashew paste is special and cannot find in a normal dessert restaurant easily. The taste is good and smooth, full of cashew favors. Almond tea with egg white also taste good, egg white is smooth too. We have a nice tea time with good desserts.

同媽媽喺旺角行到攰一攰 想坐低抖抖我就提議食個甜品 搵一搵發現旺角近油麻地一帶都有幾多間糖水舖💛 媽媽揀左主打中式糖水既合桃緣~~合桃緣喺平時會路過但好少入去既仁安大廈入面 好彩有大大個廣告牌喺大街!我地一人叫左一碗糖水💁🏽‍♀️👩🏻👉🏼嫩滑蛋白杏仁茶 ($38)杏仁茶的確幾滑 又有杏仁香蛋白既份量又多🤩連平時唔係好好杏仁茶既我都覺得好易入口!貪靚人士之選🌟雖然天氣開始涼浸浸 但係我仲係好想食凍野😛👧🏽👉🏼楊枝甘露 ($38)係真芒果汁既味道 可能因為當造季節過左 芒果味🥭唔算好香好香 但係唔酸 係清甜既! 金柚多汁 加埋西米 一啖三種口感 正!👍🏽整體黎講💁🏽‍♀️環境乾淨企理 張張枱都痴住清潔龍阿德既溫提😀仲有令我食得安心既告示💛老闆娘一腳踢咁 即叫即煮 但唔洗等好耐就有得食👍🏽雖然淨係做中式甜品 但款款都好吸引 又喺menu寫哂功效 好貼心!! 下次想試新出既斑蘭椰汁西米、季節限定既栗子糊🌰 仲有唔少blogger大讚既湯圓!!

我們喜歡吃中式糖水。這次晚飯後，來到合桃緣，食飯後甜品。我們點左兩碗糖水☀️招牌補腦合桃糊☀️☀️補腎栗子糊☀️我一向也喜歡合桃糊😊 這裏的合桃糊磨得好又滑，合桃味好香。合桃本身樣子像大腦，好多人話佢係補腦嘅食品，究竟係唔係嘅呢？哈哈🤣 但單純地我覺得佢係好好味，可以補埋腦就更加好😊 另外好肯定嘅係佢有鈣質鐵質、既可防骨質疏鬆,亦都可以保持靚靚💕💕另外一碗我哋叫咗栗子糊😊印象中我哋都未食過栗子糊，好似比較少見。不過而家入秋，栗子係秋冬季嘅食品，所以我哋就試吓啦。栗子味都幾香濃，糖水口感都幼滑。總括來講，呢間舖頭都唔錯，我哋幾喜歡小店感覺，閏中帶靜。下次如果再嚟，我會試吓杏仁糊同埋糖不甩😊

出街食糖水又好貴，但係阿媽又真係唔會喺屋企煲，唯有搵間信譽好啲嘅甜品舖食中式糖水啦依家我係見到人哋話以前伯伯好用心經營嘅一間舖頭嚟嘅，雖然我嗰日去到已經唔見咗伯伯，但係呢度嘅中式糖水都值得再食再食再食。我就叫左腰果糊同杏仁糊。一碗都要30幾蚊㗎。所以我都對佢有好高期望。朋友叫嗰個杏仁糊佢就話好香杏仁汁味，完全唔覺得係溝奶嘅味道，佢就話自己再會嚟食啦至於我個碗腰果露呢，都好香腰果味，食落去嘅質地唔會太稠，又唔會太水，食得多係磨出嚟嘅腰果糊，所以我下次都會嚟呢間食合桃糊呢！雖然依間糖水舖唔多選擇，食得出佢係真材實料製造，難怪我走咗之後都見到好多人排隊黎食🤣🤣雖然我之前冇食過呀伯煮的糖水，但唔明白點解啲人都話水準下滑緊，我明明覺得幾好食喎

行行吓街有啲想食甜品，最近天氣開始涼，所以想食啲熱嘅甜品😚見到呢間有我最愛嘅合桃糊，所以就入咗去試吓啦！😍呢度甜品選擇都係以滋陰養顏為主，啱晒我呢啲女仔嚟食呀！喺門口落單嘅時候見到姐姐親自不停喺度剝合桃，咁認真嘅小店一定要食啦！店舖喺西安有一個自家核桃園，合桃露嘅甜品功效又多😋等我介紹吓啦👍🏻👍🏻1️⃣招牌補腦合桃糊 （10/10）🌠店舖用咗精選上等合桃，每日都會新鮮即生磨👍🏻一食落去口感香濃幼滑，合桃味濃，唔會有渣。重點真係好細膩幼滑，好出色嘅合桃糊🥰合桃仲具備補腦、排便、滑腸嘅功效添🥰入到去諗都唔使諗就即刻叫合桃糊！出邊好難食到咁好食嘅合桃糊！！！2️⃣滋潤美顏嫩滑蛋白杏仁茶 （9/10） 佢哋係運用左上等嘅杏仁磨制，疫情期間飲得多就好，因為佢可以預防止咳。更加重要嘅係杏仁茶可以養顏，對皮膚好😍食啲熱嘅甜品暖下胃又可以養顏🥰入邊仲有好足料嘅蛋白，蛋白配杏仁茶真係好夾😚好鍾意食入邊啲蛋白🤣價錢都係30幾蚊一碗，價錢合理。同埋呢度啲湯圓係即叫即製㗎！！大家真係可以試吓

同朋友食完燒肉，覺得口腔喉嚨都有d熱氣，經過合桃緣 ，見到係食中式糖水，亦都唔係賣好多款，好似好犀利咁，於是就入去一試！我叫咗佢嘅招牌合桃糊，朋友就叫咗碗雪耳桃樹膠！合桃糊送到黎嗰下好香合桃味，亦都好綿滑，放到入口果然係好smooth，甜度又剛剛好！雪耳桃樹膠一睇就知好足料，亦都唔會太甜，好清潤！我同朋友飲完之後都不約而同地覺得熱氣都清左一大半，喉嚨都冇咁乾，突然開心左！😆😆果然好既飯後甜品是必須的！😆

食飽飽就同朋友諗住食糖水吹下水，黎到呢間食中式糖水既黃店💛————————🔸生磨烏髮芝麻糊 (熱) $28聽到店主同d客講話d芝麻係佢地自己磨，呢個值得加分👍🏻味道唔錯，不過我覺得芝麻味可以再濃d。評分：🌕🌕🌕🌗🌑-🔸養生雪耳桃樹膠 (熱) $32正常，甜度適中，桃膠都唔會太硬👍🏻評分：🌕🌕🌕🌘🌑————————睇到d review 好似都麻麻地，但我食落感覺都ok，未到咁差～

讚1.大間左，坐得舒服左彈1.食物係退步左相當多，合桃糊既味淡左好多，糖度加重左，有過甜既感覺；湯圓係非常唔合格的水準，皮過厚，芝麻餡太硬，一啲芝麻香都無，可以話水準大退步

吃過拉麵，太太堅持要過對面馬路商場冷巷內的這間甜品店，買兩碗外賣的糊食回家慢慢嘆....太太極愛吃合桃糊，而這亦是這店的招牌，當然就要點它；另外別無他選，小弟就點了碗芝蔴糊....身為招牌的合桃糊水平還可以，味濃稠且有果仁香，甜度不會太over，不過稍微覺奶香有點濃重，不太好....但左手邊的芝蔴糊就完全不行了，質地杰如漿糊般入口粉粉的苦味十分重，吃了兩口後就放棄了....早知如此，就叫晒兩碗都係合桃好了....

叫左個芝麻糊，好水 水到不知所謂員工 唔理人 掛住吹水 企左係門口一段時間都無人理最後自己入左去叫員工！下次都係唔好攪我好重要！仲要無匙羹！！過份仲要好似飲水咁！ 比錢買難受 $29（計埋外賣盒）食其他野好過！

我們下單了三碗芝麻糊、等了十五分鐘，因有位朋友趕，見她得一個人，想幫她拎糖水到自己枱，她回復：「你哋趕就唔好食」做客人，好心幫她還給她罵！這是什麼的道理！！！！

問佢有無糖不甩，佢話無，於是叫左兩個花生湯圓同合桃糊。等左幾個字，竟然上錯左個芝麻湯圓，轉頭又無端端上左糖不甩。佢話佢聽錯，我心諗做乜勁，你自己張單都無打到啦。於是乎，連續出錯下，有合理懷疑下，張單都唔知有無打漏，再加上其他遲來的客，竟然仲快過我地有，我地傻下傻下咁等，我唯有去問下有無落錯，點知比個女仔罵返轉頭，話嘈住佢整湯圓，整得唔好食。吹漲，整得好食同埋無上錯係一間餐廳的責任，大家想受氣可以來食。