合桃緣 (已結業)

呢間糖水舖可以話係我食過最難食嘅糖水舖講真我都算係好少比差評但呢間真係唔可以遮住良心講嘢😵‍💫蜜瓜椰汁黑珍珠完全冇味 椰汁冇椰汁味 似係椰汁溝勁多水嗰種感覺 蜜瓜又唔甜 另外呢碗仙草就仲走失望 成碗野嗰啲西米全部黐埋一舊舊 仲要係唔熟嘅 食落好粉嗰隻 芋圓都一樣 好硬好粉 完全唔煙韌 好似唔熟咁 同埋唔明白點解啲芋圓要分開上 先上4粒 然後再另上4粒 （員工就話另外嗰4粒仲煮緊 ）唔好食到我真係唔知點形容😭另上嘅4粒芋圓，本身仲以為啱啱煮好嘅死得唔應該好煙銀好好食啦點知都係唔好食🤢

喺油麻地行街突然落起雨上嚟咁啱見到有間位置比較隱世嘅糖水小店所以就同朋友入去試一試，店舖位子唔多但都乾淨整潔，時間比較早嘅關係人客都比較少環境安靜可以坐低慢慢一路食一路同朋友傾偈😙我哋揀咗一個西式甜品一個中式甜品嚟試一試黑糖手作芋圓仙草凍 $46有三色芋圓、珍珠、紅豆、寒天、西米、水晶珠同埋仙草，材料足料豐富，比例分配平均，可以一次過試到唔同口感，甜度適中，啱晒怕太甜嘅我花生湯圓 $28我都幾鍾意個花生湯圓，佢一碗入面有八粒，湯圓嘅size細細粒可以一啖食晒，花生餡香，唔會過甜，配上帶有淡淡薑味嘅湯，都幾好食😋餐牌仲有好多唔同甜品嘅選擇，除咗有傳統嘅中式糖水、西米露黑白涼粉黑珍珠系列之外，仲有西式甜品例如心太軟同焦糖燉蛋，睇落都幾吸引，呢度竟然仲有榴槤甜品，鍾意榴槤嘅朋友記得黎試吓👍

今晚同朋友係附近食飽飯之後又未想番屋企住於是就去左附近行下, 經過見到有間中式糖水店諗起好似好耐無食過, 所以就入去整番碗糖水食下先😆, 小店細細間, 乾淨企理, 無論中式定西式都有相當多嘅選擇, 不過今次小妹同朋友就揀左兩碗熱嘅中式糖水滋潤下!😊 🌟養生雪耳桃樹膠🥣桃膠糖水真係超級足料, 裡面有極多桃膠, 雪耳, 桂圓同杞子, 飲落膠質極重, 桃膠爽軟柔嫩, 清甜滋潤!🌟補鈣烏髮芝蔴餬🥣芝麻糊質感順滑濃稠, 食落唔會太甜, 芝麻味好香濃!

合桃緣｜旺角 街坊甜品屋｜最近的天氣實在太熱，再旺角接頭走著走著，越走越熱，於是我和羊先生打算去吃個甜品，順便可以休息一下。我們走進一個商場，看到有一間甜品屋，感覺很中式。於是我們便決定進去坐坐。其實除了有中式甜品，還有一些西式的心太軟，可是我們不想等太久，我們想趕快涼一下。於是就點了一些較快能做好的甜品。鴛鴦湯圓 $30超級喜歡湯圓的我忍不住再夏天也要點。湯圓小小的好可愛，餡料也不多，很適合下午茶作為小甜點。有芝麻和花生餡料，不太甜，但芝麻會比花生為甜。薑汁味很重，如果喜歡薑汁的朋友相信會全把它喝光。D24榴蓮西米露 $50十分冰凍，很棒！西米不會煮得很爛，還有口感。分量中等。椰汁味香，甜味可以再增加。榴蓮肉香濃，濃郁榴蓮味，榴蓮控會很喜歡，但如果分量多一點便好了。

之前路過就想試試，今天終於嘗試了，桃膠很滑很Q彈，糖度正好，味道不錯，核桃糊整體味道也都ok，但是相比較海x的沒有沙沙粒，導致口感層次差一些，速度很快，路過不妨試試

好耐無食過甜品，所以今日行經旺角也忍唔住專登要搵間甜水舖食，最後揀左呢間合桃緣甜品專家呢間甜品舖有中式糖水，又有西式甜品，啱哂我地呢d又想食中式、又想食西式甜品既人，本來好想試吓招牌合桃糊，糖水舖名稱「合桃緣」應該都係主打合桃糊，但係又好耐冇食過芝麻糊，所以最終都係揀咗芝麻糊我揀左呢碗幻彩千紅，入面有好多生果，有西瓜、蜜瓜、紅肉火龍果、芒果，配上芒果汁，糖水有一半都是水果，好足料👍🏻所有生果都好甜好好味😋見到呢度嘅雪糕係用Gelato，所以加錢加了一個曲奇雪糕幻彩千紅除了有西米露，入面仲有黑白涼粉，黑涼粉就食得多，但係白涼粉就第一次食，白涼粉原來係用椰子糕製成的，開頭還以為是豆腐😂，但係真係好好食我朋友選了芝麻糊加花生湯圓，芝麻糊甜度剛剛好，不會太甜花生湯圓也造到流心效果

無論去到邊 都會俾人發現話說局長就去咗旺角聽朋友講起 有一間甜品小店座落一個不起眼嘅角落正正就係今日要食嘅合桃緣由於局長今日係7點鐘就去食所以基本上係唔洗等位直入 聽返之前有食過既朋友講平時好多人食完飯就黎食糖水由於局長打算將甜品當正餐所以就決定嗌三樣嘢第一樣就係心太軟配雪糕一出到嚟個心太軟熱辣辣配一個冰凍嘅雪糕 非常之好！然後個心太軟好香濃朱古力味個流心做得好好 超濃朱古力味但佢又唔會濃得黎帶苦佢個外層亦都唔會太硬或太軟配埋雪糕食真係一百分呢個十分推薦 必食始終局長都係一個大食既人一個心太軟點夠我做晚餐所以就叫咗個法式焦糖燉蛋呢一個亦都係高質之作首先佢個焦糖皮 係極香脆用隻匙羹吼落去 係kok kok聲然後個燉蛋亦都唔會好甜即使我配埋個焦糖皮一齊食都只會係覺得甜度啱啱好蛋味超濃 就算你夾埋個雪糕一齊食你都可以食到佢個蛋味係幾特出係一個有層次嘅法式焦糖燉蛋亦都係另一個推薦之作 最後亦都叫多左個糖水正所謂男人唔補好易會老所以都要用嗰份補啲嘅桃膠糖水埋尾總括嚟講哩間合桃緣真係幾高質甜品有心思 價錢又實惠係旺角甜品鋪佢應該數一數二

今日同朋友經過呢甜品舖～就入去試吓！點知原來好好食！西式甜品～招牌菜一定係呢一個芒果腸粉！個芒果非常之甜，出面有啲cream同埋好滑嘅皮包住～感覺有少少似長洲糯米糍！但更加好食的！！呢個係一定要order另外我哋都嗌咗一個中式甜品～就係薑汁花生湯圓薑汁非常濃！好正啊！湯圓亦非常之煙煙銀銀～上菜時間都非常之快！只係等咗幾分鐘就有得食！正呀非常切合香港人繁忙急促嘅生活～ 其實地址都非常之方便，油麻地旺角地鐵站都去到！最適合行完街就快快手食個甜品～甜品款式都非常之多～有中有西。涼粉、西米露、心太軟、窩夫！都一定有而且好好食而且見到餐牌上面亦都有好多榴槤嘅甜品～都係非常之推介的！如果鍾意榴槤嘅朋友一定要試吓！！真係非常推介呢一間甜品餐廳！我一定會再幫襯！

今日食完飯口寡寡 食番個甜品 就喺附近兜咗幾圈 結果搵到間好隱蔽嘅糖水店 行入去感覺都幾舒服 裝修簡單唔係好大 但係就有古色古香嘅味道 而且佢亦有齊曬中式同西式嘅糖水 所以我哋就決定一人叫一款呢度叫得合桃緣 合桃糊就當然係佢嘅招牌 一定要叫嘅 熱嘅合桃糊一上枱已經有股香味湧過嚟 入口係非常濃滑嘅感覺 絕對唔會有合桃磨得唔夠滑 卡住喉嚨嘅情況發生 另外抵讚嘅係佢唔會太甜 基本上大大碗 一個人食曬都唔會覺得滯😍🤪西式甜品方面 我哋叫咗幻彩千虹 聽到個名咁靚咁有霸氣就知道佢唔簡單啦 入面有新鮮生果 黑白涼粉 西米露 黑珍珠 寒天同埋水晶珠 一個價錢六種材料同口感 其實都幾正 加上佢凍冰冰咁 呢個熱辣辣嘅夏天食就perfect喇🤤最後就得一提嘅 喺呢度店員其實都好nice 雖然員工唔多 但服務都好周到哦🤭

舖頭位於油麻地近家樂坊地點非常方便就腳，舖仔細細走平民小店風，似屋企樓下小糖水舖感覺親切，而且就近成條街都有好多食肆，最啱一班人食完晚餐直落食糖水方便就腳，而且地方乾凈冷氣十足，落單都非常快手。黎到合桃緣一定要食下佢嘅招牌補腦合桃糊！果然冇介紹錯真係王牌嚟㗎合桃好食得出係新鮮生磨，質感柔滑濃厚冇顆粒感，每一啖都係滿滿嘅合桃味，對於鍾意食堅果類嘅我，真係福音啊！而且佢每一款中式糖水都有凍食或者熱食㗎！因為嗰日好鬼熱所以叫咗凍食可能冇咁香，建議大家一定要叫熱食會更加好食！朋友就叫咗一個凍楊枝甘露，果然夏天真係少不了芒果。佢碗芒果都幾足料，數到有10粒厚肉嘅芒果粒，而且每一粒芒果都係超甜！佢嘅芒果溶都係新鮮打唔係糖漿嚟嘅，另外好欣賞佢除咗落西米之外仲落咗啲爆珠珠，食落好脆脆口感大增！

前幾日食完dinner口痕想食甜品，經過廣華醫院附近發現咗呢間舖頭。🍨呢間舖頭有賣中式同西式糖水，而且臨近端午仲有糭可以訂，同埋班蘭糕，食物好多元化～我哋叫咗碗熱養生雪耳桃膠試下，材料好豐富，桃膠比平時見嘅大粒，而且成碗嘢甜度適中，女仔一定會中意😆👍🏻另外仲叫左法國焦糖燉蛋配雲呢拿雪糕、心太軟配曲奇雪糕，兩款都係意料之外地好食😋焦糖燉蛋個面好脆，蛋味好濃，配雪糕食啱啱好；心太軟朱古力偏苦，我個人幾欣賞，曲奇雪糕都好爭食😝總括而言，呢個價錢嘅甜品係水準之上，下次會想試斑蘭蛋糕🍰

今日同屋企人去開旺角食飯，見未夠鐘就入左呢間鋪頭食甜品順便等人啦🤣🤣見到個餐牌有好多款唔同嘅甜品，好多都好似好好食咁😆😆我地兩個叫左兩樣甜品，一款中式一款西式，分別係蛋白杏仁茶🐣同埋鮮雜果西米露🥣蛋白杏仁茶（$38）個杏仁茶一嚟到都聞到好香嘅杏仁味😍😍食落個杏仁茶夠晒杰身，味道非常濃郁👍🏻👍🏻加埋啲蛋白有啲唔同嘅口感都幾好食鮮雜果西米露（$45）個鮮雜果西米露非常抵食，成碗有一大半都係雜果，包括火龍果、西瓜、蜜瓜、芒果，每款都有幾舊啱晒我同屋企人兩個可以share食，個西米露有啲椰汁香味同埋再加左芒果汁都幾好食😋😋我見佢舖頭仲有一啲要製作15分鐘嘅甜品，但今次就唔夠時間先下次可以再試下佢啊🤣🤣

今晚搭車出旺角，本來諗住食晚餐。不過突然間好口痕ＸＤＤ 忽然想食下糖水先。旺角大街嘅糖水舖，好多都已經捱唔住貴租執曬。印像中呢條巷仔入面，都有間糖水小店。等我試下過去碰下運氣先。沿著煙廠街街市行，中昌位置入嚟商場之後，左邊第一間呢度就係合桃緣喇。 地方比較隱蔽，但其實裏面都幾寬敞．因為嚟到嗰時先係嗰六點左右，所以冇乜人，可以嘆住冷氣慢慢食～～ 餐牌上面有各款中西式糖水，睇圖片覺得都好似幾attractive. 今次叫咗個芒果河粉同埋熱的蛋白杏仁茶，中西合璧。(價錢都唔貴啊~~)咦原來佢哋仲有買粽，下次都可以試下。 芒果河粉好得意好有Gimmick. 河粉其實係由椰汁做，有椰汁香，又非常彈牙．好QQ啊。芒果份量都唔少，大概有四嚿大嘅，另外加左啲芒果汁。芒果比較熟，所以好甜。加埋椰汁河粉一齊食，更加好味。之後再試埋蛋白杏仁茶。比想像中冇咁粘，但係好滑。可能頭先芒果河粉嘅甜度 比較高 再飲蛋白杏仁茶就覺得唔太甜，比較淡味。不過隱約都食到好香嘅杏仁味。

今天吃完晚飯， 和媽媽到旺角吃糖水 ，我們經過一間名叫合桃緣嘅糖水舖，覺得舖頭嘅名好特別，於是就入去食糖水。 一坐低，見到佢嘅糖水餐牌， 設計好靚， 好特別。入面有好多唔同種類嘅糖水，中西式糖水甜品都有， 啱曬唔同口味嘅朋友， 唔同年紀嘅朋友都啱食。 佢仲有自家製嘅創意甜品 ，例如榴槤雪糕等。西式糖水有芒果涼粉， 蜜瓜涼粉等等 ，夏天好清新 美味可口 ，適合消暑解熱。我點了一個雜果鮮奶撈， 有很多水果 ，材料十足非常新鮮，有芒果，火龍果，又有涼粉，好有層次。 呢碗係用花奶做底，唔會太甜，唔會搶奪水果嘅鮮味 ，非常之清新，好岩夏天食用。另一款係蛋白杏仁茶， 好香好滑嘅杏仁茶， 同埋蛋白說碎， 口感一流， 非常之美味可口 ，又養顏，女人最岩食用。

香港人最鍾意食完飯去食糖水 我真係太耐冇食過糖水 就提議同朋友兩份食 叫咗一凍一熱share食~~熱嘅招牌補腦合桃糊 ($33)合桃係super food 正呀!! 超級杰身 食落淡淡合桃味 落足料 熱喇喇香噴噴~~鮮雜果西米露 ($45)好耐都冇食過~ my favaourite~~ 有唔同嘅生果:芒果 火龍果  芒果唔酸 再加椰奶??汁 好食!! 又多西米露~recommendation rating (out of five):👑👑👑