合桃緣 (已結業)

今日經過廣華街附近一帶行下既時候見有少少肚餓就能掘下附近有無小店小食食下既就時候就咁啱經過呢間叫合桃緣既中式糖水店,諗諗下好耐都無食過中式甜品就入左去試試.招牌補腦合桃糊店內招牌糖水,每日新鮮製造.由挑選上等合桃到生磨變成合桃糊都係親手包辦.合桃糊磨得十分細滑,入口完會無渣而且充滿合桃香.質感帶點杰身,濃密滑溜.生磨烏髮芝麻糊同樣每日自家磨製黑芝麻,入口同樣順滑,內裏帶點點芝麻沙沙既口感,濃稠香醇.中間唔會帶有結起一塊塊既粉團,真材實料.黑芝麻糊味道甘香,帶點焙煎香味.趁住秋風起飲返d中式糖水又健康又養生.