吃吧 (僑建大廈) (已結業)

一直都想試呢間餐廳，趁住放假即約埋朋友去食lunch先🥰🥧吃吧招牌拼盤（$118）拼盤以中式木底座盛載5款迷你酥盒，包括什菌、蘋果肝醬、三文魚莎莎、蟹肉牛油果及煙火腿蜜瓜，賣相幾精緻，酥盒又夠鬆脆，味道亦各具特色😋係一款好啱打卡嘅小食📸個人最推薦蟹肉牛油果味🤩🍖慢煮甜酒燴和牛面頰（$188）和牛面頰唔會好似牛扒咁普遍，呢度有得食就梗係試下啦😆牛面頰口感同牛腩有啲相似，炆得夠腍又入味👍🏻酒味唔算好濃，就算阿婆無牙都食得到😂底部嘅薯蓉吸收咗啲醬汁，有牛香之餘又好味😋份量更多到食唔晒🙈🍕香草蕃茄辣肉腸薄餅（$118）Pizza餅底烤得香脆又唔會好厚身，唔使怕好快飽而食唔到其他嘢😆另加入芝士、蕃茄及辣肉腸，食落開胃又惹味😋值得一讚係Pizza面加咗啲新鮮嘅沙律菜，可減輕Pizza嘅heavy感👍🏻🍹水蜜桃荔枝茶（$56）飲品以中式嘅小花樽盛載，再插上膠花，造型夠別緻，好啱打卡📸水蜜桃及荔枝味都幾出，味道清清地，唔會好甜😋我最鍾意飲品係無加冰，飲落唔會覺得好冰凍😆🍺花露水小麥啤（$70）賣相充滿玩味，似足雙妹嚜花露水😂啤酒則以花露水嘅配方作基調釀製，所以飲落有少少甜之餘，仲伴隨陣陣嘅花香味，幾啱

🍤特色海鮮籃 Deep Fried Seafood Basket HKD 86上菜時炸到熱辣辣，好香脆，海鮮全部都好新鮮，冇腥味，最正係炸帶子同炸蠔🥰 炸蝦就偏厚粉，另外嗰兩款就一般。份量都幾足，一共五款海鮮，每款有兩件， 食完已經飽咗一半🙈 Everything was freshly made and still piping hot when served, especially love the scallops and oysters!🥘西班牙海鮮飯 Spanish Seafood Paella HKD 168有蝦、帶子、魚同埋青口，質素都唔錯，新鮮又冇腥味。個飯好香茄汁味，略嫌芝士味太濃，同埋啲飯有少少硬，如果煮淋啲會仲好食👍🏻 quality of the seafood was good in general, the rice had a lovely tomato flavour, but I did find the cheese too overpowering and the rice a little underdone for my liking.🙈🍖烤西

約咗朋友喺旺角食early dinner，佢話要帶我嚟呢間樓上餐廳，仲預先發咗餐廳嘅IG Link比我，一睇之下我超級鍾意，原來係非常有良心嘅香港人小店👍我哋叫咗幾樣食物share：- $86嘅「特色炸海鮮籃」：有生蠔、帶子、魷魚、蝦仁、洋蔥圈，全部俾脆卜卜嘅脆漿包住，熱辣辣非常香口，感覺新鮮又好味😋- $168嘅「西班牙海鮮飯」：我都算食過好多Paella, 呢度係比較新派嘅做法，飯煮得有啲al dente偏硬身（呢方面就傳統啦），抵讚😋，非常啱我胃口，個汁似乎係用番茄醬做base, 比較特別，做得幾creamy😋- $188嘅「煙燻西班牙伊比利亞豬扒」：豬扒好juicy, 有淡淡煙熏香味加濃濃豬肉味；煮得啱啱熟，肉質好嫩滑，中間仲有少少粉紅色，美味😋-我要咗$70嘅「陳皮啤」，香港製造，有香濃小麥味加淡淡陳皮香味，幾特別，好好飲😋；朋友叫咗$48嘅「青檸青蘋果梳打」，佢話味道清新😋小店有咁高質素嘅食物，抵讚👍，而每款食物嘅presentation都幾靚😍，真係有落心思去做😋。繼續支持香港人嘅良心小店👍🙏😋😁

節日約左朋友們到cafe聚聚，朋友推介呢間樓上cafe，聽聞佢既德國咸豬手好味道，諗住去試試。餐廳燈光偏暗，情侶黎撐枱腳都幾甜蜜。當日我們book左7:30，可能因為節日關係同太晚，去到餐廳已經無得食咸豬手了！而且有幾款食物都已經無曬，有點失望。我們最後叫左黑松露什菌闊條麪、招牌拼盤、軟殼蟹肉醬千層麪和露筍煙三文魚大啡菇意大利飯。認真果句，食物質素就真係有待改善啦，味道好多都偏咸，份量亦較小。黑松露什菌闊條麪咁多款食物黎講，呢款係比較好味道，唔會太咸，味道剛剛好。闊條麪口感彈牙而且多汁，加上黑松露味道偏濃，味道層次豐富。 露筍，煙三文魚，大啡菇意大利飯呢款意大利飯份量偏小，但味道搭夠。大啡菇同煙三文魚不過不失，配上露筍口感都幾豐富。吃吧招牌拼盤大家其實係為左影相所以先點呢款小食，幸好都無失望。拼盤好豐富，有什菌、蘋果肝醬、三文魚莎莎、蟹肉牛油果同煙火腿蜜瓜，不過多數都係酥皮底，吃兩塊左右都覺得滯了。軟殼蟹肉醬千層麵成餐最失望既就係呢個千層麵。雖然軟殼蟹炸得香口，不過味道整體係過咸。而且個千層麵頗淋，食落口都唔知自己食緊咩……因為用餐時出了點事，店員請了我們食心太軟。心太軟有流心既效果，

今日同朋友仔慶祝生日🎂所以就同佢食餐生日飯，平時食生日飯喺夜晚，而家因為疫情嘅關係，就要晏晝食，咁啱去油麻地行街街，就上咗僑建大廈樓上Cafe 餐牌上有多款美食任你揀，花多眼亂，每一款都好想食，我哋就點咗兩個主菜、一款小食及兩杯嘢飲 嘩，第一眼就睇到有德國咸豬手，點會唔叫呢😋德國咸豬手 $228德國咸豬手🐖放到上枱，好似表演咁，叉住隻咸豬手吊係個架上面，店員淋上烈酒，之後點火🔥嘩🤩好正呀，好有氣勢呀，到差唔多熄火嘅時候，店員就幫我哋切🔪；德國咸豬手啲皮勁香脆，肉質勁嫩滑，仲超厚肉添，真係好好味；仲配埋德國香腸同埋薯蓉🥔真係食到超飽 烤西班牙豬助骨 Regular $188Cafe做咗樣好貼心💛嘅事，係每條豬助骨都會切一半，當我切嘅時候，就更容易切開；豬助骨嘅肉質夠嫩，個烤汁好正，仲有埋鴛鴦薯條🍟除普通薯條外仲有甜薯🍠每條都好香脆，仲有茄汁🥫及芝士醬🧀，點埋一齊食 之後仲嗌咗一碟小食西班牙雞中翼 $78廚師已經將🐥雞中翼一分為二，變成單骨雞翼，食嘅時候更方便，仲要剛剛炸起，熱辣辣好香脆，配埋個汁就最正😋 當然唔少得叫飲品曲奇朱古力奶昔 $65放係枱上，我仲以為係甜品，用半個🥥椰子殼裝住，

岩哂聚餐既樓上西餐廳🍴 Openrice好多好評既樓上西餐廳，下午去到餐廳，昏暗既燈光💡，有手工啤酒bar枱，牆身有工業風特色牆，而我地坐窗邊，想有d陽光影下相😆 店員幫我地點餐時同我地傾幾句，感覺好nice呀！🍻🍻🍻🧇黑松露。煙火腿。芝士多士 $78竹炭多士好脆😍多芝士拉拉絲😚口感幾正！有驚喜呀！大家去到可以叫依個食下！🍝軟殼蟹肉醬千層麵 $148軟殼蟹炸得香口又唔會太油，番茄醬🍅都多，但可惜個麵林左d，口感一般🥘慢煮香草法式黃油雞 $178慢煮既野一向都好食，依款都唔例外，切開有雞油🤤鎖住肉汁又鮮嫩🍑水蜜桃荔枝紅茶 $56花瓶裝住既飲品，好有心思呀💛 味道都調得岩岩好，唔會太甜，又仲可以打卡影相📸️添！☕️紫薯朱古力 $56味道偏甜，唔太有紫薯味🍻🍻🍻. ♡.旺角係一個好適合朋友🈴️聚腳既地方💛見佢有二人枱，又有大枱！期望疫情過後，大伙兒可以一齊聚餐！.. . . ♡. . . ♡. . . ♡. . . ♡. . . ♡. . . ♡. . .餐廳：吃吧 地址：旺角彌敦道566-568號僑建大廈2樓2室. . . ♡. . . ♡. . . ♡. . . ♡. . . ♡. . . ♡

好耐無去過吃吧食飯 今晚係旺角就去左食啦🥰 呢到裝修行工業風 雖然係樓上舖 但係都好多人食架 因為野食賣相精緻又抵食 想食book左位先會穩陣d😆 小食我地試左店員推薦既黑松露煙火腿芝士多士🥪 多士入面勁多餡 有好多蘑菇 煙火腿同勁爆多芝士 仲好香黑松露味😍 多士好鬆脆 原本以為會好飽 但係好好食所以輕鬆食完👅我地揀左2個主菜 分別係慢煮香草法式黃油雞同煙燻西班牙伊比利亞豬扒😋 慢煮雞肉真係無得輸 雞肉永遠都咁嫩滑juicy🤩 黃油雞既油脂較多 加埋薯蓉到食落更香🤫 佢地仲好貼心咁將雞殻去骨 食起上泥方便好多☺️ 煙燻西班牙伊比利亞豬扒上菜既時候店員會係你面前開蓋 即刻聞到好香煙燻味🌬 最後要介紹係係2杯我好鐘意既飲品 曲奇朱古力奶昔同水蜜桃荔枝茶🍹 曲奇朱古力奶昔之前都試過 但係始終抵抗唔到唔叫佢😂 太吸引 佢係用個椰殻裝住 上面有好多爆谷同曲奇🍪 配上濃郁既朱古力沙冰 飲極都好冰涼解喝 好正😚 而水蜜桃荔枝茶係用花瓶裝住飲品 賣相好靚😆 飲落好清新 2款水果味都飲得出 解膩一流🌟

星期六嚟食個late lunch，去咗旺角呢間彌敦道嘅樓上cafe😆·💛軟殼蟹肉醬千層麵（牛）$148賣相幾得，味道方面肉醬味濃好食😜但軟殼蟹鹹咗啲，千層麵亦太腍，口感一般·💛黑松露，煙火腿，芝士多士 $78原來係竹炭多士🤩賣相加分呀，多芝士夠拉絲，食到好多菇，幾鍾意口感，唯煙火腿太薄身味道唔夠出😌·💛煙燻西班牙伊比利亞豬扒 $188呢個原來咁有gimmick，好有驚喜呀😍有個蓋蓋住，店員話呢個得一次機會影咋準備好未，我地兩個一個影相一個拍片😆有五舊豬扒，第一啖真係好食得出重煙燻味，外邊仲有啲焦香味🤤肉質ok唔算韌😙醬汁有蕃茄粒酸酸地😚配上薯蓉一齊食，正😬·💛🏺熱情果接骨木花茶 $56打卡必點😍用花樽裝住嘅嘢飲好特別，插住枝假花有誠意👍🏻😍味道唔太甜，幾好😚·💛接骨木花檸檬茶 $44·🌟呢間餐廳味道唔錯呀💛，賣相都有驚喜😜值得一試😙😬·吃吧旺角彌敦道566-568號僑建大廈2樓2室·多謝你睇到呢度，歡迎追蹤 @eat_better_worldwide ✈️

朋友約我喺旺角食飯，帶咗我嚟呢間喺樓上嘅小餐廳，佢話食過好好味😋。餐廳名字叫Chiba, 我仲以為同千葉縣有關係食日本菜，原來係「吃吧」嘅意思😆。$78黑松露、煙火腿、芝士多士：呢個黑嫲嫲嘅多士出奇地好味，有芝士鹹香火腿甘香黑松露幽香😆，三種香味合一好正😋。Main Course我要咗「德國鹹豬手」，朋友就叫咗「慢煮甜酒燴和牛面頰」。鹹豬手成隻凌空叉住上枱，店員哥哥淋上烈酒，然後點火燒一輪⋯⋯呢個presentation係威係勢😆，係打卡好時機，跟住先幫我哋切開。鹹豬手皮脆肉嫩，超大隻，好好味；仲配有德國香腸同薯蓉，真係食到超飽😋。朋友嘅燴牛超級軟熟，慢煮之後幾乎入口溶化，又係份量好多，朋友話好好味😋。我哋仲叫咗各$65嘅Chiba Special Drink同「焦糖蜂蜜奶昔」，兩杯都係又靚又好飲😋。同閨蜜兩個食得好開心，有傾有講過咗一個愉快嘅晚上，感覺幸福滿滿，不過食完之後幾乎飽到行唔郁😆。

朋友係要見既👭今次去呢間西餐廳係樓上鋪。雖然位置唔起眼，但甚有人氣#Chiba。餐廳環境寛敞，靜靜地傾計都幾舒服。我地都唔太肚餓，叫左兩個小食加主菜Share。藍芝士焗鴛鴦薯條🙅🏻‍♀️薯條🍟係平時M記食果種幼薯條Normal。蕃薯條甜甜地🍠食到蕃薯味唔錯。話說叫呢個小食係因為比藍芝士吸引，但說好的藍芝士呢⁉️冇誠意之作，有啲失望🥲。墨西牙烤雞餅第一次食幾得意，佢同Burrito捲餅🌯唔同有啲似Pizza🍕 。薄餅中間夾住烤雞🐔，啖啖芝士🧀咬落去有拉絲效果。薄餅邊微脆，夾埋蕃茄粒🍅同酸忌廉一齊食，口感豐富，開胃惹味。黑松露什菌闊條麵一上抬已經聞到好香松露味，近不及待要試。🤤闊條麵口感彈牙，醬汁Creamy，唔錯。

呢間樓上西餐廳都係一間良心食店，裝潢係走英倫工業風，有一個工業特色牆，配合柔和黃色鎢絲燈光，都幾有格調。但我係為左個中式花瓶飲料而去，個中式花瓶飲料同現場環境嘅風格配埋一齊真係相當奇妙😆— — — — — — — — — — — — — — — — — — — — — — — —【黑松露煙火腿芝士多士】$78多士好脆，咬落去爆哂芝士出黎，重有拉絲，味道夠哂邪惡，有芝士嘅鹹香，配埋少少黑松露味，好味😋— — — — — — — — — — — — — — — — — — — — — — — —【軟殼蟹肉醬千層麵】$148軟殼蟹係炸得幾脆，但就唔算有肉，千層麵嘅肉醬都幾好味，肉醬都幾好，可惜個麵就腍左d🤔— — — — — — — — — — — — — — — — — — — — — — — —【慢煮香草法式黃油雞】$178慢煮嘅黃油雞真係鎖住肉汁，咬落去好香嘅香草味，好多汁，雞下面重有d薯蓉，撈埋d汁一齊食都唔錯，如果隻雞可以再嫩d就好喇！— — — — — — — — — — — — — — — — — — — — — — — —【水蜜桃荔枝紅茶】$56用花瓶裝野飲第一次見，幾特別，

呢間真係bookmark左好耐最近終於有時間去試嗌咗佢哋嘅招牌拼盤一嚟到之後個賣相已經好吸引同好豐富酥皮盒既filling有雜菌，三文魚，蟹肉牛油果，Parma ham蜜瓜同蘋果肝醬，每樣都好好味，除左個酥皮都好脆，每一個啲filling都好出色，咁多個個人覺得最好味係蘋果肝醬，酸酸甜甜，真係食晒咁多個都唔夠喉😍熱情果接骨木花茶飲品嘅杯好靚係一個花樽裝住飲品嗌尼係絕對係為咗打卡Elderflower本身已經好清甜加埋熱情果成杯都好清新好適合夏天！

終於去左呢間餐廳食好西😋 一入去，好有feel! 昏暗的燈光，輕鬆的氣氛～好適合一班朋友或情侶去! 不過現時就要兩個兩個啦～都好呀可以專心傾下計~..首先來個🍱特式炸海鮮籃 Deep Fried Seafood Basket分別有炸蠔🦪、帶子、炸蝦🍤同蟹餅🦀 海鮮籃造型好特別，係以中式蒸籠擺上，又係時候要影相😆 每樣炸物都炸得好好，粉既比例唔會太多，食出海鮮既鮮味，本身配有沙律醬點~ 最後要叫staff再添醬食，呢個真係唔錯!! ..主菜叫左兩款，第一款係煙燻西班牙伊比利亞豬扒🍖Iberico Pork Chop本身無特別期望，但呢個真係出乎意料既好食!!! 首先一來到係有蓋關上的，一拎開就有煙飄出來，果陣煙燻味即刻飄揚～豬扒既擺盤擺得好靚～肉質好軟好juicy，本身配有一D香料鋪面，但唔會蓋過豬扒既肉香，完全係將豬扒既口感更上一層樓! 另外有埋薯蓉，我想講個薯蓉我勁鍾意食!! 好香好滑好綿，我食到一滴不剩，呢道菜我地俾滿分❣️有驚喜💯..🍖德國咸豬手 German Pork Knuckle賣相好搞鬼，先有個架吊起大大件既豬手，然後就點火啦!! 其實D火都快熄架，所以要影相既朋友要好快手

1️⃣⭐️西班牙海鮮飯⭐️ $168 (8/10)黎之前睇相已經覺得哩個好吸引，點知真係好味到食唔停🥰有青口、帶子、蝦，好足料💕 份量一啲都唔少，食極都仲有😂 飯方面完全做到paella應有嘅質感，出面軟裡面少少硬😍 整體真係唔錯，可以再encore 😆2️⃣ 煙燻西班牙伊比利亞豬扒 $188 (7/10)見朋友極力推薦，所以就決定叫黎試下🤤 燻味十足，好香好特別😋豬肉同薯蓉都吸到啲煙燻味，特別係薯蓉加晒分👍🏻 個汁酸酸地好開胃❤️ 可惜豬扒比較乾，唔夠juicy🥺 一上菜就有個蓋封住個豬扒😳店員會主動話打開會有煙出黎，會問我地要唔要影相📸️好貼心3️⃣ 吃吧招牌拼盤 $118 (7/10)Olaf完全係衝住哩個黎，一粒粒好得意🤤 有什菌、蘋果鵝肝、三文魚莎莎、蟹肉牛油味同煙火腿蜜瓜🥰 大部分都係用酥盒，但食落一啲都唔油膩🥳Pooh就最中意蘋果鵝肝👍🏻4️⃣ Dream $64 (7/10)Olaf一見個名咁熱血，仲要香港製造梗係要試🤤加咗桂花釀製，酒精濃度只係3.5%，好易入口，女仔都啱飲☺️啤酒記得襯熱飲，凍咗會有少少苦😇5️⃣ 山楂啤 $70 (7/10)Pooh作為試伏專員，哩個系列嘅本地手工啤成日都好想試

再次呼籲！去前一定要Book位，唔係明天請早㗎啦( ´▽` )ﾉ兩個人去食，叫咗一個小食拼盤，兩個主菜，再加一人一杯嘢飲，放心一定夠☀️而家都幾好食添呀！首先大推嘅一定係嗰小食拼盤呀，係酒店級水準！！嗰皮係酥脆🤪而家每樣嘢都配搭得宜，真係必叫～之後就有西班牙海鮮飯同埋嗰豬，兩樣都不過不失但又未必特定咁推薦㗎啦最後！喺佢個drink menu，原來都係每期按照入嘅酒去作更改，所以今次見到有嘅，下次又未必有，見到啱嘅就好即刻要啦💛