台風。R

营业中

休息中

黃既拉麵唔係咁多正既選擇，呢間就好推薦，雖然地理位置唔係好方便，要專登過去，可能都係呢個原因，餐廳人流唔算好多。餐廳同一般漁場台風唔同，夜晚都有齊拉麵同沾麵比你揀。叫左個蝦湯拉麵同蝦湯沾麵，雖然我好鐘意沾麵，但竟然拉麵勝！（額外加左隻蛋，所以有1.5隻）拉麵湯底濃淡適中，唔會咸到飲唔到，好種重蝦湯鮮味。荀絲夠味，肉就特別啲，係慢煮既粉紅色肉，有別一段既叉燒，麵質彈牙，成碗好協調！沾麵既麵質同樣無得輸，彈牙爽口，瀝水都做得唔錯。至於湯底就太咸啦，我重口味開都唔係太頂得順，咸度調低少少會好啲。沾麵汁唔夠熱會好大罪，呢到就貼心地有熱石比你加，食食下唔夠熱都可以加石，保持返個湯既味道。整體唔錯，係會想Encore既拉麵，仲要係黃。題外話，餐廳主動提供a4紙比客人裝口罩，貼心。

朋友介紹😋我來到灣仔嘅台風R入到去環境好光鮮又乾淨😍坐嘅位置舒服，平常好多拉麵店都坐得好迫👀。點拉麵大路都係寫紙圈出自己想要嘅款式＆配搭💞。#More推介［濃厚蟹蝦豚骨拉面🦀🦐🐖］拉麵湯底杰身，蝦蟹味唔係超級strong唔會搶哂豚骨湯個味，食哂都唔會太漏🤤拉麵比較沾麵幼身，口感偏硬味道不錯，啖啖掛湯😋食到尾都無影響湯底流心蛋軟滑，白蔥新鮮重點係個筍 #超好食 😍朋友本身好憎食筍都讚好(仲食哂)。［海蝦味噌沾麵］蝦味香濃🦐👍🏻比較上面嘅拉麵湯更杰身＆重口味冷拉麵麵身比較粗，方便掛湯不過份量真係超級多😂(弱弱的我食唔哂)😏沾麵有樣超型超特別嘅服務：就係當你啲湯凍咗，係可以要求用「熱石」加熱！我Ig有得睇片有得慢慢食，加熱又有得睇「溫泉沾麵湯😝」。比較平常拉麵店嘅厚叉燒身為女士嘅我會更喜歡台風R這個：［大愛💘］低溫慢煮嘅豚肉切片超級薄身！而且熟度做得非常平均粉紅色肉質十分嫩滑🤤入囗軟綿綿因為好薄，滑滑的微咸香濃豚肉味個感覺有啲似西餐嘅Parma Ham😆(希望咁諗唔會激嬲廚師😂)。。。#好吃拉麵 #回頭率100巴仙 #初音好可愛 #初音純白底底 #灣仔美食 #員工好nice #高質拉麵 #日

一直都鐘意食台風, 通常都係去荃灣果間, 食得台風都知要排, 不過呢次係喺之前疫情中一個下午, 咁啱迫住要返公司做少少野, LUNCH就去咗灣仔間台風, 果日唔駛排就直入呢. 呢次係知佢灣仔開咗之後第一次去, 裝修有啲驚喜但我唔太習慣, 因為唔太似佢地. 叫咗個平時少食O既海蝦味噌沾麵, 食得沾麵當然要凍麵. 個湯唔算好杰身, 但啱啱好夠沾, 蝦味好香濃, 試一談的確係好重蝦味. 麵比想像中小, 同樣普通感覺荃灣多啲. 肉似係低温煮, 入口即浴亦有香豚肉味, 比醬汁煮豚肉更配合沾汁, 喜歡. 最後湯割飲完整個湯好滿足. 

眾所周知，港島區拉麵店林立，好多間都米芝連餐廳，但你又知唔知邊間係有良心？前幾日發現原來某間主打蝦湯拉麵係藍店😢，雖然佢係幾好食，但再見，所以今日特意介紹一間良心店，希望大家多點幫襯良心商戶。呢間拉麵店係荃灣同旺角都有分店，最近就終於登陸灣仔！我就試左豚骨拉麵，佢呢款拉麵🍜豚骨湯底係濃厚順滑，我覺得碗麵既蟹味同蝦味主要集中係表頭層油度，所以撈唔勻的話，食到尾香味就唔夠！我會覺得豚骨湯底同蟹蝦味係好突出，但兩種味都好濃而唔太夾。有食評話拉麵掛到湯，我就覺得D拉麵只係掛到表頭層油多D😂。另外，因為拉麵麵量為正常麵店1.5倍，雖然抵食，但出現左另一個問題，就係碗麵變大碗左，令湯底少左，湯就變得唔夠🤷🏻‍♂️。細食既朋友記得落order時同店員講返！配料方面，糖心蛋係半流心，OK！另外，呢度既叉燒真好特別，因為用左真空低溫製法，所以好軟熟，好滑口，但相對薄左，少D口感！總體上，以拉麵店嚟講，台風。R表現係唔錯，低溫叉燒係幾有驚喜，而佢咁大碗麵都係賣$88，其實都真係好抵同好食😋！希望大家係呢段非常時期，可以多點支持愛香港人既店舖。

老老實實，如果呢個粉紅門口，經過我真係唔會入去。唔係我style。但見係拉麵，真係專登黎食。無計，因為我真係好鐘意食拉麵。疫情下夜晚真係好少人。連埋我哋8個人都無。窩心咁有A4紙俾你放口罩。水有檸檬加分。叫左個濃厚蟹蝦拉麵。估唔到個湯底真係杰。蝦蟹味其實唔係好激動，但我反而鐘意。拉麵本身係重身嘅麵，偏硬，似一般食沾麵嗰種麵，啱曬佢個濃湯。慢煮豚幾有豚肉味，朋友就麻麻哋個豬味。蛋十分流心。白蔥十分香。佢紙寫明佢哋麵底係一般嘅1.5倍，所以我叫偏少。已經夠曬飽。總結：比較重口味嘅濃拉麵。估唔到好食。相信會返黎試沾麵。

今日行過銅鑼灣少少事呢一間開咗冇耐嘅台風R， 係漁場台風嘅灣仔分店！！相信好多人都聽過佢嘅拉麵同沾麵啦😼·間店舖有好多日本嘅動漫做主題，有figure又有海報～同旺角分店比呢一間就冇左客人嘅comment癡晒喺牆🤪·好耐冇食沾麵嘅關係就叫咗佢哋餐牌上僅有嘅兩個沾麵～仲有得揀熱定凍添·個汁一上真係熱辣辣，配埋粉粉紅紅嘅叉燒肉，相機打完卡之後即刻滾一滾佢先，都幾滑㗎～🥓·個麵呢就算係粗麵嚟嘅，有埋啲勁聰、半隻溏心蛋、叉燒、筍一齊食，都幾飽肚～·至於最重要個湯底，魚介豚骨比我想像中出色，特別係個魚嘅味道濃郁🐟，但又唔會濃郁都要特登飲水！！😎海蝦味增反而就相對失色左少少🦐，可能係味增搶咗少少海蝦嘅鮮甜風頭～如果海蝦味再出少少會好啲，不過而家都中上水平😛·不過講係咁講，以前成日食三x製麵所嗰啲質素，會覺得呢兩碗都比嗰啲出色😗行幾步路過嚟都係值得嘅·題外話，附近既橋底辣蟹sss其實係咁消費條鵝頸橋都有啲好笑（藍店好多）🤦🏻‍♀️喺碼頭開店會唔會叫自己做碼頭小食呢⛵️🤣-魚介豚骨沾麵｜$83海蝦味增沾麵｜$88-台風。R (灣仔)灣仔駱克道389號地下-

黃店💛台風日本拉麵店的第三間分店已開業一段時間。最出名的是慢温煮粉紅豬，以真空低温製法，令叉燒既鮮嫩又能鎖緊肉汁，肉質軟，肥瘦適中，十分惹味。 防疫期間，進店前必先探熱，店員會提供顧客一張A4紙收納口罩。桌面上有一壺裝有檸檬薄荷的水供顧客飲，既清新又可一解油膩感。*台風的所有拉麵的份量是一般拉麵店的1.5倍。魚介豚骨沾麵 $83湯底濃郁但不會太鹹 ，食完沒有口渴感。湯底有鮮甜味，較海蝦味噌湯底清少許。再加上清新配搭（檸檬），配上沾麵一口吃下味道濃郁又不油膩。沾麵是粗麵底，有口感之餘又彈牙。溏心蛋剛好，若再流心少許更加好。個人認為改為半熟味玉子會更惹味。海蝦味噌沾麵 $88湯底濃郁但不會太鹹 ，食完沒有口渴感。湯底有啖啖的櫻花蝦味又不會蓋過味噌的味道。再加上清新配搭（檸檬），配上沾麵一口吃下味道濃郁又不油膩。沾麵是粗麵底，有口感之餘又彈牙。溏心蛋剛好，若再流心少許更加好。個人認為改為半熟味玉子會更惹味。 吃完有種回味的感覺。這店還十分貼心，若沾麵不夠熱還可讓店員加入熱石以保持其熱度。吃完後更可加入魚上湯以沖淡沾麵湯㡳讓每位顧客可以仔細品嚐其味道。

之前路過看見此店在裝修中，門口的粉紫色牆好吸引，但初時以為是K bar，後來開業後先知原來是日式拉麵店😂 這也是荃灣拉麵台風和旺角漁場台風的姊妹店。因為限聚令，店內以2人座位為主，隔開1.5米，坐得好寬鬆。坐下後店員會提供一張A4紙俾我放口罩。濃厚蟹蝦豚骨拉麵 (HK$88)喝一口湯底，濃厚之餘仲又蟹膏和海蝦的鮮甜味，好夠熱。這𥚃啲叉燒是粉紅色，因為是63度低溫慢煮，可以保存叉燒中的蛋白質、肉汁和軟滑口感。拉麵大份，所以我要求了「偏少」份量已經食得好飽了。海蝦味噌沾麵 (HK$88)海蝦味噌沾麵汁好夠熱，濃厚又有海蝦的鮮甜味。熱拉麵硬身得嚟有點煙韌，掛湯一流。同樣配有63度低溫慢煮的粉紅色叉燒。食晒啲麵後，可以叫店員幫忙將魚上湯加入沾麵汁裡，可以慢慢品嚐湯底的鮮甜味呀～

旺角漁場台風同荃灣拉麵台風既姊妹店，但呢間新開既新分店好似冇咁出名。内籠唔可以話大，但只有大概20個座位，所以位置幾闊落，唔洗同其他客人貼得咁埋嘛。鋪面以粉色爲主調，貫徹左台風既Style，貼滿科幻電影海報同擺滿動漫手辦。講返食物，佢既拉麵真係數一數二好食🤤🤤湯同叉燒既表現尤其出色。上次叫左份濃厚蟹蝦豚骨拉麵，一淡熱湯落喉，好有驚喜，湯頭你會飲到蟹膏既甘香同蝦既鮮甜，鰹魚底又令碗湯清新不少，完全無涸喉既感覺，係可以成碗飲曬個種。麵夠爽，粗幼適中，掛得起d湯有餘。叉燒先係重點，佢地既叉燒係低温慢煮，上枱建議食左先，因為熱湯好快會將粉紅色既叉燒浸熟。一食落口會完全改變你對拉麵叉燒既定義——因爲63度慢煮過既叉燒，入面既蛋白質依然未變形，可以鎖緊所有肉汁，所以咬落即化，一D豬肉纖維都無。值得一讚既係，店主怕有D人驚豬肉生食，台面有張告示寫著叉燒以低溫慢煮30分鐘，符合日本安全標準，非常貼心。另外，呢間人手幾足，全日都可以食到拉麵/沾麵，係附近返工可以去支持下！抗疫期間店員仲會提供A4紙墊口罩添👍🏻👍🏻

其實由知道會係港島區開台風拉麵已經好期待，好心急想試下同呢外兩間分店有咩分別，結果冇令我失望，而且仲令我念念不忘。由開張到而家，已經去咗四次，原因係佢地嘅嘅濃厚蟹蝦豚骨拉麵實在太吸引，食過一次之後嗰種濃郁嘅湯味實在令我念念不忘，配合埋比較粗身嘅麵條，簡直係Best Match。另外呢間分店比起另外兩間唔同嘅就係，佢地係用薄切嘅慢煮豚肉，更加可以索到啲湯，超入味。下次再有機會，會試埋佢地嘅沾麵，呢間拉麵店值得推介！😋😋

呢個拉面港九新界都有分店，不過名就有少少分別🤤-落單方面需要用筆同紙自己圈完再交上去😇-濃厚蟹蝦豚骨拉麵$88🦀🦐-味道非常濃郁，濃烈既蟹味蝦味好重海鮮味，反而豚骨味就無乜。有時最怕拉面湯底會唔夠味，呢個就完全無呢個問題，兼且唔會太咸，值得一試。配料方面，有慢煮既肉🐷，不過唔洗擔心，浸一浸就會熟翻少少，都好有幾塊，另外已經有溏心蛋，荀，同葱🤤🤤最重要係！佢好大碗！面超級多非常飽肚！🤤-魚介豚骨沾麵$83🐠-配料方面大致上一樣！友人話呢個都非常出色，面入面仲有一小舊檸檬中和翻沾麵既湯，魚介味無蝦蟹味咁重海鮮味，不過友人就話沾麵魚介會比較適合，因為沾麵比較膩少少🤤不過都一推！最重要係！佢都係好大碗！面超級多非常飽肚！🤤

之前都見過唔少人推薦呢間台風拉麵，而每一間分店都會有限定嘅湯底，見到前兩個月開嘅灣仔分店，有我最鍾意食嘅黑松露湯底，所以一直都好想試吓。平時鍾意食沾面嘅我哋，今次竟然只係叫咗拉麵食🤩但三種唔同嘅湯底非常之有驚喜，食落都有好唔同嘅感覺！一定會再幫襯試埋佢啲沾麵🥰三碗拉麵嘅配料都一樣，低溫慢煮嘅叉燒好好食，夠嫩夠淋，而份量都合理！略嫌糖心蛋熟咗少少，不過都接受到嘅。網上面見到原來可以荀轉蛋，如果真係幾話都幾正🤪啱哂我呢啲唔太鐘意食荀嘅人！麵條屬於比較粗身嘅拉麵，而軟硬度都啱啱好，而掛湯能力都幾高下。拉麵份量嘅都好足夠，個人覺得女仔揀少量都夠飽。.seens this Tai Fung has a few branches across HK but each one has their own unique ramen soup base 😆 the wanchai shop opened 2 months ago and they have the squid ink truffle ramen that i wanted to try 😋 ordered 3 ramens all of

開左咁耐終於去食啦，三間分店各有特色。平時去開都係荃灣始祖店到食晚餐，指定叫沾麵，但我今日晏晝黎食呢間嘅係魚介沾麵，實在好好食食到好滿足。基於呢排都食唔到幾多野，胃口麻麻但一講到食呢間，咩胃口都番哂黎。本人實在太鐘情「台風」啦，因為搵岩自已嘅口味。黃店加油！！我嘅最愛拉麵店！！！！！！

🇭🇰#香港捐窿捐罅記 #菠蘿王子經濟圈Instagram: foodkiller_dk新開黃色拉麵店💛日本師傅親自坐陣🥱開「和你eat」果時發現附近有間新既黃店🤤 好似啱啱開咗冇耐咁😌 就去試下💛主動問師傅有咩推薦先發現原來佢唔識廣東話😌 原來係架仔🤨 咁我日文淨係識果d啦😏 所以放棄咗問😂-🦑 #墨汁黑松露拉麵 🦑 （$88）成個麵都好黑😂食完連口同牙都超黑🙂拉麵煮得好硬😅有少少似意粉口感😗叉燒唔係平時食開果隻五花🙂而係半肥瘦既嫩肉😂食落幾嫩口🤣 不過個湯底係有少少怪😂.🍜 #濃厚蟹蝦豚骨拉麵 🍜 （$88）湯底飲落幾濃😌有少少咸🤨件蛋都幾流心😌 煮得啱啱好😉個麵又係硬身，我覺得佢可以比你揀軟定係硬😌咁就大家都開心😌 總結來說 有進步空間 加油💛-🎈 灣仔駱克道389號地下平均傷害：$88好味值：6/10

以我經驗，農曆新年期間食拉麵是上佳之選，其原因是很多拉麵店在新春期間都會照常營業，再加上拜年時期大家都偏好一大班人形式聚餐，拉麵店這種較為偏向個人的在這時期應該有座位。上次的經驗在大年初一就光顧了剛剛正式營業的一燈。今次大年初三就來到台風R取經。台風R是台風系的第三間分店，之前兩間分店拉麵台風及漁場台風獲得不錯的支持度，特別是拉麵台風門口總有一條長長的等候人龍。終於第三間分店在港島經營，現時新界九龍港島各一間，我認為這是最好的經營策略，店子只是兩三間易於控制品質之餘，捧場客亦長賣長有，加上各店的風格亦可因各店的主厨稍稍改變，變成雖然是同一集團旗下，但食客在各店吃出新鮮感。我有幾個朋友是台風系熱粉，只光顧台風系的店子，而不會去其他品牌的拉麵店嚐嚐，每到週年記念日，我的朋友必定預留時間走去光顧，吃限定版紀念拉麵及購買限定版紀念Tee，這真是很死忠的行為啊。但對於我來說台風系的出品是很好吃，拉麵台風的骨膠原拉麵或撈麵，以及漁場台風沙甸魚味豚骨拉麵都是令人難忘，但是難忘歸難忘，台風系並非本人喜愛的拉麵店，原因是氛圍問題：等候時間太久、舖位窄小、坐的櫈子不是太高就是太矮、燈光及冷氣問題等等，都難