台風。R

营业中

休息中

掛住日本拉麵🍜嗎？來到這小店一定使你尋到日本拉麵🍜風味呀！ 這間位置在灣仔的小店叫 「 台風。R 」，是最近我覺得絕對是香港的拉麵皇者！港島區朋友一定要試的一間拉麵店！ 灣仔有4 款麵，我今次選擇了「濃厚蟹蝦豚骨拉麵」和特色拉麵一定要點的 「墨汁黑松露豚肉拉麵」！可自由按需要選多份量，或細食的少份量，貼心選擇！大愛這店都是直空低溫慢煮一塊塊豚肉切片超級薄身，入口軟綿綿太好味了😋墨汁黑松露豚肉拉麵口味更是感覺高級又特別，仲有無敵流心蛋軟滑口感即時便咬啖呀！手工拉麵同樣出色，湯底配著以上食材全部使我難忘！樣樣都這樣喜歡啊！台風。R📍地址：灣仔駱克道389號地下

聽台風係銅鑼灣開左分店，已經想試好耐，但係因為疫情一再卻步。最近都好耐無出銅鑼灣，去左掃貨，掃完貨就去左台風食野。佢既位置比較唔近銅鑼灣閙市，反而靠近鵝頸橋果頭。晚黑行過果邊既人流不算太多，亦唔太多鋪頭開左。台風。R既招牌係漆黑中更顯明亮，非常易揾。可能位置不算就腳，去到也唔洗排隊，鋪頭入面都仲有幾個位。依點有啲驚喜，因為其他分店既台風通常都要排好耐隊。入到去職員比左口罩套，枱面亦有洗手液，衛生不錯。職員也好認真咁抺枱！鋪頭既裝修相對明亮簡潔，入面都放左好多figure仔，播住日文歌，不過無其他分店咁多掛飾/畫畫。佢既野食有湯麵同沾麵。variety 比其他鋪豐富，部份以蝦湯為主題。我地叫左一個濃厚蟹蝦豚骨拉麵（$88），同一個海蝦味噌沾麵（$88）個人認為拉麵比沾麵好。濃厚蟹蝦豚骨拉麵（$88）有拉麵應有既材料，另外加左少少洋蔥絲，幾特別，仲有佢既叉燒係低温加熱，睇落係粉紅色，食落去唔會韌。佢湯麵既湯都濃，但不過唔會好肥膩，係一個好好食既拉麵！海蝦味噌沾麵（$88）我本身叫左熱麵，但黎左凍麵。食落先覺，好sad：（ 佢既沾汁本身都熱，但麵太凍，感覺越食越凍咁。不過好彩佢有得加熱石，整

一路食開旺角分店，突然發現原來灣仔近銅鑼灣嗰邊有分店，超開心，就去咗食。由於我好鍾意食沾麵，而旺角分店得午餐時段有沾麵，夜晚係拉麵。但呢間就連夜晚都有沾麵，好開心。海蝦味增沾麵 $88個湯有好多櫻花蝦，好重蝦味，好正。可能因為我醬汁揀咗濃厚，所以個湯好多油。雖然好味，但太邪惡，下次都係揀正常算。由於我唔食筍，所以我將佢轉左做蛋，個蛋好食。麵我揀左暖嘅麵，落幾滴檸檬汁，好食好多。特別想提下嘅就係佢個叉燒，佢唔係平時拉麵嗰啲叉燒，係好似生生地咁，有啲似食緊ham咁。但好正，好想再食。

今次去咗呢間台風。R食日本拉麵。一入到餐廳就聞到好香嘅豚骨拉麵，望望餐牌選擇唔算多，叫咗個濃厚蟹蝦豚骨湯拉麵（價錢$88 ）。等拉麵嘅途中，留意到呢間餐廳係非常之「宅」嘅：播住搖滾嘅動漫音樂，餐廳入面仲擺設咗好多動漫角色嘅模型盒，相信男仔應該會好鍾意！等咗一陣拉麵就到啦，不過一見到拉麵嗰下有點嚇親，豚肉係粉紅色，好似未熟咁。我將豚肉放入湯入面浸住，隔咗一陣就變返啡色，但係食落豚肉嘅味道麻麻。個湯嘅味道就幾豐富，飲一啖有蟹、蝦同埋豚骨味，不過覺得有啲油。

終於到咗令人期待的星期五了 ＝）放19:20, 同同事諗住食完晚餐後去 Don Don Donki =P, 所以去咗灣仔揾好嘢食，收藏咗一排，終於試到了 。去到已經4-5人排緊，店舖唔算大，大約有20個位，但係多是 bar 枱，所以應該不會等太耐。排隊時，店員已經派發了點餐紙，選擇唔算多，主要係你食唔食沾同拉麵的分野。我同同事都驚沾麵太飽，所以都揀咗拉麵🍜。 真係等咗大約是15分鐘就安排到坐位 =D,  因為之前已經交咗餐紙，坐低後等多一陣已經有得食。我點咗墨汁黑松露，同事就濃厚蝦豚骨拉麵。墨汁黑松靈 - 如期，湯好黑。但最吸引我既係嗰塊叉燒，我初時真係好驚，唔知塊肉係熟咗未，我就胆粗粗試下。嘩！好特別 ；0佢嗰樣雖然好似無煮過咁，但食落口真係有叉燒味。太神奇了！！！麵嘅味道就唔錯，但我個人就覺得比較「傑」，黑松露味唔算好特出，但食完後全口變成黑色好搞笑。濃厚蝦豚骨拉麵，朋友覺得太多，最後佢食唔晒。P.S. 店員好細心，佢見我食墨汁麵，佢問我要唔要圍裙。So nice 

次次嚟食都唔捨得唔嗌海蝦味噌沾麵，海蝦湯鮮美濃郁、唔會死鹹，蝦味餘韻綿長，而且個湯好掛麵，每次食都覺得好幸福😭麵底就算叫普通嘅量都相當大份，連埋啲湯又會忍唔住一啖接一啖，食完會係滿足嘅一餐！慢煮叉燒軟嫩化口；跟麵嘅半隻溏心蛋高質唔使多講，啲筍都冇「壓味」，平時唔食嘅我都食哂👍店家好貼心咁提供熱石，湯凍咗嘅話可以叫店員加，不過我好快食完就冇加喇。最後食剩沾麵湯，加埋魚湯一齊飲，鮮味無窮🌟呢餐先叫完滿！朋友叫咗濃厚蟹蝦豚骨拉麵。稍稍試咗拉麵湯底，畢竟唔夠沾麵湯濃厚😂但朋友都覺得整體好好食。聽聞拉麵台風其他區嘅舖頭都要排大隊，呢間灣仔新店就冇咩人龍，但質素、價錢、服務都好出色。蝦沾麵同慢煮叉燒仲係灣仔店獨有🤪好想幫佢宣傳但又唔想以後排隊，好矛盾...Btw毒J私心鍾意店內擺設，尤其攻殼機動隊、EVA、Paprika💛而且有說好食是良知，店家兩樣都有，支持！

好大碗拉麵，1.5 倍拉麵，真係好大碗，如果再加大真係要好大胃口先食得哂，所以我都係擇咗少麵，份量啱啱好！🔸魚介豚骨拉麵 𝐫𝐚𝐦𝐞𝐧 $𝟕𝟖 (𝟒.𝟏/𝟓)香濃魚湯，麵質爽口，用豚肉代替傳統叉燒，豚肉用低溫煮，色澤粉紅色，但入口一啲都唔生，而且仲好淋添，我用咗$10 加一份紫菜，有成10 片咁多，好抵食呀！整個拉麵同湯底都好好，最重要係食完都冇口渴，證明冇用味精👍😋😋🔸濃湯蟹蝦豚骨拉麵 𝐜𝐫𝐚𝐛 𝐚𝐧𝐝 𝐬𝐡𝐫𝐢𝐦𝐩 𝐛𝐫𝐨𝐭𝐡 𝐫𝐚𝐦𝐞𝐧 $𝟖𝟖 (𝟒.𝟏/𝟓)呢個基本上同魚介拉麵差唔多，不過加咗蟹肉，飲落口好香蟹味，如果喜歡蟹嘅朋友就可以試呢一款啦！

天陰陰落雨天突然間好想食拉麵，呢一種天氣食一碗有湯暖笠笠嘅粉麵係特別有溫暖嘅感覺。台風拉麵一直都有聽朋友講個質素好好就趁機會去試下。點咗濃厚蟹蝦豚骨拉麵，份量同配菜都係揀普通。鋪頭都有溫馨提示佢哋普通嘅份量係比一般舖頭多，實驗證明係！我係正常食量嘅女仔，出街食嘢盡量唔浪費會洗碟果種，但係佢麵嗰份量真係多，食完之後差啲飽到有啲反胃。如果大家係細食嘅女仔，就可以揀"少 "。講返拉麵，湯底好濃郁，好香蝦油味道， 但飲落好唔會一口都係油膩嘅感覺同埋無豬骨臭。麵質係個人比較喜歡偏少少硬度，比較粗嘅麵。如果下次去我可能睇下有冇機會要求要硬麵。肉，唔係傳統拉麵舖圓碌碌一片片嘅醬油叉燒。佢係比較入口鬆軟即溶嘅薄片，我個人其實比較偏好呢種。銅鑼灣灣仔分店餐牌上嘅拉麵都係全日供應，呢方面比起旺角店方便，咩時間都有得食拉麵同沾麵。

魚介豚骨沾面  83元  多蔥+免費流心蛋   4/5分1. 由於之前儲落3次拉面收據,所以今日可以換1隻流心蛋,其質素相當平均,值得一讚,各間分店的質素都一樣2. 面條的份量200G,比其他拉面店都多,基本上不用加面都夠飽,口感偏硬,我比較喜歡的面底3. 溫體CHA燒就比較薄,味道較淡,我更喜歡厚切一大片的CHA燒4. 多蔥非常重要,配上濃郁的湯底,沾上面條身上,淡淡入味。其實味道好濃,可能香港人偏愛清淡,所以加點湯會好一些,但我就超喜歡濃湯啦~5. 薄荷檸檬冰水透心涼,比許多拉面店的純冰水優勝此店竟然有YELL CARD機,2元抽一張,今次我就抽到一張相當滿意的小卡。價錢十分公道,份量超多的拉面黃店,如果喜歡捧腹而歸的手足,又想一試濃厚湯底的拉面,我就超級建議一試,先試魚介拉面吧,之後有機會再試沾面,不會令你失望。

去唔同嘅台風分店都會食唔同款式～ 嚟灣仔分店就揀咗食「濃厚蟹蝦豚骨拉麵」喇😋😋真係不得了💘 湯底好香好濃🤤🤤 而個叉燒肉好特別、同平時其他拉麵鋪（甚至台風其他分店）都唔同，60度慢煮、肉味香濃💛 麵條麵質就更加唔駛講，好好咬口😋

一個人最好去食拉麵，又可以面壁，又可以聽住歌煲住劇食。終於試到台風R, 我叫咗濃厚蟹虾豚骨拉麵，湯底好味好濃，亦都有鮮蝦味，拉麵厚實彈牙，溏心蛋整得幾好，好滑無煮得過熟，有葱絲荀做配菜，中間有幾片嫩豚肉幾鮮味，對女仔嚟講份量岩岩好。疫情期間座位都用膠板隔住，大家都有適當分隔距離，衛生做得唔錯，員工會為進舖既客人量體溫，亦會於每個食客離開後都不停抹枱清潔，餐枱上亦有酒精搓手液消毒，食得安心。員工好有禮貌。

📍激濃厚湯底嘅拉麵🦐 -- 台風·R🍜💛台風·R位於灣仔，舖頭用上亮眼嘅紫紅色，以前離遠望一直以為係食台灣嘢🤣🤣後尾發現原來係食拉麵，仲要係黃店嚟💛更加要大大力支持❣️所以前排小編就拉咗朋友一齊去試下😋店舖只專注賣五款拉麵，我哋當日叫咗兩款------------------------------⭐️濃厚蟹蝦豚骨湯拉麵（$88）拉麵賣相吸引💕蝦香撲鼻🦐湯底非常濃郁厚身，滲出好濃嘅蝦同蟹味，而且兩者味道平均，balance得好好，唔會有搶味嘅情況😝拉麵口感係偏煙韌粗身，掛湯力十足😋雖然慢煮豚肉冇咩調味，但係煮得好淋好嫩💕------------------------------⭐️黑松露墨汁拉麵（$88）湯底烏卒卒，加埋溏心蛋同粉嫩嘅慢煮叉燒，賣相好吸引😋店員仲好貼心送上圍裙，咁食嘅時候就唔怕墨汁彈到衫❣️墨汁湯頭質感濃稠，而家好鮮甜！絕對唔係死鹹，好有驚喜😆加埋芝士粉帶少少鹹香😋 有劃龍點睛嘅效果🙈不過就食唔出黑松露嘅味道🥺拉麵嘅份量好多（呢到普通份量已經係1.5倍！男仔食都應該好夠）🙈麵條係比較粗身，偏煙韌嘅口感，而且都幾掛湯，令人一啖接一啖❤️慢煮叉燒肉質嫩滑，應該無特別調味，所以會偏淡

噢~ 麵麵麵麵麵麵麵麵好耐冇出現拉麵拉麵拉麵拉麵今日講拉麵 嘻！食湯拉麵梗係要整啖湯試試係咩料到先啦WOW super蝦!!!!!!! 蝦殼蝦頭蝦腦蝦漿乜都喺入面咁😂 勁濃郁勁thick!即使而家係throwback, 都有陣蝦味喺個腦入面呢度嘅拉麵比起出面嘅粗少少 十分爽口彈牙!肉係慢煮嗰隻 所以係勁嫩勁粉紅!食完成碗啱啱好 超級滿足呢度嘅價錢算係有質量兼且冇overprice到台風。R濃厚蟹蝦豚骨拉麵 $88📍灣仔

今次又介紹另一間拉麵黃店 位於銅鑼灣同灣仔之間 餐廳係以日本動漫做主題 擺左好多poster 同figure 動漫迷要留意啦🤪~~🍜濃厚蟹蝦豬骨拉麵 $88呢間拉麵嘅份量注明話比坊間的多1.5倍 食落真係幾大碗 麵條偏粗身 質感彈牙👍🏻湯底好重海鮮味 🦐蝦味較出 冇咩蟹味 但味道都好濃郁😋🍖叉燒比較特別啲 係薄切半生熟 煙薰味幾香 食落好嫩口 有啲似食緊Parma ham🤪🥚溏心蛋幾出色 唔會太鹹~~總結1）唔錯的濃味拉麵 可以一試~~評分📈味道 7.5/10環境 7/10性價比 7.5/10—Rating 📈Taste 7.5/10Environment 7/10Worthiness 7.5/10

Very yummy. Have the taste of real Japan. About $80. Very big portion. A normal lady can have reduced portion. A big eater can have the normal portion. Good Japanese Anime style decoration. I tried the shrimp dip ramen. Very tasty. You can tell they use a lot of shrimps to make the sauce. 超超超好食，有日本嘅感覺，價錢80蚊左右，裝修係動漫系食左蝦沾麵同蟹麵，沾麵正d，個湯係真材實料，份量超夠，揀普通份量已經食到好飽，自己已經算大食，老婆食唔哂，平時食拉麵都要加麵，超抵