台蔡滷肉飯

营业中

休息中

台蔡滷肉飯開鑽石山開分店專程出荷里活廣場試下佢-招牌鹽酥雞依然好味 出面脆入面juicy 有保持水準 -滷肉飯都係荃灣店果隻味 個酸菜更加畫龍點睛-新菜式炸豬排都唔錯 個人鍾意鹽酥雞多啲-用餐環境比荃灣舒服寬敞好多-無收加一服務費不過有樣野一樣 無論荃灣定鑽石山 食台蔡都係要排隊😂😂我地2個人 星期六下晝5點半到 已經要排半個鐘先入到 食完大概7點 出面人龍已經排到隔黎舖下次要揀平日再黎試下蛋餅keep唔keep到水準先

台蔡滷肉飯喺荷里活廣場新開張呀！！但星期六下午五點前非晚飯時段竟然無人排隊， 但一到準時五點半已經人頭湧湧，大排長龍😃 好彩我五點鐘一見無人， 立即決定衝入去食個靚飯先～ 叫咗個芋泥燒豬軟骨 配 小碗滷肉飯～ 跟餐飲加$15要仙草茉香奶茶～ 其實仲有其他特色口味， 例如黑芝麻奶茶，我都好想飲，下次再飲～ 小碗滷肉飯 ⭐️⭐️⭐️⭐️非常出色～ 滷肉飯入味唔油膩，而且加有酸菜，加有辣椒而微微辣，開胃好食😋芋泥燒豬軟骨⭐️但非常可惜，芋泥燒豬軟骨令我非常失望～ 豬軟骨完全無燒過.. 但睇睇menu, 英文係寫steamed!! 即係蒸！ 蒸到好似白烚，好似食緊湯渣豬軟骨咁 😅 個坺芋泥稀水咁，份量亦唔多，唔覺得係咩芋泥仙草茉香奶茶 ⭐️⭐️無論茶味或奶味，兩者嘅味道偏淡～ 仙草滑嫩，但味道亦輕渺～ 唔知其他餐廳推介口味又係點呢？！ 歡迎食過嘅朋友留言話我知～

知道荷里活廣場開新店，當然要試下。自從無咗小王牛肉麵，好味台灣牛肉麵又少咗一間。第一次嚟試，試咗👇台灣牛肉麵 湯底係唔錯，麵質都正常，牛肉係選用牛腩位置。但出品湯底夠熱會好一點。炸豬排 滷肉飯賣相幾得，但塊豬扒過度淋，應該係太多鬆肉粉，變相口感太淋，無咗豬扒應有嘅口感，而且過量嘅醃製都唔係健康。滷肉味道唔錯，唔太油也唔硬。鹽酥雞滷肉飯雞件味道唔錯，雞件嘅質感都唔差。紅抱仙草奶茶，茶味都香濃。烏龍仙草奶茶，都有茶味。百香果芒果茶，就沒有百香果味，只有芒果醬嘅甜。整體食物質素都唔錯，但出品食物唔夠熱，白飯及湯麵都唔夠熱。部分細節有待改善。希望此店注意。但會再光顧嘅😉

4月21日中午細仔仔在 WhatsApp 緊急吹雞，話當晚請肥爸及靚媽到此店食台灣食品，收到喜訊揾食肥華即刻逼令靚媽將昨日在(篷灜仙館該意食剩)外帶回家的兩款準備今晚享用的齋菜當厨餘掉棄，原來浪費食物真係有報應，因今餐此店嘅食物及飲品都獲肥華好評，加上之前要在此門外排隊等位入座，要用成3O分鍾而食到一餐因(揾食肥華)個人口味問題而定為劣食嘅晚餐，呢個可能係上天給肥華故意浪費人間食物嘅報應， 呢個懲罰肥話都覺得係啱嘅。👎👎👎👎👎👎

最近見到人氣台灣餐廳台喺鑽石山開咗分店非常就腳，就同朋友去咗試晚飯時間餐廳外面排晒長龍當日大約等咗20分鐘就入座俾想像之中快👍🏻可能期望越大，所以失望越大覺得名過其實！-🔸 九層塔鹽酥雞（$42）鹽酥雞大大件新鮮熱辣口感香脆兼有肉汁不過味道好唔掂🥲無鹽酥香味雞件亦無吸收到九層塔香同普通炸雞冇分別🔸肉鬆起司蛋餅($40)肉鬆餡料非常充足蛋餅煎得好香🩷外層口感脆身係成餐飯最好味！我會俾佢90分🔸麻辣滷肉飯（$58）麻味同辣勁都有但就一啲都唔香、唔惹味唔會有種越食越停唔到口嘅感覺！而且個人覺得味道偏鹹如果講食麻辣滷肉飯...我會推介阿元來了係我食過之中No.1🔸椒鹽炸豬排＋小碗滷肉飯（$72）呢碗經典口味嘅滷肉飯比麻辣口味好食好多！椒鹽炸豬排大大塊好似好吸引但味道又係令人失望🥲豬排食唔到有椒鹽味值得讚賞嘅係豬排外層香脆炸完仲持到肉汁兼唔油膩！

有日行過荷里活 見到原來台蔡再開新分店🙀真心恭喜佢地🎉👏🏻之前我都有去佢地奧海城店試過 而家市道咁差都能夠擴張 背後一定有唔少壓力💪🏻💕我前兩日返學前 同朋友一齊過左嚟試🫶🏻我地好驚訝未開門已經大排長龍😧（荷里活都靜左好耐😂好難得見到有一間餐廳排曬隊） 今次我地叫左牛肉麵🍜、九層塔鹽酥雞🌿配小碗滷肉飯🍚、芝士肉鬆蛋餅🧀同埋兩杯飲品🧋牛肉麵嘅牛肉好淋好入味😋份量都好足夠 湯底帶少少微辣🌶️我覺得無我上次係奧海城店食嘅湯底咁濃郁🤔荷里活分店嘅麵食採用關廟麵🍜麵條好滑身 唔會好重麵粉味👍🏻九層塔鹽酥雞加小碗滷肉飯啱曬想食主食又想食小食 但又驚食唔曬嘅細食人士🤣🤣鹽酥雞外皮炸得幾酥脆 唔會好油 份量都算多 雞肉有肉汁 唔會炸到乾曬🍗配搭埋炸過嘅九層塔一齊曬就啱啱好🤤🌿至於滷肉飯嘅滷肉我覺得都幾入味 但就略嫌白飯淋左少少 如果硬身返少少就好啦🤏🏻✨荃灣店限定嘅芝士肉鬆蛋餅🧀今次鑽石山分店都有🤤🫶🏻蛋餅外皮煎得非常脆 餅皮唔算薄 但我個人覺得ok唔算太厚～餡料都好足 滿滿肉鬆好正😋😋跟餐仲加左熱大紅袍珍奶茶🧋同百香果茉莉綠茶🍵正常台式飲品味道 都幾大杯🥤叫少甜味道剛剛好😆