台蔡滷肉飯

营业中

休息中

荃灣路德圍有間主打台式滷肉飯嘅小店，有唔同口味嘅滷肉飯可以揀，例如爆蔥、麻辣、肉鬆等。由於店舖唔大而且人氣比較高，所以都預咗等位，好似我哋星期六大概午飯時間去，都等咗三四檯大概半個鐘左右，由於冇得攞飛要企喺度等，加上等個位又勁曬冇遮擋，所以建議飯點嚟嘅朋友記得帶返把遮同風扇，如果唔係真係會中暑🥵排骨湯配台式滷肉飯套餐 $82一上枱聞到好香嘅藥材味，湯頭甘甜濃郁，而且排骨都幾足料，炆得好淋。滷肉飯味道正宗，份量都唔少，以呢個價錢嚟講幾抵食。九層塔鹽酥雞 $38炸得金黃酥脆，肉質鮮嫩、外皮酥脆，再加上九層塔的香氣，非常香口

有一段時間都冇落嚟荃灣食嘢！難得落到嚟路徳圍，見到台蔡滷肉飯都仲排緊隊，就食吓台式嘢啦！每次嚟到當然要有一碗滷肉飯啦，滷肉脂肪比例重，口感嫩滑，配菜都好入口味！九層塔鹽酥雞份量極多😮見到都嚇一嚇，醃得好味，外皮好酥脆，內裡確實係Juicy。花雕酒麻油雞湯麵平時都係只食滷肉飯，今次就想試下湯麵一嚟到聞到好香藥膳味道，伴隨淡淡麻油味，食嘅味道亦都同上，反而花雕味唔算重。不過可能温度唔夠熱嘅關係，只能話係暖，好快成碗凍咗，之後就只食到較苦同甘嘅味，如果温度可以熱啲，相信可以食到尾。麵質係可以的，口感爽滑彈牙👍🏻肉鬆起司蛋餅表面係酥皮口感，又幾得意，咬落去蛋同芝士夾起嚟好香，每一啖都係足料嘅👍🏻而個醬汁都好好味，食落另人開胃👍🏻👍🏻大紅袍珍珠奶茶當然唔少得，要飲返杯珍奶茶味極香，奶偏重，少甜飲落清香珍珠份量還好，不過可能夜晚關係珍珠都黏咗一齊令到有部分珍珠都啜唔到，口感偏腍。

台蔡魯肉飯位於荃灣一直都大受歡迎，每次經過都會見到有條長長嘅人龍係佢地門口~ 前排我地等咗大概半個鐘就可以入去啦~☺佢地其中一個招牌菜係鹽酥雞，所以我地order 咗✅鹽酥雞魯肉飯套餐~ 鹽酥雞外層脆卜卜，而佢嘅調味亦都剛剛好，入面嘅雞肉嫩滑多汁🤩~旁邊嘅魯肉飯睇落好似好細碗咁其實佢嘅份量一啲都唔少架~ 魯肉飯食落正正常常冇咩特別，但呢個set 係真係性價比幾高~👍✅對藥膳排骨魯肉飯就有少少失望啦，因為佢嘅藥膳味唔係好出，但排骨真係好嫩腍，同個魯肉一齊食都幾夾嘅~😇✅香腸蛋餅呢個配搭對於我地黎講都幾新穎，所以我地都決定試下佢~ 蛋餅嘅外層好酥脆，入面夾咗蛋皮同台灣腸係入面，配搭埋蛋餅上面嘅sauce一齊食味道唔錯~ 😋

其實已經mark左呢間野好耐啦 次次行開荃灣都見到好多人排隊裡面又full曬好忙上網睇下評價又真係好吸引咁 今日特登早啲等12點開門就去排隊 去到前面已經十幾個人排因為本身都鍾意食牛肉麵 咁就試左紅燒牛肉麵碗野上黎唔大熱 食左個面質都覺得還可以但係湯底好鹹 牛肉好鞋好鹹 一啲都唔好食平時一碗麵唔夠食 但係呢碗野真係食唔落。。啲雞味道都醃製得唔好味 成碟食左兩塊。好失望。加上有個帶眼鏡既女同事好似做咩都唔願意咁、想要個辣椒油都好似要黑口黑面咁。咁啱有個客唔識開佢地既門，佢就好似好無奈咁「向右拉啊」。。但係明明都好近距離 都唔願意協助都知道唔可以要求咩服務啦，但係野食都真係唔得，好彩唔洗排隊好耐。唔值得排隊，唔會有下次。。

由台灣人主理的火紅台式料理店，聽聞人龍不絕。今日決定要試，原來小店有落場時間，很好，於是五點二十分就到達，等了十分鐘，準時五點半獲安排座位。好多嘢都想試，最後決定叫個鹽酥雞滷肉飯套餐。招牌菜滷肉飯採用台灣蓬萊米，飽滿彈牙，滷肉肥瘦比例算適中，配上微辣的酸菜，整體不俗。套餐最出色係鹽酥雞，無論調味，炸漿份量，炸的火喉都恰到好處，高汁。套餐還有一小碟小菜，今天提供的是素肉海帶，兩者之外還有筍絲，很惹味。加錢叫了杯大紅袍仙草奶茶，份量都唔少，大紅袍茶味頗濃，不過建議飲原味，因為少甜的話，就真係非常唔甜。下次想試蛋餅。

//06 04 23 間中落雨🌦️20:37 荃灣台蔡滷肉飯行咗咁耐… 係荃灣食親都係Donki、神石、素食、泰國嘢🇯🇵🇹🇭🇭🇰好似越黎越無新意咁🤔!!!所以一到晚飯時間 個人就開始overload…….. 肥仔問親食咩?? 我都眼神已死🙄因為貴嘢唔想食 快餐店又唔會專登入黎先食 打邊爐、雞煲又覺得熱氣🙅🏻‍♀️總之諗諗下又少一間選擇~突然間!📢📢📢📢肥仔爆佢今朝係社交平台見到有朋友介紹間正嘢:全香港最好食嘅台式滷肉飯🇹🇼間餐廳就正正喺附近 不如去昅昅啦🤔🤔🤔？其實我對滷肉飯真係無咩好感架~~試過幾次都係麻麻地 成碗嘢一堆肥肉 而且嗰浸油味 食多兩啖都怕🤮所以通常食台灣嘢 都另願叫牛肉麵或者其他小食嚟填抱嗰肚不過肥仔既然講到咁正 而且又係附近 咁我即管去望望先~~嚟到台蔡滷肉飯嘅門口眼見座無虛席 兼且排晒長龍睇嚟應該都唔錯 好啦~好啦等我比嗰機會 試試佢啦🥳!!!麻辣滷肉飯 可配溫泉蛋/溏心蛋 HKD$58————————————————————————有好香麻辣、藤椒嘅味道滷肉肉粒介乎肥瘦之間 所以完全唔會食到太重嘅油膩感配埋一隻最愛嘅溫泉蛋 幾樣口感加埋 又辣又香又滑結果…我第一次可

荃灣間台灣店日日都大排長龍，呢排勁多人介紹，係由一位居港嘅台灣師傅主理。我係閒日1145到，1200開門準時入去，食完出黎見有10幾人排隊…傳說中世一嘅台灣菜？排一個鐘以上都要食？又係時候真實食評剖白😇🤷🏻‍♀️👓台味滷肉飯 $58首先嚟到個賣相真係好唔吸引…滷肉偏少，都算半肥半瘦，一粒粒，但食落唔算香濃，d飯有d黐埋一舊舊，有隻溫泉蛋令佢好味咗，但依個價錢完全唔值得食。評分：5/10👓鹽酥雞滷肉飯套餐 $70唔知點解依個滷肉飯嘅滷肉係一條條瘦肉咁又唔入味🥲個跟餐小菜得幾條唔好味嘅野…鹽酥雞都有鹽酥味嘅，肉質都滑，炸粉唔厚不過有少少唔平均，不過炸得比較油膩。評分： 6.5/10👓藥膳排骨湯 $56藥膳味好香濃，如果鍾意藥材味嘅會幾鍾意飲，少少偏油，排骨有4條不過好鞋…冇咩其他材料食，2粒豆卜索咗湯都入味嘅。評分： 6.5/10👓玉米起司蛋餅 $36蛋餅係比較好味嘅一款，用咗蔥抓餅外皮酥脆，中間有少少咬口，夾埋芝士粟米算好味，但冇拉絲效果，過得去啦評分： 7/10👓大紅袍仙草奶茶 凍 少甜少冰 +$15睇個色完全係奶水…飲落茶味好淡，仙草正常不過份量較少，好普通評分： 6/10

之前久仰呢度日日都排到天昏地暗冇諗過今晚8:50都仲有人排隊不過見只有5個人等，感覺係「排able」😂等左10分鐘就可以入去啦8:15 last order各自叫了個set + 份小食（大腸包小腸）$40比起台灣貴左成倍，不過真係好好食店員話珍珠賣曬只好order了芒果茉莉綠茶仙草+大紅袍仙草奶茶藥燉排骨好足料…有成5-6舊 （唔知係咪因為就嚟收舖😆）感覺有好多藥材，不過藥材未並唔重（甜甜地）滷肉飯都好足料，可以撈晒成碗飯有餘鹽酥雞份量亦不是說笑其實如果兩個都細食既人真係叫個餐加個飯/小食已經好足夠飲埋杯台飲真係飽到一個點

身為荃灣友，但而家先來到真係有點慚愧😅 有時收工想買個外賣做下午茶，但原來呢度係有中場休息時間的。大家記得3:30-5:30pm 就要去做下其他嘢先，1730先再來喲😉呢日麻吉1730前已到，已經有條小隊在等開門了👍🏻 點了3份滷肉飯套餐：1. 藥膳排骨 補一補，藥材味剛好，不會太濃太嗆，仲有D杞子明目🤓 排骨都嫩～2. 花雕麻油雞湯米線坐隔離都聞到陣陣的花雕麻油香😌試咗一口米線好彈牙，雞肉都夠滑😋3. 鹽酥雞呢個好有驚喜，炸得好香好鬆脆😍 D雞肉仲好juicy. 係熱氣咗少少😅 唔敢食太多至於滷肉飯係多啲肥肉，但係好香，而且有好多我鍾意食嘅酸菜，呢度D酸菜仲有D辣添，好惹味！另外單點了份起司蛋餅，好好吃！！！🤤而家荃灣真係多咗好多好食嘅台灣餐廳，以後大家掛住呢個美食之鄉都唔怕了😝

之前有YouTube 介紹過已經想去但每次去都好多人排隊上次9 點去到、巳經賣晒食材今日平日過咗午餐時間1:45 pm 唔使等直入我2公婆order 我鹽酥雞配滷肉飯set 雞同飯都好味估唔到佢個伴菜、筍同酸菜都好好味！過様麻麻、但唔會好重味、好味😋用來拌飯食👍🏻👍🏻再order 牛肉麵牛肉都好冧、麵條正常加多個肉鬆芝士蛋捲呢個真心超級好食份量超級足$38 真係抵食足料下次去一定會order 下次再试吓其他嘢先🤪不過間鋪真係好細所以要耐心等位或者揀啲非繁忙時間去🤪

最近經常睇台灣小食介紹後，到心心念念想台式蛋餅。朋友推介呢度嘅蛋餅，暫時佔據咗佢心入邊嘅第一位！幾次經過都好多人，所以都冇食，今日再次經過，所以唔可以再走寶！我去到嘅時候啱啱開門冇耐，已經排咗一條隊喺度，我選擇外賣返屋企食。大概等咗15分鐘以上。滷肉飯整體來講不過不失沒有太大驚喜。蛋餅沒有想像中出色，似係用普通急凍嘅蔥油酥餅煎返熱，再包住芝士和肉鬆，但都算唔錯，順路經過可以試吓！

終於去左最近好hit既台蔡滷肉飯😙一去到見到條隊已經有10幾人💦好彩大約排左20分鐘就入到啦💗原址其實就係The Beans既本店位置坐得好逼冷氣都開得好勁 唔係坐得好舒服🤏🏻不過鹽酥雞同滷肉飯真係幾好食 值得去試下📌📍鹽酥雞滷肉飯套餐 HKD70鹽酥炸到好香脆 炸皮好薄有陣九層塔香味🥰雞肉好嫩唔柴仲好Juicy 調味都幾香🥢而且分量好多 一個人真係食唔曬🫢佢自己都有寫係全港最好味既鹽酥雞XD滷肉飯用左台灣出產既蓬萊米🍚飯粒粒粒分明咬落好軟糯滷肉肥瘦肉好平均仲落左榨菜🐖同白飯撈埋一齊食 調味鹹甜鹹甜幾好味🤏🏻📍藥膳排骨滷肉飯套餐 HKD82相對比較失色 個湯都幾重藥材味☕️但排骨份量就偏少 主要都係飲個湯排骨肉質都唔夠嫩🙅🏻‍♀️套餐仲有配小菜 有荀同麵筋甜甜地幾開胃👌🏻📍粟米芝士蛋餅🌯 HKD36同平時食既台灣餐廳唔同～佢既蛋餅係用左酥皮都幾鬆脆🫓粟米🌽份量唔算好多 主要食到芝士🧀同蛋味🥚面頭應該落左台灣既醬油膏 配蛋餅偏咸🧂唔落醬油會更加好食👶🏻📍大紅袍珍珠奶茶🧋套餐加HKD15茶味唔太出 奶味就好出啦珍珠都幾好咬口幾煙韌 都幾抵飲👌🏻

終於排到堂食了, 堂食真係好食過外賣的.我都排左約有20分鐘, 如果最佳排隊時間約2:10開始, 較排得快及或會未賣晒的.麻辣滷肉飯溏心蛋, 麻辣滷肉飯好食, 如果喜食辣的可選, 不會好辣, 係剛夠味不搶的.肉鬆起司蛋餅, 份量餡料都可以的.大紅袍珍珠奶茶, 可選甜度及走冰, 很貼心。QR code落單。

每次經過台蔡滷肉飯都見人龍, 總之長期排長龍及賣晒. 所以今次只有買外賣.台味滷肉飯, 好味的, 外賣都好味, 應該堂食會不錯的.九層塔鹽酥雞, 也很好味.希望會有機會食到堂食吧!

由台港夫婦經營的台蔡滷肉飯，為食客炮製多款台灣地道美味。除了主打的滷肉飯及鹽酥雞外，更感動的是終於在香港找到與台灣口味相近的花雕麻油雞。清甜的雞湯既有薑的辛辣，亦帶有香濃而不過膩的麻油香，是在香港台菜餐廳難以尋找到的溫暖滋味。Run by a pair of Taiwan-Hong Kong couple, Tai Tsai brings the authentic taste of Taiwan to Hong Kong. In addition to the signature braised pork rice and deep fried chicken, the sesame oil chicken soup is a personal must-try that is hard to find in Hong Kong Taiwanese restaurants.