台蔡滷肉飯

营业中

休息中

以前曾經喺香港試過好幾間台灣餐廳，味道都冇話太驚艷，甚至可以講話程度普通去到難食！直到上年去過一間質素唔錯嘅台灣餐廳，令我重新考慮返香港嘅台灣料理，只係揀餐廳嘅時候需要好好篩選(ˊᗜˋ*)ʬʬ  今次呢間餐廳嘅主廚係居港嘅台灣人，而且最近仲入選米芝蓮名單，呢個亦都係我選擇去品嘗嘅原因，睇下佢係咪真係咁好食同咁正宗！去到個陣只係佢岩岩開左門冇幾耐嘅時間，竟然坐滿哂人，要再排隊⑉¯ ꇴ ¯⑉令我有啲震驚又期待！好彩最後都冇令我失望，味道的確幾唔錯～會再encore！✎ 九層塔鹽酥雞餐滷肉鋪滿成個飯面，滷肉下嘅飯都唔會太淋，依然粒粒分明，彈牙。炸雞嘅炸粉薄，肉質香滑，唔煙靭唔乾身唔鞋♡✎ 滷肉乾拌麵材料有糖心蛋、滷肉、小白菜同酸菜。麵條軟硬恰恰好，略Q彈，滷肉味香，撈麵幾正，整體偏惹味香濃。小白菜脆口清甜，新鮮唔老；糖心蛋少少流心蛋偏濃稠，口感綿密滑順，好食；酸菜則爽口，有啲辣但唔會過鹹，good~✎ 花雕麻油雞湯 花雕味唔會太濃郁，亦唔會太淡嘅，花雕味同雞味結合，再伴隨枸杞嘅甜，配搭非常香口，味道冇衝突。都幾多雞肉，肉都相對大嚿～另外亦有幾嚿豆卜。最滿意係佢個湯，真係幾鮮美好飲！✎ 起司蛋

三人諗住試試，大雨喺門口排到，一張又一張二人枱走都唔識轉位俾俾人入。有張四人枱走，執晒枱都唔叫人入…..裡面啲職員望住我哋都唔理！太大雨喺出面等唔食喇不知所謂！

Lunch hour 長期要排隊嘅一間台灣菜，原來係Michelin推介嘅一間餐廳。今日2點左右黎到都要排半個鐘左右，排隊位係露天冇遮擋，舖頭竟然提供免費遮比排隊嘅人拎黎用，呢個服務都幾好。入到餐廳位置都比較逼，但勝在樓底夠高。餐廳主打滷肉飯，我地就一人叫咗一個滷肉飯餐，一碗排骨湯，再加一人一杯飲品。涼拌蒜泥豬頸肉餐先黎嘅係涼拌蒜泥豬頸肉，上到枱碟豬頸肉有啲似普通白烚肉，加啲青瓜條同涼拌醬。食落都真係有小小普通，比平時食開嘅蒜泥白肉冇咁入味。個涼拌醬其實幾好味，因為佢有落大粒啲嘅生蒜，所以會香啲。如果佢一早撈定或者再多小小醬會入味啲。另外佢亦有個麻辣醬，唔食辣嘅我點黎食都接受到，佢麻香多過辣。九層塔鹽酥雞餐即叫即炸嘅鹽酥雞，所以等得比較耐，但食咗第一舊就完全值得等。個炸粉唔厚，味粉份量啱啱好，咬落好juice，肉質好滑，係一份好好味嘅鹽酥雞！每舊都大大舊，份量好多，連埋碗滷肉飯，一個女仔係未必食得晒。滷肉飯滷肉飯大大碗，幾好食，面頭鋪滿滷肉同酸菜。但滷肉唔算好濃好咸，瘦肥肉都平均。雖然已經鋪滿，但都唔夠撈成個飯。但好在啲餸份量夠送飯食。藥膳排骨湯另外叫咗個排骨湯share，顏色好深，聞

收工同友人係荃灣搵野食~聽說有間台灣餐廳今年拎左米之蓮~ 即係去試唔太多人~排隊排左15分鐘左右我地叫左3樣野食台灣蒜片香腸:香腸有肉味,加埋蒜片一齊食味道好夾九層塔鹽酥雞 : 雞肉好Juicy 同好入味, 令人一口接一口藥膳排骨面 :藥膳湯底好濃有好香既肉味同藥材味, 入口藥材味唔會太重味回甘,飲落去好舒服排骨炆到好淋~骨肉分離排骨加小小腐乳食, 味道又提升左以台灣野食黎講呢間叫做正宗既台灣菜係台灣食既味道一樣~睇返關於呢間餐廳既報導老闆係台灣人,因為係香港搵唔到正宗家鄉菜先會想搞開店宜家係香港做飲食真係唔易!!加油!!! 

.台蔡滷肉飯 @taitsai.hk .香腸蛋餅 $42香腸蛋餅入面包住台灣腸 外皮偏厚似手抓餅🙌🏻.蒜香椒鹽蔬菜 $42蒜香椒鹽蔬菜係一月出嘅新菜式🥦雜菜包括四季豆、粟米筍同椰菜花🌽惹味又爽脆 仲有好多蒜粒！愛蒜之人必食啦🧄雖然有少少辣 但好香口！.評分💫：味道：3/5環境：3/5價錢：3/5.地址🚩：荃灣海壩街99號地舖

荃灣真係好多好嘢食，行去路德圍或者海壩街，都要揀好耐餐廳。今晚就揀咗食台灣嘢，成個月冇食過。❣️芝士肉鬆蛋餅餅皮係用手抓餅，好重芝士味，好好味呀🫶🫶❣️麻油雞套餐，湯底偏鹹，夠晒重口味，啱晒我😂啲肉已經煮到爛晒，就嚟到入口即化嘅地步，阿婆冇牙都食到👍❣️藥膳排骨湯麵湯底偏甜，我覺得好食過麻油雞，可能係口味問題😂肉都係煮到爛，無牙都食得。仲有一個腐乳醬，唔太理解點解咁配😂♦️整體來講份量足✔️味道唔錯✔️價錢合理✔️

平日lunch通常都要排隊，有日見冇咁多日所以排左一陣就入到去~同朋友share食，可以試多d口味九層塔鹽酥雞肉燥飯上菜好快，落左order一陣就有得食，值得讚賞，上班族都食得切(入到去先算)。鹽酥雞好香脆，做到外脆內軟，唔怪得知有fans~但係個飯做得唔係咁好，濕林林成pat野咁，唔係一粒粒米飯😳唔知係咪果日店員落多左水煮飯。肉燥都係普普通通。芋泥排骨肉燥飯芋泥排骨份量唔太多，味道正常發揮，冇特別驚豔既感覺，有d家常小菜既感覺。珍奶跟餐加錢飲珍奶係開心既，珍奶味道幾好飲，而且係外賣包裝，飲唔哂可以拎走~

📍台蔡滷肉飯 ⭐️大排長龍米芝蓮台灣菜係乜嘢驅使咁多人喺烈日當空之下排隊食呢間台灣菜？餐廳入選米芝蓮，都仲係平民價，仲要係台北主廚，滿滿嘅台灣風味😋可能就係咁多人幫襯嘅原因！✨ 爆蔥滷肉飯餐（糖心蛋） $58 👍🏻👍🏻👍🏻👍🏻滷肉偏濕潤，超級多，完全足夠撈到成個飯啖啖都係一半滷肉一半飯！加埋啲蔥好香！✨ 九層塔鹽酥雞餐 $73 👍🏻👍🏻👍🏻👍🏻呢一個鹽酥雞超級Juicy！外面酥脆，入面保留住好嫩滑嘅雞！🤤✨ 肉鬆起司蛋餅 $40 👍🏻👍🏻👍🏻👍🏻呢一個我個人好中意食！仲要拉絲～蛋餅係厚實嘅質感，佢係用手抓餅嘅餅皮～😋✨ 大腸包小腸 $40 👍🏻👍🏻👍🏻👍🏻超級厚實嘅大腸！感動係同係台灣食一樣味！🥰✨ 酥炸花枝丸(6粒） $36👍🏻👍🏻👍🏻好食，不過我覺得呢一個好似度度食都係一樣嘅味道～✨ 大紅袍珍珠奶茶 +$18 👍🏻👍🏻比較普通，有少少淡🤣✨ 黑芝麻珍珠奶茶 +$18 👍🏻👍🏻👍🏻呢個有驚喜😍估唔到黑芝麻可以咁夾，好香！鍾意芝麻嘅一定唔可以錯過！

👍🏻 芋泥燒排骨餐排骨燜得非常之軟爛 好容易就可以將骨頭同肉分開 加埋芋泥 質感好特別🥰滷肉飯充滿光澤 醬汁偏甜 肉嘅脂肪比例剛好 每一啖都好滿足👍🏻 花雕麻油雞湯麵食之前記得飲啖湯 融合咗花雕同麻香 香氣爆棚🎉上面嘅雞肉都俾得幾多 每一舊都係嫩滑 麵條帶有韌勁🍜👍🏻 玉米起司蛋餅記得要趁熱食！芝士可以拉絲 玉米粒清甜🌽蛋餅煎得酥脆👏🏻蛋香味濃👍🏻 台灣蒜片香腸一口蒜片一口香腸 絕對係最佳配搭🤭香腸外邊煎得焦焦脆脆 內裏充滿油香🐽蒜片有助解膩👍🏻 涼拌黃金木耳多數食黃金泡菜 原來黃金木耳都幾好味🙆🏻‍♀️味道微微酸辣 木耳爽脆！溫度剛剛好👍🏻 大紅袍珍珠奶茶茶同奶嘅比例剛剛好 有大紅袍嘅茶甘 建議叫少甜 珍珠煙靭🧋👍🏻 百香果鳳梨檸檬茶夏天必備飲品 百香果同鳳梨嘅味道酸酸甜甜 加埋茶底香濃 飲落非常清爽🍍注意事項⚠️- 店員服務態度非常友善 好親切嘅感覺🫶🏻- 店內座位唔多 繁忙時間或需排隊等候 大家要留意！

呢間台式餐廳真係好失望嘅，食物質素差到爆。第一，佢哋嘅價錢貴到爆，同其他台式餐廳比起嚟，佢哋嘅價格真係高到難以接受。但係，價錢高唔代表質素好，我哋叫嘅魯肉飯真係冇什麼驚喜。再者，食物嘅味道真係唔夠出色。我哋揀咗啲台灣特色菜，但佢哋嘅口感同味道都唔夠滿意。有啲菜太油膩，而啲菜就冇咩特色。佢哋嘅菜式真係令我哋好失望。另外，服務質素亦都唔係咁好。服務生冷冰冰嘅，冇咩熱情同埋用心。佢哋完全冇提供足夠嘅關注同埋建議。我哋都感到冇被重視，整個用餐體驗更加糟糕。總括嚟講，呢間台式餐廳質素真係差，價錢又貴，真係唔值得。我一定唔會推薦呢間餐廳俾其他人，因為喺香港仲有好多間更好嘅選擇，可以提供更好嘅食物同服務。

好耐之前要排隊食過台蔡滷肉飯，好不錯的用餐體驗，今日再訪，有新的菜式。12時已經要稍為等位，我用餐後排了一條人龍了。芋泥燒排骨餐（$80）燒骨好稔又入味，份量也不少，但芋泥則好少，最初以為上錯菜，但食落又有點芋蓉，可能跟我想像中的粵式芋頭菜式有好太分別，但味道還是不錯，套餐跟一個滷肉飯。台味滷肉飯（$52）這個飯可以選擇溫泉蛋或糖心蛋，大大的一碗飯，有幾棵小白菜，非常好，滷肉用心煮用心切，一小條一小條的看到有肥有瘦，旁邊的鹹菜又能提味，糖心蛋做得不錯，金黃流心又入味，怪不得有咁多忠實fans。

晏晝去排隊，條隊有四五家人等緊，睇住入邊有幾張枱都食完出咗嚟起碼10分鐘以上，都冇叫過人入去，其他人都忍唔住行入去問佢入得未，接待嘅前線員好似如夢初醒咁，一入到去有四張吉枱，外邊又曬又熱，唔明點解唔俾人入去坐住先。嘢食方面，湯麵冇咗牛肉麵，得返藥膳湯同埋油雞，呢2款都唔係特別好味，又唔係特別難食，嘢飲方面加$15就正常水準。蛋餅個皮係脆脆嘅，但個餡都係一般。可能對呢間餐廳期望比較高，之前食過亦覺得OK好味，但食過今次之後，覺得荃灣其實仲有好多台灣菜選擇，亦都唔會再幫襯。餐廳嘅食物當然重要，但氣氛亦都好緊要，入面所有員工冇一個有笑容，啲侍應好似烚吓烚吓咁，如果你哋下次去食，可以感受吓。

6點前入，無咩人，所以坐得都幾舒服。同事聚會傾偈都比較長。但店員都有禮，冇特別行埋嚟阻住你執吓嘢咁。所以印象都幾好。。叫咗三個餐，味道都算唔錯。價錢合理。性價比都高。

好耐未去過荃灣，睇吓有咩食咁就見到呢間垃圾， 我就問我朋友好唔好食佢極度建議我唔好食 因為佢試過好難食但我唔信啦，見幾多人介紹又台灣人打理點知就中伏勁難食，試過一次不了第一 煲飯竟然唔熟，成間餐廳都冇人知 生米，佢話同我換過碗，但都傻既，成間餐廳都係得一煲飯 換來換去又係生米第二萬年油 鹽酥雞承浸油益味仲話對煮野食有幾執着 幾又熱誠 賣曬廣告 呢d都係呃人 台灣人開，唉 當我地香港人水魚咁最慘係佢咁嘅質素仲要排隊 真係勸大家 唔好俾佢搵笨

第2次黎食，今次都係平日中午黎，等左10分鐘就有位。照叫返九層塔鹽酥雞餐，再加多個新菜式，涼拌蒜泥豬頸肉餐☺️，仲試埋兩杯新飲品，凍黑芝麻仙草奶茶，凍巧克力仙草可可。鹽酥雞依舊出色，唔會鹹，夠酥脆，亦都唔會好油膩。至於蒜泥豬頸肉，豬頸肉爽脆有彈性，唔覺有腥味，不過淨咁食就差啲，配埋佢個醬，辣辣地幾好食，個醬係無撈埋，分開上。滷肉飯加上酸菜一流，滷肉飯份量都算幾大碗，滷肉唔會鹹，撈飯岩岩好。至於飲品，黑芝麻仙草奶茶走左甜，但個黑芝麻好出，唔會乜味都無。巧克力可可少甜但都好香巧克力。下次可以試下啲蛋餅，個樣好飲都幾好食幾足料。芋泥燒排骨都係新菜式，但唔見有人食，所以唔敢試住，下次有機會先再試，menu個樣都唔差嘅