台蔡滷肉飯

营业中

休息中

琴日下午見完客，行過荃灣，見到間「台蔡滷肉飯」，心思思就入去食個下午茶。餐廳裝修簡簡單單，有啲台灣街頭小店嘅feel，燈光柔和，坐得幾舒服。花雕麻油雞湯麵 🤩🤩🤩🤩呢碗湯麵一上枱就聞到好香嘅花雕酒同麻油味，湯底濃郁得嚟唔會太油膩。雞肉煮得啱啱好，嫩滑得嚟唔會柴，麵條彈牙，吸晒湯汁嘅味道。整體嚟講，味道幾平衡，食完個胃暖笠笠，好適合呢啲涼涼哋嘅天氣。🍲大腸包小腸 🤩🤩🤩呢個台灣小食幾有特色，外層係糯米腸，入面包住一條香腸，口感層次豐富。糯米腸軟糯，香腸鹹香，加埋啲蒜蓉醬，味道更加突出。不過食多兩啖會覺得有啲膩，可能係因為糯米比較飽肚。整體嚟講，味道唔錯，但係唔建議一個人食晒成份。🌭茉香仙草奶茶 🤩🤩🤩🤩呢杯奶茶幾清新，茉香味突出，仙草滑溜溜，加埋奶茶嘅香濃，飲落好順口。甜度適中，唔會太甜，飲完之後口腔仲留有淡淡嘅茉香，幾舒服。呢杯飲品絕對係解膩嘅好選擇，食完嘢飲返杯，成個人即刻refresh晒。🧋「台蔡滷肉飯」嘅食物質素幾好，味道正宗，價錢合理，環境都算舒適。雖然唔係咩高級餐廳，但係勝在夠地道，食得出台灣嘅風味。如果你鍾意台灣菜，呢間絕對值得一試。下次經過荃灣，我都會再嚟食返碗花雕麻油雞

今個中午我行咗去荃灣台蔡滷肉飯食午餐，店入面環境整潔又明亮，燈光柔和到剛剛好，令到入到店嘅人都覺得好舒服😄。坐喺位上，背景音樂悠然低唱，氣氛亦十分平和，令人唔覺得時間匆促，好適合同友仔輕鬆傾下偈、慢慢享受個餐時光。【花雕麻油雞湯麵】 評分：🤩🤩🤩🤩呢碗花雕麻油雞湯麵以濃郁嘅湯底打頭陣，雞肉嘅清香同花雕酒嘅獨特氣息完美融合，麻油嘅滑順更令湯頭變得豐滿，吸引住食客每口都充滿驚喜。麵身彈牙之餘又唔失柔韌，湯中隱隱帶有香料味，令整體口感層次分明。每一口都令你感受到用心烹調嘅痕跡，係一個中規中矩但又令人滿意嘅選擇，極適合想喺平凡之中尋找點小樂趣嘅人。【涼伴蒜泥豬頸肉】 評分：🤩🤩🤩🤩🤩呢道涼盤以豬頸肉為主角，入口質地軟嫩且極易滑落齒頰，搭配上充滿蒜香嘅蒜泥醬汁，令到每一片肉都有咗層次感。肉片輕輕散發著醃製嘅醬香，經過細膩調味後，帶出一種微辣輕爽嘅感覺，刺激住味蕾而又唔會過份重口。加埋底下佐以新鮮蔬果點綴，不單止平衡咗油脂感，仲令整道菜睇落色澤繽紛，令人一見就有食慾，真係絕配開胃之選。【百香果鳳梨烏龍茶+寒天】 評分：🤩🤩🤩呢杯特調飲品係以烏龍茶為底，加上百香果同鳳梨果汁調配而成，先係香氣撲鼻，再

台蔡滷肉飯每次經過海壩街，都見這店人龍滿滿。今日實在太想念台灣滷肉飯，所以在午飯時間後(大約一點九)試試排隊，排隊在店外對出欄杆，要等六組才有得入，不過最後等了十五分鐘就入到店內，算快趣了。叫了九層塔鹽酥雞餐(鹽酥雞加滷肉飯)九層塔乾炸過，脆脆的，不過不太香鹽酥雞炸得鬆脆，外脆內嫩，炸的時間剛剛好，已將大部份油迫了出來，所以食了不太油膩，好好食，味道平均不太鹹。滷肉飯就非常地道，半肥半瘦滷肉，不太重滷味，味道平衡度很高，很易送晒成碗飯，正。王米起士蛋餅同滷肉飯一樣咁出色，外皮鬆軟但不易爛，內涵滿滿的粟米同芝士很飽肚，味不重，又係剛剛好，係近年係香港食嘅蛋餅中數一數二咁好食。可能會為了這個蛋餅會覆桌

冇滿座情況下叫外賣，等咗25分鐘，俾錢時又唔交代需要等得耐。等咗20分鐘問佢有得拎未，有個男店員聽完唔回應，再問第二次先淨係揮手表示未得，唔係期望要非常好嘅服務態度，但係正常溝通同交代都做唔到。如果有啲食物真係要等得耐嘅話，建議俾錢時同客人交代聲。明白做服務業好攰，但係應有嘅禮貌都要有。太多時間唔知做咩好推薦你去呢度叫外賣太好心情想挑戰吓自己都可以去Btw等左咁耐出嚟又唔覺真係太好食😅唔明有乜咁特別

而家香港入選米芝蓮係咪賣態度差？定係老闆想賣台灣人情味係差態度？之前試過堂食都覺得態度一般，提早15分鐘定幾多就叫人要起身走，話要十點收工，咁營業時間可以寫番早啲。而且，間鋪都幾大味。今日屋企人話嚟荃灣想試吓，所以係平台落定order, 等屋企人落車可以順便拎，到平台顯示可以取果時屋企人問店家，店家話未有，問仲要大概幾耐，又話唔知….再半個鐘又問下，都係未有，都係唔知幾時有….如是者等咗45分鐘，平台keep 住催我自取，於是再問店家，店員一粒聲都冇出行開，之後拎袋外賣黎態度好差咁銀一句「岩岩先有。」好似我仲爭佢錢咁黑晒面！叫個外賣自取都要等一個鐘遲晒，仲要食西餅。。。唔知係店家做唔切唔想被平台話delay禁定先又唔拿拿聲做左佢先，定平台出錯啦⋯⋯不過準備得都係耐，態度都係差….不過食物質素冇話好到要等咁耐食餐受氣飯….更加唔好代表香港入米芝蓮guide啦….鹽酥雞上次食好啲…而家偏油偏咸…蛋卷都仲可以…其他還好…

༘˚⋆𐙚 台蔡滷肉飯 荃灣米芝蓮人龍店🇹🇼連續2年入選港澳米芝蓮指南✨ 見到門口成日排長龍 今次終於嚟試吓─ ⊹ ⊱ what we had ⊰ ⊹ ─ᡣ𐭩 九層塔鹽酥雞平時最驚鹽酥雞鹹 但呢個鹽酥雞調味啱啱好 炸得酥脆！ᡣ𐭩 玉米起司蛋餅餅底夠曬脆 超級足料 好香蛋香ᡣ𐭩 藥燉排骨套餐一入舖頭就聞到陣藥材味藥材濃郁 清甜ᡣ𐭩花雕麻油雞湯麻油味比花雕味出ᡣ𐭩 滷肉飯係貼近台灣味道嘅滷肉飯！豬肉肥瘦適中 醬汁唔會太濃ᡣ𐭩 台灣蒜片香腸肥瘦比例適中 唔會過甜 蒜片微辣ᡣ𐭩涼拌蒜泥豬頸肉豬頸肉爽口 配上秘製麻辣醬汁提升層次ᡣ𐭩酥炸花枝丸呢款小食比較普通 可以更加彈牙ᡣ𐭩芒果多多綠 珍珠茉香奶茶 (跟餐加錢）

20/3/2025📍台蔡滷肉飯呢間餐廳上過米芝蓮嘅推薦 好多人都話好食💁‍♂️有次lunch 去過食都要排曬隊 要係餐廳對出嘅欄杆等 無得籌拎 就係要排隊果次餐廳好貼心咁比左幾把大遮比食客排隊嘅時候用好彩我哋平日夜晚去食就唔算好多人等 等左10mins就有位不過座位好窄 成日都要起身讓位比隔離過⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯✨九層塔鹽酥雞餐（$88）鹽酥雞嘅鹽酥味同九層塔香都差咗少少 雖然有好多嚿雞 但雞肉佔嘅部分唔多 層炸粉真係厚咗d😕滷肉飯都幾大碗 滷肉係半肥瘦 食落冇好明顯嘅肥膏感覺 加埋酸菜一齊食 就更加唔膩✨芋泥燒排骨餐（$98）排過上面放芋泥都幾有趣 可以中和排骨同埋啲汁嘅肥膩感 同埋口感豐富啲不過排骨就普普通通 唔夠嫩 勝在份量多同樣都係跟一大碗滷肉飯🤣✨肉鬆起司蛋餅（$48）手抓餅底再加肉鬆芝士聽到都知好好食 餅底夠曬脆 肉鬆多到瀉晒出嚟 每一啖都好滿足😍⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯最後埋單$226（冇加一）台灣菜好少做得唔好食 呢間都係正常水準 冇乜驚艷之處😌推薦指數🌟：3.5/5📍 荃灣海壩街99號地舖

呢間向荃灣已經屹立左幾年嘅台式餐廳，每次食飯時間都會見到長長嘅人龍，所以呢日同男朋友慕名嚟到試試。藥燉排骨套餐 - 湯嘅味道藥膳味唔算太重，飲落好順口，排骨都燉得好入味，滷肉飯嘅油味好香，而且豬肉肥瘦適中，每啖都好滿足。花雕麻油雞麵 - 冬天去台灣一定會食嘅麵，因為食完成個人會暖哂好舒服，台蔡嘅麻油雞麵唔算太重花雕味，所以飲落更加順口。涼拌黃金木耳 - 大讚，向台灣最愛食嘅黃金泡菜，竟然向香港可以食到一模一樣口味嘅黃金醬汁，喜歡甜中帶微微辣口味嘅，一定要試試。肉鬆起司蛋餅 - 佢嘅餅皮係比較厚身少少但咁先更加食到脆口嘅感覺，裡面嘅芝士仲可以做到拉絲效果，讚。鹽酥雞 - 雞肉非常嫰滑，炸得剛剛好，非常酥脆。

台蔡滷肉飯 一直喺荃灣相當受歡迎，仲連續2年入選 港澳米芝蓮指南✨，見到門口成日排長龍，今次終於都忍唔住要試下。🥗 涼拌黃金木耳 $38一入口即刻感覺清爽，木耳好爽口，醬汁酸辣得嚟唔會過火，非常開胃。仲加入咗蘋果同紅蘿蔔等蔬菜，增添清新感，呢個搭配幾有新意。🥦 蒜香椒鹽蔬菜 $42炸得表面微微焦香，但完全唔油膩，仲保持到蔬菜本身嘅水分。少少椒鹽令蔬菜甜味更突出，表面灑上嘅蒜粒亦增加咗香氣，成個配搭簡單又好食。🌭 台灣蒜片香腸 $35肥瘦比例適中，口感彈牙，唔會過甜，蒜片帶微辣刺激感，食落層次感更豐富。🍲 藥燉排骨湯 $56藥材香氣濃郁，湯頭清甜，材料超足。特別推薦點埋隨湯附上嘅辣味腐乳醬，配埋排骨一齊食，味道更惹味。🍗 九層塔鹽酥雞餐 $73鹽酥雞外脆內嫩，咬落仲爆汁，炸皮薄而脆，九層塔嘅香氣滲透其中，提升咗整體風味。椒鹽比例剛剛好，雞肉醃得恰到好處。🐖 涼拌蒜泥豬頸肉餐 $76豬頸肉爽口彈牙，蒜泥汁撈勻後略嫌單調，不過配埋附上嘅秘製麻辣醬就完全唔同，辣勁提升層次，令味道更豐富。呢款涼拌菜應該喺香港嘅台灣餐廳中較少見，感覺幾特別。🍚 滷肉飯（配九層塔鹽酥雞餐及涼拌蒜泥豬頸肉餐）滷肉飯醬

每次想食台灣野都會即刻諗佢，味道好份量足價錢又合理😋，所以成日都大排長龍，建議真係想試就揀平日6點半前去，過左6點半就多數要排隊。🥲🌼九層塔鹽酥雞滷肉飯餐非常推薦🥰鹽酥雞好酥脆香口，而且有好多嚿，食極都有haha😋滷肉飯就偏濕，我個人就好鐘意佢啲酸菜，辣辣地幾惹味🌼花雕麻油雞湯麵唔想太熱氣嘅可以食依個！我個人覺得麻油味比花雕出，但兩個味道係夾嘅，個湯幾清甜，啲雞肉都好嫩，清淡派嘅人可以一試～🌼大紅袍珍珠奶茶🧋最鐘意係佢依度食飯可以順路加錢飲廢水，飲過咁多次都覺得係有質素嘅，純粹配料就俾啲少啲，但咁嘅價錢係可以接受嘅～

完全唔理解點解咁多人排隊未食過咁難食嘅台灣菜叫咗一個藥膳排骨淡而無味，排骨一啲都未入味，亦都好韌。仲有一個鹽酥雞飯，我叫豪大大嘅都好食過佢，啲雞又乾啲粉又厚仲要調味仲衰過普通出面嘅鹽酥雞。態度又差明明舖頭有一半空位都要強制你坐嘅位置 呢間嘢貼錢俾我都唔會食，俾錢買難受。

食物還好，吾太差，價錢都算合理，但職員態度差，明明已經舉左手，要幫忙，地方又吾係大，都多職員，有2個職員已經見到我舉手，業左眼，都可以照樣走開，想黎再食既慾望，真心減少，話曬都要排隊好耐先入黎食，仲要得到甘既服務態度

台蔡滷肉飯🍚小妹波波素聞呢間台灣菜由開業到依家都大受歡迎，而且更得到米芝蓮推介。令一向都鍾意食台灣菜嘅小妹今日都趁著路過荃灣都要排隊幫襯吓～等咗大概15分鐘就可以入座，一坐低就見到左右隔離都唔係叫咗九層塔鹽酥雞套餐，就係花雕麻油雞湯套餐不過礙於小妹嘅Quote有限，所以今次只係試食咗“台蔡”嘅招牌菜九層塔鹽酥雞 + 玉米起司蛋餅😋💛💛💛💛💛💛九層塔鹽酥雞餐 + 凍珍珠苿香奶茶🍱🧋（$88）鹽酥雞外皮酥脆，內裡嘅雞肉口感嫩滑又Juicy！完全唔會嚡口嘅感覺滷肉飯飯底選用口感軟糯嘅台灣蓬萊米；而滷肉肥瘦比例亦非常啱小妹嘅口味不過小妹覺得滷肉汁質地太稀至於珍珠茉香奶茶，味道唔太甜，而且珍珠口感彈牙，唔會有咬橡筋嘅感覺🧋🧋🧋🧋🧋🧋玉米起司蛋餅🌽🧀（$38）口感有啲似食緊釀滿芝士同粟米嘅蔥油餅💛💛💛💛💛💛雖然食物性格比高，不過小妹覺得職員嘅整體嘅服務態度及禮貌方面真係差啲啲😢～📌：荃灣海壩街99號地舖

🐽爆蔥滷肉飯 $58可選溏心蛋/溫泉蛋兩款蛋都正滷肉飯味道正常不過爆蔥幾有新鮮感珍珠米整得好食另外有啲酸菜飯量好多仲諗住食完去食甜品結果食完個飯已經完左🤣🐣九層塔鹽酥雞 $42熱辣辣聽人講炸雞好juicy但我哋呢次就正正常常～油左啲啲🍹百香果芒果冰茶 $15少甜少冰寒天

去完台灣想再食魯肉飯，見到網上大讚依間食肆咁就黎左排隊試試佢。排隊都唔算太耐，可能等左廿分鐘就可以入座。整體職員都好禮貌..仲見到店舖有貼心準備太陽遮俾排隊既客人借用，不過食物完全令我哋失望。可能期望過高左..魯肉飯一心以為可以回味下台灣大稻程果隻味，點知食一啖就知唔係果回事….麻油雞湯麵啲麵既質感係可以嘅，只不過金菇豆卜係白烚擺上去完全無味，啲雞一食就知係雪藏雞煮到霉既質感但又唔係入味既霉。最尾希望蛋餅會好啲..點知係印度薄餅包住蛋嘅？🙃